الليل ياالشعار قاد المزن والبراق لاح (والمطلوب شاعر عتيبي)

[الطوفان]

السلام عليكم يالشعار
واطلب قبيلي عتيبي ولايهونون الاخرين



الليل ياالشعار قاد المزن والبراق لاح= وسط المزون اللي يهز الارض صوت رعودها

دولة سرائيل اليهوديه تبا حرب وكفاح=من كل حدب وصوب جونا فى البلاد ايهودها

[شاعر روق]

ولا تهون يابو عبد الرحمن وانا اسعد واتشرف باللعب معك

الليل يالطوفان انا جيتك على صوت الصياح=عان السريه حاضره وانته عليك تقودها
والديره اللي مالها قايدعساها للصباح=راحت خرابه عقب غابت عن حماها فهودها

[العاصف]

ياسلام ياسلام ياسلام

الطوفان //وشاعر روق

لاوالله الا استوينا وزانت الملعبه

الليل الليل يالصفوف

[شاعر الشلالحه]

صح لسانك يالطوفان

وصح لسان شاعر روق

والدعوى خطيره ياكافي

تقبلو تحياتي

[ابن مسلم]

ابوعبد الرحمن

أنت وابوسعود


صحت السنتكم والمعذره والله إني مجهز الرد لاكن يوم جيت أبا أنزله يابوعبدالرحمن ليا المجنون هذا قد سبقني والله يورالي

إنه سارق أبياتي مدري يهرج على فمه ولايستحضر ههههههههههههه

لاكن واصلوا الله لايهينكم

[زين الدين زيدان]

الله الله ياسلام
معنى ومغنى وشعار يستحقون المتابعه
الليل ياشعار وانا مكوع هنيا مااطلع لين تطلع نجمة الصبح

تحيااتي

[خيال العبيه]

صحت الالسنه والقلوب
طاروق كايف وشعار اعلام
احترامي لكم

[الطوفان]

لاهنت يابوسعود والشرف في مقابلك



بعض الكلام اقوى على الرجال من ضرب السلاح= والا الديار ديارنا ومجودين حدودها

عهدٍ عليه ياللا ليطيح مكسور الجناح=وتوب ثم يتوب هاذيه ماعاد يعودها

[الطوفان]

العاصف

ارررررررررررررحب

مرورك اسعدني

تحياتي

[الطوفان]

شاعر الشلالحه

حياك ياابن عباد

وك لاتروح لي فيك نظر

الله يحييك

تحياتي

[شاعر روق]

وبعض الرجال يقوم في اللازم وياليت استراح=فتح علينا ساربه ماينمحي منقودها
لكن داو الجرح قبل يزيد وتزيد الجراح=واكسر يدين المعتدي لامد لك عمرودها

[الطوفان]

ههههههههههههههههههههههههههههههههههههههههههههه

ابن مسلم

نورت الصفحه بوجودك يالغالي

مايحتاج ابوسعود مايدورها كثير على فمه جاهزه

والله يخارجنا

تحياتي

[سيف قحطان]

سلام عليكم

اولا اعتذر يا بو عبدالرحمن

ما وصلتني الرساله الا متاخره جدا


ثانيا صح لسانك انت بو سعود

وابو سعود مشاء الله عليه

يدافع على جهتين

سجلوني متابع

[شاعر روق]

العاصف
ارحب حياك الله والصفحه تزين وتتجمل بحضورك لاعدمتك
تقديري

[شاعر روق]

شاعر الشلالحه
ارحب حياك الله والدعوى سهود ومهود كلها عوافي

ياكافي ياكافي ههههههههه
تقديري

[الطوفان]

المشكله فى الكذب والتزوير مافيها سماح= ومداهن العدوان يظهر صيتها ويزودها

ليت يجي ويشوف تقطيع الخناجر والرماح= ولا يروح لديرته ويعيش بين اقرودها

[شاعر روق]

ابن مسلم حياك الله من ممشاك اليا ملفاك
وترى جهازك مخترق كل ماتحفظه يطلع عندي على شان تسذا
سويت تسذا ههههههههههههههههه

تقديري

[ابن مسلم]

ابن مسلم حياك الله من ممشاك اليا ملفاك
وترى جهازك مخترق كل ماتحفظه يطلع عندي على شان تسذا
سويت تسذا ههههههههههههههههه

تقديري


أبوسعود


إن كان المخترق مغار الجهاز بسيط تلقا ه بكره في نقليات البسامي

جايك لاكن الخوف ان راس راعيه بعد جايه شي هههههه

الله يستر

[شاعر روق]

المشكله في الديك يوم اذّن ورفرف بالجناح=ازرى يطير وصيحته حصل بعض مردودها
واللي تمنى جيته ماهوب جاي الا سماح=ام الخدود اللي تمكيج بالحمار خدودها

[شاعر روق]

مرحبا يازيدان وابشر بالمركى والقهوه والعلم الغانم

تقديري

[شاعر روق]

صح بدنك ياخيال العبيه
وشهادتك مهمه لنا
تقديري

[شاعر روق]

صح بدنك يابو حسين
واسفرت الصفحه وانورت بما تخطه اناملك

تقديري لك

[السيف المهند]

اشهد بالله ان هذا اللعب اللي ينتتابع ويطرب المتابع
صح لسانك يالطوفان وصح لسان شاعر روق
كلكم مبدعين بلااستثناء

مــــــــــــــــودتي

[متعب العتيبي]

ابو عبدالرحمن وابو سعود

مساكم الله بالخير والحاضرين

لاشك طاروق رائع سجلونا متابعين

[الطوفان]

المشكله في راعي التحرير لعقود النكاح= والا العرب تكفي ليا اعطت جودها موجودها

اليا غزانا القوم جانا دونهم كلب المراح= واليا تركناهم نشوف اللي يشد قيودها

[أبوزيد الهلالي]

اهب صختوا بحيل الله ياها الثنين
الله لايحط المسلم في نحوركم
مااقول الا صحت السنتكم وابدانكم والله اني معجب الا الاخر بكم

مـــــــــودتي

[الطوفان]

سيف قحطان

اررحب يابوحسين

وجودك اسعدني لاهنت

ومتلاحقين ان الله اعطانا عمر

تحياتي

[الطوفان]

السيف المهند

حياك الله ومرورك يزيدنا شرف

تحياتي

[الطوفان]

ابو رشيد

هلا وغلا

سعدنا بحضورك لاعدمناك

تحياتي

[الطوفان]

ابوزيد الهلالي

سلمت يالغالي

بس ترانا طيبين بالحيل

مرورك اضاء المتصفح وتشرفنا به

تحياتي

[أبوزيد الهلالي]

الله الله الله
كذا اللعب الحامي والا بلاش
واصلواااااااا

[شاعر روق]

اللي يحرر عنه تكفي حرمةٍ سد السنـاح=تامر وتنهى عبدها اللي قام يثني عودهـا
والكلب قدم له حصاة اتسد فمه عن النباح=كلبٍ عقور اذّ ى العباد اوقوفها وقعودها

[ابن مسلم]

يا ما شاء الله علاكم


أنتم لياهالحين شغالين


وأنا قد أخذت لي غطه وصحيت على

ضحكت زيدان يوم ضحك

[شاعر روق]

ههههههههههههههه
ايه يابن مسلم اليا ضحكتوا اهمزوني
ههههههههههه

[الطوفان]

لا بارك الله في الرخوم رخوم مافيهم صلاح=مثل العذرا لو تمازحها لمست انهودها

لكن شرهتنا على اللي لابسنٍ فوقه وشاح= ينظر بعين وبندقه ماثورت بارودها

[الطوفان]

ابن مسلم

الغفوه ممنوعه فتح عيونك الثنتين وانتبه

الليل من باوله
ههههههههههههههه
تحياتي

[شاعر روق]

دايم ترى الرعديد في الميقاف لو تصيح طاح=ماتحمله رجله ونفسه مابلغ مقصودها
وابو وشاح اوقد على قدره لكن القدر فاح=واطفا عليه النار ما قدره ونسنس نودها

[الطوفان]

ابو سعود

اللعب معك له طعمه الخاص

وانا ماعاد اشوف من النوم

وانت الله بعينك تحاور اكثر من شاعر

ولكن تصبح على خير

تحياتي لشخصك الكريم

[شاعر روق]

سلمت ودمت يابو عبد الرحمن وانا يعلم الله اني انشط
اذا لعبت معك ويحضرون الربع كلهم على بكرة ابيهم
مار تصبح على الف خير انت وجميع الاخوان اللي تابعوا


تقديري