((تركي الشيخ و الشعر و الذيب و الحصني))

[تركي الشيخ]

بسم الله الرحمن الرحيم


اعضاء ورواد هذا الصرح الشامخ

السلام عليكم

هذه قصيده قديمه اخترتها لكم وكلي امل على ان تحوز على شي من رضاكم واستحسانكم

تقبلوها كما هي


((الذيب و الحصني و الشعر و تركي الشيخ))



سر ياقلم واكتب على الـوزن والقـاف=ابيـات بعـد ابيـات ماهـي هزيلـه

عاهدت ربي في غليظـات الاحـلاف=ما اكتب ياكـود الا البيـوت الجزيلـه

مادام شعري يسبـق الخيـل والهـاف=وحـده كمـا حـد السيـوف الصقيلـه

اٌقف قـدم خصمـي ولا اذل واخـاف=والشاعـر اللـي مايضيـع حصيـلـه

والشعر تحت الامـر مايهـز الاكتـاف=يقبل عليٌـه قبـل انـادي واجـي لـه

معنـى ومغنـى ماخذيتـه تـسـلاف=ميـراث جدانـي ســوات المخيـلـه

والشعر ورث الناس من عصر الاسلاف=ميراث كـل النـاس شخـص وقبيلـه

والشعر مثل الـدم فـي قلـب ميـلاف=في شاعر(ن) بالطيب ينضـح صميلـه

ياللي وصفت الشعر في بعض الاوصاف=ماجبـت منـه الا الوصـوف القليلـه

والذيب والحصنـي تسابـق لمشـراف=والذيـب مبـداه الـرجـوم الطويـلـه

وياللي نقدت الشعر ما انتـه بصيـاف=ولا انته رشيد ولا انت زيـد العظيلـه

انته كمـا اللـي حـج لكـن ماطـاف=تركـت واجـب بعـد فعـل النفيـلـه


وسلامتكم

تقبلوا تحياتي وتقديري

اخوكم / تركي الحربي

[إبن ثعلي]

صح السانك ياتركي الحربي
تحياتي

[جبل القحطاني]

صح الله لسانك ياتركي

قصيده جزله ووافية من شاعر

وافي وجزل

تقبل وافر التحية والاحترام

[العريدي11]

صح لسانك والله يعطيك العافيه

[شاعر روق]

بيض الله وجهك يابو عبد العزيز

قصيده جزله وكايفه وتستحق الاشاده
تقديري

[ابن عبيدالسليس]

الحربي الله يحييك بين ربعك وبني عمك
العتبان اشهد والشهاده لله انك شاعر جزل
بس استمر وربعك معك يالغلا
اخوك ..............السليس

[محمد العتيبي]

صح لسانك ياتركي الحربي

تحياتي

[النـايــــــف]

صح لسانك اخوي تركي الشيخ

وبيض الله وجهك يا الغالي


ولا تحرمنا من جديدك


تحياتي لك ،،،،

[تركي الشيخ]

ابن ثعلي

صح بدنك يالغالي

ولاهنت على مرورك الجميل

تحياتي وتقديري

[عبدالله المرشدي]

تركي الحربي



صح لسانك

وعلى شانك

ودي وتقديري

[برقاوي هواوي]

ًتح لسانك اخوي تركي ولا هنت على القصيدة

[مخاوي النشامى]

صح لسانك اخوي تركي الشيخ على القصيدة الجزلة من راس جزل
مثلك وشرواك

[عبدالله البجاد]

صح لسااااااااانك