((أبيات يتيمه لمنتديات عتيبه)) [الأرشيف]

حنين الماضي

02-03-2007, 05:26 PM

بعيداً عن المقدمات الطويلة
ما دون السبعة أبيات لا يعتبره أهل الشعر قصيدة
ولكل ٍ منا أبيات يتمية لم تكتمل يوماً
بعضها مُلقى في الأدراج بين الرفوف في الجامد من الأوراق
وبعضها لا ينفك يعود بالذاكرة ويحاصر الحضور
وبعضها يمتد للروح لجماله فيما نحتضن النرجسية فيها ونخرس ألسنتنا عن أحقية التكملة
وربما وجودها منفردة أجمل
فهي لا تريد الاكتمال لأنها مكتملة
هنا أنت وأبياتك مدعوين للحضور
لا تبخل ولا تتردد في سرد مالم يكتمل
والدعوة عامة للجميع
وأنا أولكم
((غالي الشوق))

النفس مالت هزهـا تالـي الشـوق=والقلب مالي فيه أنـا اليـوم حيلـه
والعين هلت دمع من صافي المـوق=تبكـي وتبكـي كــل عيناًعليـلـه
والشوق ساق القلب بالغصب له سوق=ماهو بكفيـه رجلـه اللـي تشيلـه
تقبلوا فائق الود من أختكم / حنين الماضي

حنين الماضي

02-03-2007, 05:33 PM

((الهواجيس))

البارح أمسى في الهواجيس سهران=يسامـر النجمـه وقلبـه عليلـي
يقول قلبه من عنا البعـد حيـران=تائه غرير ولا لقـى لـه مقيلـي
جيته على غفله وشفته بالأعيـان=وعرفت دربي ما يبي لـي دليلـي
وقريت شعراً له بعذبـات اللحـان=تشفي غليله ثـم تشفـي غليلـي

حنين الماضي

ابن مسلم

02-03-2007, 05:36 PM

اختي حنين الماضي

صح لسانك ابيات جميله

ولاكن يجب ان يوضع لها قسم خاص وهذا ماسوف نناقشه مع الاداره

تحت مسمى (ابيات لم تكتمل)

شكراًلك

حنين الماضي

02-03-2007, 05:42 PM

أبن مسلم حياك
والنعم فيك وفي إقتراحك

تقبل فائق الود من أختك

حنين الماضي

02-03-2007, 05:45 PM

مبروك تتويج القصيده على الكل=أبيات شعراً تعجب اللي قراهـا
أبيات موزونه عن الكسر والخل=قصر المحبه مبتني في ذراهـا
جبت المعاني وافيه ما بهـا زل=مثل النجوم الساطعه في سماها

حنين الماضي

زبن القاضي

02-03-2007, 05:46 PM

حنين الماضي

شهاده من القاضي

انك شاعره متمكنه وخير الكلام ماقل ودل

وصح السانك مدد بلاعدد

عبدالله المرشدي

02-03-2007, 07:00 PM

مشرفتنا حنين الماضي

موضوع جيد يستحق التثبيت

وراح يتم نقل اي قصيده في

منتدى قصائد الاعضاء اذا لم

تتعدى سبعة بيات الى هنا

آمل من المشرفين والاعضاء الكرام التقيد بذلك

لمافيه الصالح العام

احترامي وتقديري للجميع

محمد العتيبي

02-03-2007, 07:00 PM

حنين الماضي
ابيات رائعه ومعبره
ولو لم تكن القصيده كامله نصيا بلا شك ان هذه القصائد كامله
تعبيريا ومعنويا عن ما يلج في داخل قائلها
وصح لسانك ...ابداع...

حنين الماضي

02-04-2007, 10:45 AM

حنين الماضي

02-04-2007, 10:53 AM

قريباً ستكتمل
وعندما تكتمل سترى النور بين الأعضاء
أحن L ماضياً فايت واقول اليوم ناسيتـه=تعلمت وكتبت بدم بدال الحبـر مأساتـي
تذكرت الدموع اللي على فرقـاه هليتـه=وقريت أبيات للعاشق وأدليت بشهاداتـي
شهاده من صميم القلب حباً غصب شليته=كذبت إن قلت ناسيته وتفضحني كتاباتـي
سؤال وجاوبه قلبي غرام الأمس باكيتـه=وتفضحني عيوني بالوداع تهل عبراتـي
صبرت وخاطري بالصبر من ما جاه داويته=نهيت القلب عن بعض العلوم أخاف زلاتي
دعيت الله في سري وتالي الليل ناجيتـه=رحمني ربي العالي نسيته ماضـاً فاتـي

حنين الماضي

حنين الماضي

02-04-2007, 11:02 AM

مجاراه لم تكتمل

ألايا العاشق المغرم نشوف الشعر لك مرفـا=تهز القلب في قافـك الا يـا زيـن تعبيـره

ترى بعض الجروح تهون لو في جرحها تخفا=وبعض الجرح في قلبك يزين ويحلا تاثيـره

عسى من لامكم ينـلام لا يقـراء ولا حرفـا=علاماته تجيه مسطّره فـي وسـط تقريـره

على شوك المحبه دوس باقدامـك ولا تحفـا=ودرساً فات ماينفعك لـو زينـت تحضيـره

قريت أبيات مليانه عليـك العلـمِ مـا يخفـا=حسود القوم زادت به هموم الشك والغيـره

حنين الماضي

حنين الماضي

02-04-2007, 11:13 AM

تحيةً لك عد ما أصبحت وأمسيت=وأعداد وبل المزن وسط الغمامـه
والمجلس اللي به هبول وشلافيت=ساسه ولو طول قريـب إنهدامـه
مير إعمره بالطيب لا تقول مليت=ونقلدك بالطيـب غالـي وسامـه
من ينكر الصقر المبرقع بهالبيـت=يشويه قال أحسبـه والله حمامـه
وبعض الحمام تقال صقر المباخيت=لا هده الصقـار وسـط الثمامـه

حنيــــــــــــــــــــن الماضي

زفرات سنين..!!

02-04-2007, 03:06 PM

صح السانك وسلم فكرك وبنانك

عبدالله المرشدي

02-05-2007, 12:13 PM

مليت من كثر الاسف والترجي=ودي بخلٍ مايعرف يتضايـق
خلن عن الزلات دايم يسجـي=يبعد عن الوسواس يم الحقايق
ماهو على ادناة حاجه يلجـي=في عشرته لابد تلقى عوايـق
بيبان صدره للمشاكل تفجـي=مهما يصير الوضع تلقاه رايق
جزل القصيد

ناصر بن سعدي

02-06-2007, 12:12 AM

مشرفتنا الغاليه

حنين الماضي

موضوع رائع

ونجدد الدعوه للجميع بالمشاركه..!!

وإليكم مشاركتي..!!

حان الوداع وحان وقت الوداعي=يوم الوليف أقفى ولح بيمناه
من شدة الموقف برد عظم ساقي=ثم إرتعش جسمي وسقم المرض جاه

ودمت بخير..!!

صـــالح

02-06-2007, 12:14 PM

الاخت حنين

فكرة جيدة تستحق الإشادة والدعم

وشكراً على المجهود الرايعه

والمشاركات الطيبة

ياشيب عيني على اللي صار وش هوله=وراك يازين يم الشر تحداني
أقول معقول لا ماهيب معقولة =ماهوب معقول تذكرني وتنساني
تراك معروف لو قصتك مجهولة=لكن بعدين دورني وتلقاني
تاصلك الاخبار ولاخبار منقوله=بكرة يجيك الخبر عقب الخبر جاني

سلامتكم

ابن مسلم

02-06-2007, 04:16 PM

ايها الاخوه اعضاء منتدى شبكة عتيبه تقديراً منا لكم ولماتبذلونه من جهد تشكرون عليه وذلك نظير مشاركاتكم كل بما يستطيع وبمناسبة إستحداث هذا القسم يسرني ان اضع هذه الابيات المتواضعه بين ايديكم لعلها تلقى استحسانكم ولكم جزيل الشكر

حظك ليا ماجاب مثل المساعيد = يعنك ماهوب فايد(ن) لك فوايد
ريمية ٍ كلن لها وده يصيد = وهذا على بعض الرياجيل كايد
هذا وانا مالي وراها مقاصيد = لاكن شاقتني بزين القصايد
والمعذره

حنين الماضي

02-06-2007, 07:46 PM

زفرات السنين

مرورك أسعدني

تقبل فائق الود

حنين الماضي

02-06-2007, 07:49 PM

عبدالله المرشدي

قصائدك درر

وهالتني هذه اليتيمه بل دره من دررك

لا هنت يا عبدالله راقي بإنتقاء الكلمات

جزالة اللفظ +عذوبة المعنى = دره من درر عبدالله المرشدي

تقبل من التحيه أغلاها

حنين الماضي

02-06-2007, 07:51 PM

ناصر بن سعدي

سعدت بمصافحة هذه الدره

لا فض فوك

عبدالله المرشدي

02-08-2007, 05:07 AM

كنت احسب ان الصراحه مع غزال الريم تنفع=واثرها ماهي من اللي يهتوي قول الصراحه
عبدالله المرشدي

عتيبي والفخر

02-08-2007, 08:29 AM

حنين الماضي

02-08-2007, 09:09 PM

يا دموعي بللي خدي وهاتي لـي إجابـه =وإشرحي له يادموعي حسرتي ويّا التياعـي
يادموعي ماضعفت ولا نسيتـه وآعذابـه =يوم قال أني نسيته صابني مثـل الضياعـي
إشرحي له حالة اللي زاد في جرحه صوابه =تعبت من الدمع عيني وأنعمت ذيك الوساعي
أشهد إني قايلة له كود شاري يا هلا بـه =ومن هو بائع يادموعي مالنا فيه أي داعـي
وآحني قلبي من أسبابه كما قوس الربابـه =صرت أنا ودموع عيني لِنجوم الليل راعـي

لحظه أعد النجوم ولحظه أمشي في رتابـه =مدري وايش اللي يقولونه طويلين المساعي

حنين الماضي

محمد العتيبي

02-10-2007, 09:44 AM

مايدس الراس بالرمـل ياكـود النعـام= والنعامه مـن غباهـا تخفـي راسهـا
والله ان الطيب وهبـه ولا احـط المـلام= فوق ناس(ن)ما وهبها الولي من ساسها؟
ان لقينا الطيـب بالناس ان قلنـا ياسلام= وان لقينـا غيـر هـذا كتمنـا انفاسهـا
وان بذلت الطيب في اهله تجازى بأحترام= وان بذلته في الماسكين(كيف احساسها)!
والصقـور الطيبـه لوتشبـك بالحمـام= الحمامـه كـل مخـلاب حر(ن)داسهـا
محمد العتيبي

عبدالله المرشدي

02-10-2007, 03:54 PM

القصايد عند راعيها ثمينه =ماتجي في كل من هبا ودبا
لاعرض له موقفٍ بيح كنينه=بان راس الشعر عنده ماتخبا
ماكتبت الشعر لجل تقيمينه=كاتبه من واهجٍ بالقلب شبا
جاك علمي ليت شعري تفهمينه=قاصدٍ بك خير ماقصدي مسبا

حنين الماضي

02-13-2007, 06:48 PM

http://www.arb-up.com/get-2-2007-qtj3u6ye.gif (http://www.arb-up.com)

القاف هيضتـه عبـاره وثـاره=ثاره كلام مزون وقـت البـرادي
تقول قلب الرجـل كنـه عمـاره=ستيـن دور مثقلـه بالعـتـادي
عشرين مع عشرين عالي منـاره=هذا شقـق ومعبيـه بالوكـادي
يعشقك عشق وثم غيـر مسـاره=ما ينومن لو زاد لـك بالـودادي
يا مزون هرجك ما حسبته شطاره=القلب ماهي قطعة أرضاً تنـادي
النار تقبس من طرفها الشـراره=والقلب يا حلوه يشيل الشـدادي
ويحب ويخلي حسـب إختيـاره=ويهدي حبيبه ورد فلـن وكـادي

تقبلوا من حنين فائق الود

http://www.arb-up.com/get-2-2007-qtj3u6ye.gif (http://www.arb-up.com)

م.روقه

02-13-2007, 08:01 PM

مشكور عبد الله المرشدي

جميل و تفاعل زاد الموضوع جمالا على جمال.

و صح لسانكم جميعا على هذا التعبير و الخيال الشاعري الطيب.

ناصر بن سعدي

02-16-2007, 10:37 PM

ياحلوة الأوصاف بالعرض والطول=هاتي علومك فضفضي لي وقولي
هاتي سواليفك وأنا أوعدك لأقول=كل العلوم اللي بقلبي تجولي

عبدالله المرشدي

02-17-2007, 07:35 PM

ورع تفيرس وهو مفروس=مفروس في اول ايامــه
اول على وجنته مدعـوس=بالحي مايرخي لثامـــه
واليوم حاله غدى معكوس=يبغى يتخلص من اوهامـه
ماضيه اسود وفيه نجوس=تطلع مع الوقت قدامــه
كله كبر كلبوه نجــوس=حتيش لو جدد اسلامــه
بالذل دايم يجي مركـوس=جـاني ونا بكرب خطامـه
ادعس على خشته وادوس=وان كان ماودي خصامه
ماارتاح لمهاتر البربـوس=مادام انا هامتـي هامـه
الثور يرتـاح للجامـوس=اشباه بالنـوع والخامـه
الحر مايلبـس الملبـوس=والخـبل يبلـش بهندامـه
شعري تنزه عن الدلفوس=لوزدت باكسـر عظامـه
نجمي لمع كنه الفانـوس=اكرم عن النذل واحلامـه

عبدالله المرشدي

عبدالله فيحان السميري

02-18-2007, 09:47 AM

حنين ونعم الاختير جهودك واضحه على المنتدى

جزيل الشكر

م.روقه

02-18-2007, 06:53 PM

صح لسانك يا الأخت حنين الماضي
هلا حنين و يا مرحبا بالتي كتبت الشعر نبضا متدفقا

هلا حنين وبكل اللي تجاوبوا مع حنين الشعر مُخضبا

هلا حنين و هذي كلماتي لم تكتمل فالشعر منك مُكملا

هذا أنا أحاول الشعر مُتلعثما ينقذني احساسك مُعمـقا

ليت شعري هل يصلك من هنا ارض الأقصى مُقدسا

خالص تحياتي و لي اطلالة أخرى
محمود - فلسطين

عبدالله المرشدي

02-23-2007, 11:26 AM

المصيبه لاطعنك اللي تعزه في ظهرك=وانت غافل مادريت الا بعد رمحه طعنك
من ذهول الصدمه اللي عشتها ياقف شعرك=خص لامن جات من شخصٍ رفيق لك ومنك
تظلم الدنيا بعينك ماتقدا في بصرك=تنغبن والعقل كنه بالحلول يغيب عنك
تبتلش بين الشجاعه والرفيق اللي خسرك=ياترد الصاع والا تنغبن باقي زمنك
راح يبقى في خفوقك جرح ذكرا من غدرك=وبصمةٍ سودا على وجهٍ حشمته وامتحنك

الشامخه

03-01-2007, 12:52 PM

غاليتي ... حنين الماضي ..؛

طرحك راق لي كثيراً متميز للغايهـ ويستحق الإشادهـ ..؛

فلكي بصمهـ راقيهـ بطرحك وشعرك المتألق ..؛

حبيبتي حنين الماضي يزيد افتخر بمعرفتكِ كل يوم فالله دركِ ..؛

تقبلي أرق وأعذب التحايا ..؛

هلا وغلا باللي لها القلب طلاب = رفيقتن تسوي ثمانين غالي
فكر وعقل تلبس من الملح جلباب = يالغاليه قربك ترى راس مالي

عبدالله المرشدي

03-01-2007, 12:59 PM

قلبي ليا من جيت يمك سبقني= كنه على شوفتك عيني سبقها
بحفظ لك عهود الهوى وانت بقني=لاصار مرضتك المواثيق بقها
قد ذقتني بالود واليوم ذقني=تطعم الفرقا والاشواق ذقها

المحقنيه

03-01-2007, 03:04 PM

صح لسانك
بيض الله وجهك

الشامخه

03-03-2007, 06:51 PM

جيتك عتيبيه بها الشوق له نزف=بين المحاني لو توارى عن الشوف
وأن طالت الفرقا تمخطرلك يزف=ورد (ن) يلولش والمشاعر لها صفوف

حنين الماضي

03-03-2007, 09:17 PM

أنتظرته ياعسى عمره طويل= غايب وموجود كيف أحلها

ما أرتضيت أعيش بالدنيا ذليل =قالها قلبي وعقلي شلها

والحلول أنصاف فيها المستحيل = ناخذ الزبده ونترك جلها

فهموني غلط

03-04-2007, 06:09 AM

مجاراه يتيمه

يا مرحبا والله يحي هـل الـذوق=الشاعـر الحسـاس دربـه يدلـه
يومك رهيف القلب لا تدخل السوق=تموت من عيناً ورمش(ن) مضله
لا سلهمت بالعين تنسى أم مخلوق=اللـي اذا جتـك المشاكـل تحلـه
ماتنفع الشوفه ولا ينفـع الـذوق=سراب كلـن يطـرده مـا يملـه
حنين الماضي

لا سلهمت بالعين تنسى أم مخلوق=اللـي اذا جتـك المشاكـل تحلـه

حرام يثبت موضوع فيه قصيده ضعيفه وجمله غير عربيه ولا عجميه
اقرأو جميعا العباره باللون الاحمر والي يعرف لها معنى يقولي
ليش نجامل على حساب موروثنا 00 تقبلو رأيي وأعتذر من كاتبة
الموضوع لصراحتي المفرطه وتصيدي للأخطاء
مع احترامي الشديد لشخصها00 ودمتم

*مجنونة عتيبي*

03-04-2007, 06:48 AM

يعطيج العافيه اختي حنين الماضي
ابيات جميله
اتمنى لك التوفيق

عبدالله المرشدي

03-04-2007, 08:30 AM

هو صحيح ان الهوا بالدم يجري=والاطبا بالاشعه يكشفونه
والا كلمة شاعرٍ مغرم يهذري=قالها يبغى يفضفض من شجونه
الاكيد انك بدمي كيف . مدري=بس احس بنبضة عروقي ليونه
ياغزال الريم هذا بيت شعري=يثبت اني حافظٍ ودك مخونه
بين ذي وذي معك يحتار فكري=لابغا ينساك جدتي طعونه
والله اني فيك مغرم وانت تدري=ان روحي في مودتك مغبونه

الشامخه

03-04-2007, 10:24 AM

توي أقدر بعد الأحباب واشتاق = وتوي أعرف اللي شكى منه غيري
وتوي عرفت البعد ماعاد ينطاق = لاصار من هو غاب يسوى نظيري
لا يازمن مانيب للحكي لعاق = هذا القدر والله لحكمـه دبيري
مير البلا جرح سكن بين الأعماق = وحب صفاله مالشخصه خشيري

م.روقه

03-04-2007, 06:38 PM

ياغزال الريم هذا بيت شعري=يثبت اني حافظٍ ودك مخونه
بين ذي وذي معك يحتار فكري=لابغا ينساك جدتي طعونه
والله اني فيك مغرم وانت تدري=ان روحي في مودتك مغبونه

جميل هذا التصوير الرائع... هذا التقدير و الشعور الحافظ للود .

عبدالله المرشدي

03-05-2007, 08:30 AM

ياغصين البـان فينـي ماستمعـت=يوم انادي هيـه يالرمـش الطويـل
تحسبني فـي بحـر حبـك طبعـت=لاحبيبـي ماسبـحـت الا قلـيـل
لووصلـت لقعـر حبـك مارجعـت=وان رجعت ابقى من افراقك عليـل
طحت فـي حبـك ولاكنـي طلعـت=وانت تحسبني بجي عنـدك عميـل
رح خلاص ارجوك من كذبك شبعت=لو تميـل خصـرك الناحـل مميـل
طول عمـري للمحبـه ماخضعـت=ولاطردت الرمش والخصر النحيـل

ابن مرشد

03-06-2007, 02:59 PM

هذه ابيات من قصيدة وسوف اضعها قريبا في قصائد الاعضاء

خلقة وليّ الكون تنزه عن العيب=مير البشر سبة ظلام ٍ غشاها
ناس ٍ تشيب راضع الديس تشييب=عقالها جهال تتبع عماها
غاروا على الدنيا الفنية نواهيب=كل ٍ ثبت بارضه وجود يباها
ماكن به يوم ٍ تشقق به الجيب=ولاكن به نار ٍ تلضى لضاها
مايفلح الا فاهم العقل ومصيب=اللي حياته ما تحصل غثاها
مطلوبه الجنة ياسيد المطاليب=يرفع يدينه مع دموع ٍ بكاها
والله فوقه يسمع دعاه ويجيب= رب ٍ كريم ٍ والعطايا عطاها

ابن مرشد

الشامخه

03-06-2007, 06:48 PM

يابنات الطيب يانسل القروم = كيف ذيب القوم روح للسراب
علموهم والرخيصه ماتدوم = يارجال(ن)ضيعت درب الصواب

عبدالله المرشدي

03-06-2007, 07:02 PM

يابنات اليوم وش لون العباة =هي عباة الستر والا ضدها
هي لباسٍ يستر العوره وراه=كل ثغره لابدت له سدها
قلدي جتدك في لبس العباة=جدتك ماكان تظهر يدها

حنين الماضي

03-07-2007, 11:31 AM

يا رجال الطيب فاح المسك فاح =والسبب غره صبياً ما فهم

كل شيخ يطرده لا ما أستراح = لين طاح وسدد الرامي سهم

عبدالله المرشدي

03-07-2007, 12:46 PM

جميل هذا التصوير الرائع... هذا التقدير و الشعور الحافظ للود .

م روقه

جميل انه اعجبك

كم لي وانا اشوف لي كذب وتلاعيبي=في عشرة البيض والعشاق والكوبه

الشامخه

03-07-2007, 11:53 PM

شاعره وافهم معاييرالبحور=واخذ سمان القوافي والقصيد
واتغني والفكر زند الشعور=والمشاعركتلة احساس ورصيد

عبدالله المرشدي

03-08-2007, 08:51 AM

ياسمو الحسـن يـاورده وفلـه=ياعيون الحور يالصوت البحوح
يانعيـم العـود يادقـه وجلـه=ياهوى المشتاق ياطب الجـروح
ياجنون الشوق ياشوق المولـه=ياغرامٍ فـي خفوقـي مايـروح
يادواي ومخرجي من كل علـه=ياسهوم الموت يالطرف الذبوح
يالوصوف النـادره يالمستجلـه=في قصيدالشاعر اللي لك يبـوح
جيت اسلم واعتذر عن كل زله=اطلق عنان الرضا خلك سمـوح

الأســـد

03-08-2007, 11:01 AM

أشكر الأخت حنين الماضي على هذه الفكره الرائعه

ويسرني أن أشارككم بهذه الأبيات

أنت وينك كيف حالك ويش لونك=ياعساك بعافيه ترفل بثوبٍ من سعاده
قلت أسلم بالرساله عبر إشارة تيلفونك=بعد صارت حالة النسيان لك مبدأ وعاده
أتصل عشرين مره وإتصالي في عيونك=لو ماشفته بقى موجود من كثر الإعاده
وأبك لولا العشره اللي بيننا عايش بدونك=بس من طبع الوفي ما قد نسي ملحه وزاده

عبدالله المرشدي

03-08-2007, 11:19 AM

الله من قلبٍ تزايد هجوسه =له مدةٍ ماهوب يم الوناسه
يسج وادنى ماطرا له يحوسه =مادري وش اللي بالتفاكير حاسه
الوضع مزري والحلول معكوسه=ماعاد ينفع جهد والا فراسه

الشامخه

03-08-2007, 07:06 PM

ضاع حبي واليالي ماتعين= والظروف القاسيه زادت بلاه
مخلصه والجرح بضلوعي دفين=ياخسارة وقتي وعمري معاه

حنين الماضي

03-09-2007, 08:25 AM

ياجنون الشوق تكفى ياجنون =أرحم اللي صار قلبه في يديــك

لا تعذبني ترى قلبي حنــــون =طالت المده وقلبي يحتريـــك

**** شوق ****

03-09-2007, 09:23 AM

يايمه يومني بالباب مريت= شفت الدموع وضاقت بي هدومي
عقب الذي جا عاني طارق البيت= رجلٍ كريمٍ من ناسٍ قرومي
دمعك ترى فتت الكبد تفتيت= يمه خلاص مابيه هذي علومي
ماقوى فراقك لا والدمع هليت= ضاقت بي الدنيا وزادت همومي

عبدالله المرشدي

03-09-2007, 11:01 AM

المصيبه لاطعنك اللي تعـزه فـي ظهـرك
وانت غافل مادريت الا بعد رمحـه طعنـك
من ذهول الصدمه اللي عشتها ياقف شعرك
خص لامن جات من شخصٍ رفيق لك ومنك
تظلم الدنيا بعينـك ماتقـدا فـي بصـرك
تنغبن والعقل كنه بالحلـول يغيـب عنـك
تبتلش بين الشجاعه والرفيق اللي خسـرك
ياترد الصـاع والا تنغبـن باقـي زمنـك
راح يبقى في خفوقك جرح ذكرا من غدرك
وبصمةٍ سودا على وجهٍ حشمته وامتحنـك

ياسمو الحسن يـاورده وفلـه
ياعيون الحور يالصوت البحوح
يانعيـم العـود يادقـه وجلـه
ياهوى المشتاق ياطب الجروح
ياجنون الشوق ياشوق الموله
ياغرامٍ في خفوقـي مايـروح
يادواي ومخرجي من كل علـه
ياسهوم الموت يالطرف الذبوح
يالوصوف النادره يالمستجلـه
في قصيدالشاعر اللي لك يبوح
جيت اسلم واعتذر عن كل زله
اطلق عنان الرضا خلك سموح

صح السانك مليون ياابو مرزوق

ويعطيكم العافيه على الموضوع

سلايل المجد

صح بدنك

ولاهنت

الحلو مشيه على حبه =يازين شكله وهو ماشي
خصره وردفه تلاعبه =مابين ثابت ورعاشي
والموت كان الغطا ذبه تلامع بروق وفلاشي
كل فتن ربي وربه =وش لون للحين مناشي
لو امدحه كني اسبه=والخافي اعظم من الفاشي
لاقبل يجر الخطا كبه لاتلتفت فيه ياناشي

حنين الماضي

03-09-2007, 01:33 PM

ياأبيات شعري دوك البرق شيهان=صقراً على كل المراجـل ينـادي

يابرق من دش البحر جاب مرجان=ويبيـع مرجانـه بليـا مــزادي

يقولهـا زيـد الهلالـي وعثمـان=شرارتـن ثـورت منهـا زنـادي

وأبعتذر وبكتب العذر بالحان =من نجد لين أوصلك والعذر زادي

وأحمل الأعـذار وردن وريحـان=سلـة ورود مرتبـه بـالأيـادي

أما قبلت العذر في طيب وإحسـان=يومه وقف لك عند بابـك ينـادي

ولاّ رجع عذ ري محملّ بالأشجان=يرحل وهو مكسور وسط الشدادي

عبدالله المرشدي

03-10-2007, 05:50 PM

لاتحسبني ميتٍ فيك ياهن=واللي خلقني ماتلفت يمك
اشوفلي غربان فوقك يحومن=وريحك يفوح وكل من جا يشمك
لو راحن ابياتي وزانك ولو جن=تخطيك لامن صار غيري يلمك
تطير من وكرٍ لوكرٍ مزين=وتلقى طيورن في كنفها تضمك

الشامخه

03-10-2007, 07:52 PM

امسيت ياعبور والدمع بالعين = والحزن خيم واستكن وسط عيني
من يوم رحتي لافني نازح البين = وشلون ترحل من غلاها دفيني
يامنوتي يافرحتي والبعد شين = ياغاية المقصود ربك يعيني

عبور قريبه لي ..

وحش عتيبه

03-10-2007, 08:01 PM

حنين الماضي

صح لسانك على القصيده الجزله

مع تحياتي

عبدالله المرشدي

03-11-2007, 07:39 AM

آآآآآآآه من كثر الصدود واه من قل الوفا=آآآآآه من كثر الكلام وآه من قل الفعول
آآآآآآآآه من كثر الرفاقه واه من قل الصفا=آآآآاه من كثر الفروع وآه من قل الاصول

حنين الماضي

03-11-2007, 05:36 PM

ياسيدي من عاندك انت غلطـان=أنا اشهد انك وافـيٍ فالمعانـي
تعرف بحور الشعر قايد وربـان=وتقيس شعرك عندنا بالثوانـي
القلب والله من عنا الحب حيران=تائه غريـق بحبكـم يافلانـي
خايف على قلبي يطوله بنكـران=وينسي حبيبي جلسته بالمكانـي

عبدالله المرشدي

03-12-2007, 10:16 AM

ان كان لاجتك الرسايل تذكرت=واذا تركتك رحت للي تريده
انا بعد مثلك تراني تنكرت=ويحرم علي اشوف رقمك واعيده
اعطيت لك فرصه ولكن تاخرت=غرك جمالك والوصوف الفريده
انا تراني معك للحين ماخترت=ولاقلت انك في حياتي وحيده
روحي على كيفك ترا ماتحسرت=ولا طرا لي مامضى معك اعيده
نفسي عزيزه ثابتٍ ماتغيرت=الكذب والتمثيل فنه مجيده

ناصر بن سعدي

03-14-2007, 08:01 PM

مسافر وأحمدالله جيت سالم=مادام إنك سألت العذر والم
وقدر ياوليف الروح وضعي=تراني هلك وعيوني تزالم
على شانك تحملت المتاعب=ورب الكون باللي قلت عالم

**** شوق ****

03-16-2007, 08:16 PM

أسرفت أنا من كثر ماردد الحلف= انك عزيز وعايشن وسط ذاتي
وياما نهيت القلب ليا دق لك سلف= وياكم عصاني مالتفت في وصاتي
يسرح لك بالي دايمن قادمن خلف=أستغفر الله تطري حتى بصلاتي
والله خفت من حبي لك صايرن صلف= أخاف أنا أسمك أذكره في وفاتي
ياللأسف ماكنت أظنك علي جلف= وتطلع دموعن حورها ماتباتي

**** شوق ****

03-16-2007, 08:23 PM

أسرفت أنا من كثر ماردد الحلف= انك عزيز وعايشٍ وسط ذاتي
وياما نهيت القلب ان دق لك سلف= وياكم عصاني مالتفت في وصاتي
يسرح لك البال قادمٍ راجعٍ خلف=أستغفر الله تطري حتى بصلاتي
وخفت والله حبي لك صايرٍ صلف= أخاف أنا أسمك أذكره في وفاتي
ياللأسف ماكنت أظنك علي جلف= وتطلع دموع العين مثل الفراتي

**** شوق ****

03-18-2007, 05:57 PM

جيتك وانا كل الأحاسيس جياع=صدمتني في قولتك لا تجيني
نفسي عزيزه شامخه بكل الأوضاع=ماطرد ورى اللي عايفن مايبيني
ياصاحبي مادام فيك الأمل ضاع=أبنصحك خذها نصيحة فطيني
إياك تتبع كل شاري وبياع=اللي لها في كل يومٍ ظنيني
تجيك باللين تاخذ الكيل بالصاع=وبوقت الشدايد غايبه ماتبيني

f2saw

03-21-2007, 11:38 AM

صح لسانك ياحنينتقبلوا خالص تحياتي
أخوكم
f2saw

f2saw

03-21-2007, 11:41 AM

صح لسانك ياحنين
تقبلوا خالص تحياتي
أخوكم
f2saw

حنين الماضي

03-23-2007, 05:51 PM

أخي
f2saw

لقد أسعدني تواجدك

تقبل فائق التحايا

الشامخه

03-26-2007, 03:43 AM

مابالليالي غير الأحلام تنعاد=ونفس الدراما والسهر فيه عاده
لاطايلن نجم ولالي به أمجاد=قصة حزن مدفونة بالوساده
ليل طويل وملحف الناس برقاد=الاعيوني سهرها بالزياده
ياعاذلين القلب وش عاد وش عاد=لاتكثرون الحكي ماله مفاده
دام الهموم بداخلي ترعد رعاد=حطام قلبي مابقى الارماده
من عقب عمي البيت مالي به قعاد=ماعاديسوى عقب طاحت عماده

زيـــد العتيبي

03-27-2007, 03:06 PM

صح السانك اختي حنين الماضي
الله يوفقك

حنين الماضي

03-27-2007, 05:45 PM

زيد العتيبي

لقد أسعدني تواجدك المميز

تقبل فائق التحايا

من عتبان الكويت

03-30-2007, 01:59 AM

سافرت من ديرتك ضايق ومخنوق

وكل السبب من هرجك اللي ذبحني

من امس ودموعي تناثر من الموق

والقلب يصرخ في خفوقي جرحني

انا شاعرهاا كان فيها كسر علموني تراني شويعر

من عتبان الكويت

03-30-2007, 02:02 AM

بيعيه اذا باعك وش صار يعـــــــــــني

كلبن رخص غالي وغالي نسئ كلب

هذي الحقيقة وردي الهرج عنــــــي

مو اي واحد نعرفه يسكن القــــــلب

اذا في شي بعد تراه لي وتكرمون عن الكلب

حنين الماضي

03-30-2007, 09:19 PM

من عتبان الكويت

صح لسانك ولا هنت رائعه من رائع

لله درك

قبل فائق الود

عــمـــر

03-30-2007, 10:46 PM

مشكوره اختي على هالموضوع الجميل , وانا مو شاعر بصراحه , لاكن مرات الصمت يداعبك بالافكار .
وفعلاً كثير منا يكتب ابيات او محاولات لم تكتمل او قصيره , وهذي وحده منهم

ياحزن أثقلت علــي مسيارك . . . . هقـيتـك طـرقـي وأثـرك أمـطـول

اسقيتـك دمعي وعيني دارك . . . . وجـريت الصوت امـرحب وامول

اصبحت انا والحزن متشارك . . . . يـصحي اجـروح , واقـوم اتجـول

أغمض عيني لدموع امدارك . . . . في هـاجـوس ذكـرى ليـالـي اول

ياغلا مشتاق لشمس ونهارك . . . . دام الروح تضما , فالدمع ايحول

زلــزل البعـد يـاقلبـي ابـنـارك . . . . وانـا خـابــر الـفـرقــا اتـهـــول

تحياتي / عمـــر العتيـــبي

عــمـــر

03-30-2007, 10:46 PM

هـــدب

04-03-2007, 04:53 AM

ياعين لاتذرفي من الدموع دموع .... عمـــر البكــي مجـــاب لنـــا فقــاده

لو صارت علينا الهموم همـوم.... مالنا غير الدعوة وانتظـار الاستجــابة

كــل من البشــر الــروح تروح .... وشاطر إلي يأخذ من الدنيا استـــــفادة

¤°~هــــــــدب العتيبـــي~°¤

ناصر بن سعدي

04-04-2007, 07:10 AM

إلى هنا ماعاد فيه مجامل=مادام تفرح بإصطياد أخطائي
وأنا معك طول الليالي صامل=دايم كريمٍ معك مثل الطائي

عبدالله المرشدي

04-21-2007, 08:28 AM

يابنت عن بعض الحركات جوووزي=من شان يبقى مابقى من معزه
على رضا الله ثم رضى القلب حوووزي=تحيني لرضاي في كل حزه
خفي علي من قبل تضرب فيوزي=ترا الخطا شيطان حبك يوزه

ناصر بن سعدي

04-21-2007, 04:39 PM

في ليلة السبت في جوها الماطر=وعيون الأحباب ما كف ماطرها
ياشين عقب الغلا كسرة الخاطر=من جادلٍ ما أحتمل كسر خاطرها
من شانها ترخص الروح وأخاطر=وأقدم على النار وآطى مخاطرها
لكن..! دايم كذا غلطة الشاطر=عن عشر غلطات من كف شاطرها

ناصر بن سعدي

عبدالله المرشدي

04-28-2007, 08:10 AM

حركاتك تذكرني زمانٍ فات وقت الطيش=زمانٍ الحب واللوعه زمانٍ فات واشقاني

**** شوق ****

04-29-2007, 12:52 PM

أنا بنتٍ ولي نظره وبي عفه ولابي عيب=أحسب القول الى قلته وقول الحق ينقالي

عبدالله المرشدي

04-30-2007, 12:03 PM

العاقله لاجات حلوه تكفي=تخفي بوادر زينها ماتنادي
فيها الحلا والحسن بس متخفي=تخاف تفتن لانظرها البعادي

ركوان الغبيوي

05-03-2007, 11:15 PM

لاهنتي يا حنين وصح لسانك

عبدالله المرشدي

05-04-2007, 12:09 PM

كل ماقامت هجوسي في سما فكري تجولي=شفت طيفك في خيالي طايرٍ مع كل جولا
آه يابدر الدجى وآهين يالطرف الخجولي=كيف اسلي خاطري عقبك وش افعل ويش اقولا
لاسالني عن غرامي واحدٍ طبعه فضولي=كيف اخفي عنه حالي دام انا كلي ذهولا
في قوانين المحبه والعوايد والاصولي =مايجوز الهجر للمحبوب في حسب الاصولا
ضاعت احلام الهوى في زخم دورات الفصولي =وانتهى فصل الدراسه واغلقت كل الفصولا
مابقى الا طالب الحب المواضب في ذهولي=كل من حوله تغير في ثواني بالسهولا

**** شوق ****

05-16-2007, 05:05 AM

لا واهني من هو مشى البال خالي=مابه همومٍ بالفكر زاحمنّه
لا واهنيّه من مشى الدربِ سالي=مامرته سود الليال وعطنّه
مرتاح مع شوفة عزيزٍ وغالي=زين الليالي حلوها زاورنّه
مهوب مثلي صاله اليوم صالي=يطويه همّه والمواجع طونّه

شوق

عبدالله المرشدي

05-27-2007, 12:11 PM

قبل الرحيل وقبل حمل الحقايب=ردي عليه قلبي اللي خذيتيه
تراي عقبك من هوا البيض تايب=ماعاد لي في حبهنه مشاريه
هذي نهاية حب شقر الذوايب=اللي هواها سيل الدمع واديه

عبدالله المرشدي

05-28-2007, 08:36 PM

عاضني ربي بعد صبرٍ طويل=بالغزال اللي نصتني طايعه
العنود اللي هواها مستحيل=اشترت قربي وغيري بايعه

نسمة غلا

05-29-2007, 09:32 AM

ابيات رائعه

صح لسانك اخونا وشاعرنا ابو مرزوق

ومثلك غني عن المدح والاطراء لانك لاتحمل

الا كل جديد والله يعطيك العافيه

ننتظر منك البقية

الشامخه

06-03-2007, 08:21 PM

يامبعدن عني بليا سبايب = ياكيف ابي انساك لحظات ماطريك
القلب جالك من عنا الشوق تايب = فضحتني مغير اصيح واناديك

عبدالله المرشدي

06-07-2007, 03:16 PM

حبك تلاشا من حشا شاعرك تو = ماعاد لك عندي معزه ولا شي
الحمد الله تو مازان لي جو= تو السعاده والفرح ولعو ضي
قيفان شعري حلقو فوق ثم جو=ماحصلو ببيوت حبك ولا حي
من عقب بعت الود ماجاز لك سو=اخذت لي من شان شمسك معي في
ياناكر المعروف ياخبل يابو = قد قلت لك بالضبط لاتنجض الكي
اوعدك بالحقران يامنبع السو=اوعدك لاشفتك ماشوفك ولا شي

الشامخه

06-07-2007, 09:24 PM

في غرفة البنج والانعاش = دمعي تحدر على خدي
صديت عنها ابي انحاش = من شان لاينفضح سدي
هليت دمعي وهاض الجاش =وصفقت يدي على يدي

عبدالله المرشدي

06-09-2007, 03:20 PM

احترت مدي وين انا في زماني =ارروح وارجع وين مارحت رديت
عجزت احدد موقفي في مكاني =مدري مكاني صح والا تعديت
الليل عاندي وصبحه عصاني =مافادني ترديد ياليت ياليت

عبدالله المرشدي

07-01-2007, 06:24 PM

جاك خفّاقي على المطلوب جاك=طير يكفخ بالصباح وبالمسـا
تجرحه . تدميه . ماهمه جفاك=المهم انه علـى حبـك رسـا
الك بس القلب وعيوني فـداك=غيرك من البيض تقطع وتخسا

عبدالرحمن الحمد

07-02-2007, 03:23 AM

ابيات لم تكتمل وسوف تكتمل قريباً بإذن الله

افرح ياقلبي من الهم وطروقه = وشرب مرار الحلا وسقي راعيها

هذي حياة الذي بادت عروقه = ذاق العذاب اللي بالنفس خافيها

يلكز عذابه عقب مافك صندوقه = آهات جرح المسافه راح يتليها

اشكرك صاحبة الفكره

مع التحيه

اخوكم /

عبدالرحمن محمد احمد الحمد

مشاعر حالمه

07-02-2007, 09:32 PM

صحت السنتكم

:)

دربي على درب الجزاله تمثّلت

شعري وانا اعرفه لامن بنيته

ان جيت ببدع في قصيدي تمهّلت

خوفي اضيع دربي اللي مشيته

عبدالله المرشدي

07-03-2007, 11:48 PM

كني ملكت الشمس والبدر في كف=من بعد جيتي دنيتي ياحياتي
ماعاد لي عقبك مع اهل الهوى شف=انتي مناي وسلوتي ياغناتي
روفي بحالي وارحمي حس مرهف=لاتبعدين ارجوك يكفي شتاتي
جنان حبك صابني ماقدر اخف=وان كان رحتي جاك ناعي وفاتي
يشهد على حبي دموعٍ تذارف=وسعادةٍ تجتاحني في سكاتي
اقسم قسم ماقلتها ابغا اتعرف=لكن سكنتي غصب عني بذاتي
اقسم بعزة منزلٍ صورة الكهف=انك معي في سكنتي وحركاتي
عبدالله المرشدي

ناصر بن سعدي

07-03-2007, 11:57 PM

ياجميله يأقرب الخلق وأغلاهم=سانديني لين أوقف على حيلي
أقرب الأقراب ضحيت برضاهم=فدوتك يأم الرموش المضاليلي
مالك شبيهٍ بأول الناس وأتلاهم=علميهم زين يافتنة الجيلي
وإعذري من كان في رحلته واهم=وإعذريني كان كثرت مراسيلي

ناصر بن سعدي

مشاعر حالمه

07-04-2007, 11:42 AM

يازين وقت الطفوله يوملي قَصّه=قَصّة على قصّه ياحلو تقصيصه

العب بشعري ليما تنقهر حصّه=واقول ياهيها مسكينه احصيصه

شوشتها تربطها بورده وشبصه=من شين كشتها طارت شبابيصه

ياليتني اكسب ابدنيتي فرصه =وانا ادري الدنيا رديّه ابخيصه

الحر مايلدغ من لدغته قرصه =ابينتبه يومٍ تقرص قواريصه

مشاعر حالمه

يوسف المسعودي

07-05-2007, 08:48 AM

مــــــــــا شــــــــــاء الـــلـــه عـــلـــــيج
صـــــــح لــــــــــســــــــــانــــــج
مـــــــا قــــصــــــرتـــــــــــــي
مـــــــا فــــيــــج حــيـــله ههههههههه
يـــعـــطــيـــج الــعــافــــيــــه
مــنـــهـــا للاعــلـــىى
تـــقـــبـــلوا خــالــص تــحــيـــاتـــي
أخــوكــم :_ يـوسـف الـمـسـعـودي

عبدالله المرشدي

07-05-2007, 11:35 PM

كل ماقبل من سواد الليل ليل =قمت اشوف الذل في تال النهار
قامت همومي تطارد فوق خيل =كل همٍ حط في قلبي مدار
يالله اني طالبك مافي حيل=طال مشوار الامل والدم فار
الاماني بين حط وبين شيل=والهوى والنفس هم ساس الدمار

مشاعر حالمه

07-08-2007, 10:22 PM

يوسف المسعودي

:) تسلم والله وصح ابدنك

تحملت الصداع اللي لعب في راسي السبله
صرخت من الألم قوه وضاعت مني أفكاري
عجيبه حالتي هذي كأني وحدةٍ هبله
اطيح من الوجع والله احس الحيل منهاري
على كثر الدموع اللي تهلّ وكنها وبله
احاول اخفي ادموعي عن الجنسين واداري

مشاعر حالمه

عبدالله المرشدي

07-09-2007, 02:31 AM

يانفس ياللي باللمذه غارقه=عن مرتع اللذات شومي وراتقي
صدي عن مزون الذنوب البارقه=عوذي من الشيطان بالله واتقي
النشوه اللي تعتريك مفارقه=يبقى اثرها بالضمير المتقي

جديد المرشدي

مشاعر حالمه

07-15-2007, 12:41 PM

جديدك راااااااائع وننتظره يالمرشدي :)

.........................

حالت الاقدار مابيني وبينه

وابتعد عني بلى ادنى سبب

مشاعر حالمه ..

مشاعر حالمه

07-21-2007, 05:51 PM

المشهد اللي شوف عيني يريعـه
يوم البنيّ يصارخن بعلى الاصوات

قدامهـن طفـلٍ بدايـة ربيـعـه
مستشهدٍ مرمي بوصخ رصاصات

مافيه من يرضى بأيّـة شريعـه
ان الطفل يقتـل بليّـا اقترافـات

أبيات سترى النور عن قريب في أطفال فلسطين ..

رافع الراس

07-22-2007, 08:48 AM

حنين الماضي
جميله جدآ
تسلمي

مشاعر حالمه

07-22-2007, 11:52 AM

الى مني بكيت ورحت صـوب امـي ابـا بوحـي=تجي ويّاي فزّاعـه علـى اللـي ابكـى اعيانـي
فديت أمي فديت ترابهـا اللـي عطـره يفوحـي=يفوح من الحنان اللي بمواطـي رجلهـا الحانـي
انا امي غاليـه عنـدي غلاهـا بانـي صروحـي=صروحٍ عاليه فالقلب وسـاس الصـرح شريانـي

مشاعر حالمه

عبدالله المرشدي

07-25-2007, 03:24 AM

ذبحتني بالصد ياكامل الزين=ياغلى من الغالين يارس مالي
والله والله لو بالاحوال تدرين=كان انقطع قلبك وميل لحالي
اغليك يابنت الرجال الميامين=شيٍ من الله صار لك قدر عالي
روفي بحالي طالبك لاتغيبين=تراي من بعدك على صلو صالي
اسهر لتال الليل والناس نيمين=ماكني الا من فقد شخص غالي
عليك اجر الصوت واجاوب البين=ليتك تحسي في عذابٍ جرالي
يشهد على الله ماابيك تبطين=وان كان غبتي زاد فيني هبالي
اغليك والله وان طلبتي براهين=افديك في روحي وكلي ومالي

مشاعر حالمه

07-26-2007, 01:49 AM

قلبي اللي على فكره وهمه سرى
وعيني اللي من اجله سالت ادموعها
خاطري ضايق ونفسي اصيّح بجهرى
لين كايد همومي تعلن اخضوعها
ياهني من ينام ولا بغى يسهرى
مايعرف الهموم بخافي اضلوعها

مشاعر حالمه

مشاعر حالمه

07-28-2007, 07:04 PM

الشاعر اللي مرسلٍ لي قصيده =مايدري اني ماعرف ألف وادور
على جناح الطير يرسل بريده =وانا على عاده ومذهب ودستور
ماقدر اجاري قصده اللي يريده =ولاني على كيفه بماقال مجبور
حره انا ماني من اطرف عبيده =امشي على كيفي ودربي على نور
على المسنجر بالاضافه زهيده =ماحط عندي طاقم رجال طابور
بالله من عرفه وش اللي أفيده =غير الغلط من دون تفكير وشعور

مشاعر حالمه

عبدالرحمن الحمد

07-30-2007, 01:58 AM

دقيت بابك قلت: ماأقدر انساك = صديت عني قلت لك اصبر شوي!
ليتك تشوف الحال من عقب فرقاك = ليتك تعرف اني بدونك ولا شي
الحب مثل النجم يسري بالافلاك = ناسٍ بعينك فوق وناسٍ ولا شي

عبدالرحمن الحمد

عبدالله المرشدي

08-02-2007, 04:54 PM

الله من فكرٍ تعكر مزاجه=اصبح بغبات الهواجيس ممزوج
كن الضلوع العوح فيها انفراجه=اونس لضى جمر الغضى داخل العوج
جرحٍ عطيب وماتيسر علاجه=لاحسني ودي مع افكاري ادوج

مشاعر حالمه

08-03-2007, 12:30 AM

واجرح قلبي من مناظـر شنيعـه
يوميـةٍ ذبـح وقتـل وانتهاكـات
اطفالنا في القدس راحوا صريعـه
كلّه من اعيال اليهود العصابـات
الله يقطعهـم قطيـعـه قطيـعـه
الموت قافيهم وللمـوت سكـرات

مشاعر حالمه

عبدالله المرشدي

08-10-2007, 12:52 AM

خل اللذي غرك من الناس ينفعك=لاغبت عنك وهزك الشوق يمي
لاضاقت الدنيا وهليت مدمعك=وحاطت بك الاحزان وزددت همي
لابان غدره فيك ماعاد يسمعك=اليا انتهى من حاجته جاه صمي
ماعاد ينظر لك وبالغدر يفجعك=يسقيك من كاس الغلا كاس سمي
اما انا لو جيتني ما اقدر امنعك=لنك بقلبي جارين وسط دمي
لكن بحاول ابتعد دام ما اقنعك=حزني من اسبابك وهمي وغمي
خذها عهد لايمكن الروح تخدعك=ولايمكن اشعاري تريدك بذمي

عبدالله المرشدي

08-14-2007, 10:16 PM

اليوم نفسي من هوا البيض طابت =من حب غضات النهد كلهن تبت
دام الظنون بناعس الطرف خابت=من غيرها بالله لو جبت وش جبت

عبدالله المرشدي

08-15-2007, 12:32 PM

يوم اقبلت تمشي تجر الخطاوي=مابين خوف ولين تقصر خطاها
تمشي شوي شوي تقول تاوي=لقدامها لحظه مصافح ثراها
مامثلها في لابسات الغطاوي =محدن سحر عقلي وقلبي سواها
معتدلة بالطول والعود راوي=كنه غصين البان للي يراها
في عينها النجلا عذاب الهواوي=من ناظرت له قام يشكي هواها
الوجه كنه بدر بالليل ضاوي=وسود الجدايل فوق متنه رماها
أليا اقبلت من حسنها طحت ثاوي =ولاقفت طلبت الله يستر علاها
وصالها من كايدات المناوي =لكنها جابت لنفسي مناها
من بعدها ماني علي الصد ناوي =بقضي حياتي كلها في رجاها
صعبه حياتي دونها وش تساوي =عزي لحالي كان مالله هداها
من شفتها عيني عليها غشاوي =ماعاد الد الطرف للي عداها
هي سبة جروحي هي اللي تداوي=يالله عساني منحرم من دواها
في وصفها لو قلت ماني بقاوي=قيفان شعري بيح الله خفاها

عبدالله المرشدي

08-17-2007, 03:14 PM

لاتحسبني ميتٍ فيك ياهن =واللي خلقني ماتلفت يمك
اشوف لي غربان فوقك يحومن=وريحك يفوح وكل من جا يشمك
تطير من وكرٍ لوكرٍ مزين=وتلقا طيورٍ في كنفها تضمك
حتيش لو راحن بيوتي ولوجن=تخطيك لامن صار غيري يخمك

! ولد الشيوخ !

08-25-2007, 01:44 PM

صح لسانك يا حنين

انشهد انك هيضتي خاطري

عبدالله المرشدي

08-31-2007, 05:15 PM

اسرج خيول الفكر واصحا واحلم=في واقعٍ مرٍ لذيذٍ شرابه
اشيل ماينطاق واصبر ولااهتم=واعيش جوي لو تطاير ترابه
اقالب الافكار من يم لايم=واميز الحاصل ولو به تشابه
اصد كني بعض الاحيان مافهم=لو بالتفت من جد صارت طلابه
اشوف لي خلجٍ ترازم على الجم=في صحصحٍ مافيه غير الذيابه
تعطلت فيه المفاهيم والتم=المنحس واللي يخيب الرجابه
سود النوايا كثرها يجلب الهم=وبيض النوايا طب مرضى الكآبه
تخالف الهقوات بالكيف والكم=وتضيق بك دنياك عقب الرحابه
دنيا العنا فيها من الهم والغم=مايودع الرجال يرمي ثيابه
والاخره اخير وابقى وانعم=للي يميز في خطاه وصوابه
الخبل مايقنع ولو قلت له تم=تبلش معه حتى بشرح الاجابه
ماهوب مثل الحر لاقلت له سم=قدر وخاف ان الخبول تحكابه

عبدالله المرشدي

09-10-2007, 11:53 AM

الفكره اللي براسي عنك اغيرها=وابرمج الفكر لين تراجع حسابك
الغلطه أللي تجيني منك امررها=مره وثنتين علك تثني ركابك
اعطيك فرصه وحذرا لاتكررها=ماودي اني اعزر فيك وابلابك
الثالثه لوتجي ماقدر اطمرها =اردها وافيه من غير لاشقابك
ماظن تجهل فعولي وانت خابرها=لكن تجريت بالرفقه ولاثابك
الخوه اللي تضيع بوجه ناكرها=ماتنومن لا غزاك الوقت والوابك
والخوه اللي تبين بوجه شاكرها=احرص عليها وكن الود لاصحابك
ماني عليك انت لاقفيت حاكرها=افلها وان رجعت اقول وش جابك
رفقة هل المصلحه ماكثر مخاسرها= حتى ولوكان راعيها من اقرابك

ناصر بن سعدي

09-18-2007, 02:36 PM

ذيب الينوفي

09-18-2007, 05:00 PM

طالبك مافي خاطرك والسموحه...
قصرت في حقك وغبت وتماديت..
مالي عذر بس البنادم طموحه..
يكسب رضاء اللي جالهم بالوطن صيت..
كسابة الأمداح جيه وروحه..
شرواك ياللي في حقوقك ترديت..
حرٍ على العلياء يواصل جموحه...
له في صميم القلب بيتٍ ورى بيت..
يانكهة الشعر وحلاته وروحه..
يامصدر إلهامه إليا أصبحت وأمسيت..

ناصر بن سعدي

ابن سعدي مؤكد ان الممدوح شخص بالغ الاهميه

والدليل ان مارد الشعر انفلت في رمضان لتجود علينا بهذه الدرر

تقبل تحياتي وكل عام وانت بخير

حنين الماضي

10-25-2007, 08:51 PM

أمشي على دربي وأحدد مداري =وأحمل همومي دقها والجليله

وأسير في دربي بطوعي إختياري =محدٍ يحدد موقفي وأنحني له

ومن لا عرف قيمة وقدر إعتذاري =لالا تلومونه وخلو سبيله

تحيتي لمن يستحقها

حنين الماضي

عبدالله المرشدي

11-05-2007, 07:39 PM

هات القلم يابدر مع بيض الاوراق=ودي اسلي خاطر فيه ضيقه
اكتب ونبع الشعر بالجزل دفاق=عساك تاخذ زبدته يوم احيقه
مثايل ماهي بتلفيق لفاق=من شاعر ماقال غير الحقيقه

ذيب الينوفي

11-06-2007, 06:54 PM

ماتدري انك داخل القلب حليت=وفتحت بيبانه وولعت نوره
ومن طاقته يم العذولين طليت= وقلت اسكتو هذا حبيبي وازوره
وماتدري انك بالاحاسيس اقفيت= والقلب مع غيرك تبلدشعوره
وماتدري اني بعد فرقاك عانيت=امشي مع العالم وانا بس صوره
حاولت ابدل حبكم لكن ازريت=القلب ماله غير (ف)الحب دوره
وماتدري اني عدت من عقب مااقفيت= القلب مانقدر نعارض لشوره

عبدالله المرشدي

11-17-2007, 02:46 PM

ياشينها لاجـوك نـاسٍ غشيميـن=وفيهم لقافه مـع عقـولٍ خفافـي
ان شمت عنهم لجل عين الكريمين=قالو عجز والا من الهـرج خافـي
السابقه عنـد الرجـال المياميـن=ايحشمون الخبـل لجـل السنافـي
ماقلت غير الحق عنـدي براهيـن=ابحث وتلقى جزل شعري يشافـي
لاصار بيتك خاوي الساس من طين=يطيح لو تـذري عليـه السوافـي
وانا بجنب واتـرك الـرد لثنيـن=للفاهم الواعـي وجـزل القوافـي
اما يجيك العلـم يابـادي الشيـن=والا مكـانٍ فيـه مثلـك يعـافـي

عبدالله المرشدي

11-23-2007, 11:51 AM

ياحياة الروح ياطب الجروح=ياصدوق الود ياود الصدوق
ياجنون العشق يالطرف الذبوح=ياالغرام اللي جرى وسط العروق
انت بس اللي من اسبابه انوح=ياشعاع الشمس ياشمس الشروق

آهات الوله

11-27-2007, 12:18 PM

ياعلني ما افقدك ياروح روحي=يانور عيني ياحياتي وهناها
ياعاذليني في حبيبي ما اوحي=هذا مراد النفس وغاااااااية مناها

عبدالله المرشدي

11-28-2007, 08:50 PM

له منزل بين الضلوع النحايـف=محدٍ يجي حوله ولاحـدٍ يطولـه
وان كان جت للجد والله خايـف=اموت ما حققت كـاس البطولـه
ياناس اموت بحب عذب الشفايف=اللي على العشاق يصعب وصوله

رشيد الكسر

11-29-2007, 10:22 AM

ماكنت اعرف الحب كنت اجهل الحب = ولاقد خفق قلبي لغيرك وحبه
ماكنت اعرف الحب نارٍ تلاهب= باقصى الحشى نارٍ خفوقي تشبه
اللا بعد ماشفت منهو لي الطب = قطع معاليق الفواد ولعبّه
له الغلا من داخلي نهرٍ يصب = ماينقطع من بحر حبي يصبه

ناصر بن سعدي

12-06-2007, 02:49 AM

,,

تم إفتتاح المنتدى ياهل الخير=من طاقم إداري وزوار وأعضاء
والآن كلاٍ يالوجيه المسافير=ينثر من الإبداع جوٍ وأرضى

,,

عبدالله المرشدي

12-06-2007, 10:31 AM

المنتدا ماهوب ياناصر بخير=للحين حنا من تباطيه مرضى
اعجل علينا مايبى الوضع تاخير=اعجل نبي حلٍ به الناس ترضى

عبدالله المرشدي

12-06-2007, 11:47 AM

قلبي من اسباب الغرام متفلع=بين الرجا والياس ماهوب قانع
لاتترك الاشواق فيني تولع=تعال عندي كان مافيه مانع
شفني من الحرمان راسي مصلع=وانته كما غصنٍ به الورد يانع
كنك ورا حدب المحاني تقلع=جذور حبٍ موتتها الموانع

آهات الوله

12-07-2007, 12:14 PM

قلبي مع اللي مشغلٍ بالي=وعقلي مع اللي سالبه مني0

عبدالله المرشدي

12-08-2007, 09:11 PM

رمش العيون السود هو سبة الجرح=خل الخدود وخل عنك الشفايف

عبدالله المرشدي

12-08-2007, 09:47 PM

البارحه سجيت مع ذكرياتي=سريت ليلي في سجلٍ طويته
قلّبت صفحاتٍ مضت من حياتي=بذاك الطريق اللي برجلي مشيته
اراجع احداث السنين الوفاتي=مافات يوم الا سجله لقيته
اذكر كثيرٍ فات وانسى واحاتي=ودي يبين كل شين نسيته
استرجعه مابين ذاتي وذاتي=ماني مصدق كل شيٍ رئيته
اهتلت من همة صغير امنياتي=اللي بعضها من خيالي محيته
غدت بي امواج الحياه لشتاتي=وزهدت في حلمٍ بفكري بنيته
رضيت بالواقع وطاحت عصاتي=عجزت اكمل في طريقٍ بديته
بين الامل والصبر والمغرياتي=نتايج المقسوم لامن جنيته
والحمد لله طاعة الله غناتي=هي بالنهايه حلمي اللي بغيته

عبدالله المرشدي

12-14-2007, 03:24 PM

بعض البني تهدي ورود ورياحين=للي يجي ياخذ من الورد ورده
ماكنها الا وسط زرع وبساتين=تاخذ وتعطي جوز واحيان فرده
من فعلها تفرح صغار الشياطين=انا اشهد ان بعض المخاليق قرده

ابن مسلم

12-14-2007, 08:20 PM

رجلي منول على الممشى تسابقني= واليوم ماعاد أوطيها ولاارفعها

بالجبس لفت وهاذا اللي مضايقني= والليل ماأمسيه كلها من تجزعها

يالله طلبتك ياربي لاتعاقبني= تلطف بحالي ونفسٍ لك تواضعها

ابن مسلم

12-14-2007, 08:35 PM

رجلي منول على الممشى تسابقني= واليوم ماعاد أوطيها ولاارفعها

بالجبس لفت وهاذا اللي مضايقني= والليل ماأمسيه كلها من تجزعها

يالله طلبتك ياربي لاتعاقبني= إلطف بحالٍ تقلب في مواجعها

عبدالله المرشدي

12-15-2007, 12:05 PM

الله من ضيقةٍ بالصدر مكنونه=اكنها عن عذولي وابتلش فيها
دنياك ياصاحبي ماهيب مضمونه=مار اطلب الله يفكك من تواليها

قوت القلوب

12-22-2007, 09:13 PM

انقلت ابنسى الجرح من شوق عيني=نزيف جرحي ينتثرفوق الأشواق
وانقلت ابنسى اللي مضى من سنيني=تفجرت ذكراك في وسط الأعماق
ليتك تحس بلوعة الشوق فيني=وتعيش بحزان(ن)تجي ساعة افراق
أثارجرحك في عيوني تبيني=وصبري على طول العنى صعب ينطاق

آهات الوله

01-18-2008, 03:26 PM

فاضيه قلت اتسلى واتغنى بالبيوت=مادريت ان القصايد ماشقت بالفاضيه
دامهي بالشكل ذا والله ماخليها تفوت=لين تحسب لي براس الشعر ضربه قاضيه
آه من كتم الحقايق آه من وضع السكوت=آه من كثر الحوادث في خيال الفاضيه
كن ماحولى شوارع كن ماحولي بيوت=كنني ويا خيالي في صحاري فاضيه
اتكلم ماتكلم ليه اثبت ليه اشوت=خلني مثل العرب بالوضع كني راضيه
بس عندي كلمةٍ ودي بها لاهل البشوت=ليتهم عاشوا ليالي بالعصور الماضيه

عبدالله المرشدي

02-16-2008, 06:53 PM

ياشينها لاصرت واقف لحالك=على طـريـق مـأيـمـره ولا زول
تقول هالك وانت مانته بهالك=مالك جدا ياكود ترديد يحول
هذا ترا حالي ولا هوب حالك=لنك من الاحباب منته بمعزول
كلٍ يبي عرفك ويبغى وصالك=من جاك روح ياهوى البال مشغول
وانا بفكري مايفارق خيالك=كنك بعقلي دايم تصول وتجول
ماقول الا جمل الله حالك=خل الذي فالقلب ماودي اقول
ولاودي اوصف ماخفى من جمالك=اخاف وصفك بالشعر يسلب عقول
لكن ابوصف حال من جا قبالك=اذا نظرك بنظرته عرض في طول

**** شوق ****

03-28-2008, 06:42 PM

لي صاحبٍ من مدةٍ مالقيته= ومن يوم شفته ولع القلب توليع
يامر وينهى وش يبي وان عطيته = أعطيه عمري دون منّه وترجيع
يحق له دام الحشا صار بيته=يمون يجرعني من الهم تجريع
ياواحدٍ بأول حياتي هويته= ومن هويته صرت ماشري ولا أبيع

شوق

عبدالله المرشدي

03-28-2008, 06:48 PM

لي رفيقٍ ماحفظ غيبـة رفيقـه=يـوم قفـى بالعراقيـب شذبـه
الصديق اللي تردا في صديقـه=ماستحى من كبردقنه وشنبـه
ماترك خطه ولا سار بطريقـه=يـوم روح بالمشاهيـب عقبـه
والله ان القلب في وسطه حريقه=والصحيب يزيد فيهـا بحطبـه
عبدالله المرشدي

عبدالله المرشدي

04-15-2008, 03:16 PM

كيبورديه

كانك على هذا الكـلام متعـود=انا ترا للحيـن ماقـد تعـودت
حرام حرم اني بعدهـا معـود=مادام من وضعك معايه تاكـدت
تحسبني انـي زيهـم يامعـود=لا لا حرام انته فقط من تعمدت
تراي من كاسة غرامك مـزود=لين انصدمت ومن كلامك تعقدت
جيتك بصدق احساس وانته تكود=كنك بحالي مانظرت وتفقدت
جيتك غلا ماجيت منك اتفود=وانته بخلت وفي مكانك تجمدت
لاجاك مثلي في يدينه تجود=لاتتركه يروح لامن تبعدت

عبدالله المرشدي

04-26-2008, 04:20 PM

قالت عزيز وقلت مابغـى معـزه=ابغى الغلا اللي داخل الروح للروح
قالت يجي له يبن الاجواد حـزه=يمكن يكون الحين ماهوب مسموح
مع هرجها المعسول فزيـت فـزه=من زود فرحي بالغلط كنت ابا نوح
قلت الذي يمك طيوفك توزه= تراه من سبة تجافيك مفضوح
الشوق لجلك ثاير الشعر دزه=في خافقٍ ينزف من الوقت مجروح
حسنك غلاك بوسط قلبي يكزه= كزة شديد الموج للي على لوح

**** شوق ****

05-19-2008, 09:32 PM

وين الحبيب اللي نوى اليوم فرقا=الصاحب اللي عامسٍ خاطري عمس
اللي عليه القلب شفقن وحرقا=من زود شوقي أضرب الخمس بالخمس
في حبنا عفه ونصعد ونرقا=واضح نقي ويشبهه طلعة الشمس

شوق

عبدالله المرشدي

06-03-2008, 09:30 AM

البارحه سجيت مع ذكرياتي =سريت ليلي في سجلٍ طويته
قلبت صفحاتٍ مضت من حياتي=بذاك الطريق اللي برجلي مشيته
اراجع احداث السنين الفواتي=مافات يوم الا سجله لقيته
اذكر كثيرٍ فات وانسى واحاتي=ودي يبين كل شيٍ نسيته
استرجعه مابين ذاتي وذاتي=ماني مصدق كل شيٍ رئيته
اهتلت من همة صغير امنياتي=اللي بعضها من خيالي محيته
غدت بي امواج الحياه لشتاتي=وزهدت في حلمٍ بفكري بنيته
رضيت بالواقع وضاعت عصاتي=وعجزت اكمل في طريقٍ بديته
بين الامل والصبر والجهد تاتي=نتايج المجهود لا من جنيته
والحمد لله طاعة الله غناتي=هي بالنهايه حلمي اللي بغيته

**** شوق ****

06-30-2008, 05:59 PM

مع السلامه كثرت اليوم الاوجااااع = لاتعتذر ماعاد للعذر داااعي
كنت أحسب ان الحب مهوب ينبااااع = ماكنت أظن الحب يشرى يبااااعي
انا اعترف حبك سطى بين الاضلااااع= أبمسحه بالدمع واطوي شراااعي
شوق

ALGNRAL22

01-14-2009, 02:42 AM

موضوع طيب وراقي
واشارك في هذه الابيات

اصلح مصلحة مغرم يالين يبعد الافراق = ابطيب من قلبي وخوف من الزمن لا يحرقها
واروح واسج القدم يالين الهوا له ينساق = واهوجس من طلوع الشمس لين القمر يلحقها
ابا احتري واتحرى لاكن هالصبر حراق = يولع بالكبد ويرمي رصاص (ن) ويحرقها
ابسبت هنوف(ن) حبها تمركز وسط الاعماق = مزيونتن في كلها سبحان منهو خالقها

مرزوق أبـورقبه

02-04-2009, 12:43 AM

السلام عليكم

جيت منتدى عتيبه مشارك وموهوب
اشارك الشعار وفني قصيدي

ارتب الافكار طوبن على طوب
حتى اتعدى فوق رجمأ بعيدي

ياعتيبه الهيلا ماصدتني دروب
هذا انا مشارك وجايب جديدي

اسامر القمرا هجيني ومسحوب
واليا وضح نوره تغنى نشيدي

البس المعنى عن الهايله ثوب
ثوب الجزاله والقوافي حديدي

حالف وانا ماني بمكره ومغصوب
اني على درب العلا ما احيدي

لـــــ مــــرزوق أبــــورقــبه
وسـلامتــــكــم