استشاره لمن يفهم في الاسهم يا ابناء العم

[انا عتيبي]

تلقيت عرض من احد الاصدقاء لتاسيس شركة اسمنت وسيكون مقرها الطائف.....وتم عرض السهم على بمبلغ 15 ريال

فما رايكم هل الموضوع مجدي والا لا؟
علما باني استطيع ان استغني عن المبلغ لبموجود معي لمد 2-4 سنين ماوراي اي شي؟؟؟
ومشكوررررررررررررررررررررررين

ماجد

[ރسلايـل المجـدރ]

ساهم فيها بس تاكد من مصداقية الاسهم

هذا رائي الشخصى

[الدماسي 2007]

انحش السماسره يدورولهم دربن على قريشاتك يبا يلهطونها ويبا يعرفونك على الشرط والمحاكم وانت من الله في سعه وان كانك مالك فيها حاجه ابن لك مسجد ولا سلفنيها

[انا عتيبي]

شورك وهداية الله ( وتسلم على اهتمامك)

اخووووووووووووووووك

ماجد

[انا عتيبي]

الاخ الفاضل /الدماسي 2007
انا انشالله واثق بل ميقن من امانة الشخص والشركة انا عرف موسسها رجل اعمال معروف وموثوق به ( طبعا كل شي بعلم الله) ولا ازكي على الله احد بس انا متخوف منها..........

وبعدين لو تبي عيوني عطيتك بس الدراهم وانا اخوك خلني افكر شوي

تسلم على اهتمامك والله يكتب الى فيه الخير

اخوووووووووووك

ماجد

[فهد السميرى]

اخوى انا عتيبى مادام عندك مبلغ طيب ساهم فى الشريكات الموجدة بالسوق الان والمثل يقول عصفور فى يدك ولا عشرة فى الشجرة فيه اسهم فى السوق طيبه جدا على سبيل المثال

1- الراجحى
2-مكه للانشاء
3طيبه
4اعمار

والله يوفقك لى الخير الوفير والرزق الحلال

[انا عتيبي]

يا السميري وانا اخوك الراجحي وطيبة ضيعت نص حلالي وتوووووووووووبه ما ادخلهن

بس هذا تاسيس وسعره 15 يعني لو دخل لتداول بعد 3 سنين بيتضاعف راس مالي مرتين.........

وما نستغني عن مشورتكم


ماجد

[الدماسي 2007]

يافهد الله يخليك المومن مايلدغ من جحر مرتين والأسهم تبغالها واحد عنده معرفه لعير كبير من عيرة الأسهم يقول ادخل اليوم في الفلانيه وانحش بكره ولا بعد بكره وحول فالثانيه ويكون ثقه اما المستجدين يروحون في خرايطها ولاحتى اله قبيل يدور حقه عنده


عزيزي ماجد لاصرت واثق وتبخص الرجال راعي دين فأنت اعزم وتوكل والعزايم فيها الغنايم اما اليا صار مافيه دين انحش ترى الفلوس تغير الرجال

[خياااااااااااال]

كل عام وانت بخير اخي العزيز

انا عتيبي

طبعا قطاع الاسمنت قطاع مهم وعوائده مجزيه والعرض جميل

ولكن

الشركه في طور التاسيس هل عرض صاحبك هو معناه ان تكون من ضمن قائمه الموسسين ؟


اذا كان هذا هدفه فهو مشروع رائع جدااا

اما اذا هدفه هو مساهمتك معهم بالباطن فهذا علي حسب علاقتك معه وثقتك به

ولكن من الافضل ان تطرح عليه ان تكون من ضمن الموسسين ويكون هناك عقد مساهمه في التاسيس بذلك تحفظ حقوقك وتنمي راس مالك


اخوك


خيااااااااااااااااااااااال

[انا عتيبي]

اولا اشكرك على اهتمامك
ثانيا الشخ ما قصر ابدا معي وقال انا ممكن ادخلك موسس بس الموسسين لازم ما يدخلون الا بـ 5 ملايين ريال ( قلت له لو عندي 5 ملايين شريت لي بيت وعمارة وسيارة والباقي احطه بالبنك وكل يوم اروح اسال كم بقي من رصيدي)
فلو ما كان عندك 5 ملاين لازم عقد بالباطن لان قيمة السهم 5 ملايين
وما اقووووووووول الا الله يجزاكم الف خير يا عيال العم ويرزقنا وياكم المال الحلال


ماجد

[ساحر الكلمه]

ونتة مغمض خش ونكان تبي أحد يجي معك تراني جاهز ماعندي مانع لو عشرين سنة قدام

الساحر

[انا عتيبي]

تسلموووووووووووووووووووووووووون خياااااااااااااااااال و ساحر الكلمة

والساعه المباركه التي تدخل معنا فيها ولم دراهمك وابشر بعزك بس خذ سهم الحالك( 5 ملايين)


اخوووووووووووووووووووووووووووووووووك
مـــــــاجد
العتيبي

[ابوسـعد]

لا يقربونك حرامية الاسهم...شف ضحاياهم بالالاف..,وشكرا

[محقني الخبر]

تبي نصيحتي


اذا انت نويت

توكل على الله والله هو الرازق

ثانيا اكبر نصابين في العالم الراجحي يكذبون علينا باسم الحلال

واشوف ان الاسمنت جدا ممتاز

لعده اسباب

السوق السعودي مقبل على تاسيس شركات بناء في السعوديه
بالمليارات

يعني مشروعك ناجح باذن الله
تقبل تحيات اخوك العضياني

[في خاطري شي]

لا انصحك لان التصاريح لشركات الاسمنت موقفة الان !

[ولد نشمي]

سلام الصراحه هي طيبه جدا بس اتأكد منها حتى لوكان العرض من اعز اصحابك هذا من حقك والله يوفقك

[تـركـي الـروقـي]

اخاف تكون مثل بطاقات سوا

انتبه وانا اخووووك فلوسك لاتطيررر

[bander]

ولا ازكي على الله احد بس انا متخوف منها

مدام انت متخوف منها لا تدخلها ،،،

بعدين فيه شركات في السوق لاباس الاستثمار بها طبعا نفس طويل ،،

1) الكهرباء اقل من 14 ريال لاباس ،،

2) اعمار اقل من 15 ريال ممتازه ،،

3) امانتيت اقل من 18 ريال ممتازه ،،

وغيرها كثير وجميعها اعطت باقل من هذي الاسعار في النزول الاخير ،،


اتمنى لك التوفيق اخي ،،،