أكبر تجمع لمشايخ ووجهاء واعيان وافراد قبيلة عتيبة منذ توحيد المملكة العربية السعودية لدى الشيخ عبد الله بن عمر بن ربيعان

[otaiby]

ليلة العتبان, في قاعة الفرسان بالرياض يوم الجمعه ليلة السبت
الموافق 2/12/1427هـ...
بمباركة أمير الوفاء صاحب السمو الملكي الامير سلمان بن
عبدالعزيز آل سعود ,عاشت عاصمة الوفاء ليلة وفــــــــــاء
عتيبـيه بكامل تفاصيلها,برعاية من الشيخ عبدالله بن عمـــر
ابن ربيعان تداحمت فيها المشاعر وتعانقت الافــــــــئده وقد
لوحظ ذلك جلياً في جفون كبار السن التي ذرفت عشــــــــقاً
ووفاء وفي تقاسيم وجوه الشباب التي استبشرت طموحا واملا ..
وقد بلغت المشاعر غايتها عندما القيت قصيدة الراحل فيحان الرقاص رحمه الله :

ربعي عتيبه من العارض ليا الحرّه =سقم المعادي ليا جاء العلم مردودي
هذا وقد كان الحفل خطابياً نال استحسان الجميع
تخللته كلمات و قصائد تدعوا إلى أجتمــــــــاع
القبيلة والالتفاف حول ولاة الامر ..
ثم دعا الشيخ عبدالله بن ربيعان مشايخ وأعيان ووجهاء وافراد
قبيلة عتيبه لتناول طعام العشاء الذي أعد لهذه المناسبة.
وبعد ذلك غادر الحظور الكريم الحفل بمثل ما استقبلوا
به من حفاوة وتكريم,.
.
ونترككم مع هذه الصور المعبرة التي التقطتها عدسة الموقع :

http://sbsbsb.jeeran.com/m4.JPG
الشيخ عبدالله بن عمر بن ربيعان والشيخ تركي بن عبد المحسن الهيضل
http://sbsbsb.jeeran.com/q17.JPG
الشيخ بدر بن نايف الضيط والشيخ مناحي بن عمر ربيعان والشيخ فيحان بن نقا بن فهيد

http://sbsbsb.jeeran.com/m18.JPG
الشيخ نايف بن عبد العزيز بن رازن
http://sbsbsb.jeeran.com/m16.JPG
الشيخ ناصر بن وديد بن نجم
http://sbsbsb.jeeran.com/m2.JPG
من اليمين الشيخ مانع بن ماجد ابا العلا والشيخ بندر بن نايف بن حميد
http://sbsbsb.jeeran.com/m3.JPG
من اليمين الشيخ سلطان بن ماجد بن فهيد والشيخ غالب بن زريبه
http://sbsbsb.jeeran.com/m5.JPG
الشيخ بن ذعار بن ناصر العقيلي
http://sbsbsb.jeeran.com/m6.JPG
الشيخ سلطان بن ماجد بن فهيد أمير الفوج الثامن
http://sbsbsb.jeeran.com/m7.JPG
الشيخ فيحان بن نقا بن فهيد
http://sbsbsb.jeeran.com/m8.JPG
من اليمين الشيخ بدر بن قاعد بن عميره و حشر بن حامد الحزيمي والشيخ ناصر بن علي بن زريبه والشيخ ضيف الله بن قاعد بن عميره
http://sbsbsb.jeeran.com/m20.JPG
الشيخ متعب بن جمل المهري
http://sbsbsb.jeeran.com/m9.JPG
من اليمين الشيخ هايف بن نايف الغويري والشيخ تركي بن عبد المحسن الهيضل
http://sbsbsb.jeeran.com/m13.JPG
من اليمين الشيخ صحن بن محمد الشغار والشيخ بندر بن قاعد بن عميره
http://sbsbsb.jeeran.com/m15.JPG
الشيخ حبشان بن جبرين بن عقيل
http://sbsbsb.jeeran.com/m29.JPG
الشيخ منيف ابن دعيج بن مسيرير
http://sbsbsb.jeeran.com/m31.JPG
اللواء متقاعد تركي بن حديجان بن حجنه
http://sbsbsb.jeeran.com/m17.JPG
الشيخ نايف بن محمد بن ربيعان رئيس مركز عشيرة سدير
http://sbsbsb.jeeran.com/m14.JPG
الشيخ حشيفان بن عبد الرحمن الفجري
http://sbsbsb.jeeran.com/m19.JPG
ناصر بن وريك الهرس من رؤساء عتيبة و رئيس مركزالمردمه والشيخ برجس بن عصاي
http://sbsbsb.jeeran.com/m21.JPG
الشيخ ذعار بن هزاع السليح
http://sbsbsb.jeeran.com/m22.JPG
الشيخ مدوخ بن هزاع السليح
http://sbsbsb.jeeran.com/m23.JPG
من اليمين الشيخ ضيف الله بن صالح بن حمد والشيخ الحميدي بن غازي بن عميره
http://sbsbsb.jeeran.com/m24.JPG
من اليمين ناصر بن نايف ابن ملافخ والشيخ فيحان بن سلطان الشغار
http://sbsbsb.jeeran.com/m25.JPG
قاعد بن قعدان الوهاب من وجهاء قبيلة عتيبة
http://sbsbsb.jeeran.com/m26.JPG
الشيخ فيحان بن مدوخ البراق
http://sbsbsb.jeeran.com/m27.JPG
سيف بن عيد الجميلي الثبيتي من رجال الاعمال
http://sbsbsb.jeeran.com/m30.JPG
المهندس مسلط ابن حمود العبسي
تابع الصور

[otaiby]

http://sbsbsb.jeeran.com/m32.JPG
الدكتور بندر بن بدر بن ثعلي
http://sbsbsb.jeeran.com/m28.JPG
نجر بن عيد الجميلي الثبيتي
http://sbsbsb.jeeran.com/m33.JPG
فنجال بن سلطان الشيباني من رجال الاعمال
http://sbsbsb.jeeran.com/m34.JPG
ماجد بن دهيم العصيمي
http://sbsbsb.jeeran.com/SH1.JPG
الشاعر الكبير والمبدع تركي بن ماطر الغنامي
http://sbsbsb.jeeran.com/SH2.JPG
الباحث الشاعر سعدون بن فهد الهرس المرشدي
http://sbsbsb.jeeran.com/SH3.JPG
الشاعرالكبير شقير بن عقيل الجذع
http://sbsbsb.jeeran.com/SH4.JPG
الشاعر راجح بن مشبب المقاطي
http://sbsbsb.jeeran.com/SH5.JPG
الشاعر سعد بن سعود الحزيمي
http://sbsbsb.jeeran.com/SH6.JPG
الشاعر غلاب بن ود البراق
http://sbsbsb.jeeran.com/SH7.JPG
الشاعر نايف بن غتار الرويس
http://sbsbsb.jeeran.com/SH8.JPG
الشاعر الكبير محمد بن دغيم السميري
http://sbsbsb.jeeran.com/SH9.JPG
الشاعر العلم والمتميز دائماً متعب بن قيعد بن مضيان السليس العطاوي
http://sbsbsb.jeeran.com/SH10.JPG
الشاعر الكبير محماس بن شيمسان العضياني
http://sbsbsb.jeeran.com/SH11.JPG
الشاعر العلامه ماجد بن عبود بن مغيرق
http://sbsbsb.jeeran.com/SH12.JPG
الشاعر الكبير محمد بن محسن بن عمره المقاطي
http://sbsbsb.jeeran.com/SH13.JPG
الشاعر الكبير ملفي بن مزيد المورقي
http://sbsbsb.jeeran.com/SH14.JPG
الشاعر الكبير عبدالله بن علي السيحاني
http://sbsbsb.jeeran.com/SH15.JPG
الشاعر عويد بن حمدي الذيابي
http://sbsbsb.jeeran.com/SH16.JPG
الشاعر الأديب سعيد بن عواد الذيابي
http://sbsbsb.jeeran.com/SH17.JPG
الدكتور حزام بن هزاع الغميسي عضو مجلس الشورى
http://sbsbsb.jeeran.com/q1.JPG
صوره جماعيه
http://sbsbsb.jeeran.com/q3.JPG
صوره جماعيه
http://sbsbsb.jeeran.com/q4.JPG
من اليمين الشيخ عبدالله بن عمر بن ربيعان والشيخ نواف بن بندر بن حميد والشيخ تركي بن عبدالله بن ربيعان
http://sbsbsb.jeeran.com/q5.JPG
صوره جماعيه
http://sbsbsb.jeeran.com/q6.JPG
صوره جماعيه
http://sbsbsb.jeeran.com/q7.JPG
صوره جماعيه
http://sbsbsb.jeeran.com/q8.JPG
صوره جماعيه
http://sbsbsb.jeeran.com/q9.JPG
صوره جماعيه

[otaiby]

http://sbsbsb.jeeran.com/q10.JPG
صوره جماعيه

http://sbsbsb.jeeran.com/q11.JPG
صوره جماعيه


http://sbsbsb.jeeran.com/q13.JPG
صوره جماعيه

http://sbsbsb.jeeran.com/q14.JPG
صوره جماعيه

http://sbsbsb.jeeran.com/q15.JPG
عبد الرحمن النثري والشيخ عبدالله بن عمر بن ربيعان الشيخ سعود بن احمد بن حمين ورجل الاعمال صالح بن احمد الغزالي

http://sbsbsb.jeeran.com/q16.JPG
اللواء الشيخ عبدالرحمن بن مسلط بن ربيعان والشيخ مناحي بن عمر بن ربيعان



http://sbsbsb.jeeran.com/q19.JPG
الشيخ عمر بن عبدالله بن ربيعان والشيخ عبدالرحمن بن نايف بن ربيعان

http://sbsbsb.jeeran.com/q20.JPG
من اليمين الشيخ تركي بن علوش بن عمربن ربيعان والشيخ عمر بن عبدالله بن ربيعان والشيخ عبدالرحمن بن نايف بن ربيعان

http://sbsbsb.jeeran.com/q21.JPG
من اليمين الشيخ عبد الرحمن بن نايف بن ربيعان والشيخ مثعي بن ضيف الله الغربي

http://sbsbsb.jeeran.com/q22.JPG
صوره جماعيه

http://sbsbsb.jeeran.com/q23.JPG
من اليمين الشيخ تركي بن عبدالله بن ربيعان والشيخ مناحي بن عمر بن ربيعان

http://sbsbsb.jeeran.com/q24.JPG
صوره جماعيه

http://sbsbsb.jeeran.com/q25.JPG
صوره جماعيه

http://sbsbsb.jeeran.com/q26.JPG
من اليمين الباحث الشاعر سعدون بن فهد الهرس والشيخ غازي بن فارس بن ربيعان والشاعر محماس بن شميسان العضياني والشاعر نايف بن غتار الرويس

http://sbsbsb.jeeran.com/q27.JPG
صوره للعشاء

http://sbsbsb.jeeran.com/q28.JPG
صوره للعشاء

http://sbsbsb.jeeran.com/q29.JPG
صوره للعشاء

http://sbsbsb.jeeran.com/q30.JPG
صوره للعشاء

http://sbsbsb.jeeran.com/q31.JPG
صوره للعشاء


جميع الحقوق محفوظة

ونرجو من اللي يبي ينقل هذا الموضوع لمنتدى اخرى

يذكر المصدر والموقع لكي يتكافا الدعاء

تحياتي لكم

اخوكم العتيبي

[otaiby]

http://sbsbsb.jeeran.com/SH8.JPG
الشاعر الكبير محمد بن دغيم السميري

هذه القصيده الاولى التي القاها الشاعرالكبيرمحمد بن دغيم السميري في هذا الحفل وهي من اروع القصائد

يامرحبا بالنشامى عند داعيها=ترحيبه الطيب بأولها وتاليها
في ليلةٍ بالوفاء لمت مشايخنا=شيوخنا اللي معربةٍ مجانيها
في حلة الشيخ أبو ماجد رعاه الله=بإسمه تراحيب للحضار نهديها
نهدي تراحيبنا لأبناء عمومتنا=ومشاعر الود والتقدير نبديها
يامرحبا ياهلا إبكم يارفاقتنا=يالعزوه اللي رفيعاتٍ مبانيها
برقا سند روق والروقه سند برقا=وأفعالهم وحده ما أحدٍ يجزيها
أفعالهم من قديم الوقت مشهوره=مثبته سيرة التاريخ ترويها
ربعي عتيبه ليا عدت فعايلهم=ماتقدر الصحف والأقلام تحصيها
وقفاتنا وحده روقي وبرقاوي=وأهدافنا الواضحه بالطيب نمشيها
وشيوخنا رأيهم وأرياء عوارفنا=نآخذبها وأطيب الأرياء نسويها
وحنا بحاجه لرأيٍ يجمع الكلمه=والناس لولا العوارف من يقديها
ولولا تكاتف قبيلتنا وهيبتنا=رحنا مع اللي لك الله رايحٍ فيها
لكن تبقى المعزه في تكاتفنا=ونجدد إسلوم ماضينا ونحييها
ولي الفخر يوم أقول عتيبه الهيلا=عتيبه اللي تبذ اللي يناحيها
قبيلةٍ وحده والله موحدها=وتتعب وتعجز جميع اللي يجاريها
تاريخهم بالبطوله دايمٍ حافل=قومٍ تضد العداء وتعز عانيها
ذباحة الحايل ولطامة العايل=ميزه عن الغير نفعلها ونغليها
حنا عتيبه جميع وصفنا واحد=والتفرقه والله إنا ماندانيها
وإسلومنا عند كل الخلق معلومه=وأرفع بها الصوت وأفخر يوم أسميها
منها الكرم والوفاء وحماية الجاني=ولطم المعادين لين يجظ حاديها
ومنها الشهامه وهذه من طبايعنا=ومنها الشجاعه ولايمكن نخليها
ودوس الخطر عندنا أمرٍ يعتبر عادي=مخاطر الخصم مانحسب قوافيها
هاذي هي فعولنا وفعول أوايلنا=نحرص عليها وبالأنفس ننميها
وباق القبايل ونعم بدون أعددها=كل القبايل فعايلها تكفيها
وحنا هل البل ليا جابوا مجال البل=وأنا أعشق البل ليا من حل طاريها
لو إني اليوم ماعندي ولا ناقه=لكني أحبها وأحب أهاليها
والإبل هي المرجله والعز والهيبه=واللي يدلك عليها قدر راعيها
عاشوا بها اجدادنا يوم الدهر قاسي=يوم الليالي تشيب من يقاسيها
جدودنا بالسيوف الحدب جابوها=واليوم حنا بغالي المال نشريها
ومحبة البل وأهلها في ضمايرنا=ورغبة هل البل لزومٍ إنا نلبيها
ولا نخلف اليوم رغبتنا ورغبتهم=نمشي سواء والدروب البيض نعطيها
مايملك البل رديٍ قاصرٍ باعه=والبل معزه تبيض وجه قانيها
سفن الصحاري ثمنها دايماً غالي=معروف في حاضر الدنياء وماضيها
فالجاهليه ثمنها الموت يردونه=واللي يهاب المنايا مايضويها
وفالسلم يدفع بها الرجل الثمن باهظ=ومن لا أرخص المال مايقدر يواليها
وإكرام أهلها علينا يعتبر واجب=بمزايناتٍ ننظمها وننشيها
بفضلٍ من الله ثم بفضل دولتنا=اللي عسى نية أهل البوق تخطيها
في ظل حكامنا الله لايغيرهم=في دولةٍ عزها من عز واليها
حكومة العدل والقرآن تحكم به=وحنا بالإرواح يوم الضيق نفديها
الله يعز الوطن ويعز عبدالله=الحاكم اللي عدانا مايداريها
ويديم سلطان وال العهد ويصونه=ويديم آل سعود قاصيها ودانيها
وشرذمة الغدر جعل الله يخذلها=والله بحيل الولي يبطل مساعيها
وتدوم دولة هل العوجا وحنا إلهم=جنود وأوامر القاده نلبيها
ولو خاضوا البحر حنا معهم نخوضه=دولة هل العدل مانخلف هقاويها
هاذي مشاعر عتيبي من الروقه=مجربٍ مر هالدنياء وحاليها
وأنا سماري وميقافي يشرفني=وأذكر فعولٍ تنومس راس راويها
http://sbsbsb.jeeran.com/SH10.JPG
الشاعر الكبير محماس بن شيمسان العضياني
كما القا الشاعرالكبير محماس بن شميسان العضياني قصيدة ٍ عصما في قبيلة عتيبة

من غير نقص بحق باق القبايل=يا سعد من ربعه قبيلة عتيبه
أهل الصخا والجود وأهل الجمايل=وأهل المواقف فالظروف العصيبه
قوم لهم روس المعالي ذلايل=بأيمانهم تنساق سوق النجيبه
ذباحة الحايل عمى كل عايل=من وصفهم فيهم سماحه وهيبه
تاريخهم يروي عطاش المثايل=ماضي وحاضر فعلهم ينحكيبه
لو نستمد من السنين الأوايل=شي موثق ما دخل فيه ريبه
نأخذ من الواقع خيار الدلايل=المعجم اللي قسمهم من غريبه
يوم المراجل بالهمم والصمايل=حضارهم يكفون من فالمغيبه
مضالهم صولات فوق الأصايل=يوم المصيبه تنتهي بالمصيبه
ليا ولعوا للحرب روس الفتايل=هداتهم في من حربهم غضيبه
مركاضهم يرم العشاء للمخايل=وسهومهم دم العدا ترتويبه
وإن عصبوا للروس دون الجلايل=يا ويل من عوب الظنون تهويبه
سطواتهم تقعد صغى كل مايل=إما رضي تمضي عليه الغصيبه
كم جمع سلطانٍ عليهم تهايل=جمعٍ مدورة الطمع تلتجيبه
أقبل وقفى بالهزيمه شلايل=عقب الطمع منهم قنع بالغليبه
ويوم إن جيش الترك صايل وجايل=خاضو طوابيره كتيبه كتيبه
من فعلهم شاف النظام الهوايل=وعدل عن أهدافٍ براسه غصيبه
وغيره وغيره منجزات جزايل=كم ميسمٍ جابه عدوٍ كويبه
واللي بعد حاول بشتى الوسايل=كم ساق دقلات الجموع المهيبه
خمسين من زيزوم برزان حايل=ما رجحت ميزان منغص حريبه
منهم حدت دهم الجموع الفعايل=ما طمنوا هاماتهم للضريبه
ياما وياما بردوا من غلايل=وكم طوعوا بالفعل روس صعيبه
في نجد تشهد مقفرات الخمايل=وتشهد لهم هوجه ويشهد جذيبه
مروين عطشان القنى والسلايل=يومٍ كل ما فعل ينجزيبه
وان قربت شهب السنين الحفايل=تندى يديهم والجوانب خصيبه
يبدون للعاني حجا كل طايل=رجالهم ما يدخر ما بحيبه
ودخيلهم همٍ يعانيه زايل=أدنى عتيبي فالكرب يعتزيبه
مزبان من ضاقت عليه الوسايل=بالعز صرح امجادهم يعتليبه
لو إن سهره من عنا الوقت طايل=اليا زبنهم مرقده يهتنيبه
عن الخوي فزعاتهم ما تمايل=وحق القصير سلومهم تعتنيبه
عتبان فيهم وافيات الخصايل=ميزاتهم في كل منهج عريبه
عنهم كتبت من الكثير القلايل=في ما مضى يا أهل القلوب اللبيبه
قبل يلم الشمل يبس البلايل=عبد العزيز اللي عسى الله يثيبه
جاها وسكان الجزيره سحايل=جازف عليها وأصبحت من نصيبه
وحنا على البيعه وننفى البدايل=من طبعنا وال أمرنا نقتديبه
واليوم نوفي حقنا والمكايل=وطيبٍ بدينابه نبي ننتهيبه
ماضي وحاضر حقنا فالزلايل=ما صار في منهاجنا ما يعيبه
عتبان رمزٍ للكرم والجزايل=والعرف والعفه والأرياء الصليبه
فالمدن ما أحرف مجتمعهم دخايل=مجالس تلفى وجلسات أديبه
والضيف للترحيب والقدر نايل=غير المناسف والدلال الربيبه
وإن سبّلت بالوبل غر المخايل=أبواشهم ترعى القفور العشيبه
يرعون قطعان تغيض الغلايل=للنصر في ماضي وحاضر قضيبه
ويبنون لللافي بروس البتايل=ومن تاه نور عقودهم يهتديبه
أنوارهم فالليل مثل القوايل=تجلى خراميس الظلام المهيبه
في وصفهم لو قلت ما نيب عايل=عشاق عز وللتوافه حريبه
مثل العدود ليا أغورن الثمايل=تزود مع مر السنين التعيبه
قولٍ يعرفونه عيال الحمايل=ومن قال قول الزور ربه حسيبه
والناس كل ٍلـه سلوم وفعايل=وكلٍ عن الثاني مكفّيه طيبه
ومن غير نقص بحق باق القبايل=يا سعد من ربعه قبيلة عتيبه

http://sbsbsb.jeeran.com/SH13.JPG
الشاعر الكبير ملفي بن مزيد المورقي
كما القاالشاعر الكبيرملفي بن مزيد المورقي هذه القصيدة الرائعة في قبيلة عتيبة

مـادام كـلٍ قـام يمـدح قبيلـتـه=ويذكـر مناسبهـا ويذكـر فعولهـا
إلي الفخر في مدح ربعـي عتيبـه=اللي تسلسل من هـوازن أصولهـا
ربعي هل التاريخ والعـز والفخـر=ليا مـن دقـت للحرايـب طبولهـا
إلها إسمها الرنان مع ساير العـرب=ليا ضيقت بعض العرب صوتولهـا
مثل الجبـال الشامخـه فالجزيـره=متراميه عرض الجزيـره وطولهـا
من قو هيبتهـم ومـن قـو باسهـم=كل الديار اللـي يبـون وصلولهـا
إليا ساقو العطفه وسارت جموعهـم=الأرض ترجف من حوافر خيولهـا
تمشـي برغبتهـا وتمشـي بكيفهـا=ما كن إبه ناسٍ من النـاس حولهـا
لين إنها وسط الجزيـره تمركـزت=وشرت على أطراف الجزيره نزولها
هيلا ً علـى ماقـال الاول مهيلـه=تطـول غايتهـا ولاحـدن يطولهـا
بحدب السيوف اللي تجاذب قنيبهـا=وشلفٍ عريضاتٍ وسـاع دحولهـا
ما تأكـل الا كـل شيـخٍ مجـرب=تخلي عن الخيل الأصايل حمولهـا
يوم إنهـم هـاك الليالـي تحـدروا=مثل المزون اللـي تدلـت ثعولهـا
بروقها بيـض السيـوف الرهايـف=ورعودها العزوه ليا ضاق جولهـا
وثعولهـا البـارود عنـد انصبابـه=والدم مـن فعـل النشامـا سيولهـا
هـذا وأنـا ملفـي فعايـل عتيبـه=ليا من جات المعضـلات إرتكولهـا
ومن لاذ بحماهم من الخوف يامـن=تضفي عليه عن البـلاوي سدولهـا
يصير في عيطـا ً قـوي حجاهـا=تحجي وتذري من دخل في كفولهـا
من طيبها ينسب لهـا عـدة اسمـى =أسمىً دواليب الدهـر مـا تزولهـا
ذكرت منها البعض والبعض الآخـر=ما أوفي حروف رسالتي لين أقولها
ذباحـة الحايـل ولطامـة الـعـدا=حتـى نعاتيـت الطغـاه إشهدولهـا
قـدم العـدا نـار قـوي جحيمهـا=وقدام وجه الضيـف زيـنٍ قبولهـا
أبوابهـم طـول الليالـي مشرعـه=ما حلجـوا قـدم المسيـر قفولهـا
وإن جاهم الطرقي لقى العود والشبب=ودلال رسـلانٍ تعاقـب بدولـهـا
يكيـف الضرمـان خنـة عبيرهـا=أهل الكـرم والمكرمـات إتعبولهـا
وكل السلوم الطيبـه مـن سلومهـأ=سلومهـم سـارت ونالـت قبولهـا
كم اصلحوا من مشكله غير الاخرى=الصلح مـن بيـن القبايـل ميولهـا
ربعي سراج الدين في ظلمة الجهـل=ما تمشي الا مـا مشابـه رسولهـا
قلته وانـا شاعـر وامجـد قبيلتـي=اللي مـن الحكمـه ثقـالٍ عقولهـا
والشاعر اللـي مـا يمجـد قبيلتـه=يا عنك ما ثمـن مسـاع سعولهـا
همه ليا غنـى القصيـد لمصالحـه=يا كل به العيشه ويعـرف دخولهـا
في مدح ربعه ما تدرهـم قصايـده=وفي غيرهم محفٍ سماري ذلولهـا
ما يدري الدنيـا رحـىً مستديـره=يمكن عليه تدور ما حـال حولهـا
واختامها مني صـلاة علـى النبـي=شفيع الأمـه يـوم يـزداد هولهـا

http://sbsbsb.jeeran.com/SH14.JPG
الشاعر الكبير عبدالله بن علي السيحاني

كما القا الشاعرالكبيرعبدالله بن علي السيحاني هذه القصيدة الرائعه

يانجد وين اضعون بدون مشتبك =ماكنــــها قد دوجت فــي مناكبــــــك
ولا كنـــها يانجــد قــد دوجتبــك =ولا كنـــــها قــد صافقتها هبايبــــــــك
ولا كن سمر بيوتهم بنيتبــــــك =ولا كنهم يانجد صفـــو مشاربــــــــــك
يومن دقلات العدا تعتمتبــــــك =حامين بخشـوم الموارت جوانبــــــك
مسلط حماك من الشمال ورعتبك =قطعان عتبان(ن) تحبــــك وترغبــك
تركي حماك من الجنوب ومشتبك =خيله وجنـــده لين كمل مطالبــــــك
واحدرليا العارض ورجل وطتبك=نقطع قدمها لاتدوسك وتتعبك
وشوخن توارا ذكرها وذهبتبــك =صارت منــاياموتهم من سبايبــــــك
رخم الجموع ألي سرت وسرحتبك =تاطا حوافر خيــــل أهلها عقاربــــك
من دون قطعان(ن) تداحم ثنتبــك =فعولهم يانــــجد تشهد زرايبــــــــك
وتشهد ذياب(ن) في الزرايب عوتبك =تلقا عشاها في سهلك وشعايبــك
نبكي على شوفك وناس(ن) فنتبك =والا أنت خيــرك مايعادل مصايبـــك
اليا ذكرنا عالم(ن) سيرتبـــــك =حامين طــرافك وموفين واجبـــــك
ويالي لعبت بنجد ثم العبتبـــك =حامينها مـا عندنا في شواربـــــــك
لدت وصدت عنك ما تلتفتبــــك =حتيش لوانـك تشعب ركايبـــــــــك
دنياً اليا ماديت أهلها غدتبــــك =اقعد وخلك مع عجوزك وشايبـــــك
هجنك على صم الصفا بركتبك =ماعاد هرجك فالمجالس بثايبكـــــــك
يارجل يوم (ن) الهروج درجتبك =قلها وما يخطيك ماهوب صايبـــــــك
العام يوم(ن) الذلول اعصفتبـك =طاحت عصاك وطاح خرجك ومزهبك
لو لا ملاعبت الرسن وردتبــــك =و الله لتبطي ماتعالج صوايبـــــــــــك
يابن الحلال الناس ما سولفتبك =جنب و خل اللي طريقه مجنبـــــــك
نجد أهلها والله ما قلدتبــــــك =مالك دعيه مار ربي معذبـــــــــــــك
يانجد يوم(ن) الذيابه عدتبــــك =حنا قطعنا روسها لا تدوج ابـــــــــك
قدم الزعيم ألي ولاك وثبتبــك =عبدالعزيز ألي تلقا مصايبـــــــــــك
ضرب بحد السيف لين اشتهتبك =نفس(ن) منول خايفه ما تقربـــــك
ومن حكمته رايات حكمه علتبك =وهدا صعابك يوم شبت شبايبــــك
لو لاه ما كان القلوب اومنتبــك =حكم بشرع الله وثبت مناصبــــــك
وخلف رجال(ن) فالجميع اعدلتبك =والله ما تظلم وواحد معزبـــــــــــك

[otaiby]

http://sbsbsb.jeeran.com/SH3.JPG
الشاعرالكبير شقير بن عقيل الجذع
يلقي قصيدته العصماء التي نالت إستحسان الحضور

طف المكيف ونزل جامة أبوابه=خلوني أروْح هواء نجد وملاهيبه
دارٍ على الخيل بالشلفاء نزلنا به=منزال عزٍ بلاشكٍ ولا ريبه
ننزل وطاء عبلته ونويق مرقابه=وعلى الشرف كل مرقابٍ نعدي به
ندّخل دخيل الوجيه ونقطع أطلابه=وننشر على القوم بارقنا ونمشي به
بالسيف والرمح والشلفاء رعانا به=قطعانا فيه تسرح به وتضوي به
نرعاه غصبٍ على اللي يفتل أشنابه=وإليا زعل رضوته نشرب مشاريبه
ننزل على عد أبوه اللي تسموى به=وبيته نخل الرمك ترثع فأطانيبه
بنمراً لها مع طلوع الشمس ضبضابه=وإنشدده عن مدار العد وشعيبه
بمشلشل الرمح واللي كن مقضابه=جنيه جرجٍ عميل السوق يشريبه
نشرب زلال الشراب اللي شربنا به=وبالسيف نسقيه خاثر مغاريبه
نسقيه صدر الشراب إليا إلتوانا به=غصبٍ على شاربه ماهوب من طيبه
أنا عتيبي وهذه سيرة عتابه=وأنا أتشرف بماضينا وأغني به
إلّي الشرف يوم ماضينا أتسلى به=ماقصدي ألحقْ قبايل نجد بمعيبه
كلٍ بحقه وحقه ماطمعنا به=ومن عذرب الناس تا تلقى عذاريبه
ولاني بمن يستني بفعول كذابه=يبا يسوي مفاعيلٍ بأكاذيبه
يكذب وينصب بكذبه ويتسنى به=والدار معروف بسه من ولد ذيبه
حنا عتيبه مانعط الحق طلابه=ياكود حقٍ تمثنانا مواجيبه
ناخذ ونعطي وللميلات حسابه=ورجالنا فالمواقف يحتم الغيبه
منا العزل يقطع الشربان مشعابه=وخيالنا يكسر البارقْ ويقفي به
وكم شيخ قومٍ على البيداء رمانا به=لـ الطير ياخذ عيونه في مخاليبه
نجدٍ على عجته بالسيف صلنا به=صول السلاطين لاشكٍ ولا ريبه
جمعٍ نبيده وبيتٍ نشلع أطنابه=وجمعٍ نخيب رجاه وجمع نضوي به
وكم شيخ قومٍ يجي غازي وجينا به=وكم فارسٍ رمحنا قطع تلابيبه
وكم شولٍ أوضح من الأجناب جينا به=شولٍ نجيه الصباح وشول نسري به
وشولٍ ليا وردوْا ورده عدينا به=ونطلق حديد المهار اللي ترادي به
حنا وسط صلنا به وجلنا به=وخضنا المعارك مع أصحابه وأجانبيه
وسقنا الجمل فيه لين إنا إستوينا به=وأصبح لنا مِلك نزرع به ونبني به
نرعى الطنف في عذاه وندهم أجنابه=بسيفٍ يدينا مرويةٍ مقاضيبه
بدهم الفرنجي نزلناه وغزينا به=ماسٍ ليا ثار مايخطي مضاريبه
سبورنا كل مرقابٍ تعلى به=وغزواننا فيه متعبةٍ مناجيبه
وكم شيخٍ قومٍ على الموعد عدينا به=وضحا النقاء ماندور فرصة الغيبه
نبرز له الجمع وعيونه تحلى به=وناخذ نياقه ونيبس له محاليبه
نودع سروج الرمك من دون ركابه=ومن طاح منا لزوم إنا نثاريبه
نقول يابا الثريا والله أدرى به=وبإسمه نناديه لين الناس تدري به
وإليا دعتنا المواقف لإم غصابه=نودب اللي يغره قل تأديبه
لين الطمع يمنا ماعاد يشقى به=ونعطيه درسٍ يموت وهو يوصي به
ياجاهل إنشد موارد نجد وهضابه=تلقى متاريس أهلنا في مراقيبه
يشهد لنا فيه تاريخه وكِتْابه=نحتٍ بصم الصفاء ماهوب تركيبه
لين إن عبدالعزيز إلنا فتح بابه=وجينا على الشرع والسنه نهلي به
وأخذ ولانا على الشرع وتولى به=وصرنا له أنصار وإسم الله ندعي به
وحكمه على الشرع والسنه رضينا به=وكلٍ بنى مسحده وأمسى يصلي به
http://sbsbsb.jeeran.com/SH9.JPG

الشاعر العلم والمتميز دائماً متعب بن قعيد بن مضيان السليس العطاوي

كما القا الشاعر العلم والمتميز دائماً متعب بن قعيد بن مضيان السليس قصيدة عصما في الوطن

بداية كلامي ذكر مجري هبوب النود = إله البرايا مجر الأنفس مسيرها
عظيم الوهايب ربنا الواحد المعبود = كفيل العباد اللي بحكمه يدبرها
ومن بعد هذا اوجد لعذب الكلام بنود = واطلع من افذاذ المعاني ذخايرها
ابا احسب حسابي واتدرى عن المنقود = واهذب وارتب كلمتي قبل امررها
من اجل الوطن غنيت جودٍ من الماجود = اطوع صعيبات القوافي واصخرها
مواطن ومهما كان غصبن علي اجود = تجود الخواطر بالنوادر واعبرها
وطنا وطن مرهب خصومه مقر الجود = وطن خادم البيت ممن مخاطرها
أبو متعب ذعار العدا سيفنا البالود = اليا شانت الأيام وابدت تدخل مخافرها
نطح معجزاتٍ كايده ما حداه الكود = قدر حلها والغير ماهوب قادرها
حقايق من التاريخ عن واقعٍ مرصود = يناديبها التاريخ والكل خابرها
اقدم تحيات الوفا للوفي وازود = لعبدالله اللي كل قاله يصدرها
تحايا النوايا الصافيه غيبها مجرود = تليق بمقامه واحترامه مفاخرها
تعج بشذا كادي وعمبر ونفح اورود = تبسم شذا والعود الازرق مكاسرها
يا رجل الوفا فيك الوفا والسخا موجود = سمتبك خصال الطيب وانت امتصدرها
ابا امدحك باللي فيك مدحٍ عليه شهود = مدام المدايح فيك تصغر كبايرها
خصالك تفوق المدح يا مزبّن المضهود = تعد الحرار الصارمه وانت نادرها
حكيمٍ برزت بفعل مهوب رجم اوعود = تدل الرجال اليا اضمحلت خبايرها
يابو متعب انت اللي على المنهج المحمود = وعندك لشعبك عادةٍ ما تغيرها
قبول وعدل وانصاف والعدل منك يسود = بحكم العداله والشريعه مصادرها
اليا عدو الاخيار باول عدد معدود = تنال المفاخر نيل وبوك ذاخرها
سلايل معزي مطعم النار بالبارود = محقق احلومه قبل غيره يفسرها
من راسه يقول ويقدح الراي قدح ازنود = صروح المعالي معتلٍ في منابرها
حكم نجد وامن خفوها واذعنت بركود = وقبله ميامنها تنافي مياسرها
حضنها ومعضمها فضا ما عليها الرود = وكون مداينها ومدن عشايرها
كلامٍ حصل مهوب منسي ولا مجحود = حقايق بطل وامجاد رغم أنف منكرها
تزول الرواسي منهدم صرحه المشيود = بيوت المكارم والمفاخر معمرها
وعلى منهجه يا سيدي ما عليك قيود = عهدناك راعي هقوةٍ ما تقصرها
وريث المكارم واردٍ منهل ما ورد = بيوت الشرف تبقى وتبقى مآثرها
عسى الله يطيل اعمار حكامنا آل سعود = ويدري الفتن عنا ويطفي سعايها
أقوله وأنا من عزوة فعلهم ماكود = تحت راية التوحيد مقدم عساكرها
عتيبه عتيبه كل محتك عود بعود = على رايكم روس الاعادي نكسرها
سلفنا وفا معكم بصدق وولاء وعهود = عهودٍ ورثناها ومعكم نكررها
عهود الوفا فينا ورثها ولد من عود = عوايد رجالٍ ما تغير مشاعرها
اليا اشتدت الازمه لنا ماقفٍ مشهود = مضا سالف الدنيا ويمضي بحاضرها
بتوجيهكم وقت الطلب نبذل المجهود = ولا ننخدع بالمحدثات ومنابرها
ولا ننجرف مع من حمل راية النمرود = مصلي صلاتٍ ما عرف وين يوترها
نرد الخطا ولكل شيٍ مدى وحدود = وقوم الدسايس عوقها من دبايرها
مدام المشاكل والفنت بابها مسدود = تولع شرارة نارها في مشررها
يصح الصحيح لمن صحا والغلط مردود = ويطيح اللئيم بحفرةٍ كان حافرها
هذا شعبكم رهن الإشارة يجون وفود = لتجديد عهد وبيعةٍ سار سايرها
ولا أحدٍ على درب الزلق والغرق محدود = يكود الحقود اللي حياته محقرها
مصير المنافق لو بنا ما بنا مهدود = ولا يستميل الا نفوسٍ يدهورها
خباث النفوس أهل الحسد والنوايا السود = تنافا مع الإسلام وأهله سوايرها
تظاهر بدين الله وتغير المعهود = وتخفي تحت بيض الملابس خناجرها
ولكنهم قلة ولا حققوا مقصود = صور في هياكل والغلط في تصورها
تخون الوطن والدين والوعد والموعود = تجود بمضاهرها وتهفي ضمايرها
غريبه على ابنا أهل الوطن نسل أبا وجدود = وش اللي حصل للناس واعمى بصايرها
من الرعب والارهاب وش حصلو من فود = خذتهم دعاية سمسريٍ يسمسرها
لكن الشريعه ماضيه والعدل منشود = سيوف العداله خاسرٍ من يجاهرها
تمر الفتن المملكه في شموخ وزود = بتوجيه قادتها وصحوة كوادرها
بقوةٍ تلاحم شعبها ضدها ملهود = تهب العواصف مخلفتها بوادرها
مدامنكم حكامها شعبها محسود = يعيش بنعيمٍ غيركم ما يوفرها
حكمتو بشرع الله وعاش البلد مسيود = يموت الحسود بحسرته ما يعبرها
وترى الباديه والحاضره فالزوم اجنود = ودعوى الضلاله مالها من يناصرها
ما تنمي غصون الأعلى أصل ووصل وفنود = ولو تنفرد عات الهبايب تبعثرها
تلاحم ووحدة صف والمنحرف مقرود = تبا تقطع الفتنه وتقطع دوابرها
نطيع ونبيع الروح لجل الوطن ونذود = مهما يختلف نوع الوقيعه نباشرها
واختم بذكر الله مجري هبوب النود = إله البرايا مجر الأنفس مسيرها
وصلوا على نبينا سيدّ الوجود = محمد شفيع أمة محمد منورها
عسانا على هديه نتم ونجيه ورود = ويشفع لنا يوم انتكابر صغايرها
على قرقرٍ مافيه احد يلتزم بوعود = وتذهل به المرضع وتنسى صغيرها
http://sbsbsb.jeeran.com/SH4.JPG

الشاعرالمبدع راجح بن مشبب المقاطي

كما القا الشاعر المبدع راجح بن مشبب المقاطي قصيدة عصما في الوطن

ياالله المعبود ياعالمٍ مافى الصدور=ياعظيم الشان يامتبع الليل النهار
نسألك عطفك ولطفك وعفوك ياغفور=وسترك ليا قام زند الفتن يقدح شرار
ياالله احفظنا بحفظك وجنّبناالشرور=وعافنا من كل فتنه وتخريب ودمار
وياوطنّا عشت يااطهرثرى واتمّ نور=عشت يامهد الرساله فنارٍ في منار
عشت رغم انف الحسد والضلاله والفجور=آمنٍ بامن الولي من تصاريف الغيار
ثم بامن من عذّوا حماك من ماضى العصور=سادة السادات ندّر صواريم الحرار
الملوك اللي لحوزة حمى الإسلام سور=دونه يدين المعادين لوطالت قصار
الملوك اللي بهم صار لك هيبه ودور=واستقام الشرع فيك وشملك الإزدهار
في ذرى الله ثم ذراهم لو العالم يمور=إرقد آمن ياوطن لاتضام ولاتذار
ياوطن لاترهب ارهاب قصّار الشبور=العفون اللي تطاول على خيبة دبار
غرّهم من زايد الجهل بالله الغرور=لين عوّد سعيهم من تبارٍ في تبار
إستباحوا حرمة الأمن في خير الشهور=واستحلّوا حرمة الدمّ من دون اعتبار
وش يحلّل قتل الاطفال في عمر الزهور=وويش عذر مزعزع الأمن في خير الديار
غير فقدان البصر والبصيره والشعور=كنّ مافى الآخره قدمهم جنّه ونار
راعي الطغيان والبغي عقباه الثبور=خزي فى الدنيا وفى الآخره بئس القرار
ياوطن ماجور واللي يعاديك معثور=دمت شامخ ياوطن في زمان الإنكسار
لك علينا عهد ربّي ليا يوم النشور=مايعلاّ فيك للغدر والباطل شعار
بامر مجرى الفلك فىامواج غبّات البحور=العزيز اللي يجير ويعزّ بْه الجوار
ياوطنّا والله انّا بعهدك مانبور=ولانسامح ياوطن كلّ من بالعهد بار
كلّنا دونك رجال امن وحراسة ثغور=بوضع الإستعداد والتعبئه والإنتشار
مايجي من يمّنا لاقصور ولافتور=ولانفكّر فى التسامح وفي سبل الحوار
لين نقلع شجرة ابليس من ساس الجذور=وينقطع دابر شراذم عصابات البوار
وكان وجه ام الكباير تبدّى بالظهور=وصلّعت والشر منها تمادى واستطار
ياوطن حنّا عيالك على خبرك حضور=لازمى العايل زمينا وبنّا له جهار
أبشر ابشر كان ناديت بالصوت الجهور=بالعيال اللي يفادون دونك بالعمار
كلّ صنديدٍ عليك وعلى الملّه غيور=ماتشرّب قلبه الاّ شهاده وانتصار
لك علينا نصخي الدمّ لترابك عطور=ونرخص الأرواح لازادت الهيجا استعار
كلّنا من دون حدّك براكينٍ تثور=مالمن يطمع بك الاّ انتحار أو اندحار
كلّنا فدوة ثوابتك من كلّ محذور=صفّ واحد مايصيبه تفكّك وانهيار
ماتزعزعنا دعايات عبّاد القبور=كلّ زنديقٍ تستّر بوجهٍ مستعار
ولايلوّث فكرنا كلّ خوّانٍ كفور=قضّبوا فكره من اقصى اليمين اقصى اليسار
ولايشكّكنا فـ اولي العلم وولاة الأمور=صوت عجل السامري عقب ما جاله خوار
السفيه اللي يرتّل ترانيم الزبور=في مواخير الخنا والرذيله والقمار
عيّنته امّ الكباير على بند الأجور=وقامت تديره بريموت من خلف الستار
مادرى انّه كلما زاد كذب وزاد زور=زادنا عزم وثبات وتلاحم واقتدار
مير لابدّ الدواير على راسه تدور=ويتجرّع كاسٍ انكى وامرّ من المرار
والله انّا ياوطن مايجي منّا القصور=ولانعرّض واجبك ياوطن ملس العذار
وياعيون اعداك والله لنحرمها السرور=ولانعاين فيهم الاّ بعين الإحتقار
وانت تبقى يافخرنا بغيرتنا فخور=وقدرك اكبر لو دعينا وقلنا باختصار:
دمت عامر بالسعاده وبالعزّ معمور=في ذرى الله ثم ذرى اهل المعزّه والوقار

http://sbsbsb.jeeran.com/SH11.JPG
الشاعر ماجد بن عبود بن مغيرقوهذه القصيدة للشاعرماجد بن عبود بن مغيرق التي اورد جزء منها في الحفل وهانحن نوردهالكم كامله

ياناطيقن الضاد ضيعتوا الضاد = لغة بني يعرب بمحكم كتابه
ولغة نبي الخلق وتقواه والزاد = ولغة هل الجنه نهاية حسابه
من بطن مكة شعشع النور وإنقاد = بقيادة الهادي وجل الصحابه
بأولهم الفاروق وحمزه له إسناد = وأول مصدق للنبي وإقتدابه
في بيت الأرقم مشعل النور يزداد = لإظهار دين الحق ومفتاح بابه
وأخذ عمر قوسه وحول مع الواد = وقريش تخشى هيبته وإرتهابه
وقال الذي وده ييتم له أولاد = يلحقني بجال الشعيب وجنابه
وهاجر نبي الخلق يتلونه أفراد = وإستبشرت طيبه مقدم ركابه
والأوس والخزرج تهلل وتنقاد = وتعلن ولاها يوم جا وإلتجابه
خاضوا بغزواته في حروب وجهاد =وقضى على أهل الشرك وكر الحزابه
وأهل الجزيره وحدوا والأمن ساد = وأقام شرع الله وحكم كتابه
وبلغ بدين الله على روس الأشهاد = وأرسل مناديبه وعمم خطابه
لكسرى وهرقل والمقوقس والأفاد = وعادت مناديبه بدون إستجابه
وجهز ثلاث الآف جندي بالأعداد = للروم في مؤته وعالي هضابه
يقودهم زيدٍ وهو خير من قاد = ثم خلفه جعفر وروحه فدابه
وبن رواحه ياخذ الرايه وساد = ثم خلفه خالد وغطا إنسحابه
بالميمنه والميسره جند أجداد = ومقدمه ومؤخره في عقابه
من واقع التاريخ نقرا بالأمجاد = سيرة رجال المجد وأهل المهابه
في طاعة المعبود ركع وسجاد = رجال تعبد الله وتخشى عقابه
وين الرجال اللي للأمجاد رواد = أمثال سيف الله وراع العصابه
وأبو دجانه يوم أخذ سيفه وذاد = واللي لهم بالفتح دور وصلابه
والمعتصم للناخيه عد الأعداد = وأخذ بثار اللي زهم وإنتخابه
وين المثنى وين يزيد وزياد = وعمرو وابن وقاص واللي حدابه
وين بن الأسود والملقب بمقداد = وينه معاذ وجيشه اللي غزابه
وجيش العبادل يوم كلف بالإعداد = حطم عروش الروم يوم إلتقابه
وأسباط سيدنا وهو خير الأسياد = سادت هل الجنه وسادت شبابه
لفتح شمال جيشاً امداد = لابي سرح وابن الزبير استنابه
عاشوا بكروفر وحروب واجهاد = تحت سماه وفوق عالي ترابه
وصلوا الى النهربن ودياراً ابعاد = والصين واقصى الصين حتى انتهابه
ودار البخاري والنسائي والاكراد =ودار الخوارزمي ومن قد مشابه
وصلاح الأيوبي بعقل وتركاد =اللي حمى الاقصى وطهر جنابه
من رجس قوم الزندقه والتجلاد =طهرتخوم الشام وذلل صعابه
حمو حمى الاسلام يوم الله اراد = ودكوا كنايسهم من اعلى قبابه
لهم الفخرواللائمه جت للاحقاد =والجبن والخذلان خيم سحابه
بقلوبنا هم وغم وتوجاد =على مشاهير العرب والصحابه
تواردت فكري تماثيل وانشاد =واحترت مابين السؤال وجوابه
للشعر دور وفن واسلوب وابعاد = والشعر ياهل الشعر فن وذرابه
وللشعر ياهل الشعر مصدر وميراد = من واقع الأحداث واللي قرابه
بلحون من مكنون توجات وراد = تقفي وتقبل واللسان ابتدابه
مالي جدي الا الشعر وسيفي بالاغماد =على مخطوره مقايض نصابه
من قوم يس وي زاد الخطا زاد = اهدافكم تحققت بالاصابه
أخبار ماتفرح ونظرات بعاد = من كافر في عز بادي شبابه
زنديق متغطرس وملحد وجلاد = سلالة يهود مالقاله مجابه
قام يتهبد في عربنا تهباد = مع كبرياه وقامته وانتصابه
مع زمرة الليكود واقلام موساد = ومناورات الدجل نهجه ودابه
يضرب بسيف الغير بعنف وتمراد = وعريبيا ماهوب حاسب حسابه
من كل حدب وصوب نرمى بالأحقاد = حقد يكال لنا من احبث عصابه
قامت تناهشنا من الغرب حساد =ودب من المشرق يكشر بنابه
حرب صليبيه وأهل فكر أبعاد = وأطماعهم بالشرق كل درابه
وحنا نطبل دون توجيه وارشاد = وتفرض علينا الهيمنه والرقابه
ونشاهد التلفاز ونسمع من الراد =ولانستطيع نقول للعرب جابه
نشجب ونستنكر وبالصحف نقاد =والفعل مامن فعل عند اكترابه
عرب هويه للملذات رواد =ولافكروا بأرض الوطن واغتصابه
افكارهم متشتته مثل الأوغاد =يطعن بعضهم بعض ويلعن سبابه
بتهديد وانذارات وشتم وتوعاد =على المنابر والخطب والخطابه
عبر الإذاعه بالصحف جد واعماد =هذا يحكي بهذا والاخر حكابه
من نكبه بنكبه هذا شيء معتاد = فيروسهم ماله طبيب وطبابه
لو صوتت مكه للأزهر وبغداد = واهل اليمن والشام بالإستجابه
والمغرب وشعب الجزاير جو امداد= وطرابلس والقيروان وشبابه
وشعب الخليج إلتم ونادا به مناد =وتضامن السودان واللي رعابه
وكراتشي مع كابل وحييدر أباد = والترك وتركستان واللي ربابه
والبوسنه والهرسك وذيك الأنجاد =ومن دينه الإسلام يحسب حسابه
من أقصى فريقيه ليا دولة تشاد = والهند وأهل السند واقصى تبابه
بتكبيره وتهليله وزند وزناد =دفاع عن القدس وطرد العصابه
بجحافل منها العدو يلبد إلباد = مثل النعم بين الحماد وشعابه
بكلمة هل التوحيد نحصدهم احصاد =ونرمي جثث هم للسباع وغرابه
على عقيدة صدق ماناقف احياد = والنصر مكفول بمكحم كتابه
لو يلتحم مليار مسلم بتعداد = محا بني صهيون ودمر قبابه
وتراجع الأبيض وخلى التهداد = وتراجع كلنتن وقصر بنابه
كلنتن يواعدنا بود وتوداد =لاعاد يوم فيه تم انتخابه
لعيوننا وعيون غضات الأنهاد =من اجل مضخات البحر واجتلابه
والبيت الاحمر كف عقب التحشاد =بعد التفكك يلسن اللي بقابه
والصبر طال ومعهم الصبر مافاد =والقاضي كلنتن وحكمه قضابه
للصبر حد وصبرنا ينفد انفاد= والقدس تنخانا وتشكي صوابه
وجراحها تنزف ولايوجد أضماد =وحنا كما الشطرنج ولعبة لعابه
تصرخ وتستصرخ ولابست احداد = من جور هدام الكيان وخرابه
تقول وأسلاماه ... وتعض الانجاد = في قبضة اسرائيل وتحت انتدابه
وحتى ايش لو نمشي في جرود واجراد =ماينجلي هم تراكم ضبابه
من سيء إلى أسوى وعميان وارماد =نخضع للأمر الواقع واما جرابه
أوقاتنا كروه من أستاد لستاد =ودش الخلاعه للعقول وذهابه
بعض الشباب جروم وازوال وأجساد =حداه من عن درب القدا من حدابه
لاصنعة باليد ولاأفلح ولافاد =عاله على أهله والوطن وش يبا به
لو طول أشنابه على ماش وش عاد = سايب ومتسيب والأخلاق سابه
معقد وآلا الأمر زاد التعقاد =ويلهي بلهوات الجهل وإلتهابه
مع شلة أهل السوء وأشرار الأوغاد =واجب نحث أولادنا بإجتنابه
الغزو فكري ضد فلذات الأكباد =لجرف الشباب وجرف بعض الشيابه
في كل عالمنا الغزو زاد وإزداد = ماله علاج ولايفيد الدوابه
كتب علينا الذل من كل مصطاد =وصرنا طعام الطير وحايم ذبابه
لو نغتسل بالبحر والنهر مافاد =ماتنظف أردان والوسخ والجنابه
أرض العرب صارت توزع بالأقصاد =وحنان رضيت به وياسر رضابه
وحنا نفاوضهم ونخدع بالأوعاد =وعار المذله لبسونا ثيابه
لو نتوحد صف نخمدهم خماد = ونشعل فتيل الحرب ونشعل شهابه
ياحيف كيف العرب للغرب تنقاد =تخضع لأوامرهم وتحت الرقابه
بعض روساهم من زنادقة الإلحاد =مشكوك في عروبيته وإنتسابه
وش عذرنا من ربنا ياهل الضاد = أمام رب الخلق وبطشت عقابه
مامن قلوب ولاش مر بالأكباد =ولامن ضمير حي يوح الندابه
بقوم تصادقنا وبالباطن أضداد = وعريبيا من كابة ٍ بأثر كابه
حرب صليبيه وللنار وقاد = والمسجد مطوق ومغلوق بابه
مطوق بجنود وسلاح واعتاد = ومصفحات مجهزه للحرابه
بأمر نتنياهو وجمهور موساد= في هضبة الجولان يشهر حرابه
نصب صواريخه ورادار وأرصاد =ويهدد وينذر بحرب ونشابه
فازوا بها واللايمه جت لمن حاد =وإنصاع للخذلان والإكتئابه
روس اليهود اهل الدسايس والأفساد =والبيت الأبيض مرجعه وإحتجابه
يبني في الجولان ويدق الاوتاد= وحنا غدينا للصليبي نهابه
لو فيه شمس من أمس جاله توقاد = في هضبة الجولان واللي بنابه
من مؤتمر وحنا نوم ورقاد = واحلامنا مثل الهبوب وسرابه
مانتعض من وعد بلفور ياطراد =وخطط بني صهيون والإنقلابه
لو يعلن القاده لنا حرب وجهاد =لتحرير بيت القدس عقب استلابه
على نمط عمر وحشده للأجناد =اللي وصل تل المكبر وجابه
بعزم وحزم مافيه جبن وترداد= لتحرير بيت الله من اللي غدابه
مفروض نعتزل النساء والتوساد = ونخجل من الله والنبي والصحابه
ونضرب عن اللذه ونضرب عن الزاد = ونمشي سوا للقدس صف وحزابه
القدس تشك الجور وترصف بالأصفاد =وتلعن نتنياهو وأبو من زنابه
بيقن يقول الهم في الأرض ميعاد =يحتج بالهيكل وضيع صوابه
هيكل سليمان الذي بيد وباد = زاله مهب الريح مع من غدابه
وبادت طسم وجديس وثمود مع عاد = وهامان مع فرعون ماأحد ٍ بقا به
قبل ثلاث الأف عام بالأعداد = ومية سنه برواية اللي روابه
قبل المسيح ولاش تاريخ ميلاد =بقرون ماتحصى ونجهل حسابه
بعد سبي بابل جماعات وأفراد =غدوا شتات وذاقوا أقسى عذابه
أرض العرب من قبل عنتر وشداد = عصبة بني كنعان مابه طلابه
من غربي المغرب ليا شرق بغداد= مهد العرب مافيه شك وغرابه
ماله في أرض العرب ملجا ومقعاد =دنس تراب بلادنا اللي وطابه
القدس تبغا ناس لله زهاد =ماقلدوا بقين ولبسوا ثيابه
ماهم سوات اللي للأصنام عباد =نسيوا عقيدتهم ونسيوا كتابه
مثل النعم تسرح وتمسي بالأوهاد =تحت جناح وسط الزرابه
عاشوا بسوق العربده والتعرباد =وميدان شهوات الجهل والخيابه
مكبلين بين صايد وصياد =في هضبة الجولان وسينا وطابه
من المستحيل النصر من غير معواد =معواد للمعبود ورجوى ثوابه
مايعبد مع الله تماثيل وانداد =ومن حط لله ند يلقى عذابه
لابد من يوم يددهم أبداد = في ساعة الأهوال وإلانحطابه
لعبوا على اطفال الحجاره بالأوعاد =واستوطنوا بالأرض وتم أكتساحه
وسلامهم صوري وجمد تجماد =وأمالنا خانه ولافيه ثابه
لو اشتهوا حل النزاعات ماكاد =حطوا لهم بالقدس وكر ونقابه
مسكين أبو عمار وش عاد وش عاد =يحلم بعرش رياسة ماإرتقابه
مابين ذاك وذاك سرداد مرداد =هذا يخطط له وذاك إختلابه
صلى على رابين وشارك بالأعياد = اعياد مبتدعه بزيف وغرابه
ماتفلح وجندك عن الحق صداد =حلمك سرابه من خدعك وسرابه
مابين غار ونار مشدود بقياد =ولامن صلاحيه ولامن مهابه
برحله مكوكيه من بلاد لبلاد = وساع البريد أخفق مع اللي سعابه
عمرلك أرقيله وسو لك براد =وهات الكمنج وجر قوس الربابه
وإلا أدخل المسجد وصل التهجاد = واقرا في السبع المثاني وبابه
اقرا بصورة فاطر وغافر وصاد =واقر في المصحف مع اللي قرابه
خدعك حزب البعث وسعدون حماد =وهويت مع صدام باللي هوابه
من الخلق والأخلاق مجرد تجراد =وخيب رجا شعبه وخاب الرجا به
وانته تعر فالحزب وكر للإفساد =مؤسسة عفلق وزمرة كلابه
تبي حكم ذاتي وسلطة ومرقاد = عنك أبعد من الشمس وموقع مغابه
مالك مطير ولامنير اجلد اجلاد = في قبضة كلنتن وحامي عقابه
محصور بين ثنين مافيه مشراد =مثل الطفل مابين مامه وبابه
ازبن على ال سعود خل التمجاد =سور البلاد وهم ذراه وحجابه
من بطن مكه تعلن الحرب وجهاد = على بني صهيون وجيش العصابه
بصوت مجلجل للعروبه ورعاد =والراي لآ ل سعود مفتاح بابه
وانخ الفهد يدعمك بسلاح واعتاد =وتسعين فوج من قبيلة عتابه
بين القبايل مالهم ند وانداد = وباق القبايل كلبوها تشابه
لطامت العايل وللموت وراد =وذباحة للحايل للضيف وصحابه
نطاحة البارود من دون الأذواد =وحرز الدخيل ليا زبن وإلتجابه
عتيبه الهيلا لها الضيف يرتاد =فكاكة حبال النشب والنشابه
مع دولة أل سعود من عهد الأجداد =ماتنهزم رايه وفيها عتابه
عز الصديق وضد لكل الأضداد =تشهد لها نجد وشوامخ هضابه
في وقت بن هندي وتركي لها قاد =ومسلط وسلطان مقادم عتابه
مثل القمر بين القبايل وهو باد =ولها مكانتها وعز ومهابه
قبيلة ياوي قبيلة لها أمجاد =لادق زار الحرب ماتنتجابه
وإن جاء نهار فيه مطرود وطراد = عدوهم ماينتعالج صوابه
وإليا لفيت بيوتهم تلقى الأجواد =وكلمة هلا للضيف ويامرحبابه
أشرس قبيلة للمعادين وألداد =وبالطيب والفزعات ماله مشابه
أهل الخيول السرد وسيوف حداد =كم شيخ أخذوا عطفته من زهابه
لو توزن مع أقرانها وزنها زاد =هيلا ليا إنهالت ويحسب حسابه
رجالهم صياد ماهوب ينصاد =يضحك حجاجه دوم لين جنابه
أقولها وأصدق بماقلت يابجاد =بشهادة الأسلاف واللي روابه
ماهمها من قال ترديد الأنشاد =لازالت عتابه وتبقى عتابه
بالماضي وحاليا الطيب يزداد =وبيوتهم من جاه يلقى العشا به
أولاد بكر بن هوازن والأحفاد =وبني سعد ساس النسب والنسابه
منهم خوال المصطفى سيد الأسياد =من الرضاعه دون شك وغرابه
وبني هلال إخوان خالد بالأوكاد =أمه هلاليه وتدعى لبابه
لبابه الصغرى بنت الحارث الجاد =في معجم الأنساب وكتب النسابه
لهم بشمال إفريقيا دور واجهاد = بني هلال وجشم وعقبه بقابه
انهل من أصحاب السير علم وارشاد =ماهوب هذر وسفسطة من هذابه
كلام موثق ومسند بالإسناد =ماأخذ من أفواه العوام وكذابه
مانستمع من كل جاهل وعرباد =ونهاية الجاهل على ماإنتهابه
ماكل قصاد يقال له قصاد =ونصدقه فيما نشر وإدعابه
بني سعد قرنة عتيبه والأجداد = بجوامع السيرة وصفحة كتابه
مافيه شك ولاشكوك وترداد =ومن كان واهم نقنعه بالإجابه
ماهو كلام أحمد وحامد وحماد = والكذب خيبة من كذب وإفترابه
ماقلتها ناقد ولانيب نقاد =والعلم ثروة من درس وإعتنابه
أبحث وأناقش واتركد تركاد =والله يعلم بالخطا من صوابه
نبذه عن عتيبه وذكرى للأولاد =من ماضي الأزمان واللي مضابه
وشمر لهم سطوة واهل باس وعناد = وجمع البقوم وحرب وحرث شبابه
ومطير أهل وقفه وأهل خف وجياد =من الحرة ليا أرض الحفر واللهابه
واولاد وايل مرغمة كل حساد =وقحطان والغلبا عز من اعتزابه
وجمع الظفير اللي لهم كار وشداد =اهل البيوت مزبنة من لفابه
وثقيف حرز وركن واركان وأعماد =وجمع بني مالك سند من تلابه
وجمع الفضول دوروع وسيوف وأعضاد =تاطى المخاطر مثل شهب الذيابه
سلالة بني لام الهم أذكار وامجاد =وتميم لادقت طبول الحرابه
وجمع بني خالد كما وصف رعاد =سيل ليا دم له وادي غدابه
وجمع السهول ويام قيف ليا قاد =باولهم العجمان ماحد يهقابه
واهل اليمامه مثل نو ْ ليا انقاد =واهل القصيم مطوعة من نوابه
وجمع اكلب وشهران ودوسر هل الواد =مثل الجبال وغابة سد غابه
وسليم وقضاعه ماأفندهم افناد =وهذيل ورجال ألمع ومن حذابه
وزهران مع غامد هل الباع والماد =مثل الخيال ليا ضفى مع ضبابه
وجمع رجال الحجر تاقف بمرصاد =وبالقرن مع شمران قوة ولابه
وقبايل الأشراف للهادي أحفاد =رجالهم ينطح جمع لل إلتوابه
وجمع البواهل من بني زيد الأنداد =مثل الرمح والسيف سلة نصابه
وجمع بني هاجر والمره له زناد =عدوهم مايهتني في شرابه
وبني عطيه والحويطات هداد =تهد هامات العداه ورقابه
وجمع الحوازم والعوازم ليا انحاد =سوق الوغى قد باع به وإشترابه
وجمع الشرارت لهم أفعال وأجواد =للمعتدين أعداء وعز القرابه
وبني رشيد حيود ماهيب تنحاد =لاصار يوم فيه غلب وغلابه
والمملكه شعبه ليا أوحى له مناد =يفدى بما يملك وروحه فدابه
اهل الفتح منا جنود وقواد =واول سهم بالدين واللي رمابه
لله عباد ٍ ولرضاه زهاد =نصوم ونصلي ونرجي ثوابه
مانعبد الأوثان واحجار الالحاد=مثل الذي يعبد صليبه وكابه
لو نتجه للقدس بضمير وافواد = قلب وقالب لين ندخل رحابه
بهجوم معاكس على القدس من غاد =لتحطيم جيش الغدر عند إقترابه
بنصراً محقق كان رب الملا راد =وكان إنخذلنا الله شديد عقابه
والخاتمه صلوا على سيد الأسياد = سيد من أيد سيرته وإقدابه

[هوازني عتيبي]

ما قصرت أخوي عتيبي والله يجمع قبايل عتيبة دوما على الخير

والمسرات

[حسام هوازن]

مشكور يااخوي otaiby

على هالنقل الرائع لهذا الحفل

اللي يجمع جميع امراء وشيوخ قبيلة عتيبة

الله يكثر عتيبة ويجمعهم على الخير والبركة

[النـايــــــف]

مشكور اخوي عتيبي


والحمد لله اللي جمع قبيلة عتيبة في احفلة الشيخ عبد الله بن عمر بن ربيعان

وإنشاء الله يتم مزاين قبيلة عتيبة

ويصير له قيمة الكبير مثل ماهو لعتيبة قيمتها بين قبائل الجزيره


وشبكة قبيلة عتيبة تفخر بهذه التغطية الرائعه

والتي تميزت بها عن جميع المنتديات


وتحياتي لكم

[لاندكروزر]

http://sbsbsb.jeeran.com/m2.JPG


مشكور اخوي عتيبي


على هذه التغيطه وبيض الله وجهك

[غزال عتيبه]

السلام عليكم ورحمة الله وبركاته

الأخ الفاضل العتيبي

تشكر كل الشكر على التغطيه الشااااامله لهذا الاجتمـــــاع الرائــــــــع

عسا الله يديمه وعسااها سفرهـ دايمه تجمع رؤوس مشايخ قبيلتنا

وصح لساااان الشعراء اللي شاركوا بقصائد شعريه كالدررررر

وتسلم ويعطيك العافيه على التغطيـــــــه

[أبونايف]

عسى الله يوفقهم ويسدد خطاهم .. وكلنا بانتظار "الحدث" الأبرز في الاحتفاليات الخاصة بمزايين الابل خصوصا انه يحمل اسم (عتيبة) ..

جهد رائع وتغطية أروع يا عتيبي ..

لا خلا ولا عدم يا غالي ..

[ابـو حـمـود]

الله يعطيك العافية أخي عتيبي
على هالجهد الرائع
وفضلاً لا أمراً ان تسلسل باقي قصايد الحفل تباعاً
ويكون ردود الأعضاء بعدها.

[لاندكروزر]

عند ابو ماجدقضبوهن باالارسان=هداج تيما اللي نحى الهجن صوبه
مقدم عتيبة تتبعه سر وعلان=هيلاً تهايل غالبه ومغلوبه


http://sbsbsb.jeeran.com/m2.JPG


ذوي حمد فيهم على الخيل ذارب=هز القديمي لين تاصل نصابها
الاوفيهم ذارب ٍ يذكرونه=قضب الشوش قدامهم من سعابها

[صهيل قلم]

تقرير رائع ومجهود جبار


نشكرك عليه وعسااك على القوه

_______________















,

[حمد الحمادي]

http://sbsbsb.jeeran.com/SH3.JPG


مهوب سهل شقير الجذع http://www.otaiby.com/vb/images/icons/icon10.gif



إذا ما عليكم كلافة أبي قصيدة شقير مسجلة برد خااااص



.

[ابو اشواق]

شكرا اخوي عتيبي على مانشرته والصراحة عمل تشكر عليه واتمني من الله العلي القدير ان يجمع شملهم على كل فعل الخير

[ابن مسلم]

الأخ الفاضل العتيبي

تشكر كل الشكر على التغطيه الشااااامله لهذا الاجتمـــــاع الرائــــــــع

عسا الله يديمه وعسااها سفرهـ دايمه تجمع رؤوس مشايخ قبيلتنا

وصح لساااان الشعراء اللي شاركوا بقصائد شعريه كالدررررر

وتسلم ويعطيك العافيه على التغطيـــــــه

["الباشق"]

الله يعافيك اخوي عتيبي

بس ياخوي ماشفت احد من الجماعه

لا شاعر ولا امير

[م.روقه]

السلام عليلكم

بداية، كل عام و انتم بخير و سلام، و عيد اضحى مبارك، ان شاء الله

ربنا يعيد الاعياد علينا جميعا بالخير و اليمن و البركات.

مشكور أخي العتيبي على هذه المشاركة الجميلة و الطيبة، أنت بمثل هذه المشاركات و الفعاليات الكريمة تعزز روابط القبيلة في كل مكان. حيّاك الله. و مزيدا من مثل هذه المشاركات، و الى الأمام

أخوكم/ محمود روقه - فلسطين

[أبو سعد الدلبحي]

بيض الله وجهك وما قصرت

[الدماسي 2007]

عتيبي
سلمت يمينك
على هالنقل المميز
دائمآ انت المميز

تحياتي

[mutem13]

حقأ ان مريتة في الصور من جتمع مشيخنا اللة يطو ل عمرهم يزيدنا فخرأ وعتزازأ.... وشكرك اخوي عتيبي علي نقل هذة الصور وبارك اللة في جهد المتميز.. اخوك/متعب بن شريم العتيبي

[كحيلان]

اشكر لكم التغطيه الفعاله وهذا ليس مستغرب على الشبكه والله يجمع الجميع على التقوى والعلم الطيب وشكر خاص للعتيبي طويل الذراع

[ابن فانك]

بيض الله وجهك الصور هذي جمعت الشيوخ كلهم خالدة للابد حتى يستفيد ويتذكرها اجيال عتيبة جيل بعد جيل
انا شاكرلك ومقدر
وعسى الله يجمع عتيبة على الحق والنصرة

ربعي هل الطولات والمجد والوفا
عتيبة هل النخوة وتقدير الاجناب
ذباحة الحايل وقت الشدايدوالرخا
ولطامة العايل في طويلات الانشاب


تحياتي لك:::,,
اخوك/ *·~-.¸¸,.-~*ابن فانك*·~-.¸¸,.-~*

[المهندس]

شكرا على التغطيه الرائعة

[فيصل1]

السلام عليكم

تسلم اخوي على هذه التغطية الرائعة ولكن عندي تساؤل محيرني وياليت يكون فيه جواب من المشرفين على المنتدى : هل هذا المنتدى يشمل قبيلة عتيبه بطرفيها برقا وروق والا لروق فقط ؟ والسبب في هذا التساؤل عندي هو حفل التجمع الأول كان عند الشيخ ابن حميد ولم نرى عن هذا الحفل أي تغطيه بينما حفل ابن ربيعان غطي بالكامل وبالصور والتوضيح الممتاز فهل من مجيب على هذا التساؤل والذي أعلم بأنه صريح وانشاء الله يكون فيه اجابه مقنعه ولي طلب عند القائمين على المنتدى أرجو انه يكون فيه حرية الرأي والنقاش الهادف كفانا دكتاتورية فلوطن العربي كله مل الدكتاتورية

[سلطان نت]

اخوي فيصل واحد
راحت علينا ماحضرنا الحفله الثانيه ولا ان كان صورنا طالعه
رحنا فيها
بس قالولي ان حفلة ابن حميد خاصه ولذلك ماطلعوها
لان الخصوصيات كل ليل فيه حفله على نفس مستوى حفلة ابن حميد

[النـايــــــف]

هلا والله فيك اخوي فيصل
وحياك الله
اخوي فيصل عزيمة الشيخ بندر بن نايف بن حميد كانت عن أهل المزاين فقط لا غير مثلها مثل عزيمة الشيخ بدر الضيط شيخ شمل المزاحمة اما عزيمة الشيخ عبدالله بن عمر بن ربيعان كانت لشيوخ عتيبة كافة ولو ابن حميد عزم اهل الموقع لكان سوينا تغطيه مثلها مثل تغطية أحتفال الشيخ عبدالله بن عمر بن ربيعان


تحياتي لك ،،،،

[ابو اشواق]

مساكم الله بخير كل عام وانتم بخير
شكرا اخي على التغطية

النايف كيف حالك وش اخبارك



اخوك /
ابو اشواق

[النـايــــــف]

بخير ولله الحمد يا ابو اشواق

[م.روقه]

الاخوة الأفاضل
السلام عليكم و رحمة الله و بركاته
اسمحوا لي القول: أن العتب على قدر المحبة، و حتى تكون المنتديات فعلا تجمع لا تفرق ، و لكي نتمكن نحن الذين ننتمي الى عتيبة الجامع و الرابط الأكبر و الاقوى ينبغي من القائمين على فعاليات و نشاطات عتيبة بكل فروعها ان تدعو مندوبي مواقع عتيبة لكي تتمكن من التغطية الاعلامية و لكي تشارك القبيلة هذه الاحتفالات و الفعاليات التي نفخر بها في جمع الاهل و الاحباب و الخلان، سواء كان ذلك من خلال التغطية بالكلمة و الصورة او بالصوت و الصورة - الفيديو - ، و هذا بتقديري له الأثر الايجابي على القبيلة و تكون المنتديات المختلفة لعتيبة قد ساهمت في تعزيز روابط الاخوة و هي كذلك بعون الله أولا ، ثم بهمة الرجال الرجال.
أرجو ان أكون قد أوصلت فكرتي كمساهمة في ابداء الرأي على ما تقدم من تساؤلات من بعض الاخوة الكرام، شاكرا لكم حسن الاستماع و المشاركة، مع خالص سلاماتي و تمنياتي لكم بالتوفيق.
أخوكم/ محمود روقه - فلسطين

[شاعر روق]

الاخ العتيبي
نقل جميل وحدث يستحق التخليد
شكر الله لك جهدك وعملك

دمت بخير

[هكرزمكه]

مشكور اخويه
هذي من عادات عتيبه
والله يعطيك العافية

[ابن _ روق]

مشكوووورررررررين على هذا النقل والى الامام ياعتيبه





عزوتي وربعي

[ماجد تركي بن محيا]

مشكور يااخوي otaiby
على هالنقل الرائع لهذا الحفل
اللي يجمع جميع امراء وشيوخ قبيلة عتيبة
الله يكثر عتيبة ويجمعهم على الخير والبركةمبرووووووك من الاعماق والى الامام

[مستر عتيبي]

الله يجمع جميع امراء وشيوخ قبيلة عتيبة

[مطيرية وافتخر]

مشكووووورين

[نجم العتيبي]

http://www.asmilies.com/smiliespic/ar_welcome/aaa6asmilies.gif (http://www.asmilies.com)
اخوي العتيبي



عز الله ماقصرت وتشكر على المجهد اللي بذلته حلوه التغطيه
http://www.asmilies.com/smiliespic/ar_welcome/aaa1asmilies.gif (http://www.asmilies.com)

[عــمـــر]

مشكور اخوي ويعطيك العافيه

وعسى الله يجمعهم

ويجمعناااااااااا بالجنه

ويجمعنا على العز والخير والمحبه والموده

وشكراً لك






تحياتي

[عــمـــر]

انا شفت صورتين جماعيه وعرفت فيهم احد الاشيوخ الموجودين


http://sbsbsb.jeeran.com/q5.JPG


http://sbsbsb.jeeran.com/q9.JPG


<< من جهة اليمين ,, الشيخ خالد بن عمـرأبـورقبـه, امير ذوي زياد

مشكور اخوي ويعطيك العافيه وعسى الله يجمعهم ويجمعنااااا بالجنه

ويجمعنا على العز والخير والمحبه والموده , وشكراً لك على هالصور


تحياتي

[عبادي الناصر]

يا فرحت قلوبنا بها الجمعه الله يجمعكم ولا يفرقكم يا تاج الراس