المساعد الشخصي الرقمي

مشاهدة النسخة كاملة : قصيده بخصوص المنتدى

ذياب المرشدي
06-29-2003, 08:04 PM
يابدر بن عمي عسى عمرك يطول=معكم نبي حبل الشراكه نمده
في منتداكم ودي اصول واجول=ويشوقني صوت الحدا والموده
والناس ماتقبل سوى شخص مقبول=والا الردي عن منقع الطيب عده
وعبدالعزيز المرشدي قول وفعول=والمنتدى كله رماح معده

اخوكم /ذياب المرشدي
عبدالعزيزالمرشدي
06-29-2003, 08:09 PM
مرحبا بك اخوي ذياب نورت المنتدى وياهلابك

وبقية الاعضاء يستاهلون والكل يستاهل ولو انك احرجتني انا والاخ بدر

لانه لازم نرد عليك والله يعيننا نتاعون عليك ...

عموما مرحبا بك اخوي في منتدى الجميع ؛؛؛؛؛


اخوك /عبدالعزيز المرشدي
$$ الدولار $$
06-29-2003, 08:34 PM
ارحب يالله حيه


اشكرك اخوي على هذه الابيات والجميع يستاهلون


وانا الله يقدرني


وابشر بالرد


وتقبل تحياتي
عبدالعزيزالمرشدي
06-29-2003, 10:28 PM
حييت يالزاير على العرض والطول=والحبل للي جالنا مانشده

ومافيه صعب الا له حلول وحلول=واللي يقوم لماقف يصير قده

وانت اختصرت الدرب ياحول ياحول=والناس لاخذ حقوقها مستعده

فكر وانا بالرد ملزم ومسؤول=والحل واحد وسط شقراء وجده
ومن زل يرد الحق لو من بعد حول=ومن تاه عن درب العداله نرده



مع تحيات اخوك/ عبدالعزيز المرشدي
$$ الدولار $$
06-30-2003, 12:21 AM
ياذياب لحظه واستمع ويش اباقول=حاضر بحاضر مانبي منك مده
يامرحبابك بالنيابه على طول =امن الرياض اقولها لين جده
ترحيبةٍ يهرجبها كل مسئول= وتشف المريض اللي طريح المخده
واللي بقى قد كمله ابن مجهول=ومن ودنا ياذياب حنا نوده



مع تحيات اخوك / بدر المرشدي
ذياب المرشدي
06-30-2003, 09:11 PM
الأخ بدر شكرا جزيلا لك وماعليكم زود ،،،،

الاخ عبدالعزيز شكرا لك ،،،

الاخوان فالمنتدى ما اردت بذكر بدر وعبدالعزيز فالابيات تفضيلهم على غيرهم من الاعضاء والشطر الاخير من الابيات يشهد بذلك ،،،

وان حصل بعض الالتباس فيعلم الله عظيم تقديري وأحترامي لجميع الاعضاء .

وشكرا ،،،،،،،،،،،،،،،،


اخوكم / ذياب المرشدي
عبدالعزيزالمرشدي
06-30-2003, 09:38 PM
حياك الله اخوي ذياب ..


والمنتدى لك وكل الاعضاء خوانك والادنى منهم معزبك ولو انك في

محل الجميع ..

وماتلحق الشكات كود الرديين ..

ومدحك واضح زللجميع وياهلا باهل جده ..

وننتظر الجديد ..
$$ الدولار $$
06-30-2003, 11:25 PM
هلا اخوي ذياب الله يحييك وانا اخوك واعتقد ان كل شي واضح ولا في قصيدتك شي ممكن احد يقتبس منه اي شي غلط




مايلحق الشكات كود الرديين = والا ترى الطيب وسيع بطانه





على العموم اخوي ذياب صح لسانك على القصيده وماقصرت وحقك الشحم وانا اخوك


وتقبل تحياتي


اخوك


.............. بدر المرشدي.............
النـايــــــف
07-01-2003, 08:16 AM
يا هلا والله فيك أخوي الغالي ذيــاب المرشدي

وصح لسانك على هذي القصيدة الجزلة طال عمرك


تحياتي لك

أخوك ذعار
ذياب المرشدي
07-05-2003, 10:08 AM
(((((((شكرا للجميع )))))))


والشكر لله اولا وقبل كل شي ،،،،،،،،،،،،،،،،،،،،


والشكر للمشرف عبدالعزيز المرشدي

والاخوان الغالين بدر وذعار ؛؛؛؛؛؛؛؛؛؛؛؛؛؛؛؛؛؛؛؛؛؛؛

ولذعار رساله خاصه سوف يقرأها ان شاء الله قريبا وتحيه خاصه ياراع الفكسار ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛




اخوكم ذياب المرشدي (راع النياق المغاتير)
صقر الشيابين
07-02-2008, 03:31 AM
ونعم في المراشده وصح لسانك ياذياب ولد الذيب




تحياتي لك
صقر الشيابين
07-02-2008, 03:34 AM
(((((((شكرا للجميع )))))))


والشكر لله اولا وقبل كل شي ،،،،،،،،،،،،،،،،،،،،


والشكر للمشرف عبدالعزيز المرشدي

والاخوان الغالين بدر وذعار ؛؛؛؛؛؛؛؛؛؛؛؛؛؛؛؛؛؛؛؛؛؛؛

ولذعار رساله خاصه سوف يقرأها ان شاء الله قريبا وتحيه خاصه ياراع الفكسار ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛




اخوكم ذياب المرشدي (راع النياق المغاتير)

ونعم فيك يا راع المقانيص والمغاتير