قصيدتين لشاعرين كبيرين ،،،

[زيد]

القصيدة الأولى وهي للشاعر / نمر بن محمد العتيبي

أخترت لكم هذه الرائعة ، وعسى أن يحوز الاختيار

على رضاكم ،، يقول ..




صالي صلى صدري صفق صافي الجوف = لو صاب صمّ الصّخر غصب ٍ صلاها
زلزل زبار الزرع زلزال مزهوف = هزهز زهور الزاد وأزهد زهاها
حنحن تحنحن كن وانعن به صنوف = ونه تحن يجن سامع صداها
لجلج ولج ولا لج الجوف برجوف = عجعج لهيب ٍ هاج واهج سناها
سبّـت سهيف الساج مسلوب ملهوف = سلهم بسود ٍ سل نفسي سباها
غرو ٍ غرير يغر مغرم وغضروف = أغنج غنوج صغير غالي غلاها
شعشع شعاع الشمس لا من بدا الشوف = شبيه خشف الريم شادي حلاها
تلتل وتل القلب تلات بتلوف = عشرين تلـّه فوق تلـّه تلاها
هلهل جديل ٍ هل هايل على اكتوف = أشقر هبل نفسي وهيـّـض هواها
اسمه بحرف الهاء وبعده يجي حروف = ألف ٍ وسين وباء تالي نداها
أنخى خبير ٍ خاض مدخال مخلوف = صقر ٍ عريب الخال يقدر خفاها
قرم ٍ قدير أقدر قوي ٍ ومعروف = قادر قرا قافي ويقدر دواها




والمعذره عن الأخطار الواردة .. فالقصيدة نقلتها كما هي

من كتاب ( أجمل القصيد الجديد والقديم ) . ومؤلفه ( منصور العواجي )


أما القصيدة الثانية للشاعر / سعود بن عون ..

يقول فيها ..




ونيت ونة صويب ٍ طاح باللمـّـه = لا من جماعه ولا ربع ٍ مواليني
على قليب ٍ عليه الطرش ملتمه = ما فوقه ألاّ الدواسر والدياحيني
بانت هضاب الدخول وبانت الحمه = وأهلي ورا ما زما يالربع يوميني
ياللي تجون الغضي وجه النضا يمه = جيته من البعد علاّه امتباطيني
أبو نهود ٍ صغار وبأول الزمه = يشدي لبيض الحمام وكنّه التيني
الورع ما شد ثوبه قال يا يمه = ماقال ياياه وط القدر شيليني
وجدي عليها وجود اللي على العمه = وإن قال يا عمتي قالت عما العيني




وسلامتكم ،،،،

[البريئ]

زيد
لا تعليق على هذه القصيدتين الرائعتين
ويعطيك الف الف عافيه على حسن اختيارك



تحياتي اخوك
البريئ

[عاشق الذكرى]

الاخ العزيز زيد

سلمت يمينك اختيار موفق وهذا هو الشعر المطلوب

لا تحرمنا من مختارتك وابداعاتك


وجدي عليها وجود اللي على العمه = وإن قال يا عمتي قالت عماالعيني


لك وافر شكري وتقديري

[الذيب الأمعط]

الله لايهينك ياخوي زيد على القصيدتين الرائعتين

وشكراً