مشاركه أولى

[عدنان منصور]

سلام الله على دار هله واجد لكن رقود= أسير فيه لي يومين ماحصلت فيه الزول
وانا أخبره منول موطن العز ومقر الجود= لكن اليوم موحش ياعرب ماكن فيه نزول

[الزير سالم]

هلا والدار يرعاها وفا الطوفان وابو سعود=ومن جانا بلا مذهب نقول ارجع وعنا زول
لكن الناس احد حاسد واحد وقت الرخا محسود=واحد تبع العرب وعن الرجال اهل الوفا معزول

[الدكتور]

عدنا والزير سالم
صحت السنكم
تحياتي

[السيف المهند]

الله الله الله
صح لسانك ياعدنان وصح لسان الزير سالم
وننتظر المزيد من الابداع

مودتي

[زين الدين زيدان]

مبدا رائع ورد اروع
واصلوا لاهنتوا

[مطوع العاصي]

عدنان@والزير سالم
ابشروا بالصف بس واصلوا
الليل

[ابن مسلم]

الله الله الله


صح لسانك ياعدنان منصور

وحياك الله بين إخوانك بالرغم من إنك هجومي من اولها الله يهديك

حياك الله

[ابن مسلم]

الزير سالم


صح لسانك وبيض الله وجهك على هالرد الكايف

ولاوصيك إ كرام الضيف واجب ههههههههههه

[سلطــان الحارثي]

صح الله السنتكم ياشعار
وتقبلوا تحياتي

[صهيل قلم]

صح السانك













,

[عدنان منصور]

أنا لي مذهب مافرق عتيبه حماة الذود = ولاني تبع أحد يالي من أهلك جيتنا مرسول
أشوف الخوف ف أهل الديرتين مع الزمان يزود = ولو جاهم مسير صاحو أسرو جاكم الحنشول

[عدنان منصور]

الدكتور-السيف المهند-زين الدين زيدان-مطوع العاصي -بن مسلم- سكون الليل

تحياتي لكم جميعا شرفتمونا وصحت أبدانك أشكركم

[الزير سالم]

نكمل بعد ساعه او حول لاني مشغول الان
وارجوا تعدل الخطا الاملائي في شطرك الاول

ليا هالحين مابانت علومك بيض والا سود=تميدح وانت ماادري قدها والا بعد مهبول
ولا ادري ويش قصدك بالدير يالحاوي المردود=لكن افصح وقلي من متى في حلتك مختول

[الزير سالم]

نكمل بعد ساعه او حول لاني مشغول الان
وارجوا تعدل الخطا الاملائي في شطرك الاول

ليا هالحين مابانت علومك بيض والا سود=تميدح وانت ماادري قدها والا بعد مهبول
ولا ادري ويش قصدك بالدير يالحاوي المردود=لكن افصح وقلي من متى في حلتك مختول

[الزير سالم]

السف المهند حياك الله ياغالي
تحياتي

[الزير سالم]

الدكتور هلاوين ومرحبتين تشرفنا

[عدنان منصور]

علومي بيض مير أركد وهد اللعب يامجحود= ,أنا أشوفك وصلك العلم من بدري لكن أقول

تنشد كل فاهم ف المعاني من عيال العود= وأنا لو قلتلي مهبول والله مازهمك مبدول

[الطوفان]

صح السان عدنان منصور وحياك الله

وصح السان سالم الزير وعلى القوه

واصلوااااااا والصفوف ازهلوها

تحياتي

[عدنان منصور]

الطوفان// صح بدنك والله يبقيك

[الزير سالم]

ركدنا لاجل عينك ياحلالي وابلغ المقصود=قبل تسري وصندوق الضماير بالقهر مقفول
ولاني ناشدٍ غيرك بشر يالسيد المسيود=فلكن اختصرها قبل تسمج يافتى وتطول

[الزير سالم]

زين الدين ياعلا والله وياغلا
مودتي

[الزير سالم]

مطوع العاصي هلاوين والله تشرفنا
مودتي

[الزير سالم]

بن مسلم تشرفنا بمرورك وبتواجدك وتشجيعك
مودتي

[الزير سالم]

سكون
مرحبا بك
احترامي

[عدنان منصور]

تفضل هات ماعندك وعبرماعليك قيود= وضميري مستريح ولايخوفني خيال الغول
ويش الي نختصرها سالفتنا حبلها ممدود= نطولها نقصر سالفة بدو ولزوم اطول

[الزير سالم]

اقول اصبح على خير وفي امان الله يالمقرود=بدعت وقمت تنشدني بعد مااكلت صحن الفول!!!
وصح لسانك وشكرا ونعم ولاعلينا زود=قصيده من كتابي في شواعيرٍ صغار عقول


تصبح على خير ولنا لقاء اخر تشرفنا باللعب معك

[عدنان منصور]

تشمت ضايق صدرك حزين من الزمن مضهود= واحسبنك علم وأثرك مجرد مختصر مجهول

يديني مطلقه ولا انت ياسالم قصير عضود= ماصارع واحد باليه ربي عاجز ومشلول

وتصبح على خير واعذرنا ولنا الشرف بمجاراتك

[شاعر روق]

عدنان هلا ومسهلا بك في محلك
وصح لسانك وننتظر المزيد
ــــــــــــــــــــــــــــــــــــــــــــــــــ ــــــــ
الزير سالم صح لسانك وبيض الله وجهك
على حضورك ولعبك الكايف
تقديري لكم

[عدنان منصور]

ياشاعر روق العاجز الي يشيل بيت خصمه ويخلي بيته

مع انك شاعر بحر ماقدر اضلمك بس ماتشوف عوجة رقبتك

انت البادي وتركتك اكثر من مره يس كررتها ومع السلامه يابن العم
واستر ماواجهت وتراك غلطان كانك تضن اني مرسل اليك


وتحياتي لك يابو سعود

[شاعر روق]

البيت اللي انا شلته ياعدنان
مايقوله رجل في وجهه ذرة حيا
ومفروض وبما انك رجل تفهم وشاعر انك تحترم اهل المنتدى
لان الالفاظ اللي انت قلتها اجزم انك ماتقدر تقولها في مجلس رجال
نعم اجيز لك انك تقولها بصيغه ثانيه وبطريقه احترافيه لكن بهذه الطريقه اسمح لي اسمح لي والرد دائما للجهور
وثق اني مهما كانت حدة اللقاء ومهما كانت الاساليب لاازعل ولااغضب ولكن لمجالس الرجال احترام وتقدير عن بعض اللفظ اللذي
لايزيد في قدر الرجل وانما يحط منه وينتقصه في اعين الناس
ـــــــــــــــــــــــــــــــــــــ
اما الرساله اللي جاتني اذا كانت ماهي منك اذا وش دراك عنها
مع العلم وليعلم الجميع ان الاضافات(الماسنجر) كثرت ومنهم من اقتنع وعرف الحقيقه واصاب الصواب ومنهم من بقي على رايه
لضعف بصره وبصيرته


دمت بخيرواذا عندك شي على الخاص
حتى لانشوه الصفحه

[صافي الصافي]

اقول اصبح على خير وفي امان الله يالمقرود=بدعت وقمت تنشدني بعد مااكلت صحن الفول!!!
وصح لسانك وشكرا ونعم ولاعلينا زود=قصيده من كتابي في شواعيرٍ صغار عقول
تصبح على خير ولنا لقاء اخر تشرفنا باللعب معك

ههههههههههههههههههههههههههههههههههههه
صح لسانك يالزير صافي الصافي بيشكرك