الطارف سداد

[ابو زيد الروقي]

ياسلامي عد ما لاحت مزون الصيف والا = عد ما بان الصباح وعد ما هل الهلالي


الزمن هذا زمنا يوم وقت الشر والا = راح وقت الشيخ عنتر ثم ابو زيد الهلالي

[شاعر روق]

مرحبا في مرحبا واقلط على مركى وزلا=للشجيع اثنّي الترحيب وابذل حر مالي
والزمان اللي مضى ياصاحبي ولا وزلا=مار في هاك الزمن ياصاحبي مالك؟ ومالي؟

[الطوفان]

ابوزيد الروقي صح لسانك ومرحبابك في محلك

ابوسعود صح لسانك وسلم بنانك

وعلى القوه واصلوا

ونحن صفوفكم

تحياتي

[ابو زيد الروقي]

البقالك يوم ضيفك عندكم بدار حلا = احمد الله ماعلي خلاف ياراع الزوالي


القضيه شربكه والشربكه مافيها حلا = جعل من ضيع مسيره بالهدد والا الزوالي

[شاعر روق]

ارحب يابو عبد الرحمن
مرورك تشريف للصفحه

تقديري

[ابو زيد الروقي]

شكر اخي طوفان على المرور ومرورك تشريف لي اخي العزيز

[مروض الصعيبه]

صح لسانك يابوزيد الروقى///وصح لسان شاعر روق

الليل الليل

هذا ليييييييييييييييييل السعد

الصفوف ياشباب والزاناتي لايجي في صفي خخخخخخخخخخخخخخخخ

يروح في الملعبه الثانيه

سمعت يابو خالد ولا ماسمعت

تقبل جميعا اجمل التحياتي

[شاعر روق]

انت مانت بضيف يابو زيد حاشا ثم كلا=في محلك والكلام اللي بدا مرٍ وحالي
والقضيه منكب الكاتب ليا ملا وكلا=بان معناها ومبداها اتضح يابعد حالي

[شاعر روق]

مروض الصعيبه
مرورك تشريف ونور للصفحه
والصفوف عامره بتواجدك

تقديري

[ابو زيد الروقي]

يوم جيت الدار شفت الطير في المرقاب علا = قلت اشوف اقصاه نافر ياعرب والا موالي


يابن روق الليل طول وانت ياعسى وعلا = معي في دربً بعيد ومعي في دربً موالي

[ابو زيد الروقي]

صح بدنك يامروض الصعيبه

ومرورك شرف

[شاعر روق]

الطيور انواع يابو زيد فل العلم فلا=كمّل الاوصاف عقب ان الرشا ركب المحالي
والبعير اللي بحمله فالشعيب اضحى وفلا=خوته شكي وريبي ثامن الامر المحالي

[ابو زيد الروقي]

جاك ردي مير صاحبنا من الموضوع ملا = قام يدربي راسه وراسه من الافكار خالي

طاح شاعرنا ياربعي هذي الليله في ملا = قام يزهم نادو عمي قاميزهم نادو خالي