(( قصـيـدهـ تبـتسـي ))

[عزوتي عتيبه]

بسم الله الرحمن الرحمي
السـلآم عليكم ورحمة الله بركاتـه
اليـوم جاي ومعآي قصـيده صراحتـن آعجـبـتنـي ومادري منهـو شاعـره
والقصـه واحد كآن يحـب لـه بـنت واتركتـه وقابله بعد كم سـنه ولآ عرفته
وكتب هالقصـيدهـ
شفتها يا سعود صدفه بعد ما غابت سنين *** عند قسم المختبـر وسط مشفى الجامعـه
جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه
قالت انته تـحسبني من بنات صايعين *** تـحسبني في زماني عن طريقي ضايعـه
قلت انا ماراح اطـول كلبوها كلمتين *** وابعـدت عني شويه ثم جتنـي راجعـه
قالت اسال واضح انك من رجال طيبين *** بس هرجك يالسنـافي كان وشهو دافعـه
قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه
عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه
اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه
واذكر انـه عاشـق الورد والياسمين *** وصار قلبي بالـورود اللي عشقهـا زارعـه
طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه
قاطعتنـي بقولها سبحـان رب العالمين *** كـررتـها مـره .. ومرتين .. ورابعه
قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه
قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه
قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه
قالت ظروف الزمان ماتطيـع العاشقين *** بيعونـي غصب حبك لو هو ماني بايعـه
انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه
زوجوني غصب واحد وحرموني حاجتين *** السعاده فـي زمانـي والحيـاه الرائعـه
والحين انا ام لثلاثه ريـم وياسمين *** والولد اسمه على اسمك والمشاعـر جايعـه
وسـلآمتكم

[النـايــــــف]

صح لسانك اخوي عزوتي عتيبه

وصح لسان شاعرها


وبيض الله وجهك يا الغالي


على هذا الاختيار الرائع


تحياتي لك ،،،،

[تركي ابن خالد]

صح لسانك واعتلا شانك

قصيده اتعب وانا اقول رووعه

الله لايهيينك على هالابيات
ـــــــــــــــــــــــــــــــــــــــــ
م
و
د
ت
ي

[وحش عتيبه]

صح لسانك ولا هنت



تحياتي

[عزوتي عتيبه]

النــآيـــــــف

( تـركــــي )


وحش عــتــيـبه


اشكركم على المرور الرائع

وتقبلو تحيآتي ..........

[}{~متواضع~}{]

صح السانك ولاهنت يالغالي على الابيات الرائعه,,,,


تحياتي,,,,

[مستر عتيبي]

صح لسانك اخوي عزوتي عتيبه
وصح لسان شاعرها
و الله يعطيك العافيه

[بنت* عتيبة]

صح لسانك عزوتي عتيبة ابيات رائعة

[حسام هوازن]

مشكور على القصيدة