ياسلامي عدماهبت من المغرب هبايب

[ابوخشبه القوبع]

ياسلامي عدماهبت من المغرب هبايب=ياالرجال اللي يشرفني ليا واحد قراها
الله ايكافي جميع الناس لوعات المصايب=والرجال الطيبه دايم تذري من ذراها

[الطوفان]

ابو خشبه القوبع

صح لسانك وانتظر الشاعر المقابل


تحياتي

[ابوخشبه القوبع]

الطوفان شكرا على المرور ولك مني التقدير ولاكن لماذا حذفت مشاركتي اذا كان القصد ماتبواحد يشارك عادي قولو ونكون على بينه

[السيف المهند]

مرحبا عداد ماصفت وما سارت كتايب=هذي الاولى وطبع الثانيه دايم وراها
انت قبل تكمل الطاروق في تاليه غايب=والسبب مجهول والصفحه ترى كلٍ قراها

[شاعر روق]

ابو خشبه صح لسانك يابن العم على مبداك الجزل
والمنتدى منتداك واعتقد ان اابو عبدالرحمن حذف المشاركه
لان نظام المحاوره بيتين بيتين ليست اكثر
والمبررات اكيد بيكتبها لك اخونا ابو عبدالرحمن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
السيف
صح لسانك
رد جزل من شاعر جزل

تقديري لكم

[ابوخشبه القوبع]

الرجال انواع وكثرهم يسدون النوايب=ونت مدري عارفه ولانعدك من حداها
ون ذكرت الثانيه فانته لشيخ القوم نايب=واصلن روس الجبال اللي يسرك مستواها

[السيف المهند]

خاطري من هرجةٍ تمشي على الوجهين طايب=مانلد العين في اللي باعها واللي شراها
ماش فرقٍ بيننا في دارنا ربع وحبايب=عز وذراع الرفيق وضد من دور علاها

[ابوخشبه القوبع]

الجنازه خلها ترقدتحت سودالنصايب=لاتلدالعين فيها يبتليك اللي بلاها
والردي ماينفعك لوهوكبيرالسن شايب=مانبا قرب العقارب والله انا مانباها

[الأســـد]

أبو خشبه القوبع
صح لسانك.... وبيض الله وجهك

السيف المهند
صح لسانك... وجهك أبيض

وأصلوا لاهنتوا

[الطوفان]

للتوضيح

الاخ ابوخشبه

المشاركة تحذف اذا تكررت أو اتت وراء بعضها بدون رد من شاعر

هذا من التنسيق والتنظيم . ولاهنت يابو خشبه. وياهلا فيك في جميع

الشعراء والمشاركين

تحياتي

[** راس حربه **]

ابو خشبه


والسيف المهند


ياسلام عليكم