ياشاعر المنتدى جينا ولك داعي

[جبل القحطاني]

ياشاعر المنتدى جينا ولك داعي = والسوق جيناه والي ماشترا باعي

صارت رعايا البدو ماتتبع الراعي = والشاص عيا حلال القوم يلحقها




السلام الكم نظر = من علا عهد الجدود

السنه يوم وشهر = والجبل كله حيود

[شاعر روق]

جيتك على الصوت ماقلنا نجي بكره=والناس كلٍ يدله للهدى فكره
ان زل نكويه وان مازل مااحتكره=والشاص بالرجل ندعس له ويلحقها


مرحبا يامن حضر=يامصحين الرقود
والجبل لو هو صخر=اللغم رده نفود

[سعودالعتيبي]

عاشوا شعرائنا الأبطال
عاش صبي روق
رد جميل ومرحبا بك ياجبل قحطان


سلام ياربع الوفاءفي كل هيه=ربعي عتيبه زينة الدنيا ومافيها

أسمحوا لي بالمداخله الجانبيه
ههههههههه

[شاعر روق]

مرحبا ومسهلا ياسعود ومشكور ومجمل على جميل الحضور
ومداخلتك مكانها القلب يابن العم لاعدمناك

تقديري لك

[الرافد]

شاعر روق صح لسانك
جبل القحطاني صح لسانك (اتمنى ان تسمح ظروفي وظروفك لملاقاتك قريبا)

ولاهان اخوي الطوفان فهو في الحسبان

[جبل القحطاني]

جيتو وقلنا على الموال نعطيها = والدار عقب الوقوت الله يسقيها
شاعر وخذها شهادة يامغنيها = والشاص نعطيه فالعلبا ويلحقها



البقا يااهل الدرر = رقها يمي سنود
شفت لي غبت بحر = قالو انه بو سعود

[جبل القحطاني]

صحت ابدانكم يالربع والله لايهينكم على المرور

[بدر الروقي]

صحت السنتكم


وانا في صف شاعر روق

ولايهون القحطاني


واصلووووووووا



وحنا




متابعين

[مزلزلهم]

جبل القحطاني وابو سعود
شعار جزلين والابداع حليفكم دائم
واصلوا وازهلوا الصف

مودتي

[جبل القحطاني]

بيض الله وجيهكم على المرور

[شاعر روق]

والله ماقلت الك هات القاف واشهد لي=ولاقصر في الموارد باعي وحبلي
وانته مااذمك وفي وقت اللقاء مثلي=ندعس على الشاص والماخوذ يلحقها

لا اومت غصون الشجر=طق عود براس عود
والبحر موجه هدر=من غطس به مايعود

[شاعر روق]

الرافد هلا ومسهلا
وصح بدنك تشرفنا بمرورك
تقديري

[شاعر روق]

بن روق هلا ومسهلا
ووجودك في صفي مكسب ونوماس
تقديري

[شاعر روق]

مزلزلهم
ارحب ياغالي
سعداء بجميل مرورك

تقديري

[جبل القحطاني]

هذي شهادة قليلن من شهد ناله = ما كل من جاب له طاروق صحناله
ومن قدم الجزل يالمنعور زد ناله = والشاص نكتم له بلوفه ويلحقها


جاك نقشن من حجر = لا تجهز له ردود
بوش ولا واستخر = ما يوردها العدود

[جبل القحطاني]

ترا جاهز مباشر من الساعة 12 الآن إلى قبيل الفجر

[سعودالعتيبي]

ياجبل قحطان هزتك اللغوم=أنتبه قدام لاتصبح طحين

[شاعر روق]

تبا الصراحه شهادة مثلك اوسامي=ياشاعرٍ للمعالي دايماَ سامي
ماينتشبه بقولك هاني وسامي=والشاص ندعس على ابنصه ويلحقها

مايفك من القدر =الحذر يااهل الصمود
مار مابعد الكسر=غير تجهيز اللحود

[شاعر روق]

مرحبا ياسعود
حياك الله يالغالي
ومداخلتك نسعد بها بس لاعاد تعودها:)
تقديري

[جبل القحطاني]

ياجبل قحطان هزتك اللغوم=أنتبه قدام لاتصبح طحين


أنت يمكن ما تسدن اللزوم = ما نلد العين في واحد حزين
في ذرا شاعرك ريح ومخدوم = لا تجر الويل من بعد الونين

[سعودالعتيبي]

شكرا صبي روق أتعهد مااعودها فيك البركه وياجبل قحطان لااستطيع ان اتعدى شاعرنا الكريم شاعر روق بس احب المداعبه
تقبلوها مني اعزائي وسوف نراقب بكثب

[جبل القحطاني]

ياحي من يعرف الطرقه ويندلا = لون غيرك هنا بروح ويخلا

البيت الاول ترا يبحث على حلا = والشاص ابشرك قاومها ويلحقها


ياوسيعين الصدر = ما تجاوز للحدود

شمس ولا في قمر = هرش ما يرجع قعود

[جبل القحطاني]

شكرا صبي روق أتعهد مااعودها فيك البركه وياجبل قحطان لااستطيع ان اتعدى شاعرنا الكريم شاعر روق بس احب المداعبه
تقبلوها مني اعزائي وسوف نراقب بكثب

ابد


مداعبتك على العين والراس

[شاعر روق]

قال المثل من معه بصر ونظر دله=على طريق الهدى واليا اختلف (دله)
خسارةٍ فيه لو فنجال من دله=والشاص بالرجل ندعس له ويلحقها




مانذمك ياعمر= يالعلك في الوجود
كل طير اليا شهر=لازم العشه يعود

[شاعر روق]

هلا ياسعود
والخير بعد فيك وفي شرواك
وننتظر منك الابداع وكلنا اذان صاغيه لك

تقديري

[سعودالعتيبي]

الأخوه الكرام

جبل قحطان
وشاعر روق

كم انا سعيد بمحاورتكم الجميله
فواصلوا ونحن وراتكم
لنرى إبداعاتكم

[جبل القحطاني]

مكسب معرفه لعلك في بلدكم و حي = مدري بلبخه مقامك ولا من هل طحي
بنقابلك في عصير اليوم ولا ظحي = والشاص ابشرك قاومها ويلحقها


زدت في عرفك فخر = بالدعيلك فالسجود

شاعرن منكم ظهر = فالملاعب له رعود


صح لسانك ياشاعر روق ونوماس اللعب معك

الخاتمة عندك وتصبح على خير

ولا القاء قريب

[شاعر روق]

انا من اهل المحاني كان تسمع به=قصرٍ مشيد ومن جانا نرحب به
والباب لضيوفنا مفتوح ماانحجبه=والشاص عيا حلال القوم يلحقها


بعد ماطال السفر=ماعلى شرواك زود
ماتجي في المنحدر =دايماّ ترقى سنود

[شاعر روق]

جبل القحطاني
صح بدنك واللعب مع شاعر بحجمك
بدون ادنى شك مكسب واستفاده لي لاعدمتك

لكمن الود جله ومن التقدير كله


اخوك

[جبل القحطاني]

انا من اهل المحاني كان تسمع به=قصرٍ مشيد ومن جانا نرحب به
والباب لضيوفنا مفتوح ماانحجبه=والشاص عيا حلال القوم يلحقها


بعد ماطال السفر=ماعلى شرواك زود
ماتجي في المنحدر =دايماّ ترقى سنود

كفووو يا اهل المحاني

ونعم بكم

[ابن مرشد]

صح لسان الشعار والله صح لسانك ياجبل وصح لسانك يشاعر روق

مير نهايتها الشاص انفقعت مكينته من كثر الزر علاه

[شاعر روق]

جبل ولاعليك زود طال عمرك

ابن مرشد حضورك في غاية الاهميه

تقديري