من قائل هذا البيت ؟؟؟؟؟؟؟؟؟؟؟؟

[MR_MAJED]

السلام عليكم ورحمة الله وبركاته

صبحكم / مساكم الله بالخير ياأبناء العمومه

اتمنى من الاخوة افدتي بمن قائل هذا البيت واذا كان فيه تعديل

واذا كان في احد يعرف القصيده كامله او ابيات منها يفيدنا

وجزاكم الله خيرا

[MR_MAJED]

عفوا نسيت اقولكم البيت يلعن ام اللحسه خخخخخخخخخ

البيت او البيتين يقول :

انفلت السبحه وضاع الخرز ضاع ... ازريت اللمه يامحمد ازريت

صار الذهب قصدير والورد نعناع ... انكرت ريحته يوم شميت

[انا عتيبي]

السلام عليكم :

-من روائع الشاعر الكبير بديوى الوقداني رحمه الله

انفكت السبحة وضاع الخرز ضاع

وبغيت ألمه يا سليمـان وازريـت

صار الذهب قصدير والورد نعناع

أنكرت ريحه مختلف يوم شميـت

الباب طايـح والمساميـر خـلاّع

والحَبّ فيه السوس والفار في البيت

أمسيت أكيل الراى بالمد والصـاع

قست الأمور وعفتها ما توريـت

لا فاقد الحيلة ولا قاصـر البـاع

ويا الله يامولاي فيـك استغريـت

الذيب رزقه في ميادين الأرواع

وانا برزقي في زمانـي تعنيـت

وانا مربّى من زمانـي ومطـواع

ربتنـي الأيـام حتـى تربـيـت

[محمد العتيبي]

مستر ماجد
صباح او مساء الخير
القصيده للشاعر الكبير بديوي الوقداني
واليك ما لدي من القصيده

انفكت السبحة وضاع الخرز ضاع=وبغيت ألمه يا سليمـان وازريـت
صار الذهب قصدير والورد نعناع=أنكرت ريحه مختلف يوم شميـت
الباب طايـح والمساميـر خـلاّع=والحَبّ فيه السوس والفار في البيت
أمسيت أكيل الراى بالمد والصـاع=قست الأمور وعفتها ما توريـت
لا فاقد الحيلة ولا قاصـر البـاع=ويا الله يامولاي فيـك استغريـت
الذيب رزقه في ميادين الأرواع=وانا برزقي في زمانـي تعنيـت
وانا مربّى من زمانـي ومطـواع=ربتنـي الأيـام حتـى تربـيـت
وعسى ان اكون وفقت في الاجابه على ماتريد
تحياتي

[بدر الروقي]

ماقصروا الأخوان

[إبن ثعلي]

بيض الله وجيهكم كلكم
تحياتي

[MR_MAJED]

الشكر موصول لك ياأخ انا عتيبي وياأخ محمد العتيبي وبصراحه ماقصرتو وبيض الله وجيهكم ياعيال العم ولاخلا ولاعدم

[انا عتيبي]

تامر على رقبتي يا مستر ماجد ولد عم وسميي بعد...............

[النـايــــــف]

بيض الله وجهكم يا انا عتيبي ، محمد العتيبي


على إيراد القصيده كامله


تحياتي لكم ،،،،

[ناصر بن سعدي]

بيض الله وجيهكم

يا

محمد العتيبي

و

أنا عتيبي

على التجاوب ..وإيراد القصيده ...


ونشكر مستر ماجد على سؤاله ..


ودمتم بخير ..!!

[MR_MAJED]

لا خلا ولا عدم منكم كلكم