ماتت البنت الجميله

[مـــــ ي ـــــم]

بين كذبات الصحافه وبين عشـاق الكـلام "=" ضاعت خيوط الحقيقه في سراديبٍ مخيفـه
بالسماء غيمه كبيـره مالهـا حـد ولجـام "=" نوب يعصفنا هواها ونوب هبـاتٍ خفيفـه
انعكس وضع الليالي صاروا الاخوه خصام "=" من ترك دينه واصله ماظن يبـرى نزيفـه
آه من مر الجروح وآه مـن مـر السهـام "=" وآه من ناسٍ قريب وآه مـن نـاسٍ حليفـه
الطيور السود ولت ونسرهـا حلـق وحـام "=" انتهت ليله غريبه مابهـا لحظـه شريفـه
امست الديره تهلل واصبحـت دارٍ حطـام "=" وينها ادروع المدينه صارة اسوارٍ رهيفـه
شي لا يمكن يصدق مايجي حتـي ابمنـام "=" ولا يجي حتى بخرافه صدمـةٍ والله عنيفـه
تبكي البنت الجميله مالها ارجـال وحـزام "=" بين ساعاتٍ قليله يمشـي السـارق بكيفـه
مالها اب ولالها اخ ولا لهـا حتـي عمـام "=" من حالها اللي اخذها تنعي الاول وزيفـه
ياوجد حالي وجد منهو بنـا له خيـام "=" راحت ادياره وشرد والعمر تالـي خريفـه
وياوجودي وجد ورعٍ تو في سـن الفطـام "=" ماتت امه بعد ابوه وخالتـه ماهـي لطيفـه
وياوجودي وجد من يشكي جلوسه والقيـام "=" بعد مايسرح ويمرح صارة احواله كسيفـه
وياوجودي وجد عودٍ جابـو عيالـه مـلام "=" اقطعوه من الجماعه فوق ماعيونه كفيفـه
ويا وجودي وجد من قضى حياته بالظـلام "=" في سجون اهل السياسه في مواضيعٍ كليفـه
وياوجودي وجد من قضى حياتـه للنظـام "=" وبعد ماولى شبابه اعزلوه مـن الوظيفـه
ياحسافه ياحسافـه مابقـى غيـر الكـلام "=" ماتت البنت الجميله واصبحت صوره مخيفه


تحياتي
مــــ ي ــــم

[سمران القثامي]

الأخت /مــــــــــــــــــــــــــــ(ي )ــــــــــــــــــــــم قصيدة رااااااااائعة بحق ولاعليها كلام وإلى الأمام وبالتوفيق



أخوك// سمران القثامي

[طالع]

الاخت مـــــــــ ي ــــــــــــم صح لسانك قصيده رائعه

والى الامام

اخوك عيد الجماعه

[ركوان الغبيوي]

لاهنت يا اختي على القصيده الرائعه والله يعافيج

[فهد العصيمي]

السلام عليكم ورحمه الله وبركاتة
قصيدة جزله واتمنى لك التوفيق وننتظر جديدك .