صــــدمة مشــــــاعر

["بيطـــار نجـد"]

احيي الجميع
من اصعب المواقف ان يتخلى عنك اقرب الناس في اصعب المواقف
كتبت هذه الابيات وامل ان تحوز على رضاكم


ياللي تصــــد وهـــاجسي مستبيحه=لــد النظــر يا هيه ثوب الحيا طــــــاح
تعبت الـــــوح باليــدين الجــــريحه=واواجـــه الحالي عــواصيف واريـاح

قلبي على الافــكــار شب القـــريحه=ودمي على مكنـون جمر الهوى فــاح
اصبح زعيم الوقت وامسي طريحه=انهض وانادي بعالي الصوت يا صاح

يوم الزمان ابدى عليك الشــــحيحه=تعـــرف وقوفـي زين من دون ايضاح
واليـــوم ســـرت لعـــالم مسـتريحه=تبـعد .. وتـدري كـيف ما نيب مــرتاح

واللـي لـــعب لـه في حياة مـــريحه=مـــا هوب مثل اللي على زند وسـلاح
الــوقت علمــني و قــــدم نصـــيحه=وقــــدم عـــذاريبك وصــنفك بالارواح

وقف واخذها من ضميري صـريحه=بان حبــك للأســــــــف راح وانـــزاح
واليوم لا تطري الرقـــم والشـريحه=و امســح بقـــايا حـبنا بكـل الالـــواح

واذا طــريت بعطــــر وردك وريحه=اذكـــر وقفي يـــوم انــاديك يــا صـاح



بيطــــار نجــــد

[جراح العتيبي]

بيطار نجد



ليتك كتبت اسمك الحقيقي


في اخر القصيده


لانك مبدع


هيظت مشاعري


وظربت على الوتر الحساس


صح لسانك

[محمد بن دغيم السميري]

صح لسانك يابيطار نجد


نص جميل جدّاً

["بيطـــار نجـد"]

هلا اخوي جـــراح
شهادة اعتـــــز فيها
ومرورك اسعدني يا جراح

بالنسبة لاسمي الحقيقي
ان شا الله بعد كذا مشاركة
واذا حسيت ان مشاركاتي لها شئ من القبول
ابشر يا جراح

تحياتي
بيطـــار نجــد

["بيطـــار نجـد"]

هلا بك يا محمد السميري
وصح بدنك
انت مستشارنا
واذا قلت انه نص جميل
فانت تدفعني مئة خطوة للامام

بيطـــار نجـــد

[ناصر بن سعدي]

الغالي


بيطار نجد

بيض الله وجهك ..

ونص رائع...وأحاسيس صادقه ...


دمت مبدع ..

ولاتحرمنا من جديدك ..

[عــمـــر]

صح السانك , وعتلاااا شانك
قصيده جزله من راس جزل
وفعلاً رائعه بشكل كبير , ويعطيك العافيه على هالابداع :) ألي عيشتنا فيه في كل بيت
ويعطيك العافيه , ولاكن مثل ما قالوا الاخوان , يا ليتك كاتب اسمك الحقيقي .

الوقـت علمنـي و قـدم نصيحـه **وقدم عذاريبك وصنفـك بـالارواح
وقف واخذها من ضميري صريحـه** بـان حبـك للأسـف راح وانـزاح
واليوم لا تطري الرقـم والشريحـه** و امسح بقايا حبنـا بكـل الالـواح
واذا طريـت بعطـر وردك وريحـه **اذكر وقفي يوم اناديـك يـا صـاح

بيطار نجد ... هنيأااً لنا بك



تحياتي

["بيطـــار نجـد"]

ناصر بن سعدي
صح بدنك يا النشمي
وانت من الناس اللي احرص على مروره

اشكرك

بيطـــار نجـــد

["بيطـــار نجـد"]

صح بدنك يا عمر
والله انك احرجتني بكرم اخلاقك واطراءك اللي احطه تاج على راسي يا عمر
والله انتم رصيدي

بالنسبة للاسم
جاي جاي بس انا اشوف الانطباع العام
والقادم اكثر

لا املك ان اقولك انك اسعدتني بمرورك يا عمر

احلــ تحية ــى
بيطــتار نجـــد

[عبدالله المرشدي]

بيطار نجد



صح لسانك


وعلى شانك


جزله


احترامي

["بيطـــار نجـد"]

اخوي عبدالله المرشدي
صح بدنك

تواصلك من اهم ما كسبت مع هالقصيدة

بيطـــــار نجــــد

[ابن مسلم]

بيطار نجد



صح لسانك


وعلى شانك

[عـايض النفـيعي]

.


بيطــار


صح لســانك

ملاييـن ..


قصيده غير


وجـوّها غير


كـايفه مرّه ..


صح لســانك


سجـّل إعجــابي

وتقبّل تقديري


أخــوك


.

[الجوووري2]

تعبـت الـوح باليديـن الجريحـه
واواجه الحالي عواصيـف واريـاح

قلبي على الافكـار شـب القريحـه
ودمي على مكنون جمر الهوى فاح


روووووووووعه
صح لسانك وقلبك
ولا هنت ياارب


دمت بود

["بيطـــار نجـد"]

ابن مسلم

لك جزيل الشكر على المرور
وصح بدنك يالغالي

بيطــــار نجــــد

["بيطـــار نجـد"]

عايض النفيعي
صح بدنك
من ذوقك يالغالي
كلمات بالذات كان لها صدى قوي في نفسي
وتشجيعك يفرحني
ومرورك اسعدني
بالعربي ... انت رهيب

تقبل تحياتي
بيطــــــار نجــــد

[الشامخه]

القدير .. بيطار نجـــد ..

صح لسانك ..

واعتلااا شانك ..

ابدعت وتألقت ..

فالله درك ..

دمت ودام بوحك المتألق ..

لك التحايا ..

الشامخهـ ..

["بيطـــار نجـد"]

الجووري2

صح بدنك
مدري وش اقول امام ردك المميز
غير الله يخليك لنا يا الغزال الشمالي

ارق التحايا

بيطــــار نجـــد

["بيطـــار نجـد"]

الشامخهـ

صح بدنك
حضورك ومرورك يضفي على الموضوع بريق اخر وتألق باهر
اشكرك

تحياتي

بيطـــــار نجــــد

[قناص]

قلبي على الافكـار شـب القريحـه = ودمي على مكنون جمر الهوى فـاح
اصبح زعيم الوقت وامسي طريحـه = انهض وانادي بعالي الصوت يا صاح
يوم الزمان ابدى عليـك الشحيحـه = تعرف وقوفي زين من دون ايضـاح
واليـوم سـرت لعالـم مستريحـه = تبعد وتدري كيف ما نيب مرتـاح
واللي لعب لـه فـي حيـاة مريحـه = ما هوب مثل اللي على زند وسـلاح

استاذ يا بيطار نجد استاذ ... ما شاء الله عليك ...

قصيدة جميلة جداً جداً جداً ... الله يعطيك العافية ...


.

["بيطـــار نجـد"]

قناص
اشكر مرورك
واقدر حضورك

اشادتك وسام احمله بكل فخر

رأيك مهم
وانت والنعم

تقبل تحياتي

بيطـــــار نجــــد

[واحد من مطير]

ياللـي تصـد وهاجسـي مستبيحـه
لد النظـر يـا هيـه ثـوب الحيـا طـاح
ماني بناقد للأمانه
قصيده حلوه وتستحق المجاراه
ولكن بعجاله
الله يعين اللي عشـق له ملـــيحــــه
من شافها شاف البشر عقبها اشباح
بيـــــطار نجد وحب يالا الفضيحــــــه
هاذي مصيبه واختموهــــــــا بالافراح
قصيده رائعه يابيطار نجد

ومع السلامه

["بيطـــار نجـد"]

واحد من مطير

اشكر مرورك وردك
ومجاراتك حلوة
بس لو شلت الفضيحة و المصيبة منها ... حنا ساتر الله علينا
المفروض انك تواسيني يا خوك

على العموم
الف شكر

تحياتي
بيطـــــار نجــــد

[الذيب العتيبي]

صح لسانك أخوي بيطار نجد وننتظر جديدك

["بيطـــار نجـد"]

الذيب العتيبي

صح بدنك
امل اني كتبت ما يحوز على رضاك ويصل الى مستواك

مشكور ع المرور

اخـــــــــــــوك

بيطـــــار نجـــــد