تكـــفون يالعتبان ـ،ـ،ـ،ـ،ـ،ـ،ـ, إلى الشعراء فقط!!!!!!!!!!!!!!

[قاصد خير]

السلام عليكم
أخواني الإعـــزاء لأدري كيف أبدا ولكن
أرجوا عدم فهمي خطأ فإني بينكم هنا بأول مشاركه لي في هذا المنتدى الراقي المميز بإعضائه وإدارته
وسبب وجودي هنا هو طلب الفائده والمعرفه من خبراتكم وشاعريتكم
لأني شاعـر غير متمكن وأود معرفت الكثير من البحور الشعريه
التي يعرفها الكثير من الشعراء الفحول المتمكنين اللامعه أسمائهم
فلو تكرمتم بجودكم ودليتموني على الباب الصحيح أكون لكم شاكر
وأرجو أن تكون واضحه جدا ولاتكون منقوله من المنتديات
لأني قد إطلعت عليها وليست موضحه للمبتدأين أمثالي
.................................................. ........................

تكفون يالعتبان وأقول تكفون=ياللي لكم نهج الشجاعه عوايد
ياللي على درب المراجل تسيرون=يقولها شاعر ويبغا السدايد
يليت في بدع القصايد تشيدون=حتى نعرف أبحور كل القصايد
الناس قالو لشّعر حد قانون=وأنا غشيم وجاهلٍ بالفرايد
بالله يأهل الشعر وشلون تدرون=بأن الشعر فيه البحور العدايد
يا ناس هاتو لي من اللي تعرفون=من ماضي أبحور الشعر والجدايد
هاتو من أبحور الشعر ما تعرفون=وحطو مثال لكل بحرٍ محايد
وأنا أتحرا ردكم يوم تقرون=وانا أدري العتبان ربع الشدايد
عساك يافكري تحرا يردون=وعسا من العتبان نلقا الفوايد
هذي نهاية قاف صدره على أون=والعجز واضح للمواثيق آيد

.,.,.,.,.,.,.,.,.,.,.,.,.,.,.,.,.,.
أرجوا من الشعراء الإدلا بأمثال على البحور من أشعارهم
لتكون غير منقوله ( مقوله )
لكم تحياتي أخوكم قاصد خيــر

[ابن مرشد]

بيض الله وجهك وصح لسانك



تحياتي

[ابن مسلم]

قاصد خير

حياك الله بين اخوانك وصح لسانك على هذه القصيده

الرائعه

واما بخصوص طلبك فإنشاء الله تجد الرد الكافي من الاخوه الشاعر
ممن لديهم المعرفه التامه ولعل الاخ عبدالله المرشدي يفيدك بهذا
الخصوص

تحياتي

[إبن ثعلي]

هلا بك ياقاصد خير وحياك الله ومادام هذه قصيدتك فانت لست بشاعر مبتدئ ولست بحاجه لمن يعلمك
تحياتي

[بدر الروقي]

صح السانك يالذيب

وبيض الله وجهك



وان شاء الله أنا وشاعر نتفق على موضوع البحور انزله لك



تحياتي لك


بدر الروقـي

[النـايــــــف]

صح لسانك اخوي قاصد خير


وبيض الله وجهك يا الغالي


ولا تحرمنا من إبداعك معنا


تحياتي لك ،،،،

[عبدالله المرشدي]

هلا بك ياقاصد خير وحياك الله ومادام هذه قصيدتك فانت لست بشاعر مبتدئ ولست بحاجه لمن يعلمك
تحياتي
اخي الكريم قاصد خير هلابك وحياك الله وباين عليك ماشاء الله شاعر جزل
ومثل ماقالك اخوي ابن ثعلي وازيد ترا المبتدي والمتمكن مو محتاج يعرف البحور خصوصا المبتدي بتعبه اكثر (ريح مخك) وياهلا فيك

ياقاصد الخيرات لحظه على هون=مالك ومال الطايلات البعايد
منته بحاجه تعرف البحر وش لون=ولانته بجاهل في قديم العوايد
اللي يهمك فيه مقفى وموزون=ومعناه سالم من جميع النقايد
حنا من اللي بالمواجيب يوفون= عتيبه بحزات الرخا والشدايد
اسمع كلامي زين تراه مضمون=خلك عن اللفات دايم محايد
فكر وناظر كان لك قلب وعيون=مالك ومال العلم لاصار كايد
وازكى تحيه عد ماهلت مزون =على شفيع الخلق راع الحمايد

[النـايــــــف]

صح لسانك يا ابو مرزوق


وبيض الله وجهك



تحياتي لك ،،،،

[بنت* عتيبة]

~*¤ô§ô¤*~قاصد خيــر~*¤ô§ô¤*~

يا هلا بك وهلا بها الابيات الجزلة.

وياليتني شاعرة واجاوبك.

كلمة تكفون ... ماهي بسهلة

لكن البركة في شعراءنا .

وحياك الله وبياك وصح لسانك

[بنت* عتيبة]

شاعر منتدى عتيبة

~*¤ô§ô¤*~عبد الله المرشدي~*¤ô§ô¤*~

صح لسانك

فما بين السلاسة والمعاني نرتحل

جمال البلاغة

ونُستسقى من صفاء الفؤاد

وشفافية الفطرة

تعابير المحبة والعطاء

[ابن مسلم]

صح لسانك يابومرزوق

وبيض الله وجهك

ماقصرت وعسى قاصد خير

استفاد وحصل مطلوبه

شكراًلك

[قاصد خير]

اخي الكريم قاصد خير هلابك وحياك الله وباين عليك ماشاء الله شاعر جزل
ومثل ماقالك اخوي ابن ثعلي وازيد ترا المبتدي والمتمكن مو محتاج يعرف البحور خصوصا المبتدي بتعبه اكثر (ريح مخك) وياهلا فيك

ياقاصد الخيرات لحظه على هون=مالك ومال الطايلات البعايد
منته بحاجه تعرف البحر وش لون=ولانته بجاهل في قديم العوايد
اللي يهمك فيه مقفى وموزون=ومعناه سالم من جميع النقايد
حنا من اللي بالمواجيب يوفون= عتيبه بحزات الرخا والشدايد
اسمع كلامي زين تراه مضمون=خلك عن اللفات دايم محايد
فكر وناظر كان لك قلب وعيون=مالك ومال العلم لاصار كايد
وازكى تحيه عد ماهلت مزون =على شفيع الخلق راع الحمايد
,,,,,,,,,,,,,,,
تسلم يالمرشدي وصح لسانك على الرد الغير متوقع
من شاعر مثلك وشرواك والظاهر أنك ما عرف القصد
القصد واضح معرفة البحور لاغير
لكن ننتظر من الأخوه الشعراء القيام بالواجب
وجلب الفائده

عساك يا فكري تحرا يردون=وعسا من العتبان نلقا الفوايد
خاصه لك أنت أخي عبدالله المرشدي
,.,.,.,.,.,.,
يالمرشدي لاهنت وينك عن العون=وأنته شجاعٍ بالمواقف سايد
ربعك هل الطالات بالعز يمشون=يشهد عليهم كل قرمٍ وقايد
أنكان عندك علم هاته وممنون=مادآم شاعر للواقيف رايد
وألا تنح وخل ربعك يحطون=أنكان تجهل فالبحور النوايد
جيت أعـْـرف أبْـحور الشعر كان تدرون=ما جيت للفزعات يم البدايد
يكفوني اللي للمواقيف يبرون=ربيعي هل الوقفات وأهل العوايد
ماأذم ربعك لأحتما حامي الكون=عتبان في وقت اللقا والوقايد
,,,,,,,,,,,,,,,,,,,,,,,
ولكم تحياتي أخووووووكم
المتواضع قاصد خير
.......؟.....

[ابن فانك]

ياقاصد خير حياك الله بين اخوانك الاعضاء وانا بالنيابة عن اخوي عبدالله وهذا ليس نقص فيه ولكن عبدالله اراد لك الخير ولكن انت اصريت وانا الحين ابي ابين لك
وعندي نصيحة ياليت تسمعها وابعلمك ببعض بحور الشعر
بعد النصيحة
انصحك اخوي انك تقرا قصايدالشعراء الكبار بكثرة وباستمرار
ثانيا استمع دائما للاشرطة الشعرية وايضا للشعراء الكبار
ثالثا انت بنفسك تستطيع وزن قصيدتك اما عن طريق التلحين وارى ان التلحين ليس في كل القصايد بل بعضها وكذلك ابي انبهك على شي قاله لي الشاعر الكبير خلف بن هذال شخصيا عند مشاركتي في امسيات مهرجان الجنادرية سابقا
قال لي بيت الشعر مثل طعس النفود اذا كنت تمشي في خط صحراوي وجاك هالطعس اكيد انك تعرف ان البيت مش موزون
لان يكون فيه طلوع ونزول وانت بالتالي ترجع وتصيغ البيت بمفردة سهلة وترجع تقراه هل راح الثقل او لا وهكذا على هذ المنوال
وابعطيك نبذة عن بحور الشعر ليس الكل بل البعض
عندك
1/ بحر التفعيلة وهذا بحر صعب جدا ويبغاله تمرس وخبرة كافية فالشعرمثل( راجع قصائد الامير بدر بن عبدالمحسن)
2/بحر المسحوب وينقسم الى قسمين
مسحوب طويل ومسحوب قصير

3/ بحرالهجيني وهذا من ابسط البحور واكثر القصايد اللي تسمعها اوتقراها هي على هذا البحر
وفيه من البحور مالا حصر لها وكل يوم يطلع بحر جديد لكن اسمع نصيحة اخوك عبدالله ولاتشغل افكارك بالبحور الصعبة

تحياتي لك واتمنى انك استفدت من هذي المعلومة البسيطة
واترك المجال لاخواني الاعضاء

اخوك/ نايف بن فانك المرشدي

[قاصد خير]

o.k
ظهر معدنكم يالربع
والله يعطيكم العافيه
على التواااااااااجد
تحياتي

[بنت* عتيبة]

ماأذم ربعك لأحتمـا حامـي الكـون

عتبـان فـي وقـت اللقـا والوقايـد

[رائـــد العتيبي]

صحححححححححح لسانك

بيض للة وجهك يبن مرشد يعبدللة علي رد

[رائـــد العتيبي]

حنا من اللي بالمواجيـب يوفـون
عتيبه بحـزات الرخـا والشدايـد



صح لسانك يبن مرشد

[قاصد خير]

ما فيه أحد يجيب لي العلم
يالربع الوضع فيها
تكفوووووون
وينكم عنها

[قاصد خير]

السلام عليكم
أخواني الأعزاء أريد
أن أسحب كلمة تكفون لأني لم
أجد لها اهميه لديكم لكم فتره
ما سمعنا ولا رد يفيد لي ولأمثالي
تقبلوا
تحياتي
الشاعر الغشيم
قاصد خير

[ناصر بن سعدي]

الغالي

قاصد خير

أولاً:.

بيض الله وجهك على القصايد ..!!

وثانياً:.

تسأل عن البحور وبإصرار ..وكأنك تلمح لشئ ما في خاطرك ..!!

يعني عندك علم مسبق عن بحور الشعر وتريد من يرد عليك حتى تجادله كذا غلط وكذا صحيح ..!!

وقصيدتك جزله تدل على إنك متمكن من الشعر وبحوره ..!!

ولكن بالنسبه لسؤالك ..!!

فيه شعراء لايعرفون أسماء البحور بالرغم من تمكنهم بالشعر وأقرب مثال قابلت شاعر محاوره كبير ومتمكن ..!!

فلم يجاوبني ..؟

وإحتمال كبير ..أنا ما أقدر أجاوبك ..!!


لماذا..؟

لأن بعضها يحتاج إلى تقصي وسؤال أهل الخبره ..

وربما يأتي أحدنا بأسماء كثيره وتجد غيره يعرف أكثر ..!!

فالحل الأمثل في وجهة نظري ..!!

إنك تكتب مالديك وإذا أحد عنده إضافه يدلي بدلوه ..!!


وللمعلوميه :.

ماتضيف لـ الشاعر أي إضافه يعني إذا كنت مبتدي فلا فائده من معرفة البحور

ولايفوتني أن أقدم الشكر لـ الشاعر /عبدالله المرشدي

على المجاراه الرائعه ..!!

ودام الجميع بخير ..!!

[قاصد خير]

أخوي ناصر الله أنه يبيض وجهك
يابعدي وأنشهدك أنك شهم
لكن والله ما بخاطر شئ
ولا عندي معرفه بالبحور
عسا الله يسلمك ويعطيك العافيه
لك ولجميع الأعضاء وخاصةً
أخوي الأستاذ القدير
عبدالله المرشدي
كل الإحترام والتقدير
تقبلو تحياتي أخووووكم
قاصد خير

[ناصر بن سعدي]

الغالي

قاصد خير ..!!


دمت بخير ..!!

ووجهك أبيض ..!!

وتقبل فائق تحياتي ..!!

[عبدالله فيحان السميري]

اخوي قاصد مرحبا وسهلا فيك بين اخوانك وفي مطرح الجميع انت اخو عزيز اين ماكنت ومن من كنت فاهلا بك ثانيا مايحتاج كل النخوه هاذي الموضوع وكلمت تكفون عند عتيبه ماتقال الا في موقف غصاب على العموم حصل خير ثالثا الشعر ليس بالتعلم وليس له تعليم الشعر موهبه خلقيه يدعمها الفكر والممارسه والتجارب والخبره اذا توفرة الموهبه من رب السموات والارض للنسان اصبح شاعر اماء كلمة تعليم شلها من راسك الحاجه الوحيده التي لاتعلم هو الشعر رابعا اذا القصيده المذيله في الموضوع المطروح لك فانت شاعر شهاده مني بان شاعر اخوي قاصد

تمنياتي لك بالتوفيق

اخوك الشاعر
عبدالله السميري

ملحوضه بالنسبه للبحور الشعريه اذا كانت القصيده السابقه لك راسلني على اليميل وانا اشرح لك تحيتي

[غازي المسعودي]

قاصد الخير شاعر مثلك ابدع في المسحوب ماهي عليه يبدع في بحور الشعر الباقيه


وانا اشوف ومن وجهة نظري انك شاعر بحر

والدليل ردك على عبدالله وهذا يضيف لي نوراُ كما اضاف لي فهمك للمعاني وهذا شي جميل على قولة القايل ( ما يعرف اللي في بطن الشاعر الا الشاعر اللي في بطنه معاني ) .


سؤالك عن عدد البحور الشعر تستطيع ان تكسبها من اي موقع ولكن يحتاج لك قراءه مع تطبيق حتى تبدع في كذا بحر .

ولا تنسى معايير النقد في الأسلوب في التشبيه وفي التكرار في سلاسة الأفكار واسلوب التنقل ... ألخ

حتى تكون من ضمن الصور الجماليه اللي راح ترسمها بكتاباتك وهذه اهم نقطة


واذا جيت الى الأختصار تقدر تقول هي ( فكره شاعريه لكشف المشاعر ) . فأذا وجدت الفكره , لم يبقى لديك الا طريقة التوصيل لهذه الفكره , تستطيع ان تختصرها بأسلوب مباشر وتستطيع ان تضيف لها بعض الابداع الفنيه والتصورات الجماليه . مثل ما تقول
القصيده عباره عن وعاء .

هذه بعض النقاط المهمه التي تبرز مكانة الشاعر عن غيره .


وبعدين لي عتاب لكــ في عنوان الموضوع ... خخخخ

[عبدالله المرشدي]

قاصد خير


حياك الله

وبارك الله فيك


وياهلابك اخ وعزيز ايا كنت


احترامي وتقديري

[فهموني غلط]

السلام عليكم
أخواني الإعـــزاء لأدري كيف أبدا ولكن
أرجوا عدم فهمي خطأ فإني بينكم هنا بأول مشاركه لي في هذا المنتدى الراقي المميز بإعضائه وإدارته
وسبب وجودي هنا هو طلب الفائده والمعرفه من خبراتكم وشاعريتكم
لأني شاعـر غير متمكن وأود معرفت الكثير من البحور الشعريه
التي يعرفها الكثير من الشعراء الفحول المتمكنين اللامعه أسمائهم
فلو تكرمتم بجودكم ودليتموني على الباب الصحيح أكون لكم شاكر
وأرجو أن تكون واضحه جدا ولاتكون منقوله من المنتديات
لأني قد إطلعت عليها وليست موضحه للمبتدأين أمثالي
.................................................. ........................

تكفون يالعتبان وأقول تكفون=ياللي لكم نهج الشجاعه عوايد
ياللي على درب المراجل تسيرون=يقولها شاعر ويبغا السدايد
يليت في بدع القصايد تشيدون=حتى نعرف أبحور كل القصايد
الناس قالو لشّعر حد قانون=وأنا غشيم وجاهلٍ بالفرايد
بالله يأهل الشعر وشلون تدرون=بأن الشعر فيه البحور العدايد
يا ناس هاتو لي من اللي تعرفون=من ماضي أبحور الشعر والجدايد
هاتو من أبحور الشعر ما تعرفون=وحطو مثال لكل بحرٍ محايد
وأنا أتحرا ردكم يوم تقرون=وانا أدري العتبان ربع الشدايد
عساك يافكري تحرا يردون=وعسا من العتبان نلقا الفوايد
هذي نهاية قاف صدره على أون=والعجز واضح للمواثيق آيد

.,.,.,.,.,.,.,.,.,.,.,.,.,.,.,.,.,.
أرجوا من الشعراء الإدلا بأمثال على البحور من أشعارهم
لتكون غير منقوله ( مقوله )
لكم تحياتي أخوكم قاصد خيــر

صح لسانك ياقاصد خيروبيض الله وجهك