المساعد الشخصي الرقمي

مشاهدة النسخة كاملة : ارررررررررررركد يابن مسلم ليلك ليل واستلم

الطوفان
03-01-2007, 03:50 PM
ارررررررررررركد يابن مسلم ليلك ليل

استلم ,,,,,,,,,,,,,,,,,,



ابن مسلم ليا عدا الحدود أطلق عليه النار= تجي حرب النجوم اسلاحها ذري وكيماوي

اقول يمين ذب الدرب لاكنه يروح يسار=ولا كفاه حلفه مع حسن باشا وعلاوي
العاصف
03-01-2007, 05:26 PM
الله
الله الله
الله الله الله
الله الله الله الله
الله الله الله
الله الله
الله
,
,
ابداااااااااع ابدااااااااع
,
,
،
صح لساتك يالطوفان///////وصح السان ابن مسلم
،
,
واصلوووووا


تحياااااااااااااااااااااااتي لكم
الدندون
03-01-2007, 05:29 PM
صح السان الطوفان $$$$وصح السان ابن مسلم مقدما



متابعين........متابعين


واصلوا
ســــMـــــدااح
03-01-2007, 06:49 PM
الطوفااااااااااااان بحر




ياسلاااااااااااام عليك وعتبرني في صفك
الطوفان
03-01-2007, 08:41 PM
العاصف
صح بدنك والله يحييك
نورت الصفحه بحضورك
تحياتي لك------------------------------------------------------------------------
الدندون
صح بدنك والله يحييك
نورت الصفحه بحضورك
تحياتي لك----------------------------------------------------------------------
ســــــــــــــــــــــMـــــــــداااااااااااااااا اااااح
ماعلاك زود
ويشرفني وقوفك بصفي
تحياتي
ذيب اللبايد
03-01-2007, 09:07 PM
اللييييييييييييييييل

صح السانك يالطوفان ولسان ابن مسلم

والحرب مدمره مادام فيها ذري وكيماوي

ههههههههههههههههههه

واصلووا
ابن مسلم
03-01-2007, 10:59 PM
هييييييييييييييييييييييه الله اكبر على الظالم
المعذره توني جاي للجهاز لاكن هاك إياها

إبن مسلم يبا يدخلك يالطوفان جوف شهار= علاك إسم الله أكبرياعدوالله يالغاوي
تراك أشغلت خلق الله بكثر الهرج يالثرثار= تعلمت اللكاعه عند صندقجي وغزاوي
ابن مسلم
03-01-2007, 11:01 PM
جميع الاخوان اللي شاركونا

كل واحد يستاهل من يردعلاه لوحده لاكن اعذروني وابقول حياكم الله

وعسى الله يخارجنا من كيماوي الطوفان عاد الجو الليله غبار
المشعلاني
03-01-2007, 11:03 PM
صندقجي هههههههههههههههههه

الله الله

صح لسانك يابو عبدالرحمن وصح لسان ابن مسلم وطاروق من بدايته مولع

الليل الليل

وانا في الصفين

تحيااتي,,,
ابن مسلم
03-01-2007, 11:05 PM
مشعلاني

الله يحييك ويبقيك الساعه المباركه اللي تشاركنا فيها
الطوفان
03-01-2007, 11:18 PM
هههههههههههه

طيب طيب استلم ,,,,,,,,



انا ماني عدو الله عدو الكفر والكفار=وعقلي متزن ماني سوات الضايع الهاوي

انا عمك وانا همك وفي حلقك كما المسمار= تغصص به يالين تموت ويغسلك برناوي
الطوفان
03-01-2007, 11:20 PM
المشعلاني

اررررحب وصح بدنك

تحياتي
المشعلاني
03-01-2007, 11:39 PM
برناوي ههههههههههههههههههههه

الله الله

والله انك صاير اقشر يامعلم الواحد يتجنبك ويدور السلامه ابرك ههههه
ابن مسلم
03-02-2007, 12:46 AM
هين هين

أنا عندي دواء المسمارشاكوش ومعه منشار= بشاكوشي أصكه ثم يصبح ملتوي ثاوي
ترى الطوفان يالشعار جايه مس وفيه قمار= عليه أقروا الفلق والزلزله أذنه يشاوي
ســــMـــــدااح
03-02-2007, 10:57 AM
الطوفاااان ياسلااااااام عليك


وبن مسلم رد وافي بس اطرحه يالطوفاااان



صح السنتكم يالشعااررررررررر


متاااااااابع اخرهاااااااااااا
ابن مسلم
03-02-2007, 11:46 AM
سداح

يالله حيه

وياكافي البلا أبك انتم وراكم كلكم ضدي لاإله إلا الله


هههههههههههههههههههههههه
ســــMـــــدااح
03-02-2007, 11:47 AM
الله يبقيك انا من ابضدك يالخوي

بس اباااا احمسك هههههههههه


والليل الليل
الطوفان
03-02-2007, 11:56 AM
طيب طيب




تريد الحق لاانته نافع الامه ولاانته ضار=تساحب ف الفيافي والفصيله ضب صحراوي

تسويلك دعواي ماتمشيها على الشطار=تصفق للهلال وتنقلب ولياك نصرواي
ســــMـــــدااح
03-02-2007, 12:07 PM
طيب طيب

تريد الحق لاانته نافع الامه ولاانته ضار=تساحب ف الفيافي والفصيله ضب صحراوي
تسويلك دعواي ماتمشيها على الشطار=تصفق للهلال وتنقلب ولياك نصرواي
هههههههههه طوفاااااان ياسلام عليك
اجل وش دعوااااه
الليل الليل يابن مسلم
ســــMـــــدااح
03-02-2007, 01:11 PM
الطوفا ن ابن مسلم راح ايتغداااااا

يقول ماعرف وانا جوعاااااااان


بااااااالعافيه ياباشاااااا هههههههه
ابن مسلم
03-02-2007, 02:02 PM
http://www.9q9q.org/index.php?image=hw3KmJaA5Z4ziH (http://www.9q9q.org/index.php?image=iJhiIFbeAMm)
الحمد لله والشكر له
تغدينا وعينا من الله خير وتفرغنا للطوفان
ســــMـــــدااح
03-02-2007, 02:05 PM
هههههههههههههههههههه ابن مسلم اثرك تنمي قريحتك


من اللي بسحله هذي هههههههههههههه الله يرجك



مهابيط العفا اي والله
ابن مسلم
03-02-2007, 02:06 PM
طيب يابوعبدالرحمن ضب هاه

تعقد للحبال الطايله حتى غدن قصار= تبا تنافس لراعي الذود ياذا الراعي الشاوي
تخير في حدى الثنتين تبا تمساح ولاجعار= عساك تصير تالي الوقت يالطوفان برماوي
ســــMـــــدااح
03-02-2007, 02:08 PM
ياسلاااااااام يااااااسلااااااااام


يارعي الذود
ابن مسلم
03-02-2007, 02:09 PM
سداح الله يعافيك والشر مايجيك

بس خلك قريب بعد المغرب ترى فيه زبيدي مطبوخ بحليب غنم

خل الطوفان تنقطع كبده علاه

هههههههههههههههههه
ســــMـــــدااح
03-02-2007, 02:12 PM
سداح الله يعافيك والشر مايجيك
بس خلك قريب بعد المغرب ترى فيه زبيدي مطبوخ بحليب غنم
خل الطوفان تنقطع كبده علاه
هههههههههههههههههه


عساك على القووووووه ههههههههههههه عسى هذا طبعك وحنا من ربعك

مير الطوفان يتعب على اللي تبشم الرجال ههههههه
الطوفان
03-02-2007, 02:35 PM
http://www.9q9q.org/index.php?image=hw3KmJaA5Z4ziH (http://www.9q9q.org/index.php?image=iJhiIFbeAMm)
الحمد لله والشكر له
تغدينا وعينا من الله خير وتفرغنا للطوفان


ههههههههههههههههههههههههههههههههههههههههههههه

وبك وبك

اثر هاذا اللي مخليك ترامع هاذا فياقرا البدو

الله يلوم اللي يلومك بعدها

الا ابا اعلن الانسحاب

انا اشوف الوضع فيه وفيه

ويتك ياشاعر روق تشوف اللي اشوفه


تحياتي
الطوفان
03-02-2007, 03:04 PM
اسسسسسسسسستلم


اجل والله مالومك بعد شفنا عندكم وش صار=وخلك عند عمك راعي ٍ للذود ومخاوي

ابا اسيب لك الثنتين وانت اختار لاتحتار=وتنقل من روابي نجد ونسميك مكاوي
ســــMـــــدااح
03-02-2007, 03:10 PM
ياااسلام عليك يالطوفان



متابع الابداع والحبك على معنااه


تحيااااااااااتي
ابن مسلم
03-02-2007, 05:57 PM
خلووووووووووووها
وإنتبه لرفيقك اللي دونك يبى يتعلم سياسة الربع ولايعرف لها ههههههههه

أنا عم الجميع ولاأعترف بصغار ولاكبار= ياراعي المنصب اللي مثل منصب بنت عشراوي
أعرف اللي يسل السيف واللي يلعب المزمار= وابن هذال يالطوفان مايشبه لفيشاوي
الطوفان
03-02-2007, 06:46 PM
خخخخخخخخخ

استلم



انا خابرك راعي قرش مايمشي مع الدولار=وفكرك ينتمي مع فكر شمطا بنت سعداوي

لك الله ماتفرق بينها لو طول المشوار= ولاتمشي لحالك مع ديارٍ ذيبها عاوي
ســــMـــــدااح
03-02-2007, 07:52 PM
ابن مسلم وووووش تقصد هههههههههه


الله يستر منك ههههههههههه
ســــMـــــدااح
03-02-2007, 08:15 PM
وفكرك ينتمي مع فكر شمطا بنت سعداوي

هههههههههههههه


الطوفان انا في صفك للحين بس فكنا من ابن مسلم لا يسري علينااااااااا

ههههههههههههههههههههههههههههههههه
ابن مسلم
03-03-2007, 05:03 AM
ابوعبدالرحمن أسف على التأخير توني جاي من الدوام
سداح اكفل رفيقك إذا كنت صادق
ههههههههه

أثرك اللي نكبة السوق ودهورربعنا التجار= تدور للطمايع من ورا روقي وبرقاوي
ضبطناك متلبس والجريمه نصب وسبق إصرار= وابا أحطك بغرفه والخفيرحسين عنقاوي
المشعلاني
03-03-2007, 02:59 PM
خخخخخخخخخ
استلم

انا خابرك راعي قرش مايمشي مع الدولار=وفكرك ينتمي مع فكر شمطا بنت سعداوي
لك الله ماتفرق بينها لو طول المشوار= ولاتمشي لحالك مع ديارٍ ذيبها عاوي



ههههههههههههههههههه ابك شمطا بنت سعداوي من وين جبتها

اهب يالطوفااان والله اللي ماينقرب

رح انا في صفك لين يعشينا ابن مسلم من الثرووب والله اني شفقان علاها :)
ابن مسلم
03-03-2007, 03:11 PM
ههههههههههههههههههه ابك شمطا بنت سعداوي من وين جبتها
اهب يالطوفااان والله اللي ماينقرب
رح انا في صفك لين يعشينا ابن مسلم من الثرووب والله اني شفقان علاها :)
المشعلاني
مادام مع الطوفان والله ماتذوقها أنت وياه
(( الثروب والبيض والزبيدي وحليب الخلفه شايله لين يجي صديقي ابوسعود_ شاعر روق الله يجيبه بالسلامه إن شاء الله
المشعلاني
03-03-2007, 03:59 PM
المشعلاني
مادام مع الطوفان والله ماتذوقها أنت وياه
(( الثروب والبيض والزبيدي وحليب الخلفه شايله لين يجي صديقي ابوسعود_ شاعر روق الله يجيبه بالسلامه إن شاء الله


هههههههههههههههههه يعني ان جيت في صفك تاتذوقنيها

طيب دقيقه ابفكر شوي
الطوفان
03-03-2007, 05:05 PM
معذور يابو ضيف الله مار سداح عتيبه يبا يزعل منه سداح مطير ههههههههههههههه .




لك الله مانكبها غار ابو مره وابو عمار=وذلحين غدى ميزانها ماهوب متساوي

ثروب الضب خلت ولد مسلم ضيع الافكار= يفكر ف الجبال يحطها في جيبه الخاوي
الطوفان
03-03-2007, 05:13 PM
المشعلااااااااني

ارررررررررحب خل عنك ابن مسلم والثروب هاذا تخلف

علاك بالهامبرجر وتشكن فرايز .

قال ثروب<<<<والله ميت علاها

هههههههههههههههههههههه

تحياتي
الطوفان
03-03-2007, 05:20 PM
هههههههههههههههههههههه

طيب بربها ابو سعود

هذا الخوف مرعبك مار ابو سعود مثقف ولا ينزل مستواه لمثل الاكلات هاذي .

تراها يقولون تسبب قرحة المعده خخخخخخخخخ

تحياتي
ابن مسلم
03-03-2007, 06:04 PM
هين ابا ابر ابوسعود بالثروب والبيض
وانت والمشعلاني علاكم بالشيز بيز ( حق الخواجات )

تغير لون وجهك يامكافي كن فيك صفار= هذا وانته ماجاك نجادوألاجاك بوشاوي
انا كنت احسب إنك من هل التوحيد والانصار= لاكنك للأسف ياصاحبي عودت بصراوي
الطوفان
03-03-2007, 07:38 PM
لقينا فيلم هندي والبطوله قادها سردار=ضحك منه الزبيدي والحجوري والمحياوي

انا ماني بمثلك يامحلل زيجة المسيار= تجامل كوندرايس والسبب حنان عشرواي
ابن مسلم
03-03-2007, 08:14 PM
أستغفر الله العظيم

خطب فيكم خميني وبالصلاه إمامكم كومار= تعاشرتوا وعوشرتوا وجاب الله حسيناوي
تحسب إنك تبا تمسي وتصبح كنك المختار= تلف العمه السوداءعلى راسك ياقرضاوي
الطوفان
03-03-2007, 09:06 PM
خخخخخخخخ


تقوله وانت سستاني تعد الخمس بالقنطار=ولايعجبك قول الحنبلي والشيخ طنطاوي

لكنك روح للكوفه عشي والطم مع الزوار=وصيح ونوح عند القبر واشمت حظ الثاوي
شاعر روق
03-03-2007, 09:09 PM
لا اله الا الله محمدا رسول الله
لعب كايف وجبال شاهقه والتقت قممها
صحت السنتكم على هذا الحماس واللعب الجزل
مار دام ان الجوع لاحقني فاللضروره احكام وعرض ابن مسلم مغري
والثقافه تركناها يابو عبدالرحمن مانباها خلها تنفعك
ههههههههههههههه
الطوفان
03-03-2007, 09:23 PM
لا اله الا الله محمدا رسول الله
لعب كايف وجبال شاهقه والتقت قممها
صحت السنتكم على هذا الحماس واللعب الجزل
مار دام ان الجوع لاحقني فاللضروره احكام وعرض ابن مسلم مغري
والثقافه تركناها يابو عبدالرحمن مانباها خلها تنفعك
ههههههههههههههه



ههههههههههههههههههههههههه

ارررحب يابو سعود

وبك تبيع الصحبة على شان ثروب ابن مسلم

هاذم تسبب تسمم الدم على طول انتبه لايغشك

تحياتي
ابن مسلم
03-03-2007, 10:01 PM
وين راح صحيبك سداح مطير

إستلم وانت والله مافيك حيله

علاه إشهد ياشاعر روق يدينه لاتنوش الحار= ترا من بعدهاذيه يصير الرمي قشعاوي
وإلا يالمكرمي لاتقرب لتكريت والأنبار =تصير طحين في إيدين الذياب عيال عشماوي
ابن مسلم
03-03-2007, 10:28 PM
ابوسعود
ياهلا ومسهلا من ممشاك لياملفاك أقلط الله يحيك واعذرنا على القصور
http://www.9q9q.org/index.php?image=etzz0y20YKOJpO (http://www.9q9q.org/index.php?image=8A6ZYWrvqVv)
المشعلاني
03-04-2007, 02:13 AM
له له يابن مسلم وحنا مايحصلنا شي من الثروب ولا من الزبيدي مهب هي ياولد ههههههه

ابك سداح مطيري ولا عتيبي؟

ابك انتم علامكم حذفتوها على المذاهب هههههههههه

وصلتوا لكربلاء والنجف يالليل منته ليله
الطوفان
03-04-2007, 07:25 PM
بدري علاك ياانا يانت ههههههههههه



لنا زرنا منى نرمي على الطاغوت سبع احجار=وحكام العرب مافكرو ف اسياس زيناوي

انا مكرم حشيم ولا عليه منك ياغيفار= تموت من القهر من شدت الطاعون والاوي
ابن مسلم
03-04-2007, 08:11 PM
الله يعينك على بلواك
هههههههههههههه

علاك أمطر خيالي بالبرد ثم إقتفاه إعصار= تلوى بالسلم من قوة الإعصار وتصاوي
يدور الحول فوقك وانت هرجك كل أبوه إخوار= أصم وملتوي الجنبين والعينين حولاوي
غمــــــــــوض
03-04-2007, 08:59 PM
ابن مسلم

0

0

الطوفان


عز الله طرق كايف لعب علاه ضيدان ابن قضعان وصياف الحربي إن ماخانتني الذاكرة

في مبدى للحربي يقل بوه

طويل العمر وصاني على ضيدان ابن قضعان=
يقول إليا لقيته سلمّه ضابط خفر جوده

وهي محاورة جزلة حيل كان لقيتها وضعتها بين أيديكم في ذا
وياهلا
الطوفان
03-04-2007, 09:45 PM
خخخخخخخخخخخخخخخ

استلم


انا مثل الجمل حول على عشرة نياق عشار=ولايمطر مطرك الا على ارضك يالفرنساوي

ابسلخ جلدك القاسي وابشنكرك بالشنكار= تقسم لليتاما عادتي ماني بدنياوي
الطوفان
03-04-2007, 09:46 PM
غموض

شكرا على المرور

تحياتي
ابن مسلم
03-04-2007, 10:15 PM
ييييييييييييييييييييييييييييه

يهدرزريق في وسط المراغه بارك ماثار= يبا من يشحن الماخوذ بالشاحن أبوكاوي
الاياتيس عنتر رحت تيس وجيت لِك بجْفاَر= تباها هيك وجاتك هيك يامردود ياحاوي
ابن مسلم
03-04-2007, 10:16 PM
غموض


شكراًلك على تواجدك
الطوفان
03-04-2007, 10:58 PM
اسسسسسسسسسسسسسسسستلم



اصكك مار ماتطعم قهرتك بالله القهار=ولوانا مع المجحود لاترحم ولاناوي

لكن الضرب ف الميت حرام ومثل دق الطار=لكنك شيل حملك فى الظهر يالسارح الضاوي
ابن مسلم
03-04-2007, 11:24 PM
ابوعبدالرحمن المعذره والسموحه ترى الدعوى كلها مزووووح
لاكن دوك. دووووك

عساك إيصكك اللي شاربه بيره وبطل سكار= بمشعاب بدويٍ من يدين العبد بقعاوي
انا ماارضىعلاك افرح الجهنان هم ومطار= وانا إدري إنك وسيع بطان ومملوحٍ وتيماوي
الطوفان
03-05-2007, 12:22 AM
هههههههههههههههههههههههه
اخذ راحتك يابو ضيف الله

بعد ماعودت دعوه نبا نضفي علاك استار=ونختمها بمسك وترجع السيره على الراوي
لكن استغفر الله يابن مسلم والله الغفار=وسامحني وانا اسامحك خل العدل متساوي
ابوضيف صح السانك والله مالومك معتشي من ثروب الضبان من يناحيك
سعدت بالمحاوره معك وتصبح على خير
تحياتي لشخصك الكريم ولجميع من شاركنا وتابعنا
ابن مسلم
03-05-2007, 04:12 AM
أبوعبدالرحمن

صبحك الله بالخير

واستغفر الله العظيم من كل ذنب وخطيئه والله يسامحك ويبيحك دنيا واخره


تبى الصراحه لوماختمت بخير كان ناوي اليوم اجيك بجاهيه وانا ادري اللي وزك الشعلاني

يبى ثروب والزبيدي مارماحصل شي بس هالحين اكلوا اللي في الصحن كله عساه بالعافيه

هههههههههههههههههههههه[/align][/size]
ســــMـــــدااح
03-05-2007, 01:55 PM
معذور يابو ضيف الله مار سداح عتيبه يبا يزعل منه سداح مطير ههههههههههههههه .

لك الله مانكبها غار ابو مره وابو عمار=وذلحين غدى ميزانها ماهوب متساوي
ثروب الضب خلت ولد مسلم ضيع الافكار= يفكر ف الجبال يحطها في جيبه الخاوي


ههههههههههه الطوفان الله الله
ســــMـــــدااح
03-05-2007, 02:09 PM
وين راح صحيبك سداح مطير

إستلم وانت والله مافيك حيله

علاه إشهد ياشاعر روق يدينه لاتنوش الحار= ترا من بعدهاذيه يصير الرمي قشعاوي
وإلا يالمكرمي لاتقرب لتكريت والأنبار =تصير طحين في إيدين الذياب عيال عشماوي

ابن مسلم اذ عينت سدااح مطير سلملي علاااه وقله الميداان يااحميداان ههههههههههههههه