راكد وفهمان ينادي الحصان الى ارض المعركه

[راكد وفهمان]

يالربع هذه الملعبه بغيت احطها في منتدى المحاورة وعيت تفتح الصفحه وجبتها (هنيتانه )على لغة هذيل ولغة اكلوني البراغيث
الرجاء من الأخ العزيز والحلو وحبيب قلبي ونون عيني ومهجة حياتي
حضرة الحصان باشا الحضور إلى هنا واستلم والعلم مقتفيه علوم

خلووووووووووووووووووووووووووووها



سلام للي يدركون الجميله=بالموقع اللي ذاع صيته مع الناس
نادولي حصان القلم والقبيله=نبي معه ناخذ على القاف مرواس

[الحصان]

يامرحباعداد نو المخيله=يالراكد الفهمان ياطيب الساس
خلك معي فالدرب وانت الدليله=وافطن لهاواعرف لهاياصعك الراس

[راكد وفهمان]

خلوووووووووووووووووووووها جاكم راكد وفهمان مروع الورعان


تعال يالحصان ودوك العلم


دربك على ماقيل زند وفتيله
-------- وانا مازورالترف والوضع حساس
اشوف لي من جملة العام ليله
------ اشفيبها قلبن من الود منحاس

[الحصان]

خذها يابوالفهامه و افهمها


ان كان ودك تدرق فالبتيله= ترى المهلهل عارف ٍ وضع جساس
والا ردي الناع ماينبكيله=يرقد بضل مروية كل عباس

[راكد وفهمان]

خلوووووووووووووووووووووووووووووووها



أتهمتني بالكلمه المستحيلة=ولاهوب لاحقني من القيل وسواس

والحق بركاده يبت الحميله=لكن لعبك من هواء النفس نساس

[إبن ثعلي]

تسلمون يالاثين على هالقاف الحلو والمعنى الجزل

[الحصان]

مشكور يابن ثعلي على التشجيع واستلم يابو الفهامه و خلك حليم



ياراكد اركد خل عنك الطويله=عندك خبر وش بعد نجد عن الاوراس

وان كان قلبك فيه مثل المليله= تنشدالفرسان عن قب الافراس

[علي العضياني]

ماشاء الله على هالقاف الحماسي
ولا كان يشيب توه هذا القاف

[راكد وفهمان]

ابن ثعلي والحر الأشقر حياكم الله والله يعين على هالمصيبة لكن دوك بين الضلوع ياحصان خلوووووووووووووووووووها



الله من شين بصدره يشيله=ماعاد يفرق عنده اخماس واسداس

نصحت انا بالطيب واظهر حصيله=ماقال ابن عمي وللهرج عساس

[النـايــــــف]

صح لسانك يا راكد وفهمان


وصح لسانك يا الحصان


تحياتي لكم ،،،،



أخوكم النـــايـــــف

[الحصان]

لا تنسدح ياصاحبي فالمسيله=السيل جايك من طويلات الارواس
قلبك حنون و كل برق ٍتخيله=و قدامك الدكتور قلاع الاضراس

[راكد وفهمان]

ماخلت برق ولارعيت المحيله=والحمد للي فضل اجناس واجناس
اثرك تضيق من المعان الثقيله=ياللي في ونيتك تلبس الدرع والطاس

[الحصان]

و ين انت فالخرايم دليله=راكدوقع فالمحبله جعل ماباس

القوم فالدرب الوعر تحتديله=وانالياجيته يطرف لي الفاس

[راكد وفهمان]

راكد زبون الطيب راع الجميلة=دون القرابة موري الضد الاتعاس

السيد الحصان باشا مشكور على هالقاف والمعذرة وحتى العطلة الجايه كل عام وانتم بخير مايخفى عليكم ظروف ارتباطنا ولك التحيه من راكد وفهمان مروع الشعب:cool:

[الحصان]

الضاهر انك صرت صاحب فضيله=تفتي ويفتونك مفرغة الاكياس


السيد راكد و فهمان بيه مشكور و معذور ونشوفك على خير (مروع الشعب)!!!!!!!!!!!!