الركن الهادي ((( غزل )))

[جراح العتيبي]

اخواني اعضاء ومشرفين منتديات قبيلة عتيبه
هنا الركن الهادي

بعد التحية وبدون مقدمات سيتم اختيار قصيده غزليه كل فتره من الزمن وستحظى هذه القصيده بتثبيت دائم في هذا الموضوع

وسنقوم بكتابة اسم شاعرها الحقيقي تحت القصيده ولن نقبل اي نص دون الاسم الحقيقي وهذا لحفظ الحقوق الادبيه

الموضوع خاص لشعراء المنتدى فقط

اختيار القصيده سيتم عن طريقي

طبعا بعد الاطلاع على القصيده ووزنها والصور الجماليه في القصيده

اتمنى ان تتحفونا بأجمل مالديكم من قصائد غزليه

[جراح العتيبي]

اقسم بعزة ماسك الطير فالجو = انت الوحيد اللي دخل في مزاجي

واقسم بعزة مرسل الخير والنو =إنْك على بالي وقربك علاجي

ولعت في قلبي على همه الضو= ماعاد اميز مدخلي من خراجي

ياللي سريت بقلب هايم لك سمو= انته سبب ضيقي وكل انفراجي

عديت في قلبي وبه ناس عدّو=وانت الوحيد اللي بنى له اسياجي

مدري تحبه حب أو نيتك ســو = فيك القراح ومنك طعم الهماجي

دخلت مع بابٍ وبه غيرك اقفوا =ياسبة اهمومي ودرب انعواجي

وصديت عن ناسٍ وهم في لدّو =وكسّرت قلبي مثل كسر الزجاجي

أعلـى مراتبـهـم ولاوصلت دنّــو =حبك. وانا له دوم دايم اناجي

ياليت كلمة ليت او ليت مع لو = تقضي مطاليبي وتنه احتياجي

المشكله انك من اعلو ف اعلو = لامن حضرت تشوف ضحكة حجاجي

ياصاحبي عن ماضي العهد تغفو = واركان قلبي للمحبه ملاجي

والياحضر طيفك ترى القلب يسهو=حين اسجد إلمولاي والليل داجي

وانت السبب يازين واللي تبا سو=وانا على الميثاق لازلت راجي

واقسمت باللي ماسك الطيرفالجو=انت الوحيد اللي دخل في مزاجي


الشاعر المبدع / متعب العتيبي