المساعد الشخصي الرقمي

مشاهدة النسخة كاملة : فكرهـ بسيطـه

عزوتي عتيبه
02-22-2007, 02:41 PM
اليـوم عـندي فكـره بسيطه وحبيـت انكم تشاركـوني
والفكره كـل واحد يكتب قصـيدهـ آعـجبتـه ودايم يقـوله
وانا بنسـبه لي آنا دايم اقـول قصـيده الشاعر عبدالله بن عـون
واتركم مع القصـيـده واتمناء مشاركتم معاااااااي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،

يامل قلب يسج وفيه دولاجه=من هاجس بالضماير قام يدرجها
في معزل عن جميع الخلق وازعاجه =ما اسمع من الناس لوتكثر لجـالجها
ماغير اهوجس تقول مضيع حاجه =آخذ واسند على روحي واهرجها
وادوج لوكان مارجلي بدواجه=ادلّه النفس لين الله يفرجها
يالله يالي بيدك الضيق وافراجه=ياخالق الخلق ياقاضي حوايجها
تفرج لعين الذي أغفت بسـوهاجه=تجهز عليها الطواري لين تزعجها
بالصدر ضيقه ونوم العين هـملاجه=عيني من العام والسهر متولجها
نوب سهرها شديد ونوب نهاجه=ومر تكن الدموع ومر تزعجها
عليك ياللي بقلبي كن وهاجه=وهاج نار هوى الغربي يسارجها
أبو ثمان تشاد اللولو لعاجـه=كن البرد يوم يضحك في مفالجها
ياروح روحي وجرح القلب واعلاجه=تلطف بحال عليك الهم ساهجها
قلبي يناجيك بسلوب الهوى .. ناجه=يشكي لك الحال داخلها وخارجها
اما التفت لي وتم الوصل بمواجه=والا بلا عشرة هذي نتايجها
وش ينفعك من حنين القلب وخلاجه=وجروحي اسبابها انت ولا تعالجها
بدر الروقي
02-22-2007, 07:41 PM
فكره رائعه يابن العم

وبصراحه هذي بيوت عجبتني



من شان يوسف ماحسبت الفواتير = والله مارضى للعتيبي غليبه
سلم على قحطان واسحب على مطير = وقفاتنا دائم عليهم صعيبه



تحياتي ...!!
سندريلا عتيبه
02-22-2007, 07:45 PM
مادام موقفنا خطير وحامي
ماعاد فيها غير اشد حزامي
ماعاد فيها ودي ولا ودي
الموت خلفي والبحر قدامي
سندريلا عتيبه
02-22-2007, 07:47 PM
عااااااااااااااااااااااااااااااش يووووووووووووووووووووووسف
سلطان القثامي
02-22-2007, 08:07 PM
تمر بخيالي بعض الافكار واكتبها****مثل ما يمر من الزجاجه شعاع النور

وانا اللي جوانب فكرتي يوم اكملها****يصير الورق عش القلم والقلم عصفور

كبرنا وشفنا والليالي عرفناها****توافيق وحظوظ رياجيل تلعب دور

وانا قادر اغني معاهم واشاركهم****وحظي معاهم طيب ولا عليه قصور
MR_MAJED
02-23-2007, 01:28 AM
فكره رائعه بصراحه ومشكوووووووووور


انفكت السبحة وضاع الخرز ضـاع وبغيت ألمه يا سليمـان وازريـت
صار الذهب قصدير والورد نعنـاع أنكرت ريحه مختلف يـوم شميـت
البـاب طايـح والمساميـر خـلاّع والحَبّ فيه السوس والفار في البيت
أمسيت أكيل الراى بالمد والصـاع قست الأمور وعفتها مـا توريـت
لا فاقد الحيلـة ولا قاصـر البـاع ويا الله يامـولاي فيـك استغريـت
الذيب رزقه فـي مياديـن الأرواع وانا برزقي فـي زمانـي تعنيـت
وانا مربّى مـن زمانـي ومطـواع ربتنـي الأيـام حـتـى تربـيـت
النـايــــــف
02-23-2007, 01:04 PM
يعطيك العافيه اخوي عزوتي عتيبه


على هذا الموضوع الرائع


تحياتي لك ،،،،
عزوتي عتيبه
02-23-2007, 02:27 PM
اشكركم على المرور الرائع
وإنشاءالله رآح يـــــــــفوز يـوسف ويتااااااااهل فهد ونقـــــــول
عااااش فهد ويـوسف
ولآتنـسون تكثـفون التصـويـت لفهد ترى فهد ينخاااااااااااااكم
ولكم تحيآآآآآآآآآتي....
شيخ سنام
07-02-2007, 02:33 AM
انا طال عمرك ماعندي قصيدة

انا ياطويل العمر جاي ارد على رسالتك الي تقول فيها انك معجب بالنك

لاني حاولت ارد رساله وطلع عندي مشاركاتك لابد ان تتجاوز 75 قلت

مالي الاادور موضوع لخوي عزوتي عتيبة ولبي طلبه وقول الرساله وصلت والنك وراعي النك تحت امرك
عبدالرحمن الحمد
07-02-2007, 04:10 AM
اشكرك يا القرم على الفكره

ابيات لـ شاعر محمد جارالله السهلي


لا صرت بايعني اشوفك على خير = مع السلامة دام مابه سلامــــــــــة

قلت انتهينا قلتلك خــــير ياطير = ماني بأول شخص يخسر غرامة

محذرك من قبلها الف تحذيـــــر = لاعفتني بيعيف قلبي هيــــامة

ماني بميت لا ولا احتاج تبرير = صح الله لسانك ووفـــر كلامة

بسمعك حبكة وفكرة وتصوير = وافهم عدل يامدعي بالفهامة

وجة الشعر ابيض ويحتاج تغيير = ودي تزين هالقصـــــيدة علامة

ماضيك الاسود بذكرة دون تقصير = كذا يكون بخد هالشـــــعر شامة

يصدق معي تعبير ويخون تعبير = ياضيعة الشاعر بوقت انسجامة

يمكن خطا ادونك بالشعر مير = لو ماحترمتك للغرام احترامة

ماكان حبك غير بس طعنتك غير= علمتني معنى الندم والنـــــدامة

ماجاك مني اي زلة وتقصـــــير = كل ماخطيت اعاتبك ببتســـامة

حسبي على الذكرى اذا هبت عصير = ماعــــــــــاد تنفع شرهتي والملامة

البال ظامي وقتها والحزن بيـــــــر = خسرتك وهمي كسبت اهــــــتمامة

والليل فازعلك كذا جاني مغـــــير = ظلمتني واكثر ظلمـــــــــني ظلامة

لاقبل علي اوحيت صوت المسايير = وفزيت كل ضيف يقوم بمقـــــامة

وليا عزم هالليل ضيقة وتفـــــكير = قلي بربك كيـــــــــف بقدر انامة

مافية داعي للعتب والمعاذير = الغدر خال الجرح واطيب عمامة

اما يجيب الله مطر تالي وخير = ولا السلامة ماش مامن سلامة
الرومنسي
07-09-2007, 08:45 PM
اخوي عزوتي عتيبه

صح السانك

يعطيك العافيه

تحيتي
رائد الشيباني
07-14-2007, 07:50 PM
مشكور على الموضوع واتمنا لك التوفيق