ياسلام الله سلام(ن) يرسم حدود الجزيره=يعتلي صم والجبال ويستوى فوق الصحاري

[سيف قحطان]

مساء الخيرعليكم جميع


ياسلام الله سلام(ن)يرسم حدود الجزيره=يعتلي صم الجبال ويستوى فوق الصحاري

ياشعاعير اسمعوا منى لكم كلمه قصيره=من بغا يسلم يجنب لا يقرب من مداري

[جبل القحطاني]

مساء الجوافه


صح لساااااااااااااانك


وفي انتظار الشعار


معك في الصف

[خيال العبيه]

مرحبا ترحيبةٍ كبرك يابو عين بصيره=ماتزيد بشبر عنك وتكسي اللي كان عاري
وانت وزنك وزن حبه في الرحاه المستديره=ماانت سالم دام ماجالك عميل وشخص غاري

[شاعر روق]

ابو حسين ارحب حياك الله من ممشاك ليا ملفاك
سعداء بتواجدك بيننا اليله وكل ليل
خيال العبيه صح لسانك وبيض الله وجهك
وقدها وقدود يابن العم

واصلوااااااااااااا

تقديري

[ناصر بن سعدي]

سيف قحطان

و

خيال العبيه


وطاروق كايف...وواصلوا لاعدمتكم..!!

وبإنتظار الإبداع..والنقض والفتل...والسبك والحبك..!!


ودمتم بخيــــر..!!

[خيال العبيه]

جبل
ياهلابك وبتشريفك
تحياتي

[خيال العبيه]

شاعر روق
ياهلاوين والله يابو سعود
ومرورك يساهم في انجاح اللقاء
تحياتي

[خيال العبيه]

ابن سعدي
هلاوين والله يابن العم
مرورك تشريف طال عمرك
تحياتي

[سيف قحطان]

المعذره على التاخير


البقا يا قاصر الترحيب حاس الله مريره=من يرحب يوفي الترحيب يا ذيب الصفاري

استديري يا راحاة حقها حبة شعيره=واتعلي يا هامة الرجال من بعض المساري

[سيف قحطان]

البقاااا يا بو سعود


وجودك وترحيبك يشرفني طال عمرك

وهلا غريبه عليك

تقديري لك

[سيف قحطان]

ناصر ابن سعدي

شاعر بحجمك يشرفني حضوره


تقديري لك

[سيف قحطان]

المتصفح عندي مريض احد رد

[الطوفان]

صح لسان ابو حسين& وصح لسان خيال العبيه

واصلوووووووووو


تحياتي

[خيال العبيه]

اسف على التاخير ياسيف ولكني انتظرتك وتركت الجهاز

جبتها قيسك وقيسك مااحسب انه فيه عيره=لين شفتك ضقت منها لو مافيها اعتذاري
وانته اللي بالرحا حبك ليا جينا نديره=نسحقه مثل الدقيق ونعجنك والكل داري

[خيال العبيه]

هلا بمشرفنا الطوفان
ولاشك ان مرورك يشرفنا
تحياتي

[سيف قحطان]

سجلوها يا عتيبه في قنوات الجزيره=شاعر عتيبه سلاحه في يمينه والسياري
انت شاعر بس ما يقبل ولا يعرف مصيره=يا عتيبه علموا الرجال هذا بالمساري


ما ادري متى رديت لكن اذا انت موجود اتمنى انك تسجل لي حضور على شان انتظر ولا لا

[خيال العبيه]

موجود ياسيف موجود بس المتصفح الليله الظاهر بالديزل شغال

[خيال العبيه]

سجلوها واكتبوها في الليال المستطيره=ليلةٍ من بعدها سيف اقحطان بدون طاري
حالفٍ لا اغيبه واعيبه لو دق زيره=واجعله عبره لخلق الله واحطه وسط ناري

[سيف قحطان]

ههههههههههه

دام هذا علمك اسمع مني الكلمه الاخيره=انت حارس جيد بس المصيبه في الكباري
والله لا شرشحك لين تصير في حاله خطيره=بعدها برسلك للطوفان يوم انه استشاري

[خيال العبيه]

هههههههههه


كلمتي وحده مااثنيها على الاذن الضريره=وانت ماتمشي بليا حد سيف ودهن ساري
واترك الطوفان خله لا تعرض في مسيره=وانتبه لاتحسب ان الملعبه مثل الاتاري

[سيف قحطان]

كلمة لا هي تجيب ولا تودي لي ديره=وكلمتي لا وقعت بك كنها ضرب السواري
موتر ساري مع الشعبان نسمع لك صفيره=والله لولا صاحبي الطوفان لصدر قراري

[خيال العبيه]

وش تفيدك كلمتك لاصارت ايمينك قصيره= كلمتٍ مضمونها فيها على حسب اختياري
وان جهلت ابها ترى مابعدها كود الجبيره=نجبر العظم الكسير ويصبح المرضان باري

[سيف قحطان]

صح لسانك يا خيال العبيه


ما قصرت والمعذره على القصور


تحياتي

[خيال العبيه]

صح بدنك ياسيف
والعذر لك انت وانا اخوك وهذا حال اللعب
واللعب معك صدقني انه مكسب كبير لي
دمت بخير

[قاهر الشعراء]

ياسلاااااااااااااااااااااااااااااااااااااااااااااا اااام

سيف قحطان//خيال العبيه

شعار كبارومحاور كبيره

استمتعنا بقراتها الله لايهينكم

تقبلوا تحياتي

[محمد العرادي]

صح السانك ياسيف@وصح السانك ياخيال العبيه

وعلى القوه

[جابر المرواني]

صح السنتكم يالشعار

[ابن مسلم]

سيف قحطان وخيال العبيه

صحت السنتكم وبيض الله وجيهكم


شكرالكم