مساكم الله بالخير يالاخوان والشاعر اللي يبي اللعب يتقدم

[شاعر الشلالحه]

مساكم الله بالخير يالاخوان والشاعر اللي يبي اللعب يتقدم


ياسلام الله عليكم مثل سلم الاولينا= مثل سلم الاولين اللي معانيهم جزيله

والله انا ماندور غير من يعطي الثمينا=مانبا شاعر يناولنا الرديه والهزيله

[سيف العتيبي]

بالنيابه عن الجميع مرحبا ياشاعر الشلالحه وحياك الله
واسمح لي بمجاراتك لاهنت



مرحبا يالغانم اللي جيت عند الغانمينا=بالنيابه عن هل الميدان وجموع القبيله
والهزيله مانقدمها لذربين اليمينا=والقصيره لو بغيت الصدق اخير من لطويله

[شاعر روق]

شاعر الشلالحه
ارحب وحييت من ممشاك ليا ملفاك
ابو مريزيق مرحبتين وم طول الغيبات جاب الغنايم
ويمكن هذي تشفع لك عندنا
ههههههههههه
واصلوااااااااااااا
معكم

[شاعر الشلالحه]

تبقا ياسيف وانا اللي ابا اتعلم منك طال عمرك


يالعلك للبقا تسلم يابو قلب فطينا=والمطرخيل عشي والبرق يبرق في المخيله

ويش رايك يالعتيبي في الليالي والسنينا= اصبحت بعد الحلاوه مثل طعم الحنظليله

[شاعر الشلالحه]

سلمت ياشاعر روق

والمهلي مايولي

مع صادق التحيه

[سيف العتيبي]

يالعله غيث رحمه فوق دار المسلمينا=مار لو سيّل بسيله سال سيله مع مسيله
الليالي يالمطيري بين زين وبين شينا=قدرة الله مالنا في قدرته حيلٍ وحيله

[سيف العتيبي]

ابو سعود المهلي ماويولي
واعذروني على القصور والا ودي والله بالمواصله يالغالين

تحياتي لك

[شاعر الشلالحه]

ابشر انه خير ماهو غير والوالي يعينا=رحمة الله واسعه ماهي على الله مستحيله

شوف عكفان الشوارب من قهرهم ساكتينا= مايعيش اليوم غارالعفن حمال الرذيله

[الطوفان]

صح لسانك يالشلاحي

وصح لسان سيف العتيبي

تحياتي

[سيف العتيبي]

مارجينا غير فضل الله وغيره مارجينا=رحمته تكفي عباده ياعسى ماهي قليله
والعفون عفون ماهم في بلدنا ساكنينا=مايجينا الا الشيوخ اهل الجميله والفضيله

[سيف العتيبي]

شرفت ونورت الصفحه يالطوفان
شاكر لك كرم المرور والحضور
تحياااتي لك

[شاعر الشلالحه]

مانقول خلاف فيكم يالرجال الطيبينا=مير من يسلب حقوقك مثل من يقتلك غيله

البلد مليان منهم من يسار ومن يمينا=مير ياربي تحطم رووسهم باهون وسيله

[سيف العتيبي]

ما غدى لي حق والعربان مثلك عارفينا=حيلتي من دون حالي بالكثيره والقليله
والبلد ماهوب صالح دام فيه منافقينا=يقدحون الزند والصوان في خشم الفتيله

[ابن مسلم]

شاعر الشلالحه


و

سيف العتيبي


صحت السنتكم وواصلوا على القوه إن شاء الله متابع للاستفاده
وشكراً

[متعب العتيبي]

شاعر الشلالحه هلابك ومرحبا

ابومريزيق ياهلا وغلا

ياولد ماهي صيفيه هذي قطعه اللي لايبلانا

واصلوووووووووووووا متابعين

[ناصر بن سعدي]

شاعر الشلالحه


و


سيف العتيبي


واصلوا لاهنتوا.....معنى وطاروق كايف....



وبالتوفيق للجميع...