المساعد الشخصي الرقمي

مشاهدة النسخة كاملة : الليل ياعتيبه

شاعر الشلالحه
10-31-2006, 04:27 PM
السلام عليكم ومن العايدين

هل الصيام ونحمدالله صمنا
والله من فضله وجوده رحمنا
واليوم حل العيد بعده وقمنا
يالله على بابك يافتاح الابواب


ياعتيبه عدتو العيد ومن العايدين=والعياد المقبله مقبله خيراتها

ودنا بالخير يشمل جميع المسلمين= والقيامه ساع بانت جميع اياتها
اخو من طاع الله
10-31-2006, 04:42 PM
كل عام وانت بخير يا شاعر الشلالحه ومن طول الغيبات جاب الغنايم
شاعر الشلالحه
10-31-2006, 05:08 PM
اخو من طاع الله

كل عام وانته طيب يالطيب ومن حضر ماغاب وابشر بالخير

تقبل تحياتي
ملفي العضياني
10-31-2006, 05:11 PM
وعليكم السلام ومن الفايزين
وكل عام وانت بخير واستلم طال عمرك

تم الشهر وادع الولي في قبوله=واطلب من الوالي شفاعة رسوله
واللي على خاطرك هاته وقوله= يالله على بابك يافتاح الابواب


جعل عيدك دايم يعيد ومن الفايزين=والله انه يرحم احيا العرب وامواتها
واحسن الاعمال واطلب من الباري يعين=لاجل تسلم من جهنم ومن هفواتها
ملفي العضياني
10-31-2006, 05:14 PM
اخو من طاع الله
مرحبتين هلا وغلا
تشرفنا بحضورك
تحياااتي لك
خيال العبيه
10-31-2006, 05:33 PM
الله الله
ياسلاااااااااااام شاعر الشلالحه وملفي العضياني
والابداع بعينه
واصلوااااااااااا
معكم معكم
شاعر روق
10-31-2006, 05:36 PM
شاعر الشلالحه وملفي
لله دركم مبدعين كماعهدناكم
والله الله في اللعب اللي يطرب الجمهور
تقديري لكما
شيخ مطير
10-31-2006, 05:40 PM
الله الله مبدعين الى حد الثماله
وانا في صف شاعر الشلالحه بدون تردد
تحياتي
شاعر الشلالحه
10-31-2006, 05:52 PM
كل عام وانته طيب ياملفي

واستلم

حنا زرعنا زرعنا في وطنا
والله كريم ولايخيب عملنا
يقبل حسانينا ويغفر جهلنا
يالله على بابك يافتاح الابواب


والله انا ناس نمشي على تقوى ودين= والعرب ماتختلف طيبه نياتها

وندنا نقرا عليكم رياض الصالحين= يوم دنيانا تهز العرب صكاتها
شاعر الشلالحه
10-31-2006, 06:09 PM
خيال العبيه

شاعر روق

شيخ مطير

نورت المتصفح بمروركم

وتقبل تحياتي
ملفي العضياني
10-31-2006, 06:13 PM
وانت بصحه وسلامه


خابرك تزرع واكبر اثبات باضان=دخنه تحصدونه على مر الازمان
لكن غيرالدخن يحتاج برهان= يالله على بابك يافتاح الابواب



لاتزكي نفسك اسجد لرب العالمين=والاوادم في الزمن تختلف عاداتها
واقر مايطري ويكفيك منا سورتين=الفلق والناس تكفي بليس اياتها
ملفي العضياني
10-31-2006, 06:18 PM
خيال العبيه
الابداع كله حضورك

تحياتي
ملفي العضياني
10-31-2006, 06:19 PM
ابو سعود
الابداع كله حضورك لاهنت

تحياتي
ملفي العضياني
10-31-2006, 06:25 PM
شيخ مطير
هلا بك وصفي عامر بك

تحياتي
البحررر
10-31-2006, 06:33 PM
ملفي العضياني . شاعر الشلالحه . صح لسانكم . محاوره تطرب
شاعر الشلالحه
10-31-2006, 06:34 PM
نزرع ونحسن زرعنا بالزراعه
والله يعطينا الرضا والقناعه
وانته صناعي(ن)تحب الصناعه
يالله على بابك يافتاح الابواب


مانقول الا الحقيقه عسى ربي يعين=مير اشوف اصحابنا علم ثاني فاتها

كيف تقرا كيف تكتب بعد غزوة حنين= وانت ماتعرف لمكه ولا ميقاتها
الطوفان
10-31-2006, 06:43 PM
الله الله

شاعر الشلالحه & وملفي

صحت السنتكم وكل عام وانتم بخير

واصلوووا ونحن لازمين الصفوف

تحياتي
ملفي العضياني
10-31-2006, 06:58 PM
ظلمت حظك يوم قلنا الحقيقه=ودك تخارج لو باردى طريقه
لكن طيبي يالجروح العميقه=يالله على بابك يافتاح الابواب



مايضيع الا الرخيصه ولا جبت الثمين=والرخيصه قسم من جابها واقتاتها
وانشد العراف تنبيك يالقلب الدفين=عن حنين المعركه كم عدد قواتها
ملفي العضياني
10-31-2006, 07:01 PM
الطوفان
مرحبا وغلا
وكل عام وانت بصحه وسلامه
تشرفنا بمرورك
تحياتي
تركي فهد الروقي
10-31-2006, 07:13 PM
على القوة يالشعار يعطيكم الله العافيه

واصلوا وانا في صف ملفي ولاهان المطاري

ولكم اطيب التحيات
ملفي العضياني
10-31-2006, 07:19 PM
البحرر
اسف والله ماشفت اسمك الا الان
ومشكور على مرورك وتشجيعك
تحياااتي لك
ملفي العضياني
10-31-2006, 07:22 PM
الزناتي
بيض الله وجهك ووجودك في صفي داعم ومكسب

تحياتي لك
شاعر الشلالحه
10-31-2006, 07:31 PM
ماني بمتقول ولاني بظالم
لكن ملفي تالي الليل حالم
انته سليم وصاحبك منك سالم
ياالله على بابك يفتاح الابواب


من جهتنا مايجي غير خير وعلم زين= والرخيصه مانبا نحتلب من شاتها

ياوسيع المعرفه لاتصفق باليدين= الجمال اليا هدرت لك تبين لهاتها
ابن مسلم
10-31-2006, 07:39 PM
الله الله الله

شاعر الشلا لحه

و

ملفي العضياني

صحت السنتكم جميع محاوره حاميه

أما من ناحية الصف مايبالها مطوع

الدعوى حميا وانا بصف ملفي ولايهون شاعرالشلالحه
ملفي العضياني
10-31-2006, 07:54 PM
راحت معك ياليل ياليل هيا=يالصاحب اللي مطلبه ماتهيا
وصدرت ضامي فوق عدٍ رهياٍ=يالله على بابك يافتاح الابواب



ومن جهتنا مانجازي هل الزينه بشين=كل يمنى تاتحصّل جزا مداتها
والجمال محمله والهدير اصبح حنين=عقب كانت ود حمله والاخرى هاتها
ملفي العضياني
10-31-2006, 08:00 PM
ابن مسلم
هلا وغلا حييت من ممشاك اليا ملفاك
وانا افتخر بوجودك في صفي
تحياتي لك
شاعر الشلالحه
10-31-2006, 08:15 PM
ياجارنا جيرتك فيها وفيها
ماني ابايعها ولا مشريها
لك حزتٍ لابد ماتحتريها
يالله على بابك يفتاح الابواب


انت ناظرك في يسارك وناظر في اليمين= والعرب تعرف هل الخيل من طلاتها

انشد الايام عنا وتخبرك السنين= يوم حمران النواظر تنال مناتها




ملفي العضياني سلمت والمحاورة مع شاعر مثلك ممتعه التغطيه من عندك وتصبح على خير
ملفي العضياني
10-31-2006, 08:34 PM
بيني وبينك يحكم الوقت بانصاف=بدون ظلم وجور وخلاف واجحاف
والمقبلات اكثر وللهجن عساف=يالله على بابك يافتاح الابواب


لواطالع في هل الخيل لو بنص عين=يمكن خيول العرب تقفي بغاراتها
والزمن لو انشده وش حصل ماض السنين=يذكر الهيلا ويحصي لها صولاتها
ملفي العضياني
10-31-2006, 08:36 PM
شاعر الشلالحه سلمت وشهادتك فخر ووسام
ولنا لقاء قادم وتصبح على الف خير

تحياتي لكل من تابع وعلق
شاعر روق
10-31-2006, 08:39 PM
شاعر الشلالحه وملفي العضياني
بيض الله وجيهكم
محاوره قمه ولعب من ارقى مارائيت
ويحق لهذا المنتدى ان يفتخر بوجود شعار بحجمكم

تقديري لكم ولكل المشاركين والمتابعين

اخوكم
البحررر
10-31-2006, 11:23 PM
ملفي العضياني . شاعر الشلالحه . بيض الله وجيهكم ماقصرتو
الطوفان
11-01-2006, 03:21 AM
ياسلام ياسلام

حقيقه محاورة عالية الجودة

صح لسانك ياابن عباد & وصح لسان ملفي العضياني

وماقصرتوا وننتظر المزيد منكم

تحياتي لكما