الي يبا يلعب يجي

[سهيل اليماني]

مساكم الله بالخير والمسرات

يالربع تراني عليمي فالمحاوره لكن الي بيطول باله علي بيض الله وجهه...


خلووووووووووووووووها

مرحبا عند الرجال الي مراجلهم قويه** روس قوماً بالوثايق ثبتو مجد الجدودي

العبو يالابتي ياهل السطر والنار حيه** والهدف قمة جبل ماهي دغاليف النفودي

[غشــــام]

قبل ان اعلق


اشهد بالله انك شاعر


تسلم وانا في صفك اخوي

وننتضر الشاعر القادم

تقبل تحياتي

[مرضي القيفان]

ارحب ارحب
خلوووووووووووووووووووها0


عقب ما رحبت يا راع ِالمكان الدور ليّه= تلعب اللابه على القيفان والناقص يزودي0
الهدف قمّة جبل والرجل ملزوم بخويّه= ما اتعدى للحدود ولا تعدى للحدودي

[سهيل اليماني]

خلوها

البقا يامرضي القيفان صب الشاذليه ** ثم بعدها رد علمك خلها ترقى سنودي

والخوي من عادته يدمحله الزله خويه**يانجوماً غايبه.. لا رحمبو جد الحسودي

اخواني
انا كتبت ابياتي فالبدايه وضنيت ان هناك احداُ يرد في الحال ولم اجد.. وناضرت اليوم الثاني ولم اجد رد اطلاقاً ثم قلت في نفسي انهم فعلاً وجدوني عليمي فالمحاوره و...........

واما اليوم فأنا ناظرت ورأيت المشرف غشام بارك الله فيه قد شارك
ثم اتي هذا الشاعر المخضرم وشاركني..
لكم جزيل شكري وامتناني..

[مرضي القيفان]

خلووووووووووووووووووووها
اسلم اسلم واستلم


هاك فنجال القناد وسم ياراع ِ المطيه=ماعرفت الوسم الاول كل سوق وله ركودي
التزام الصمت دمح لزلة افواه البريه = ماتطول السالفه لو كل خلق الله شهودي



المعذره يا سهيل اليماني على التأخير وكل واحد ما يدري عن وقت الثاني ومتى فرصته ولكن حياك الله وابرك الساعات 0

[سهيل اليماني]

الله لايهينك

تغرفون من البحر ياصحابنا والكم نحيه**وكان تنشد فعرف اني من حمى راع العمودي

والله ان عيني من البارح على جفني عصيه**من قواليب الدهر والوقت الامحق مايعودي

[مرضي القيفان]

يامزون الوسم هللي بالسحايب عقربيه= يوم بعض الناس صوته باللحن مثل الرعودي0
ياعسى ماباس ياللي عينك اليمنى شقيه= والدهر هو ربنا لا تعتنق مذهب زيودي

[سهيل اليماني]

انت كان يقال لك فالشعر رجالاُ بليه **ياعسى عمرك طويل ولا نحطلك اللحودي

ناقصك شي بسيط من الزرا والعنجهيه**ثم نركب فوقك اسمك ثم نقول انك صمودي


(والله ونعم ولا تسدك)

[روق]

أتمنى لك التوفيق يا سهيل اليماني

[بنت الجنوب]

الا اسمعوا ولاتنصدمون!!!

قريت شعر الفحول واناجديد عضويه
ومن لافعل بيمناه مالقى للفخر زودي



,,,,,,,,,,, و لعبنا وسلامتكم ,,,,,,,,,,,,,

[الدجيما]

تسلم يمناك وصح لسانك ياسهيل وصح لسان شاعر الشبكه المبدع

اخوي مرضي القبفان.وتراني في صفك ياراعي العمود(حميا);)




الدجيما

[مجدي الشناوي]

الله أكبر

عمالقه


واصلوا وازهلو الصفوف




تقبلوا تحياتي


مجدي الشناوي:cool:

[مرضي القيفان]

اسف على التاخير يالربع والمعذره من الله ثم منكم
كل انسان وله ظروفه

اسلم اسلم يا سهيل اليماني

ياعسى عزك يدوم ولا تلحقني زريه 000 0
ـــــــــ وانت نجم ولا ذكر فالنجم ياعالم جحودي

انقد اسمك قبل تنقدني على جال الركيّه
ـــــــــ وش علامك تبهت المسلم فهد ذخر الفهودي