الليل يا شاعر روق

[علي العضياني]

سلام رده على معنى وطاروق=يالشاعر اللي تهيضنا طروقه
يا شاعر الروقه الشعار في روق=وراك تبرك حملن ما تطوقه

[شاعر روق]

يامرحبا والمعاني سوقها سوق=والعلم نعرف مواريه (او) فروقه
مالك مشاريه في هذي ولا حقوق=ياشاعرٍ خابرٍ رجلك سبوقه

[أبوزيد الهلالي]

صح لسانك يالحر وصح لسان شاعر روق
وحنا في المتابعه

تحياتي

[السيف المهند]

الحر وابن روق
بدايه شعار عمالقه

واصلواا

[خيال العبيه]

ياسلا م ياسلام ننتظر الابداع منكم
صحت السنتكم
تحياتي

[علي العضياني]

في ما مضى خابرينك قاضي حقوق=واليوم تبغا تحط الك امعشوقه
فالناس ياصاحبي سابق ومسبوق= وعلمن يوفتك ترى يصعب لحوقه

[شاعر روق]

واليوم مثل امس ماضيعت معلوق=والبنت ابشرك لي دايم صدوقه
والناس فيهم ليا جا السبق مفهوق=وان واجه المعركه تجمد عروقه

[شاعر روق]

ابو زيد الهلالي مرحبا ومسهلا
ويامرحبا بك وبمتابعتك
تقديري

[شاعر روق]

السيف المهند
حضورك هو الاهم
تقديري

[شاعر روق]

صح بدنك ياخيال العبيه
والابداع لايتاتّى الا بحضورك ومتابعتك

تقديري

[علي العضياني]

حنا رجالن نجيب العلم من فوق=واللي يبا قرش والله ما يذوقه
ما يفهق الا الردي يا هابط السوق=والخصم بارودنا الحري نشوقه

[شاعر روق]

قرشك معك خازنه في وسط صندوق=عمله قديمه ومن وقت امحروقه
وحنا ليا جا الخصيم نحط له طوق= والعهد من يمنا مااحدٍ يبوقه

[الطوفان]

الحر الاشقر& وابو سعود

صحت السنتكم

متابعين الى النهايه

تحياتي

[شاعر روق]

ابو عبد الرحمن ارحب
مرورك غايه وحضورك تشريف
تقديري

[علي العضياني]

في ما مضى كان حاكم مصر فاروق=قبل الصعيدي يجي عمره يسوقه
ابليس راسه من المشعاب مفلوق=وان قاله الله تبا تكثر فلوقه

[شاعر روق]

في ما مضى ثوب حاكم مصر مفتوق=مايستره لو يخيّط في فتوقه
واليوم في ماكر القرناس غرنوق=يطرد ورى الصيف ويلاحق بروقه

[المرتعد]

صحت السنتكم يالشعار

واصلوووا متابعين

[شاعر روق]

صح بدنك يالمرتعد
وهلا وسهلا بك

تقديري

[شاعر الشلالحه]

الله الله

الحر الاشقر///وشاعر روق

صحت السنتكم ومحاورة حاميه

متابعن وماسكين الصفوف

تقبلو تحياتي

[ابن مسلم]

الحر الاشقر

وشاعر روق


صحت السنتكم وبيض الله وجيهكم


ولالقليتو تلعبون ها طاروق الحلو

لين خرب جهازي والله أني اراسلكم من



مقهى جوازنة خايس

لاكن من شان خطركم صبرت على ريحة الجوازنه

[علي العضياني]

علمك هذا عقبه ما هو بموثوق=تدري عتيبه عنه برقا و روقه
امنول انته ولد ما انته بخثروق=اصدق تراك انت من ناسن صدوقه

[شاعر روق]

علمي هذا من كلام الزور معتوق=والمحكمه تقطع اليمنى السروقه
مار ارفع العلم قبل تحوقها حوق=وتصير لحيتك بيداك محلوقه

[شاعر روق]

شاعر الشلالحه
صح بدنك ولاهنت على المرور

تقديري لك

[شليويح العطاوي]

صح لسانك ياشاعر روق ////////وصح لسان الحر الاشقر

واصلووووووووووا لاهنتم

[شاعر روق]

شليويح
صح بدنك وشاكر لك المرور والحضور

تقديري لك