قصيده للشاعر مرزوق المقاطي ومجاراتها من الشاعر محمد بن عمرة

[ابـو سعـود]

في الحقيقه اعجبتني هذه القصيده ومجاراتها للشاعرين مزوق المقاطي ومحمد بن محسن بن عمره المقاطي وحبيت انشرها في
منتديات عتيبه






يارجم أنا ماجيت مبداك شفقان = ولاني بمشتاق ٍ لعسر المراقي
يبديك من قضـّى حياته بالاحزان = وآيس من ايام الفرح والتلاقي
ابيك انا يارجم ماني بطرّان = ليا دق بي هاجوس والصدر ضاقي
لاشك يوم ابديك كلـّه على شان = أسج ساعه لو تعب عظم ساقي
وأرقى على مبداك غايض وزعلان = وأرجع بغيضي مثل ماني براقي
لا واهنيـّك ماتبيدك الازمان = الناس تفنى وانت يارجم باقي
والعام أنا ويـّاك والزين جيران = واليوم قربك عقبهم مايطاقي
مافيك غير الطير والذيب سرحان = وثالثهم اللي مبتلى بالفراقي
طير ٍ ليا غنـّى وغرّد بالالحان = أجاوبه من حر مافي عماقي
اجاوب السرحان يارجم ولهان = ليا وقت في مبداك والذيب واقي
وأصبحت أنا والذيب والطير صدقان = أهل محل وفيك مثل الطراقي
يارجم ياليتك معك قلب ولسان = تشقى مثل مانيب يارجم شاقي
وتحتار لو نبتك زبادي وريحان = يصبح صريم ويابسات السواقي






وقد جارى هذه القصيده الشاعر محمد بن محسن بن عمره المقاطي




ياباديا ً رجم الحبايب أمسيـّان = ويش أنت في تشريفة الرجم لاقي
كم واحد ٍ مثلك وشرواك مشهان = قلبه من الهاجوس للرجم تاقي
لقاه مثلك مالقى فيه برهان = الاّ العنا والهم والاشتياقي
لو الرجم لعلاج الاحباب عنوان = كل ٍ بدى راس الرجم لاستضاقي
لاشك مبدى الرجم مايقضي الشان = ضلع ٍ براسه للهبوب اصطفاقي
مبداه يطري رد تفريق الا ظعان = ويجدد جروح الضمير العناقي
وإن كان في بحر المحبين غرقان = ينقذك من بحر الهوى والغراقي
أوف المحبه من قبل بيض الاوجان = ليا صار معهن بالمحبه وفاقي
اقبالهن بالحب للحب ضمـّان = لو السبب من يمـّك أنته دقاقي
ليا عطـنّك بالوفا رمز نيشان = وأبدن لك الغايه بهرج ٍ وفاقي
لو غيرهن مالك مع الناس صدقان = شد ّن غلاك بمبهمات الحلاقي

[برق الحجاز]

هلا والله وجميل جداهذا الصوت والصدى والشكر لأخوي أبو سعود الذي أمتعنابهما





كفو والله البدع والرد






صح لسانك الشاعر مرزوق المقاطي ولسان الشاعر محمد المقاطي




و الشكر لأخوي أبوسعود على اتحافنا بهذا الجميل الرائع




و للعموم تحيات أخوكم برق الحجاز

[سمران القثامي]

الأخ الغالي أبو سعود الله يعطيك العافية على النقل الراائع والموفق والشاعرين مرزوق وابن عمرة غنيين عن التعريف ومنهم نستفيد ونجد مانريد من الشعر الأصيل


أخوك/ سمران القثامي

[ابـــ فهد ـــو]

هلا والله اخوي ابو سعود ومشكور على النشر الموفق
وصح لسان الشاعرين الكبيرين مرزوق المقاطي ومحمد بن عمره

تحيااااااااااااااااااتي للجميع

[ابـو سعـود]

هلا يابرق الحجاز وحظروك الاجمل طال عمرك وسلمت

وعسى الله يوفقنا في نقل لو الشي اليسير من هذه اللوحات الرائعه

لقصائد الشعر الشعبي والتي امتعنا بها كبار شعراء قبيلة الهيلا


وسلمت وشاكر مرورك مره اخرى ياشاعرنا الكبير برق الحجاز

[ابـو سعـود]

الاخ والشاعر سمران القثامي احييك واشكر لك هذا التعليق الجميل وابداء رأيك ولاشك

في ان الشاعرين مرزوق وابن عمره من كبار شعراء القبيله ونحرص على متابعة

مايكتب لهم وهم في غنى عن التعريف

تحياتي لك

[ابـو سعـود]

ياهلا ابو فهد وشاكر لك مرورك وسلمت

[روق]

مشكور أخوي أبوســـعود وما قصـــرة