قصيده صوت وكتابه للشاعر سهم عتيبه ( سلطان الجلاوي)

[رائد العتيبـي]

هذا المقطـــع الصوت

http://www.4zz.net/pics/20061106307061185136.ra

اجرح كبدي على اللي شافته عيني .. فـي ثالـث العيـد يـوم النـاس ملتمـه
قابـلـت غــرو ٍ عــذاب ٍ للمحبيـنـي .. يلعب بقلب الهواوي في طرف كمه
قابلـتـهـا ووقـفــت يـمــي تنابـيـنـي .. لـكـنّ موحيتـهـا خـجـلـه ومهـتـمـه
من خـوف لحـد ٍ يناظرهـا تحاكينـي .. وانا بعد حرص مبغى هرجة الخمه
وقـفـت وقلـبـي تـتـلـه بالشـرايـنـي .. تل الرشـاش للدلـي مـن منهـل الجمـه
الخشـم منقـاد مـن بيـن الحجاجينـي .. والعين عين الوحش في ذمتـي ذمـه
وحواجـب ٍ كنهـا هـلال الشيابيـنـي.. والـخـد ماكـنـه الا بـــارق الـغـمـه
سنه ان بالغت يمكن حول عشرينـي .. اصغيـر سنـه نهـيـده بــاول الـزمـه
مـن بعـد شوفـه منـام الليـل جافينـي .. العيـن عافـت لذيـذ النـوم مـن هـمـه
لـولا اللحـن يــوم اغنيـبـه يسليـنـي .. لطـش ثوبـي ولالحـق ثوبـي العمـه
وياليت مجـدل بعـد غنيـت يوحينـي .. يوم ارفع الصوت بين الناس وادمه
خابره في نفس مشواري مخاوينـي .. حب الهـوى والمـوده شاربـن دمـه

[ناصر بن سعدي]

الغالي

رائد العتيبي

بيض الله وجهك على النقل الرائع


وبيض الله وجه شاعرها..!!

سلطان الجلاوي

ودمت بخيـــــــــــــــــر

[رائد العتيبـي]

ناصر بن سعدي .. عز الله انك شرفت المكآن وجهك ابيض طال عمرك

تقبل تحيات اخوك

[بدر الروقي]

صح السان شاعرها

وبيض الله وجهك على النقل الرائع

تحياتي لك........!!

[رائد العتيبـي]

بـدر الروقي .. شرفني وجودك ومرورك . وجهك ابيض طال عمـرك

[النـايــــــف]

مشكور اخوي رائد العتيبي


على هذا المقطع الصوتي الرائع

تحياتي لك ،،،

[رائد العتيبـي]

النايف .. شرفني مرورك طال عمرك والله يسلمك من عذابه وناره

[ارام]

مشكور وجزاك الله خير

[رائد العتيبـي]

ارام حياك الله وشرفني مرورك

[ولد منصور]

رائد العتيبي مشكور

[الـعـتـيـبـي]

مشكوووووووووووووور