قصيدة للشاعر/ نجر بن فيصل العتيبي

[زيد]

أعضاء الشبكة .. أسعد الله جميع أوقاتكم بالخير والمسرات

هذه القصيدة للشاعر المبدع / نجر بن فيصل العصيمي العتيبي




أترككم مع القصيدة وتقبلوا خالص تحياتي ،،،،،




نحمد الله وارد الستين عانه = واردٍ قبل الحديد يوردونه
ما يعبّـا من شراب القيزخانه = ولا وقف وسط القراج يوضبونه
المكينة مطرق ٍ من خيزرانه = والفرامل حبل والسسته متونه
وتايره رجليه يا زين الضعانه = كامل ٍ بالوصف والشمعه عيونه
والجما كبوت والبوري لسانه = والمساعد يا ولد حربة سنونه
والأديتر صرته مضرب بطانه = ديتره يابو سهل ما يلحمونه
وإن ركب راعيه ما ملّه مكانه = وإن طرش صوب البلد ما يجّرونه
وإن عطا جو الخلا زين اهذبانه = وإن تعرّض رملةٍ ما يسعفونه
نمرته وسمه على خدّه بيانه = لا وطا له مركز ٍ ما يسألونه
وارد الرحمن يا زين اسهيانه = يعجب اللي هو بوسقه يركبونه
خالقه ربه وخالقنا وزانه = ما يورّد من بعيد ٍ يصنعونه
مير شان الوقت وأقفى به زمانه = وانقطع شقران ياللي ترغبونه
تم قولي ذكر رب ٍ عز شانه = ذكر رب ٍ كل الأمة يشكرونه

[ابن هليل]

صح



لسااانك




يانجر فيصل




عزاللها نه علم


سلمت يازيد

[سمران القثامي]

الأخ الغالي / زيد الله يعطيك العافية على النقل الرااااااائع والشاعر نجر من الشعراء البارزين والعمالقة مشكور ولاهان أبو حجرف



أخوك/ سمران القثامي