يانور عيني ليه عني تخليت

[ابوجراح المشردي]

اول مشاركه لي بالمنتدى واتمنى ان تعجبكم


يانور عيني ليه عني تخليت =كبيتني حتى المراسيل ما جات
حرمتني شوفتك يازين وابطيت=لا ابديت لي عذرن ولاابديت حجات
مدري نسيت الوصل والا تناسيت =والا تذكرني بوقتن لنا فات
وبفراقكم ياسهيف الخصر ونيت = وجريت من فرقاك بالصدر ونات
وانت اللذي لاجيت بارضن وطليت = نورك وصل حتى عنان السموات
وعرضت موضوعي على الناس وابديت =كلن درى في ماخفى النفس والذات
ردو علي وعقبها قلت ياليت = ياليتني عشت الهوى معه بسكات
قالو سقيم العقل لن كانك اوحيت =ماهوب ذا درب السنع والكرامات
اذنبت في فعلتك يافلان واخطيت = ماهي لنا سلمن ولاهي بعادات
قلت اسكتو بحبه تراني تعنيت = ولامنكم اللي ذاق بالحب ويلات
والهرج لايكثر ترى عنكم اقفيت = لاتزعجوني بالعذل والملامات
هذا حبيبي ذايع الذكر والصيت = ارجي وصاله لو بعيدين واشتات
وهذا سراج القلب ياناس والبيت = تضيع في وصفه جميع العبارات
اليا انتثر عطره على القلب سجيت = اتقول مرميًا بسهم المنيات
ولااقول انا من طاري الزين مليت = طاريه حيًا في ضميري ولامات
ونا البحر الحب ياناس طبيت =مر الهوى ذقته وذقت المعانات
وعلى شديد الوقت والله تجريت = يشهد عظيم الشان رب البريات
وغيري سبقني من الرجال النعاتيت= هاموا بحب البيض وفرد وجماعات
وصلاة ربي عد من طاف بالبيت = على النبي عد النجوم المطلات
وسلامتكم نوح صقر الروقي العتيبي

[عبدالله المرشدي]

نوح الروقي


صح لسانك

وعلى شانك

لاهنت

احترامي