المساعد الشخصي الرقمي

مشاهدة النسخة كاملة : يازين زيدان نبغاها دفاع وهجوم

الطوفان
11-15-2006, 05:46 PM
يازين ودنا بطاروق معك لاهنت


استلم


يازين زيدان نبغاها دفاع وهجوم=وكروت صفراء وحمراء من يدين الحكم

انته علامك فرنجي ماتعرف السلوم= تركت سلم العرب واخذت سلم العجم
شاعر روق
11-15-2006, 05:50 PM
هههههههههههه
الله يابو عبد الرحمن بدايه حاميه
وننتظر زيدان ليكتمل الابداع
وهذه صافرة البدايه من الحكم
واصلواااااااااااااا
الطوفان
11-15-2006, 05:57 PM
هههههههههههههههههههههههههه

تسلم يابو سعود

بس طالبينكم ترفعون القلم عنا الليله

خخخخخخخخخخخخخخخخخخخ

اعتبرونا مجنن

تحياتي
شاعر روق
11-15-2006, 06:00 PM
لا ابد يابو عبد الرحمن خذو راحتكم
والقلم عنكم مرفوع من مبطي ههههههههه
زين الدين زيدان
11-15-2006, 06:02 PM
اخخخخخخخ
انت من وين جيتني مع الدرب هذا يامجرم



من طاح من ضربتي بالراس يعجز يقوم=مار احمد الله ولاتجحد كثير النعم
مسلم واصلي لربي واعبد الله واصوم=والسلم مايخلفه شوته وكورة قدم
مروض الصعيبه
11-15-2006, 06:03 PM
يازين ودنا بطاروق معك لاهنت


استلم


يازين زيدان نبغاها دفاع وهجوم=وكروت صفراء وحمراء من يدين الحكم

انته علامك فرنجي ماتعرف السلوم= تركت سلم العرب واخذت سلم العجم



ياليييييييييييييييل الله ايه ايه

هههههههههههههههههه


هجوم ودفاع

هذا اللي نبا وبكم شعللوها

صح لسانك يالطوفان& وصح لسان زين الدين مقدما


الليل ياعتابه الليل ياعصابة راسي الصفوف


تقبلو تحياتي
زين الدين زيدان
11-15-2006, 06:04 PM
ابو سعود مرحبا مير خلك قريب لاتروح عنا الله يخليك
تراني الليله نص ونص مار الله يخارجنا
زين الدين زيدان
11-15-2006, 06:05 PM
مروض الصعيبه
مشكور على المرور والحضور والمتابعه
تحياتي
مروض الصعيبه
11-15-2006, 06:15 PM
تسلم يازيدان

تحيتي
الطوفان
11-15-2006, 06:20 PM
رحت لفرنسا بعد سموك نجم النجوم= وانته منول من الاعراب راعي غنم

تترك ديارٍ الجدود اللي كستك الهدوم=دنيا عجيبه لكنك عود يامحترم
الطوفان
11-15-2006, 06:22 PM
لا ابد يابو عبد الرحمن خذو راحتكم
والقلم عنكم مرفوع من مبطي ههههههههه


هههههههههههههههههههههههههههههههههههههههههههههههههه ههههههههههههههههههههههههههههههههههههههههههه


الله يرجك حطينا مجنن من صدق

يالله اجل عطيتنا الضوء الاخضر

تحياتي
ابن مسلم
11-15-2006, 06:22 PM
أيييييييييييييييييييييييييييييهههههههه


أبوعبدالرحمن ياهلا وسهلا يالله حيووه وينك به ياخيي


صح لسانك أنت والفرنسي وانإ مدري هويهرج عربي

ولانرطن له hlow.m.zedan.انت فيه كويس
الطوفان
11-15-2006, 06:28 PM
ارررررررررررحب

ياابن مسلم ايوه ارطن له

نبا نعرف هو يعرف عربي ولا لا

معليش ياخوي زين الدين تراه كلها مزوح

لاتاخذ في خاطرك علينا

تحياتي
زين الدين زيدان
11-15-2006, 06:32 PM
خليتها لك ورى هاك الرعيه تحوم=ترعى وراها وتخبط في غصون السلم
وش لون اعود لدار(ن) كل ابوها هموم=حرب ومشاكل ودارٍ بالسلاح انهدم
ابن مسلم
11-15-2006, 06:34 PM
أبو عبدالرحمن

هذا توقيعك صح ولا المشكله في جهازي


This Account Has Been Suspended
Please contact the billing/support department as soon as possible
ابن مسلم
11-15-2006, 06:36 PM
الله الله

طاح الحطب يا لفرنسي

الليله بلاشك ولاريب

حبا . حبا . يامرحبا .
الطوفان
11-15-2006, 06:37 PM
لالالا

المشكله في الجهاز عندك

تحياتي
زين الدين زيدان
11-15-2006, 06:41 PM
اهلين بن مسلم وانا بخير ولا اعرف اسالك الا بالفرنسي

كومان تاليفو <<<<<<<<< كيف حالك
ايل يالو نتان كوجو نوفزوي بافو <<<< معناتها من زمان ما شفناكم

تشرفنا
زين الدين زيدان
11-15-2006, 06:42 PM
اقطع يمناي ان المشكله في جهازك يالطوفان
نفس اللي يطلع عند بن مسلم يطلع عندي
ابن مسلم
11-15-2006, 06:43 PM
الله لايرحم جده اللي باعني

هالجهاز يقول أصلي بس إغسله وتراه زين

مخزنه جدي من قبل يموت بعشر سنين ماأشتغل

سوابى سواة الحضر بالبديو سنيتنيا يبيعونهم الونيتات

المخبطه ويقولون على أول تبويش

لاكن أوريك فيه بكره والله لكسره على راسه
ابن مسلم
11-15-2006, 06:48 PM
أبك إيه

بعدي أقطع يميني مانت بفرنسي وإنك

مامهدك إلا العتيبيه بعد عصابة راسي

يازيدان بغيت أسري اهجد المسكين
الطوفان
11-15-2006, 06:49 PM
الحمد لله ورثناها وعشرة نعوم=في مهبط الوحي دار اهل الوفا والكرم

مارحت لديار نابليون دار الرخوم= لابارك الله في ديره راعاها الحلم
زين الدين زيدان
11-15-2006, 06:52 PM
اخخخخخخخخخ
سلمت عصابة راسك وسلم راسك سابن مسلم
والصفحه اللي مانت بفيها مظلمه
حضورك هو فاكهة المنتدى ياغالي
تحياتي
الطوفان
11-15-2006, 06:58 PM
اخوي زين الدين

نصف ساعه وراجع

ونكمل الطاروق

تحياتي
زين الدين زيدان
11-15-2006, 06:59 PM
ماذمكم مار منكم صار في الغرب قوم=في لندن العاصمه ويحاربون العلم
وان رحت مايلحقك يابن الاجاويد لوم=دام انت مسلم ولاتركع لذاك الصنم
زين الدين زيدان
11-15-2006, 07:00 PM
على راحتك يابو عبدالرحمن
مطوع العاصي
11-15-2006, 07:25 PM
صحت السنتكم ياشعار وصراحه اسجل اعجابي بكم الشديد
تحياتي
خيال العبيه
11-15-2006, 07:26 PM
الطوفان وزيدان
ومعنى كايف وشعار عمالقه
واصلوا يالربع
احترامي
الطوفان
11-15-2006, 08:29 PM
مطوع العاصي

حيااااااااااااااك مرورك اسعدنا

تحياتي
المرتعد
11-15-2006, 08:32 PM
صح لسانك يالطوفان ///وصح لسان زين الدين

متابعينكم يارجال واصلوووووووووووووا يعطيكم الله العافيه

وتقبلو تحياتي
الطوفان
11-15-2006, 08:32 PM
خيال العبية

ارررررررحب

مرورك اسعدنا

تحياتي
الطوفان
11-15-2006, 08:47 PM
استلم يازيدان


اللي غدا ماعلانا منه سد الرجوم= لو شاف نفسه جبل حنا نشوفه قزم

وليا بغيت الصحيح الله غفورٍ رحوم=والناس تحت السما والعظم تحت اللحم
شليويح العطاوي
11-15-2006, 09:05 PM
ياسلام ياسلام ياسلام ياسلام

الطوفان****وزين الدين

ومحاورة روعه

الليل الليل

خلوها سماري

وانا واقف في الصفين

وشاد الحزام

ولكم اجمل تحياتي
زين الدين زيدان
11-15-2006, 09:18 PM
ترى البعوضه تطير وتنتشر بالسموم=مار انتبه لا يدس السم وسط الدسم
والعافيه للاودام يافتى ماتدوم=كم من صحيحٍ تردى بالمرض وانسقم
زين الدين زيدان
11-15-2006, 09:19 PM
مطوع العاصي
لك الشكر والاحترام على المرور
زين الدين زيدان
11-15-2006, 09:20 PM
خيال العبيه
مشكور ومجمل
تحياتي
زين الدين زيدان
11-15-2006, 09:21 PM
المرتعد
مشكور ومجمل لاهنت
تحياتي
زين الدين زيدان
11-15-2006, 09:21 PM
شليويح
مشكور على الحضور
تحياتي
الطوفان
11-15-2006, 09:32 PM
اللي درس منهج الجغرافيا والعلوم=يعرف علاج البعوض وكيف تذهب عدم

حنا نشوف السما وملبده بالغيوم=فيها صواعق وتحت الارض تلقى لغم
زين الدين زيدان
11-15-2006, 10:10 PM
شعيل يهدر وراسه بالخطام مخطوم=واثر السلامه غنيمه كان راسه سلم
مار المنايا لها موعد وحد وسهوم=ولكل واحد من العالم مصير وسهم
الطوفان
11-15-2006, 10:30 PM
شعيل يبرك على زاره وفيه القيود=وانته وانا ماعلانا في ضعوف الذمم

حكمه ولاني لهاذي يالعتيبي جحود=والناس ماعاد تشبعها كبار اللقم
الطوفان
11-15-2006, 10:34 PM
اخي زين الدين زيدان

سعدت كثيرا بمحاورة شاعر كبير مثلك واستفدت كثيرا منك

والتغطيه من عندك يالغالي وتصبح على خير

تحياتي لشخصك الكريم
زين الدين زيدان
11-15-2006, 10:45 PM
الحبل بين الرعيه والزعيم معقود=واللي نقض حبل عهده ماجنى الا الندم
والبيت ماينهض فوق راس العمود=والناس صاروا بعد بيض الليالي خدم
زين الدين زيدان
11-15-2006, 10:46 PM
ابو عبد الرحمن انا اللذي تشرفت باللعب معك والفائده لي دام ان المقابل شاعر بحجمك
تحياتي