عبدالله بن مناحي
07-11-2004, 10:52 AM
السلام عليكم ورحمة الله وبركاته
وأسعد الله جميع أوقاتكم بالخير والمسرات
أعضاء شبكة عتيبه ، أرسل لكم هذه القصيدة الجديدة
وأتمنى أن تجد القبول المناسب ،،،،
يا مل قلب ٍ في دجا الليل تايه = سبة صغير السن زين الحلايا
بأسباب حبّـي له تزايد بلايه = أونس على كبدي لهيب اللظايا
هو الذي حبه مكن في حشايه = نقش على قلبي سواة الكوايا
اسمه ورسمه ثابت ٍ في خفايه = ومبين ٍ حبه ولا به خفايا
وجدي عليهم وجد راع الروايه = شيخ ٍ يبا العليا وطرد السبايا
عقيد قوم ٍ فالوغى له درايه = غاز ٍ معه ربعه يقود السرايا
كفه بها الرايه وحوله حمايه = لين اختلط عج الرمك والمطايا
تناوشه قرم ٍ يجيد الرمايه = شلفاه مضربها يفج الحنايا
قلبه مغل وضاري ٍ بالسطايه = بيوم ٍ به الشجعان ترد المنايا
صابه وربعه مادروا ويش جايه = تشتتوا عقبه وراحو نحايا
ذكر وليد ٍ ما عليه الوصايه = طفل ٍ على موته يزيد البكايا
بكية يتيم ٍ ما لقا له رعايه = صم الصفا لو يسمعه جا شظايا
ومن كبر ما صابه قرا له كم آيه = ويستغفر المولى يغفر الخطايا
سعادته راحت وجات النهايه = يالله حسن الخاتمه يا رجايا
هذاك وجدي والعنا والشكايه = من صاحب ٍ بعده يزّود عنايا
هو فرحتي هو سلوتي هو هوايه = أهذي وأسولف به وأنا في خلايا
بانن لخلي في خفوقي بنايه = في مستكن القلب بين الريايا
مالي بغيره فالمزايين غايه = هو منوتي من لابسات العبايا
إليا بعد دايه وشوفه دوايه = يجرح برمشه والشفا فالشفايا
راعي جبين ٍ لأوضح النور آيه = عليه من بدر التمامي تهايا
من دونها طوف ٍ من الناس بايه = ناس ٍ لقرب جدود خلي دنايا
ماعاد إلي حل ٍ يداوي شفايه = ألاّ براي ٍ من هل العرف جايا
أنخى وأنا لي مع هل العرف رايه = نخوة غريق ٍ ما لقاله وقايا
أبي نصيحة من تكرم برايه = راي ٍ يحلل محكمات القضايا
تكرموا فيـّـه ونالوا ثنايه = أظنـّـي أدله وأستلذ بكرايا
وختامها يالله تقبل رجايه = وأنك تجيبه يا جزيل العطايا
أرتاح من همي وأبرّد ظمايه = وأقطف ورود خدود عذب الثنايا
وســلامتكم ،،،
وأسعد الله جميع أوقاتكم بالخير والمسرات
أعضاء شبكة عتيبه ، أرسل لكم هذه القصيدة الجديدة
وأتمنى أن تجد القبول المناسب ،،،،
يا مل قلب ٍ في دجا الليل تايه = سبة صغير السن زين الحلايا
بأسباب حبّـي له تزايد بلايه = أونس على كبدي لهيب اللظايا
هو الذي حبه مكن في حشايه = نقش على قلبي سواة الكوايا
اسمه ورسمه ثابت ٍ في خفايه = ومبين ٍ حبه ولا به خفايا
وجدي عليهم وجد راع الروايه = شيخ ٍ يبا العليا وطرد السبايا
عقيد قوم ٍ فالوغى له درايه = غاز ٍ معه ربعه يقود السرايا
كفه بها الرايه وحوله حمايه = لين اختلط عج الرمك والمطايا
تناوشه قرم ٍ يجيد الرمايه = شلفاه مضربها يفج الحنايا
قلبه مغل وضاري ٍ بالسطايه = بيوم ٍ به الشجعان ترد المنايا
صابه وربعه مادروا ويش جايه = تشتتوا عقبه وراحو نحايا
ذكر وليد ٍ ما عليه الوصايه = طفل ٍ على موته يزيد البكايا
بكية يتيم ٍ ما لقا له رعايه = صم الصفا لو يسمعه جا شظايا
ومن كبر ما صابه قرا له كم آيه = ويستغفر المولى يغفر الخطايا
سعادته راحت وجات النهايه = يالله حسن الخاتمه يا رجايا
هذاك وجدي والعنا والشكايه = من صاحب ٍ بعده يزّود عنايا
هو فرحتي هو سلوتي هو هوايه = أهذي وأسولف به وأنا في خلايا
بانن لخلي في خفوقي بنايه = في مستكن القلب بين الريايا
مالي بغيره فالمزايين غايه = هو منوتي من لابسات العبايا
إليا بعد دايه وشوفه دوايه = يجرح برمشه والشفا فالشفايا
راعي جبين ٍ لأوضح النور آيه = عليه من بدر التمامي تهايا
من دونها طوف ٍ من الناس بايه = ناس ٍ لقرب جدود خلي دنايا
ماعاد إلي حل ٍ يداوي شفايه = ألاّ براي ٍ من هل العرف جايا
أنخى وأنا لي مع هل العرف رايه = نخوة غريق ٍ ما لقاله وقايا
أبي نصيحة من تكرم برايه = راي ٍ يحلل محكمات القضايا
تكرموا فيـّـه ونالوا ثنايه = أظنـّـي أدله وأستلذ بكرايا
وختامها يالله تقبل رجايه = وأنك تجيبه يا جزيل العطايا
أرتاح من همي وأبرّد ظمايه = وأقطف ورود خدود عذب الثنايا
وســلامتكم ،،،