من عند حمران النواظر

[تركي 2007]

الطارف سداد يالشعار



سلام تسليم الضيوف وكل ضيف وله مقام= تسليمة الجيران للجيران رفرف ياعلم

من عند حمران النواظر للرياجيل الحشام= ابدابها عن ربعي المطران رفرف ياعلم

[شاعر روق]

مرحبا ومسهلا يالمطيري
ونتشرف بحضور الطيبين شرواك واستلم



يامرحبا باللي بدا في منتدانا بالسلام= ترحيبة التقدير والصفطان رفرف ياعلم
في حلة الهيلا عتيبه مروية حد الحسام=من غابر الايام والازمان رفرف ياعلم

[سلطــان الحارثي]

تركي 2007 صح لسان ولسان شاعر روق

[مطوع العاصي]

تركي وابو سعود
صحت السنتكم واصلوا وعلى القوه
تحياتي

[شقران]

اسر ياليل
والعبوا ياشعار
والصف عتيبي بلاشك
ولايهون المطيري

[أبوزيد الهلالي]

صح لسانك يابو سعود وصح لسان المطيري
واصلوا والصف لشاعر روق
تحياتي

[ذيب اللبايد]

صح السانك ياتركي@ وصح السان شاعرروق

واصلووووا واصلوووا

وتقبلو تحياتي

[تركي 2007]

ابقاك الله يابن روق وماعلاك زود

واستلم


جعل البقا بك يالمرحب عد همال الغمام=من غبةٍ هلت من الامزان رفرف ياعلم

حنا مطير من الكويت اليا اللبايد والسنام= لابه ورا لابه من الشجعان رفرف ياعلم

[تركي 2007]

سلطان الحارثي

صح بدنك

[تركي 2007]

مطوع العاصي

صح بدنك

[تركي 2007]

شقران

صح بدنك وامسك الصف اللي يعجبك

[تركي 2007]

ابوزيد الهلالي

صح بدنك وانا تراني ضيف لاتعصبون علي

ههههههههههههههههههههه

[تركي 2007]

ذيب اللبايد

صح بدنك

[شاعر روق]

سوق المعاني سوقها وافتل لها قيد وخطام =واسرح بها في ساحة الميدان رفرف ياعلم
وحنا عتيبه شخصنا عنكم يكفّي بالتمام=من غير لاحقره ولانقصان رفرف ياعلم

[تركي 2007]

ماجيتكم مزاح جيت اعلم البدو النظام=وشبك على درب العضى عجلان رفرف ياعلم

لو العتيبي نازنه بالوزن ماياصل جرام= وشلون يقدر ينطح الضلعان رفرف ياعلم

[ناصر بن سعدي]

تركي2007

و

شاعر روق

وحضور للفائده..!!

واصلوا...لاهنتوا...!!

[شاعر روق]

ياللي تعلم في النظام اركد وميز في الكلام=نارك تراها عودت دخان رفرف ياعلم
وزن الخشب وزنك لكنه يالمطيري مايسام=والا الذهب من غالي الاثمان رفرف ياعلم

[شاعر روق]

سلطان الحارثي
مرحبا ومسهلا في محلك
اسعدنا مرورك
تقديري

[شاعر روق]

مطوع العاصي
مرحبا ومسهلا
اسعدنا مرورك
تقديري

[شاعر روق]

شقران
مرحبا ومسهلا
اسعدنا مرورك والصف يعتز بك
تقديري

[شاعر روق]

ابو زيد الهلالي
مرحبا ومسهلا
اسعدنا مرورك والصف يعتز بك
تقديري

[شاعر روق]

ذيب اللبايد
مرحبا ومسهلا
اسعدنا مرورك
تقديري

[شاعر روق]

ناصر سعدي
هلا ومسهلا
ومشكور ومجمل على المرور
تقديري

[الطوفان]

الله الله

تركي 2007 حياك الله عند جيرانك

ابوسعود سنايدي وصح السانك مليون

الليل الليل

واصلوووا والصفوف ازهلوها

تحياتي

[تركي 2007]

عز الله انا نحترم ونقدر اهل الاحترام= والضيف لاتنصاه بالبهتان رفرف ياعلم

تري الذهب ماتلبسه ياقع لابست اللثام= مايلبسونه ربعي الفرسان رفرف ياعلم

[شاعر روق]

يالمحترم ميز وفكر في الحلال من الحرام=وان كلت قرر شوكة الميزان رفرف ياعلم
يامفسر الاحلام ماتصلح مفسر للحلام= مخطي وهرجك صار في نقصان رفرف ياعلم

[تركي 2007]

مايخلف القانون غير الزور والد الخصام=خليتها تسري بلا عنوان رفرف ياعلم

انا انقل البلجيك فى اليمنى ومليان الحزام= واقرر الحبه على النيشان رفرف ياعلم

[شاعر روق]

ابو عبدالرحمن
ارحب ارحب
مرورك تشريف لاهنت
تقديري

[تركي 2007]

ابن سعدي

صح بدنك ومشكور على الحضور

[شاعر روق]

يامال فرقا العين نوب ايمين والا نوب شام=ذكرتني في هوشت الورعان رفرف ياعلم
والمدح ياتركي دليل ان الرجل فيه انفصام=لاصار حيله في اللقا ونيان رفرف ياعلم

[تركي 2007]

يامقشر العيشه ليا جت سامطه وبلا يدام= ماني مدور عيشة الفقران رفرف ياعلم

المدح قد الفعل ومعلق على صدري وسام= يومنها تقصر عن العتبان رفرف ياعلم



شاعر روق تشرفت بمحاورتك والزعل وانا خوك ممنوع والصبح اصبح ولنا لقات قادمه انشاء الله تصبح على خير

[شاعر روق]

في ليلة الجمعه ماودي فيك اعود لي بـــ (آثام) =ياصاحبي ياصغير اليتمان رفرف ياعلم
والا فعولك ماتبلغك المعالي والختام=صفرٍ شمالي تنقص الحسبان رفرف ياعلم

[شاعر روق]

تركي2007
وانا ايضا تشرفت وسعدت باللعب معك
والقصور مامن قصور وبالعكس نفرح بمشاركاتك معنا
دمت بخير

[تركي 2007]

الطوفان

تبقا ودوم وصح بدنك