موعد مزاين قبيلة عتيبه للابل,,,,,,,

[ابن عبيدالسليس]

السلام عليكم ورحمة الله وبركاته
كيف الحال يالربع
ذكر في قناة الساحه
ان مزاين عتيبه للابل في........
1/1/1428هجري
هل هذا صحيح
وشكرا

[ރسلايـل المجـدރ]

أخوى السليس

لا يقام المزايين الا بموافقة جميع شيوخ عتيبة

والمزاين لن يقام بهذا التاريخ ولا برعاية من أعلن عنه

وهــذا الكلام أنا متاكد منه

[الفجري]

حياك الله يابن عبيد السليس

انا سمعت ان المزاين سيقام في1/4/1428هجري

في نفود السر وذلك بعد موافقة ولاة الامر

[ރسلايـل المجـدރ]

الفجرى شهر واحد واربعه قريبات

ولحظتها يبان العلم الأكيد

[انفيع ابن رايق]

ابن عبيد السليس

مساك الله بالخير

أبو عبيد جهز الخيمة والعزبه و عطنا الوصف منزلك في المزاين

بنسير عليك المزاين في 1/4 1428ه

هذا ما وصلني ومن رجل ثقه وبشرك كل شي زين

[ابن مرشد]

يالربع انتم متوكدين ولاتبي تصير مثل جنتنا الاولة خابرها اخوي انفيع ابن رايق

[ރسلايـل المجـدރ]

ابن مرشد انا عطيتك العلم وانا اخوك مزايين ما راح يصير لان فيه أختلاف

على المزايين اللى راح يصير في شهر اربعه

لعدم علم أغلب شيوخ عتيبة بأقامة المزايين

وعدم أخذ رائيهم

ومن ناحية ولاة الامر لم يصدر منهم أي شي

حبيت أنقل لكم الخبر الأكيد

و أتمنى ان لا يفهم كلامى بشكل خاطئ ويسئ الظن

ويا ليت يقام المزايين

ولكن بشرط موافقة جميع شيوخ عتيبة و أخذ رائيهم

وساعته سوف اكون اول المباركين لهذا المزايين وهذا حال الكثير من أبناء قبيلتن

[الفجري]

حياك الله يابن مرشد

بالنسبه للمزاين ان شالله انه في الموعد

الي ذكرت

وشيوخ عتيبه كلهم عندهم علم بالمزاين

ومشجعين له وداعمين ايضا

[ابن عبيدالسليس]

مكورين يالربع على الزياره
واناطرحت الموضوع
لاني ماني بمتوكدعن الموعد
بس كل شي يبي يبين
وانت يانفيع ابن رايق
الوعد عند محطة المحمديه
قبل المزاين
هههههههههه

[العريدي]

ابن عبيد السليس

شكرا على نقل الخبر

لاهنت

تحياتي لك

العريدي

[السيف الصقيل]

الوعد قدام

وإن شاء الله يصير وانسج يمها

مشكور يالسليس على الخبر

[فهد السميرى]

الخبر الاكيد انه فى شهر رمضان السنه الجايه بذن الله

[فهد السميرى]

ياخوان والله انى اكتب لكم وانا صادق يوم الاربعا المافق 24شوال 1427هـ انا جالس مع امير من امرا القبيله يقولى بالحرف الوحد سلمان بن عبد العزيز اعطا الاذن ان ينظم المزاين بذن من امراء عتيبه واعطاء توقيف المزاين بذن من امراء عتيبه قلى بالله عليك كيف بقام حفل المزاين مشكله واضن مالها حل هذا ماسمعته ولاكن نطلب الله العالى القدير ان يكتب اللى فيه الصالح ويتم الحفل لمصلحه القبيله اتمنا ذالك والله ولى التوفيق

[الفجري]

برضه انشالله راح يقام المزاين

وانا متفائل خير انشالله

[إبن ثعلي]

الدوله اعزها الله يوم اقامت حفل المزايين في البداية كان هدفها التشجيع على الاهتمام بالثروة الحيوانيه اما القبائل فليس لهم هدف سوى التنافس الغير شريف ولو تم منعهم من الدولة فهي محقه
تحياتي

[ولـ حرب ــد]

أخواني الكرام

يجب عدم تحديد أي موعد لمزاين قبيلة عتيبة حتى يتم تأكيده من قبل الرجال القائمين على الحفل ،، لأن التخبط دون علم يبسبب شوشرة بين الناس ،، و إن شاء الله يتقرر و نشارك معكم ياربعنا ياشبابة0
و العلوم الطية ماتستغرب عليكم يا عتيبة

[فلان الفلاني]

شر البليه ما يضحك يا الربع

يا الربع ترى المشكله مو في شيوخ عتيبه

المشكله فينا

شغلتنا قال وقيل

ونقول سوالف ونردها عن وكالة يقولون

وهذه المصيبه.........

اعتقد كل المنتديات اللي تحمل
اسم القبيلة على شبكة العنكوبتيه
تتناقلت خبر المزاين والاختلاف اللي صار فيه
والمصبيه بعض تلك المنتديات نسبت الاختلاف
الى شيوخ عتيبه حتى أن بعض الاعضاء وخاصة
ناقصين العقول قعدوا يسبون شيوخ القبيله على حساب
تلك الاخبار صارده من وكالة يقولن ..


وتم استغلال المزاين من ضعاف النفوس
وقاموا با الاتهامات الباطله ضد شيخ من شيوخ
عتيبه بأنه سبب في ذلك.



لذا يا اخوان يا عتيبه الهيلا يا ابناء تلك القبيله
المزاين اذا تم رايح يعلن عنه ورايح تكون دعوة عامة
والجميع يتمنى أن يتم المزاين وأن تصلح الامور اذا
فيه اختلاف ..........


هذا ما عندي وعساكم دايماً على القوه

[فهد السميرى]

الاخ فلان الفلانى
انت ماتدرى ويش يصير خلف الكواليس اخوى الله يسلمك اخذ العلم منى انا دون اقصور فى البقيه المزاين ماريح يتم والمشكله كلها من امراء عتيبه صدق او لاتصدق

[الدماسي 2007]

STOP

[BENZ عتيبي]

اذا حطوا المزاين الله لايهينكم يالربع دقوا علي

[كولمان]

علموهم لايبعدونه يحطونه بين الجميع

[غصون]

علي البركه نتمني الازدهار لقبيلتنا ان شاء الله

[سيف العطاوي]

ياالربع ياالربع

كلن يمسكـ أباعره في ديرته ويحيل إبها إليا طاح الحيا في نجد ولا في شمال ولا في جنوب ويوسع خاطره معها زالهو حي,,,

والمزاينات والله مالكم فيها لزوم

بعدين مزاين (الملقا) ومزاين (أم رقيبه) أتوقع إنها تكفي

إرتاحوا يامسلمين

[BENZ عتيبي]

خصوص مزاين العتبان تكلم الامير مشعل ان اخر مزاين للقبايل سيكون للعتبان وسكون في شهر 4 ولن يكون هناك مزاينات للقبايل والمزاينات فقط ام رقيبه والملقا :
والمصدر احد النفعه المشاركين في ام رقيبه لهذه السنه

[الحصان]

مزاين عتيبة الغي ريحو انفسكم مافيه مزاين

[سلمان]

مسكم با الخير


كيف حالكم يا الربع طيبين



والله وانا خوك العلم الي سمعته

ان تم الموافقه على المزاين ويقال انها في شهر اربعه

والمكان في نفود السر

هذا الي سمعناه


وتشكر اخوي

ابن عبيد السليس



وهاه منكم خوه ان شاء الله

[الوسمي السليس]

يربع المزاين انشالله بيصير في الموعد اللي انا سمعته يقولن اهلا وكالة يقولون انه بيكون في شهر 4 من عام 1427 بس ماذكر اليوم بتحديد

وبنسبة للموقع انا اتوقع انه بيكون في نفود اسر تسئلوني ليه انا اقول لكم ليه والله العالم يمكن عشان يكون قريب من مطار شركة ارامكو وعشان كذا بيكون سهل على الأمراء من الأسرة المالكه الحظور له

على العموم تحياتي لك اخوي ابن عبيد السليس

وشد حيلك وسر ليلك وانا اخوك ترى الصيوان جاهز لرجاااال شرواك دون ديرة ابن جامع وانت متجه للغرب




تحياتي لكم عيال عمي وعزوتي عتيبه الهيلا

[otaibi10]

شكراً لكم على هذا المنتدى

[otaibi10]

اتمنا من الله العزيز ان يوفق قبلتنا في هذا المزاين