هنا سنحتفي بشعراءنا

[حنين الماضي]

كعادة المميزين لايقبلون بغير التميز
وهنا بمنتديات قبيلة عتيبه ولله الحمد يتواجد
كوكبه من المميزين والمميزات
تستحق ان نحتفي بهم بطريقه الاشاده من خلال
تجولنا بين قصائدهم
وإختيار أجمل الأبيات في القصيده وأذا عجبتكم القصيده كلها قواكم الله
أو أجمل مقطع بخاطره
مع كتابة اسم شاعر البيت أو الخاطره
وراح نقول له صح الله لسانك ياشاعر القصيده ونذكر اسمه
وهذا أقل مانقدمه لشعراءنا المميزين
سواء كانت القصيده جديده أم قديمه لا تفرق ولكن لا بد أن تكون من نظم أعضاءنا الكرام
لنحتفي بتميزهم وإبداعهم
أنا سأبداء على بركة الله
صح الله لسانك يا عبدالله ولا هنت




نايف على روس النوايف تعلـى=قاد المراجل وخضعن له وهو شاب
في وسط ريضان الهوى ماتسلـى=عن كل سقطات الزلل سكر الباب
شيخٍ على كتفـه حمولـه تدلـى=يشيل حمـلٍ مايشيلونـه اشنـاب
المجـد جالـه طايـعٍ ماتغـلـى=خاضع وطايع مايبي ضرب مشعاب
نايـف مفـرح بالكرامـه تحلـى=عن كل وقفات المواجيب ماغـاب
بوارقه فـي راس مجـده تجلـى=دايـم يبيـن للمهمـات مرقـاب
يوم الردي عن ماكر العـز ولـى=نايف جمعها طيب وامجاد وانساب
عبدالله مرزوق المرشدي

[حنين الماضي]

شاعرنا المبدع
ناصر بن سعدي ((صح الله لسانك مدد لا عدد))

والتصاريح تحفظ مع حقـوق النشـر=رهن سبابتك لـو إن قلبـي جريـح
وأنصحك لو تخير غير درب القشـر=إختر من المسارات المسار الصحيـح
لأجل راحة وليفك بيع عمرك وإشـر=أرخص العمر لأجله مأنت ظني شحيح
ناصر بن سعدي

[محمد العتيبي]

موضوع جيد يا اخت حنين الماضي
ونرجوا من الجميع ايضا اختيار شعرا مثل شاعرنا عبدالله المرشدي
ومن لهم قصائد جيده
تحياتي لك

[حنين الماضي]

شاعرنا المميز

زبن القاضي ((صح الله لسانك مدد لا عدد))




من قال ابوي وقال جـدي وخالـي=وهوه عن الواجب يدور محاويـل
لوهو حفيدن لبـو زيـد الهلالـي=ما ينفع الرديان بعض الا قاويـل
لياصارمنته من ازحول ا لرجالـي=مو صلك ذكر اقبور اهلك لمواصيل
ومن يجمع الثنتين يشرب ازلالـي=ويحسب احسابه عند كل الرياجيل
لون وقت اليـوم سكبـت اعقالـي=اليا كثر مال الفتى قالـو اصيـل



زبن القاضي

[ناصر بن سعدي]

مشرفتنا الغاليه


حنين الماضي


ولفته...رائعه...تُشكرين..عليها..!!


وإحتفاء مغاير..لـ شعراء..منتدى قبيلة عتيبه..!!

وهذا البيت اللي وقعت عيناي..عليه..!!

لـ شاعرنا المميز..

عبدالله المرشدي..!!

وبيض الله وجهك..ياعبدالله..!!



لا اله إلا الله احسن مـا نقـول=ترجح الميزان ويطيـب عملـك



ودمتوا...متميزين..!!

[حنين الماضي]

مشرفنا القدير محمد

مرور بلسم

فلا عدمنا مرورك المميز

فائق تقديري

[حنين الماضي]

عزيزي ناصر

مرورك مميز

ويسعد من تتواجد بمتصفحه

رائك يهمني وتواجدك ينير الفرائد المختاره

دمت بود

[ناصر بن سعدي]

مشرفتنا الغاليه

حنين الماضي

لاهنتي على الإطراء..!!..ويدل علة طيب معدنك..!!

ويتواصل...مسلسل الإحتفاء...بنجوم منتديات قبيلة عتيبه..!!

وهنا...وقفه مع بيت شدني..!!


للمتألق

متعب العتيبي


ياليت كلمة ليت او ليـت مـع لـو=تقضي مطاليبـي وتنـه احتياجـي


وصح لسانه مدد..!!


وللجميع خالص تحياتي..!!

[بدر الروقي]

يعطيك العافيه ياحنين على الموضوع والفكرة الرائعه

[حنين الماضي]

لا هنت يا بدر
ونحن بإنتظار ذايقتك التي عودتنا عليها
فلا غنى لنا عنك
بإنتظار بدر وإنتقاءه أجمل الفرائد
.......................
شاعرنا ((فهد غنام الشمري ))
صح الله لسانك ولا هنت

الـمــال بـيـديـن النـشـامـا عـزيـمــه=والـمـال بـيـديـن الـــردي ذل واذلال
ومن لاعطـاه المـال عـز(ن) وقيمـه=ليـت الفقـر حـده علـى نايـف الجـال
وقال

العـمـر يـمـشـي واللـيـالـي مقـيـمـه=وعن منـزل الدنيـا لـك القبـر منـزال
ان كان مـا تاخـذ مـع النـاس شيمـه=لا مت مـا يدفـن معـك غيـر الاعمـال
صح الله لسانك مدد لا عدد

[بدر الروقي]

هذه أحد قصائدي

فرقتنا الليالي غصب من غير طوع = والليالي على مثلي دوامٍ عسيره
كم عشيق شكى لوعه تهزّ الضلوع = لا أقبل الليل جض وكن ساقه كسيره
غيبتك عن سمايه وسط قلبي تروع = مونسٍ في حنايا القلب مثل السعيره
لنتصف ليل خلق الله وزان الهجوع = قمت أجاوب عوى ذيبٍ برأس الزبيره
وأنحدر من عيوني دم أحمر يفوع = من جروحٍ سطت بين الضماير خطيره
أشهد إني عشقتك ياحسين الطبوع = عشق عنتر لعبلى في عصور المغيره
ما أختلف صدق حبي لك بكل الشروع = وشرع حب القداما غارقٍ في غزيره
ياحسين الوصوف البعد صعبٍ يلوع = كم عشيرٍ تلوّع من غياب العشيره
مااقدر البعد أنا لوطال قلبي جزوع = ما أحتمل غيبتك ياهاجر ارض الجزيره
جعل دار نزلت ابها بروقٍ شعوع = يسقي الغيث دارك لين توحي هديره
مزنةٍ في مثان الوسم عندك تموع = لجل يبقى حيا دارك ورودٍ زهيره
ياابن عمي تولع قلبي ابها ولوع = طفلةٍ في ربيع العمر توا صغيره
والله إني على لاماه أهل الدموع = وأرتجي يوم قربه بالهجر والسريره

[حنين الماضي]

مشرفنا القدير بدر الروقي

صح الله لسانك مدد لا عدد

أبيات تستحق الإحتفاء

لله درك

أشهد إني عشقتك ياحسيـن الطبـوع=عشق عنتر لعبلى في عصور المغيره
ما أختلف صدق حبي لك بكل الشروع=وشرع حب القداما غارقٍ في غزيـره

بدر الروقي

[حنين الماضي]

شاعرنا الشامل

صح الله لسانك مدد لا عدد

فاتنه بحق تستحق الإحتفاء



يا قلم سطّر جمل و ا جمل تعـا بيـر ا لعبـا ر ه=با لقصيد و با لقو ا في و با لحر و ف ا لابجد يّه
يا شتا ت ا حلا م ما ضي يا مشا عر مستثـا ر ه=يا تضا ر يس ا لشقا عبر ا لعهو د ا لسر مد يـه
يا شتا ليل ٍ طو يل مطا و له شـدّ ة حـر ا ر ه=يا شعا ع ا لشمس لكن منحجب فـي ظـل فَيّـه
يا و ر و د ٍ ذ ا بله في شو ك في و سط قَـا رَ هْ=يا بر ا عم فتحت و سط ا لصخر تحت بـر د يّـه
يا طعم سكر تذ وّ ق في فمه طعـم ا لمـر ا ر ه=يا ا بتسا ما ت ا ختفت عن ا لخد و د ا لنر جسيه
يا حلو م ا لليل قو لي يا متى يصبـح نهـا ر ه=و ينجلي حلم ٍ حلمته و ا نتظر ر جعة خـو يّـه


الشامل

[محمد العتيبي]

صح لسانك (حنين الماضي)
ابيات رائعه

وناظرت القصيده بين تائـه فكـري وحيـران= وبخرته عن عيون الحسد واللـي يحسدونـه
وقالو بيعي اللوحـه وجابـت غالـي الأثمـان= وحلي لغزك بساعـه وخـل النـاس يشرونـه
وفجاة طاحت اللوحه ولغـزي طـاح بالقيعـان= حلوم الليـل كذابـه صحيـح اللـي يقولونـه
خساره رسمتي له بأوسط الزهره من الرمـان= وخساره وضعتي له داخلـي بعيـون مفتونـه

[ابن مرشد]

مشكورياحنين الماضي

وبيض الله وجهك


وهذا شي طيب حيث يذكر شعارنا ولاينسون



تحياتي

[حنين الماضي]

ابن مرشد مرورك شرف لي طال عمرك

فلا تحرمنا ذايقتك

نحن بإنتظارك

[حنين الماضي]

عبدالله المرشدي

صح لسانك مددلا عدد ولا هنت كل بيت عن قصيده


ريـع الذيـاب يلوثـك لـو مرقتـي=للرجل في تالـي مهاويـه مـزلاق
كثر المعـارف ترشحـك لاعرقتـي=وترميك في داخـل ملفـات وانفـاق
ارقي على ظهـر الجبـل لاشرقتـي=كبي عديميـن المبـادي والاخـلاق

[ناصر بن سعدي]

..

..

ويتواصل...تميز...من يستحقون التميز..!!

وحتماً...لا...ينظم...لـ منتيديات قبيلة عتيبه..!!...إلا ..من هم أهلٌ لـذلك..!!


ومن خلال مصافحة شاعرتنا المميزه((نايفة نجد)) الثانيه..!!


إخترت لكم أبيات القصيده في وجهة نظري..!!



مستحيل احب غيره مستحيـل=اعشقه واعشق تغليـه وجفـاه
كل مايبعد يزيد الويـل ويـلواعذاب اللي تولع فـي هـواه
مابقى حيله وضيعت السبيـل=ليت حظي يبتسم يـوم معـاه
مايهموني ترى عمرو وخليـل=مانبا بالحـب غيـره مانبـاه


الشاعره

نايــــــــفة نجـــــــــد



دام تألقها..!!

[النـايــــــف]

مشكوره اختي حنين الماضي


على هذا الموضوع الرائع


تحياتي لك ،،،،

[زبن القاضي]

اختي حنين الماضي

موضوع رايع وفكره رايعه لك كل الشكر عليها

بيت لشاعر المعروف/عبد المعين الثعلي

ربعي كما الحيد الطويل النايف= ارقى براسه ونسدح في ضله

[ناصر بن سعدي]

ومع التميز...يتجدد اللقاء..!!


هناء...أبيات رائعه

لـ الشاعر

عيضه العيسى


دنيـاك ياغافـل لـك الله ماعليهـا مستـريـح=مشغـول والايـام ماتـدري وش اللـي خبتـه
دنيـا مشاغلهـا كثيـره لاتـزيـح ولاتبـيـح=تغريك في ريع انفتـح والريـع الأخـر ذبتـه
ماينفعـك يـالأ دمـي كثـر التمـدح والمديـح=من حبـه الله واكرمـه كـل الخلايـق حبتـه


وإلى الأمام..!!

[حنين الماضي]

ويتجدد التميز مع مشرفنا القدير

محمد العتيبي

دمت ودام تميزك


الوقت ضيق والمســــافه طــويله =بيني وبين صويحبي كامل الزين
ياسعود قلي صاحبي كيف اجي له =ظروفنا صعــبه واهلها بعـيديــن

محمد صح لسانك ولا هنت

[حنين الماضي]

ويتجدد الإبداع
مع شاعرنا المميز
عبدالله المرشدي(( المميز))

الشجر لاجف ما جالـه ضلالـي=تسقط أوراقه وغصنه في ذبـول
الشباب يشيـب لاجالـه مجالـي=واخر ايامه على اللوح محمـول
تجـري الأيـام وتمـر الليالـي=والسنين بحـال دنيانـا تصـول
عبدالله المرشدي صح لسانك مدد لا عدد

[حنين الماضي]

ضاوي العصيمي

صح لسانك مدد لا عدد

إبداع ×إبداع




والجار لو عـن داره ابطـا غيابـه=خلك وصيـه لاتخونـه اليـا غـاب
والضيف رحب بـه وكـرم جنابـه=وقدم له الميسور من كـل ماطـاب

[حنين الماضي]

شاعرنا المميز عبدالله المرشدي


رائعه من روائعك

لله درك ولا هنت إبداع وجزاله



اعرف دروب الشرف مابي جهاله=واعرف اشلون الوفا لاهل الحقوق
اعشق اهل الطيب راعين الشكاله=واحشم اللي في رضا ربه سبوق
اطرب لشوف الجمال بكل حالـه=واعشق القمراء وافز مع البروق

[سيف قحطان]

السلام عليكم ورحمة الله وبركاته
اعجبني كثيرا هذا الموضوع
احببت ان اقدم لكم هذه الابيات التي اتمنى ان تروق لذائقتكم

الصغير صغير في عيون الرجال=لولبس له بشت وعقال كبير
المراجل ما هي بلبس العقال=ومايجب المرجله رجل حقير
اصخر المعنى على بيوت جزال=واسبك الطاروق بالمعنى الخطير
مانبي الجاهل يحصل له مجال=وانقراها الفن لـ عقله يطير
الله اكبر يا زمان الاختلال=اختلف وضع العرب واصبح مثير
صار مقياس الطلاقه بالريال=وصار شيخ القوم من ماله كثير
يوم كان الحق يوخذ بالسلال=ماغدا لي عندهم حبة شعير
وسلامتكم جميع
حقوق النشر محفوظه
مسفر القحطاني

[حنين الماضي]

سيف القحطاني

سلمت وسلم نقلك المميز

وصح الله لسان مسفر القحطاني

يستحق الإحتفاء به

تقبل من أختك أرق التحايا

[حنين الماضي]

ومع بزوغ فجر جديد

يطالعنا التميز

والمتميز اليوم هو شاعرنا صالح

صح الله لسانك يا صالح مدد لا عدد

الحر يكفخ عـن قصـار الدناقيـر=ماله على بعض الدعـاوي هوايـه
والشك مايصلـك منـي ولا غيـر=أقـول قـل يالله منـك الهـدايـه

[حنين الماضي]

ويتجدد الإبداع مع شاعرنا المميز ((شوق الفدعا ))http://www.arb-up.com/get-2-2007-n92vsmkt.gif (http://www.arb-up.com)

دمعة قلم سالت على جرد الاوراق=الشعر حبـره والتناهيـت عيـده
يقطف من اعناق الشعر كل مالاق=قلـم تسيـد والقصائـد عبـيـده
يظهر خفايا شاعر وسط الاعماق=ويكشف معاناته ويكتـب جديـده
http://www.arb-up.com/get-2-2007-n92vsmkt.gif (http://www.arb-up.com)
فائق التحايا للجميع

[حنين الماضي]

http://www.arb-up.com/get-2-2007-qtj3u6ye.gif (http://www.arb-up.com)
ويتجدد الإحتفاء

بالشاعر المميز عبدالله

لله درك ولا هنت


الحقير ابن الحقير اللي دخل باسم البنيه=لو براسه خير رده ماقرب نـك البنـات
قاصر الهقوات جيده بالتحايـل والخفيـه=عايشٍ عمره يفكر كيف يصتـاد القطـاة

http://www.arb-up.com/get-2-2007-qtj3u6ye.gif (http://www.arb-up.com)

[طراد العتيبي]

اني متابع لهذا المنتدى الرائع وارجو منكم الاستمرار فيه وتقديم الافضل بأذن الله تعالى وابراز المواهب الفعاله في الشعر والادب العربي وتخصيص صفحه لتأليف واستخراج الشعر من داخل الفؤاد للترويح عن النفس والتعبير عن مابداخلنا ولكم جزيل الشكر

[حنين الماضي]

طرا د حياك الله بين إخوانك وأبناء عمومتك

بارك الله بحضورك

تحياتي

[حنين الماضي]

http://www.arb-up.com/get-2-2007-qtj3u6ye.gif (http://www.arb-up.com)

أعزائي
ويتواصل التميز والإبداع
ويتواصل الإحتفاء بشعراءنا المميزين
بينما أتجول بقصائد الأعضاء شد إنتباهي قصيده للشاعر الغني عن التعريف
عبدالله فيحان السميري
وجدته يتغزل بمحبوبته
فلا يسعني الاّ إن أقول له دمت ذخراّ للوطن
دمت ودام تميزك

تدرون منهي حبيبـة قلـب عبـدالله=والله مالـي حبيـب الا السعوديـه
دارا غلاها جميـع الجسـم يحتلـه=نسبة غلاها معي ميـه علـى ميـه
روحـي فداهـا ويفداهاالعمركلـه=وعيوني فدا الوطن هـاذي وهاذيـه
عبدالله صح الله لسانك مدد لا عدد
تقبل من التحيه أغلاها
ودمت بود
http://www.arb-up.com/get-2-2007-qtj3u6ye.gif (http://www.arb-up.com)

[عبدالله فيحان السميري]

اختي حنين يشرفني ان اكون بين اخواني وبني عمي قبيلتي العزيزيه
عتيبه وهاذا بحد ذاته احتفاء وبالنسبه لك الله لايهينك ويسلمك وشكرا على الاطرا والكلمات الجميله التي ذكرتيها اندله انماء تدل على وعيك ومفهومك الناضج ومعلوماتك الثريه وشكرا على الجهد الذي تبذلينه في خدمت موروثنا الغالي حفظك الله وسلمك
ولك فايق ودي
اخوك الشاعر
عبدالله السميري

[حنين الماضي]

أعزائي ويتجدد الإبداع ونحتفي بشاعرنا

ناصر الحربي



ارجوك خلك كذا في برجك العاجي=وخل البشر تحترق تطفي حرايقها
مدام برجك هذا ما وافق ابراجي=الناس تفرق كذا. طبعاً خلايقها
واذ انت مرتاح ليش اتحاول ازعاجي=خل النفوس المريحه لا تظايقها
فلا يسعني بعد هذه الفاتنه الاأن أقول صح الله لسانك مدد لا عدد

تقبل فائق التحايا ودمت بود

[حنين الماضي]

أعزائي ويتجدد الإبداع ونحتفي بشاعرنا

عبدالله المرشدي





انت الـذي بالخفـوق تعيـد ترتيبـي=حبك يشوش على التفكيـر باعجوبـه
مافيه غيـرك توفـي لـي مطاليبـي=كـل العـذارا بهـن تظليـل وكذوبـه

استخسر البيض في طبعـي وتهذيبـي=واستخسر الشعر في غيرك يجي صوبه




صح الله لسانك يا شاعر المنتدى مدد لا عدد
تقبل فائق التحايا ودمت بود

[حنين الماضي]

أعزائي ويتكرر التتويج

والإحتفاء

بشاعرتنا القدير الشامخه



يني شموخ وهيبتي للفخرباب=فجوه ربعي بالسيوف الرهايف
لي لابة ٍ يوم الوغا شلف وحراب=مثل الجبال الشامخات النوايف

لله درك ولا هنتي

تقبلي من أختك فائق التحايا ودمت بود

[حنين الماضي]

ويتجدد الإحتفاء بشاعرنا المميز

ناصر الحربي


اكتب بيوت الشعر سهله بس سهلاً ممتنع=ماني بقابلك عذر وانته بعد لاتقبله
خلاص قلبي عاف يعني رحت عنك مقتنع=وان كان في قلبك غلا شف كره كثره ودبله


لله درك ولا هنت يا أخي

تقبل من التحيه أغلاها

[بن رشوان]

لاهــنــت اختي حنين الماضي

على هذا النقل الجيد


ابن رشــــــــــــــــــــــــــــوان

[عبدالله المرشدي]

بيت عن قصيده


لشاعرنا القدير ناصر بن سعدي


خير الكلام أخير مـن كثـر الهـذر=تكفين ماأبغى الوقت ضدي يخلفـك

[عبدالله المرشدي]

اعجبني كثيرا

لشاعرنا القدير سعود حلمي


حنا هَل التاريخ ياحلـوه مقابيـس الضـلام=اكيد لونكسر ضلوع(ن) عوج ماهي جابـره

[حنين الماضي]

ويتجدد الإحتفاء ويتجدد الإبداع

بشاعرنا القدير والمميز سعود حلمي

لله دره ولا هان
على غياب المترفه شعري تعصـا مـن عصـاه=إن كان قصرت بقصيدي فيـه مانـي بمعـذور
مترف شباب وعايشن في القلب واتعبني غـلاه=ياوجد حالي لاذكرتـك يالنواعـس والخصـور
اقفا وانا قفيت لـو الحـزن فـي عينـي قـراه=هدمت بيتك يالغلا مـن عقـب ماكـان معمـور
ليلة غضب فرقا وانا قفيت عـن عنـق المهـاه=كسرت ذكراها ولا بقيـت لـه حتـى العطـور
بعد طويل السالفه وش لـون ابـا ادور رضـاه=جاني بها طيف المشاعر بعد ماغابـت شهـور
جتنـي تمـد كفوفهـا كنـي موصيهـا وصـاه=في كفها الايمن وفا في كفهـا الايسـر زهـور
سعود حلمي

صح لسانك مدد لاعدد

تقبل من التحيه أغلاها

[عبدالرحمن الحمد]

السلام عليكم ورحمه الله وبركاته

بالنسبه لي توجد مشاركات جميله جداً واسمحولي بأن اضعها

في هذا المتصفح الكريم


أحـب أخـاوي مــن تـربـى عـلـى الطـيـب = رجـل سنـافـي فـيـه مــن زيــن الأطـبـاع
مــن روس قــوم ٍ ينطـحـون المـواجـيـب = إبــن الـرجـال الـلـي يعـرفـون الأسـنــاع
حـــراً ولـــد حـــراً عـطـيـب المـضـاريـب = لـه مـع زحــول الـقـوم مـدخـل ومـطـلاع

لـ شاعر القدير / محمد العريــدي


من قال ابوي وقال جـدي وخالـي = وهوه عن الواجب يدور محاويـل
لوهو حفيدن لبـو زيـد الهلالـي = ما ينفع الرديان بعض الا قاويـل
لياصارمنته من ازحول ا لرجالـي = مو صلك ذكر اقبور اهلك لمواصيل

لـ شاعر المبدع فعلاً / زبن القاضي



طار الكرى والعين مما شفت حاربها المبـات = خطٍ لفا من شاعرٍ بالشعـر شعـره مستميـت
فج الضلوع وهيض اشجاني على كيفه وجـات = جيته وجاني يوم جا بالطيب يمي جيت جيـت
يامرحبـا ترحيبـةٍ معهـا الـدلال مبهـرات = يامرحبا ياسهيل من قلبـي ليـا منـك لفيـت
شكوتك عندي في برووج عاليـات محصنـات = اجلهـا واحلهـا لـو دربهـا ماقـد مشيـت
الحـظ بالدنيـا يـدر اكثـر علـومٍ دايـرات = حظك نصيبك مايصيبك شي حاصل لو عديـت
الهمه العليـا تحطـك فـوق روس النايفـات = والهمه الدنيا قعدت ابهـا ليـا منـك رضيـت
سدد وقارب للهدف لاتقول ماقـد فـات فـات = اضبط عيارك وانتبه ترمش ليا منـك رميـت
كل اختبار لو فشل غيـره مـع الايـام يـات = كرس جهودك زين واخلص بالعمل لامن سعيت
برقٍ تعـدا بالمـزون الساريـات المردمـات = لاتلتفت له لو على وبلـه تحسـرت وبكيـت
من صارع الدنيا يشوف الغايبـات المبهمـات = تبدي لك اللي مختفي وقت الصباح وبالمبيـت
جمع بقايـا مابقـا وارق الرجـوم العاليـات = شد الحزام ولو بدا حالك مـن ايامـك شتيـت
لاتستمع لاهل العقول الصاغـرات الخاويـات = سكر سموعك عن هروج النذل كنك مادريـت
طرد الهروج تحاربه كـلّ العقـول الراجحـات = مافيه فود من الملاسن هج لـو فيـه ابتليـت
وان كان جت للشعر شعرك مايبي جزله ثبـات = قافك على هام القصيد الجزل له ساسٍ ثبيـت
ابشر بعزك لو عليك تميل مـن كـل الجهـات = مادام راسي حي ماتطلب من عيونـي عطيـت
ترقى جبل ماهتز لـو هبـت عليـه العاتيـات = ابشر بعـزك يالسنافـي لاتعزويـت ورقيـت
يمناي سيف يفرق صفوف الجموع المركمـات = وربعي عتيبه عزوتي لاجا الملاقـا واعتزيـت
لطامة العايل لهـم صيـت ورا نهـر الفـرات = برقا وروق يصخرون الصعب لاقمت ونخيـت
عندي وصلت ولاعليك من العلـوم الثايـرات = اضرب على ماتشتهي وانا على الدرب احتريت
دامك من اللي بالكرم زادو ثمـان المعجـزات = شمر ينومس ذكرهم وانته من الطيب ارتويـت
لعيون ساره واختها سقت البيوت الشـاردات = لعيونهن ارمي عقالي واستميت اليـا انتخيـت

لـ الشاعر الكبير الذي اكن له كل تقدير واحترام / عبدالله المرشدي


شاكر لكٍ حنين الماضي على اتاحة الفرصه

تقبلي من خالص الشكر والتقدير

مع التحيه

[عبدالرحمن الحمد]

هنا ايضاً عزوفه جميله جدا ً


الجرح الأوّل ياعضيدي مـن حظـوظٍ نايمـات = عيّـتْ تنوّلنـي مـرامٍ بـهْ تولّعْـت وهويـت
والثّاني امْن اجروحي اِعْزوف المزون المقبلات = يوم اوْهلتْ قاعي نِقرْ له هـبّ جـلاب الحليـت
يالمرشدي والثّالثْ اِجْموعـي تِـولاه الشّتـات = من مايلاتٍ لعْن ابـو جِـدّه مطاعنْهـا تِمِيـت

لـ الشاعر القدير برق




والله ان الخبـل لوتعطـيـه قلـبـك مايهـمـه = والحصان الياعطيته شي حطه في عيونه
والبخيل الياعطيته شي حطـه وسـط كمـه = والكريم اليا عطيته شي حطه في صحونه
والضعيـف الياحـداك الوقـت والايـام يمـه = والله انــك ماتغيـدالاالـردى والاالمـهـونـه
وفيه رجل اليانشدته يخطي العلـم ويخمـه = والرجـال الطيبـه مـن طبعهـم ماينشدونـه
وانت لـوودك تسمـي صاحبـك تقدروسمـه = انضرال عقله وفعلـه لاتناضرويـش لونـه
لايـغـرك كــل رجــل اب لحيـتـه ولامعـمـه = كـان تجهـل لايغـرك عنـدك اللـي يدهلونـه
لاتقـول افـلان ابـوه افـلان ولافـلان عمـه = ولاتقول الناس دايـم فالمجالـس يمدحونـه

لـ الشاعر المتميز فعلاً والمبدع / ابو خشبه القوبع

[عبدالرحمن الحمد]

واصل الاعجاب لطرح الجميل



يابنت شومي وإشتري راحـة البـال = شومي عن اللي بالوطـاه متسـاوي
شومي عن اللي ينقل القيـل والقـال = في طبع موفيـن المواجيـب غـاوي
حتى أيش لو يلبس له شماغ وعقـال = وألا...لبس له يوم بشـتٍ حسـاوي
شـرواه يسبـح بالمهونـه ويختـال = دون المراجل بـارد الوجـه ثـاوي
يهين نفسـه لأجـل تعطينـه ريـال = ويقول أنا عنـدي جميـع المنـاوي
اللـي سواتـه ظلـم ينقـال رجـال = ماهو على فعـل الطحاطيـح قـاوي
تستاهليـن الخيـر يابنـت الأبطـال = والله يجيـرك مـن جميـع البـلاوي
عريبة المنسب مـن العـم والخـال = شيهانـةٍ مـن وكـر حـرٍ نـداوي
ما أمدحك ميت جوع وأبحث عن المال = وألا..محبٍ فـي (غرامـك هـواوي)

لـ الشاعر المبدع والرائع / ناصر بن سعدي

[العتيبية]

السلام عليكم ورحمة الله وبركاتة

هاذي قصيدة للشاعرالكبير متعب بن مضيان السليس العطاوي


يا الربع دلوني على سوق الاشعـار
ابا اشتريلي مـن حراجـه قصيـده
ابـا اتخيـر فالقواصيـد واخـتـار
اختارلـي شاعـر وازود رصيـده
مـادام للشعّـار والشعـر تـجـار
يفيدنـي بالشعـر شاعـر وافـيـده
اخذ منه نسـج الضمايـر والافكـار
في كل يـوم اخـذ روايـع جديـده
وأقول حـذرا لا تبيـح بالاسـرار
واغريه حتـى مـا يسـو المكيـده
واصير شاعر لي جماهير وانصـار
معـاد ادور واسـطـه فالجـريـده
شاعر مع الشعار الي صيت واذكار
باعـي طويـل ومعطياتـي مديـده
في قايمة رواد الاشعـار لـي كـار
ولي خانة في صفحة الشعـر اكيـده
احـي المحافـل واتنقـل بالاقطـار
وكـلٍ يكاتبنـي ويرسـل بـريـده
عبر امسيات الشعر اعلّم بالاخبـار
=واضحك على اصحاب القلوب البليده
اجـر بشتـي واتبختـر تبخـتـار
مـن شافنـي يقـول وش هالوليـده
انظر بنصف العين لاصحاب الانظار
ليـا تبنيـت البـيـوت الفـريـده
واللي سمعني قال شعـار وبيطـار
والشعر ماهـو لـي لبايـع قصيـده
هذا وانا اداري على الشعر واغـار
في واقعي شاعر وصاحـب عقيـده
عبرت عن شخصٍٍ مخـادع ومكـار
يبنـي مـن الاوهـام بيـتٍٍ يشيـده
ولا ترا مرضا على الشعـر بالعـار
كافحت من دونـه مـرارن عديـده
لكن احاطتبه مـن ايميـن ويسـار
قـومٍٍ تساندهـا ضـروفٍ عنـيـده
واليوم يصرخ فـي مذلـه ومحتـار
بيـن الاراذل فـي حيـاةٍ زهـيـده
اشوفها دارت على الشعـر الاقـدار
من كثـر طلابـه ورضـاع ديـده


وسلامتك


بنت السليس العتيبي

[العتيبية]

اسففففة

وهاذي هي القصيدة

يا الربع دلوني على سوق الاشعـار
ابا اشتريلي مـن حراجـه قصيـده
ابـا اتخيـر فالقواصيـد واخـتـار
اختارلـي شاعـر وازود رصيـده
مـادام للشعّـار والشعـر تـجـار
يفيدنـي بالشعـر شاعـر وافـيـده
اخذ منه نسـج الضمايـر والافكـار
في كل يـوم اخـذ روايـع جديـده
وأقول حـذرا لا تبيـح بالاسـرار
واغريه حتـى مـا يسـو المكيـده
واصير شاعر لي جماهير وانصـار
معـاد ادور واسـطـه فالجـريـده
شاعر مع الشعار الي صيت واذكار
باعـي طويـل ومعطياتـي مديـده
في قايمة رواد الاشعـار لـي كـار
ولي خانة في صفحة الشعـر اكيـده
احـي المحافـل واتنقـل بالاقطـار
وكـلٍ يكاتبنـي ويرسـل بـريـده
عبر امسيات الشعر اعلّم بالاخبـار
واضحك على اصحاب القلوب البليده
اجـر بشتـي واتبختـر تبخـتـار
مـن شافنـي يقـول وش هالوليـده
انظر بنصف العين لاصحاب الانظار
ليـا تبنيـت البـيـوت الفـريـده
واللي سمعني قال شعـار وبيطـار
والشعر ماهـو لـي لبايـع قصيـده
هذا وانا اداري على الشعر واغـار
في واقعي شاعر وصاحـب عقيـده
عبرت عن شخصٍٍ مخـادع ومكـار
يبنـي مـن الاوهـام بيـتٍٍ يشيـده
ولا ترا مرضا على الشعـر بالعـار
كافحت من دونـه مـرارن عديـده
لكن احاطتبه مـن ايميـن ويسـار
قـومٍٍ تساندهـا ضـروفٍ عنـيـده
واليوم يصرخ فـي مذلـه ومحتـار
بيـن الاراذل فـي حيـاةٍ زهـيـده
اشوفها دارت على الشعـر الاقـدار
من كثـر طلابـه ورضـاع ديـده

وسلامتكم

بنت السليس العتيبي

[بن رشوان]

مشرفتنا الغاليه حنين الماضي فكره تشكرين عليها واشكرك من اعماق قلبي 0