ابوي اقفت ارحاله!!!

[الدجيما]

اصدق ماياتي من الشعر الرثاء لانه نابع
من عاطفه صادقه فهذه قصيده لشاعرنا/ فيصل
سجدي بن دليل ابن ثعلي وهي تعبر عن نفسها

ابوي قبل العام قفت ارحاله = والعام دور الحول جدي تقفاه
واليوم عمي راح واعلن زواله = وعزي لمن مثلي تعذب بدنياه
عزي لمن مثلي وحيدٍ لحاله = عقب العضود اللي يمينه ويسراه
واحدهم لياضدني حمل شاله =وإن بان بي عيبٍ عن الناس يرفاه
أهل المروه والكرم والشكاله = صلبين الأرياء في نهار الملاقاه
شرابهم منٍ كل ماردًٍ ازلاله = في ساعةٍ ياصلبها العلم منهاه
وجدي عليهم وجد من شان فاله = وقته وقف ضده وحده على اقصاه
والوجد الاخر وجد من ضاع ماله = يوم ارتدى حظه زمانه توطاه
او وجد عودٍ يوم كبروا عياله = اراد له ربه واخذهم وخلاه
قلته وهم القلب زاد إشتعاله = لاشك ماينفع ليا قلت وجداه
راحوا ورجعتهم لنا مستحاله = ومن انتهى يومه تقفى مطاياه
حكممن الخالق عزيز الجلاله = والعبد ماله غير ماراد مولاه
وأسال رب البيت منشي خياله = يدخلهم الجنه بفضله وحسناه


الدجيما

[@ عتيـبـي نجــد @]

وأســال رب البـيـت منـشـي خيـالـه
. . . . . . يدخلـهـم الجـنـه بفضـلـه وحـسـنـاه

آآآآمييييين يارب العالمين
اللهم ارحم موتنا وموتا المسلمين
حقيقه كما قلت اخي / الدجيما
ان اصدق الشعر في الرثا بل انه احياناً يقصر في وصف شعور قائله
وهذه القصيده تندرج في هذا السياق ..
ولكن جمع فيها الشاعر / فيصل سجدي بن دليل ابن ثعلي
ثلاث قصائد في الجد والاب والعم
وثلاث سنوات اخذت منه رجال كانوا له العون والملاذ ..
والله يجبر عزااااااه ..
ويسلم صاحب النقل الجزل
على تميزه في ماينقله ....
تحياتي

[عبد ربّه العازمي]

الاخ / الدجيما ...



سلمت يمينك ياخوي


وصح لسان شاعرنا / سجدي بن


دليل الثعلي ، قصيده مؤثره بالفعل ونابعه من


الصميم زي مايقولون ، مره اخرى اقول لك سلمت يالدجيما

[طالع]

الله يرحمهم كلامه يدل على عظم بلواه الله يصبر ويعينه

وسلمت على النقل

[الدجيما]

اخوي عتيبي واخوي عبدربه وياعيد الجماعه مشكور لكم جميعا المرور

وجزاكم الله خير.





الدجيما