*********(( أنا أبا أنشدك عن رجل (ن) ))*********

[ابن مسلم]

بسم الله الرحمن الرحيم


أيها الأخوه الكرام يسرني أن أضع هاذا اللغزبين يديكم وأتمنى أن يروق لكم وتحظوا بحله .




أنا أبا أنشدك عن رجل(ن)يصوم ولايصلي الفرض=ولايرقد ولايمشي وسليمٍ مابه إعاقه


طعامه عرد ماتقواه ولوحتى تعضه عض =ولابه غيره أكلٍ له ويزوعه كل ماذاقه


إله شيمه وإله قيمه وإله تقدير فوق الأرض =خوي رجال هالرجال حب البيض ماشاقه



وسلامتكم


أبن مسلم

[شاعر روق]

ابن مسلم
لغزك رائع ولي عوده بعد تفكير عميق
ان ماسبقوني الربع وحلوه
تقديري

[ناصر بن سعدي]

إبن مسلم


لغزك محبوك....وصعب لكن لي عوده بعد التفكير..

[الفطين]

صح لسانك يا أبن مسلم

والحــــــــل مـــا هــــــــو

بالنجـــــــر ؟؟؟

ولا

المبخــــرة ؟؟؟

[ابن مسلم]

ابن مسلم
لغزك رائع ولي عوده بعد تفكير عميق
ان ماسبقوني الربع وحلوه
تقديري



شاعرروق


شكراًلك

[ابن مسلم]

إبن مسلم


لغزك محبوك....وصعب لكن لي عوده بعد التفكير..


ناصر بن سعدي


مافيه شي يصعب مع العزيمه


شكراًلك

[ابن مسلم]

صح لسانك يا أبن مسلم

والحــــــــل مـــا هــــــــو

بالنجـــــــر ؟؟؟

ولا

المبخــــرة ؟؟؟


الفطين

صح بدنك

ومالك لوا

حاول مرة أخرى

شكراًلك

[حد السيف]

صدقني سهل
بس يبيله تفكيييير


لي عوده

[ابن مسلم]

صدقني سهل
بس يبيله تفكيييير


لي عوده


حد السيف


حياك الله ورنا شطارتك يالذيب

مع شكري لك

[إبن ثعلي]

حياك الله يابن مسلم وكل عام وانت بخير
واعتقد ان حل اللغز هو مقص اللحيه والشارب(المحف)
تحياتي

[ابن مسلم]

حياك الله يابن مسلم وكل عام وانت بخير
واعتقد ان حل اللغز هو مقص اللحيه والشارب(المحف)
تحياتي



أبن ثعلي

الله يبقيك ويعافيك وكل عام وانت بصحه وسلامه إن شاء الله


وأما الحل مالك لوا ماهوب المحف

شكراً

[ناصر بن سعدي]

وش رايك بالزند...أو السيف..

[ابن مسلم]

ناصر بن سعدي


شاكرلك تواجدك وحرصك على حل اللغز


لاكن مالك لوا والجايات أحلى إن شاء الله


شكراًلك

[إبن ثعلي]

اجل يابن مسلم هو مقراط الاظافر
تحياتي

[ابن مسلم]

اجل يابن مسلم هو مقراط الاظافر
تحياتي




إبن ثعلي

( هل مقراط الآظافر مايحب البيض أولايهتمن به ))

ركزصح يا قاضي وتبى تحله إن شاء الله


لك شكري بعد شكري لله

[إبن ثعلي]

الكريك او المسحاة او المحراث كلها حول بعض
تحياتي

[ابن مسلم]

الكريك او المسحاة او المحراث كلها حول بعض
تحياتي



أبن ثعلي

مسااااااااااااااك الله بلخااااااااااااار


رحت بعيد مانت بحوله ياطويل العمر

شكراً لك

[الفطين]

طيب وش رايك في محماس القهوة ...

و طعامة القهوة ...

ولا

ملقاط الجمــر ...

[ابن مسلم]

طيب وش رايك في محماس القهوة ...

و طعامة القهوة ...

ولا

ملقاط الجمــر ...



الفطين

مالك لولا

شكراًلك

[المهلهل11]

ابن مسلم ايش الحل ترى بلاشنا فيه...


وانا ترى سجلت في الموقع على شأن أرد عليك واقول عطنا الحل...


عطناااااااااااااااه لاهنت.

[معطاب العتيبي]

خوي رجال يالنشمي الا من جاه وقت العرض= تحيزمه وذب الريع كفيت القوم والعاقه
هذاك الربع واظنه يثوّر للفشق ويقض= يقض اللي له توجه ولاهو يعقب الساقه

اظنه المسدس يالذيب او المدفع هذي رمعتي

[الأســـد]

أخوي أبن مسلم


المبرد صح

والا.........................

[ابن مسلم]

ابن مسلم ايش الحل ترى بلاشنا فيه...


وانا ترى سجلت في الموقع على شأن أرد عليك واقول عطنا الحل...


عطناااااااااااااااه لاهنت.



الملهل


شكلك مستعجل وإذا كان ماسجلت إلا علشان أعطيك الحل بدري

هههههههههههههههههههه

سوى مثل الرياجيل وورنا جهدك

[ابن مسلم]

خوي رجال يالنشمي الا من جاه وقت العرض= تحيزمه وذب الريع كفيت القوم والعاقه
هذاك الربع واظنه يثوّر للفشق ويقض= يقض اللي له توجه ولاهو يعقب الساقه

اظنه المسدس يالذيب او المدفع هذي رمعتي


معطاب العتيبي


شكراًلك والحل ماهوبعيد لاكن حاول لان بعض المسدسات

ماتقذف فوارغها

[ابن مسلم]

أخوي أبن مسلم


المبرد صح

والا.........................


حياك الله


ومالك لوا

شكراًلك

[معطاب العتيبي]

ياابن مسلم وش رايم بالرشاش (الكلاشنكوف)

[ابن مسلم]

ياابن مسلم وش رايم بالرشاش (الكلاشنكوف)




الأخ / معطاب العتيبي


صح لسانك حلك صحيح 100%شكراًلك

[معطاب العتيبي]

وجهك ابيض ياابن مسلم ولغز مليان ولاهنت يالقرم