ياناقل الهرج مالك فيه مصلوووحي

[عبدالله المرشدي]

ياناقل الهرج مالك فيـه مصلوحـي=مالك وماله تـروّج لـه وتمشيبـه
لوكنت صادق وتسعى فيه بنصوحي=انصح لراعيـه لا يكثـر عذاريبـه
ماكل علـمٍ تسمـع فيـه وتبوحـي=احفظ لسانك عن النمـات والغيبـه
اللي تخفا مـع الايـام مفضوحـي=سود الليالي صدوق العلـم تاتيبـه
راع النمايم يبوح بكل مـا يوحـي=مايصبح العلم في بطنـه ويمسيبـه
لاجا يخافت يقول الناس لا توحـي=عندي كلامٍ ولا ابغى الخلق تدريبـه
يبدي همومه على ماقـال وينوحـي=ويقنعك في هرجته باسلوب تكذيبـه
ماهو بصاحي يخلط الجد بمزوحـي=تعجـز تميـز حركاتـه والاعيبـه
مقطع اربع يجيب الهرج ويروحـي=بين الرفاقه يثيـر الشـك والريبـه
تلقى الحيا من سويد الوجه مشلوحي=يطلق لسانه ولا يخشـى عواقيبـه

[حنين الماضي]

شاعرنا المميز

لنا شرف المصافحه الأولى

لله درك على هذه الفاتنه

شاعرنا المميز

صح لسانك مدد لا عدد

وتقبل فائق التحايا

[ناصر بن سعدي]

شاعرنا القدير

عبدالله المرشدي



صح لسانك وبيض الله وجهك ,,’’

قصيده رائعه ..وجزله من جزل ,,’’


وتقبل تحياتي ’’,,

[الشامخه]

شاعرنا القدير ... عبدالله المرشدي ...

صح لسانك ..

وجاد بنانك ..

ودام بوحك ..

لك التحايا ..

الشامخهـ ..

[ا لـشـا مـل]

شاعرنا الراقي

عبدالله المرشدي



صح لسانك وبيض الله وجهك

على هذه الجزله واالرائعه

لاهنت

مع
اجمل المنى
شامل

[قناص]

صح لسانك يا عبد الله

كم قطعت النميمة من علاقات ، وكم اشاعت من فتن ، وكم فرقت من أحبة ...

لله درك على هذه القصيدة الجميلة والمعبرة ...

اشكرك ...

أخوك قناص ،،،


.

["بيطـــار نجـد"]

اخوي الشاعر المميز
عبدالله المرشدي
صح لسانك

جزلة من جزل يا الذيب

ما املك الا اني اشيد بها ... وبمعانيها
ليت كل من يسمعها يكف عن الغيبه والنميمه

واسمح لي بهذه المجاراة الخفيفة

صدقت يا المرشدي .. لو كنت ما توحي
....................................... قصيدك الجـــزل فــاح الطيب مـن طيبه
يبــرى خفوقـــن من النمــــام مجروحي
....................................... ويـــــردع قلـــوبن تبي تارد مشــاريبه
وراع النميمة تــرى قلـــبه كما اللـوحي
....................................... والا .. يبــا يــدري ان اللـــه يدري به
عبدالله ... انته كتبت الحــق بوضــوحي
....................................... ولاشـــك مـــاهو غريب بمنتدى عتيبه
رســالتك واصلـــه واسمـــاعنا تــــوحي
....................................... "بيطار نجد" يستمع لك وانته صحيبه

وجهك ابيض

احلــــ تحية ــى

بيطــــار نجــــد

[عبدالله المرشدي]

شاعرنا المميز

لنا شرف المصافحه الأولى

لله درك على هذه الفاتنه

شاعرنا المميز

صح لسانك مدد لا عدد

وتقبل فائق التحايا

حنين الماضي


الله يشرفك

وصح بدنك

لاهنتي

احترامي

[ابن مسلم]

صح لسانك


يابومرزوق


تحياتي

[عبدالله المرشدي]

شاعرنا القدير

عبدالله المرشدي



صح لسانك وبيض الله وجهك ,,’’

قصيده رائعه ..وجزله من جزل ,,’’


وتقبل تحياتي ’’,,


ناصر بن سعدي


صح بدنك

وعلى شانك

احترامي

[صهيل قلم]

ابدعت...


وتفننت...

في ..الوصف

والاحساس..

لاهنت

[عيضه العيسي]

ياناقل الهرج مالك فيـه مصلوحـي=مالك وماله تـروّج لـه وتمشيبـه
لوكنت صادق وتسعى فيه بنصوحي=انصح لراعيـه لا يكثـر عذاريبـه
ماكل علـمٍ تسمـع فيـه وتبوحـي=احفظ لسانك عن النمـات والغيبـه
اللي تخفا مـع الايـام مفضوحـي=سود الليالي صدوق العلـم تاتيبـه
راع النمايم يبوح بكل مـا يوحـي=مايصبح العلم في بطنـه ويمسيبـه
لاجا يخافت يقول الناس لا توحـي=عندي كلامٍ ولا ابغى الخلق تدريبـه
يبدي همومه على ماقـال وينوحـي=ويقنعك في هرجته باسلوب تكذيبـه
ماهو بصاحي يخلط الجد بمزوحـي=تعجـز تميـز حركاتـه والاعيبـه
مقطع اربع يجيب الهرج ويروحـي=بين الرفاقه يثيـر الشـك والريبـه
تلقى الحيا من سويد الوجه مشلوحي=يطلق لسانه ولا يخشـى عواقيبـه


صح السانك ولاهنت يالمرشدي
شاعرحكيم وقصيده وافيه
اتمنى لك التوفيق
وتقبل تحياتي !

[نعومــــي]

صح لســــــــــــــــــــــــــــــــانك

[ابن فانك]

شاعرنا القدير

عبدالله المرشدي



صح لسانك وبيض الله وجهك ,,’’

قصيده رائعه ..وجزله من جزل ,,’’


وتقبل تحياتي ’’

[المرجع]

الاخ عبدالله المرشدي

صح لسانك وبيض الله وجهك