اللي يباله قاف يجي

[سلايل عتيبه]

اخواني يشرفني ان اكون عضو في منتدى قبيلة عتيبه واتشرف بان العب

محاورة مع عمالقة المحاورة في هذا المنتدى وتراني عليمي


سلام ردية تظفي على الحاضرين = تضفي على من حضر تظفي على من حضر
الشاعر اللي يباله قاف سمن وسمين = يبدي سواة الشهر يبدي سواة الشهر

[شاعر روق]

اهلا وسهلا بك ونحن سعداء ايضا بانضمامك معنا واستلم لاهنت



يامرحبا ياهلا ترحيب بالغانمين=يبدي مباد القمر يبدي مباد القمر
صافح بيمناك يمنايه وشد اليمين=واعرف طريق الخطر واعرف طريق الخطر

[سلايل عتيبه]

دام البقى يالمرحب عد وبل الغشين = لكن مــد النظــر لكن مــد النظــر

ابا اتنشدك وانتــه سيــد العــارفين = انته من اي الدير انته من اي الدير

[ابن مسلم]

سلايل عتيبه

و

شاعر روق


صحت ألسنتكم على هالطاروق الرائع متابع لكم


وسجلوا إعجابي

[سلايل عتيبه]

ابن مسلم صح بدنك يالغالي ولي الشرف اولا بالانظمام للمنتدى وثانيا ان العب مع عملاق كشاعر روق

[شاعر روق]

ياساري الليل قبل الفجر ضاحه يبين=عجل وهات الخبر عجل وهات الخبر
وانا من اديار ربي ياللبيب الذهين=كلمه ولا هيب سر كلمه ولاهيب سر

[شاعر روق]

بن مسلم

مرحبا ومسهلا

شرفت الصفحه بحضورك

تقديري

[تركي الشيخ]

الله الله

على هالطاروق الكايف

صح لسانك ياسلايل عتيبه وبدايه رائعه

صح لسانك يابو سعود

عن اذنك يابو سعود انا بصف الضيف الجديد سلايل عتيبه


واصلوا يالربع وازهلوا الصفوف

[ابن مسلم]

أبك أبك العلم ويش

الليله الربع رقود غريبه عاد اليوم فيه معاش

وين الصفوف هههههههههههههه

[تركي الشيخ]

أبك أبك العلم ويش

الليله الربع رقود غريبه عاد اليوم فيه معاش

وين الصفوف هههههههههههههه


العلم واضح يابن مسلم

ماش غار انا وانت والظاهر ان حتى الشعار ماهم موجودين

الصفوف عندهم اجازه

تقبل تحياتي وتقديري

[سلايل عتيبه]

مادام هــذا كلامك كل قــاسي يلين = والمختفي ينشهر والمختفي ينشهر

ياشاعر الروقه الاوضاع تبا تزين = العن بليس العور العن بليس العور

[ابو فهد الثبيتي]

سلايل عتيبه وشاعر روق

صحت السنتكم وعلى القوه

[شاعر روق]

هذا خطا والجبل وش لون يصبح عجين=مااخبر يلين الصخر مااخبر يلين الصخر
عسى الوضع زين دايم مايجي فيه شين=والهرج بالمختصر والهرج بالمختصر

[شاعر روق]

ابو عبد العزيز مرحبا ومسهلا
نورت الصفحه واضاءت
تقديري لك

[شاعر روق]

ابو فهد الله يقويك ويحييك
حضورك نور ياغالي

تقديري

[الطوفان]

ابو سعود وسلايل عتيبه

صحت السنتكم

متابعين لكم

تحياتي

[شاعر روق]

ابو عبدالرحمن ارحب

وجودك مكسب لاعدمناك

تقديري

[سلايل عتيبه]

الضلع لن جــاه نجم يــروح مثل الطحين = مــار اتعــظ واعتبـــر مــار اتعــظ واعتبــر

انته سكنت الحجاز وصرت ترطن رطين = واصبحت ضابط خفر واصبحت ضابط خفر

[ابن عبيدالسليس]

بديت ذكر الله على ماهو مبين .....................وابدابذكره عد وبل المطر
واشارك انا ربعي في منتدى زين.................جمع هوات الشعر من فج وقطر
ههههههههههههه
والله اني شاعر نظم يالربع بس قلنا مشاركه
خخخخخخخ
اخوكم ............السليس

[شاعر روق]

والنجم يصبح رماد ويحترق كل حين=وان مااحترق في بحر وان مااحترق في بحر

وانته تميح الدلي مابين غثبر وطين=مابين مد وجز مابين مد وجزر

[شاعر روق]

ابن عبيد مرحبا ومسهلا
وافطن للمداخلات هذي تراها ماتجوز

شكري وتقديري لمرورك

[سلايل عتيبه]

اخوي شاعر روق نكتفي بهذا القدر وبيض الله وجهك يالذيب وانا مثل ماقلت عليمي


تقبل تحياتي

[شاعر روق]

ووجهك ابيض يابن العم
وان كان انت عليمي اجل حنا وش نكون
عز الله وفيت وكفيت وشهادتي فيك مجروحه

تقديري

[سلايل عتيبه]

شاعر روق شهادتك ذي انا اعتز فيها واعتبرها وسام على صدري وما انا الا طالب في مدرستكم


تقبل تحيات اخوك سلايل عتيبه الروقي ومن جده بعد