ياسلامي عليكم يااهل المنتدي

[زيد العقرب]

السلام عليكم ورحمة الله وبركاته في اول مشاركه مع اخواني الشعار
اشارك بهذه المحاوره والطارف سديد,

واستلموا


ياسلامي عليكم يااهل المنتدي= عد ماهلت الامزان برشوشها

ودي بشاعرٍ فاهم بعيد المدى= يكسب الطايلات البيض ويحوشها

[زين الدين زيدان]

وعليكم السلام ورحمة الله وبركاته ومرحبا بك في كل وقت واستلم لاهنت:


مرحبا عد من غنى بقاف وحدى=في حلال تظل الضيف بعروشها
مار هات الحصيل وردها للقدى=لاتميّل على الزلات وتنوشها

[العاصف]

هلا ومرحبابك يازيد العقرب بين اخوانك

وصح لسانك

وننتظر الشاعر المقابل وصح لسانه مقدما

تقبلو تحياتي

[شاعر روق]

وعليكم السلام يازيد
وحياك الله في محلك ونتشرف بتواجدك بيننا
وصح لسانك ولسان الكبتن زيدان
لاعبنا الحريف

واصلواااااااااااا

[زين الدين زيدان]

العاصف حياك الله
مشكووور

[زين الدين زيدان]

ابو سعود مشكور على المتابعه وعلى اطرائك الجميل
تحيااتي

[زيد العقرب]

وعليكم السلام ورحمة الله وبركاته ومرحبا بك في كل وقت واستلم لاهنت:


مرحبا عد من غنى بقاف وحدى=في حلال تظل الضيف بعروشها
مار هات الحصيل وردها للقدى=لاتميّل على الزلات وتنوشها

المهلي مايولي وتعيش واسنلم



البقا والمعاني مثل طل الندى= لاتضيع حلال الناس وقروشها

يشهد الله علينا مانحب الردي=مير لن هاشت العربان باهوشها

[زيد العقرب]

العاصف

المهلي مايولي

والله يبقيك

تقبل تحياتي

[زيد العقرب]

شاعر روق

الله يبقيك وتسلم على الترحيب الحار

ولاهي غريبه عليكم كرم الضيافه

تقبل تحياتي

[زين الدين زيدان]

كان في يدك حيل وكان عندك جدى=نارك ان كان ماتت من حطبك اوشها
والردى قسم من عقله وفكره غدى=مايجي من علومه غير مغشوشها

[زين الدين زيدان]

زيد اسمح لي الله لايهينك وراي دوام
والليل طرف ونكمل غدى على خير

[مطوع العاصي]

زيد العقرب&زيدان
صحت السنتكم ياشعار
تحياتي

[السيف المهند]

زيد وزيدان
واصلوا على القوه الله لايهينكم
مودتي

[الطوفان]

هلا ومرحبابك يازيد والله يحييك ممد بلا عدد

ونتشرف بانضمامك اخ عزيز

وصح لسانك ولسان الكبتن زيدان


تحياتي

[ابن مسلم]

زيد العقرب


وزيدان

صحت السنتكم أنتم هنيا ماعلمتوني ليلي كله


أدوركم ماطعت إني ألقاكم

[زيد العقرب]

كان في يدك حيل وكان عندك جدى=نارك ان كان ماتت من حطبك اوشها
والردى قسم من عقله وفكره غدى=مايجي من علومه غير مغشوشها


استلم واسف على التاخر



طعيني زين وادلك طريق الهدى= لاتسحبك الدنيا بقرقوشها

اكثرالناس صايبها المرض والصدى= من عظيم المرض كبرانه اكروشها

[زيد العقرب]

مطوع العاصي
هلابك

[زيد العقرب]

السيف المهند

صح بدنك

[زيد العقرب]

الطوفان

المهلي مايولي وانا لي الشرف

وحياك

[زيد العقرب]

ابن مسلم

صح بدنك

الله الله هنياه مادريت

تحيتي

[زين الدين زيدان]

الخبر في لغتنا يتبع المبتدى=وام عامر ليا جت نكحل ارموشها
واكثر الناس جهده ضاع كله سدى=مار وانكبت العربان وعفوشها

[زين الدين زيدان]

مطوع العاصي
شاكر لك مرورك العذب
تحياتي

[زين الدين زيدان]

السيف المهند
شاكر لك مرورك العذب
تحياتي

[زين الدين زيدان]

مشرفنا ابو عبدالرحمن الف مبروك
ومشكور على المرور
تحياتي

[زين الدين زيدان]

ابن مسلم هلا وغلا
مرورك شرف
تحياتي

[ابن مسلم]

مساااااااااااااااكم الله بالخير

يازيد العقرب + زيدان

وباقي الأخوان الموجودين هنياااااا

سروها الله يعطيكم العافيه ترانا متحمسين للمحاورات الطيبه

ومندبلة كبودنا من بعض الدوادي

[الأســـد]

زيد العقرب وزين الدين زيدان بيض الله وجيهكم وامتعتونا