لاتكثر الشرهة على الناس يفـلان

[برقاوي هواوي]

لاتكثر الشرهة على الناس يفـلان
كم فرقة بيـن القلـوب الولايـف

ادمح لزلات الربع وانت كسبـان
يزيـد مقـدارك ولابـه حسايـف

ترى البشر اليوم تـوزن بميـزان
خلك فطين وجامله وانت عايـف

الناس اجناس على اشكال والـوان
ولاتغرك الضحكة وزين الطرايف

يضحك لك وقلبه من الكره مليـان
واللي يحوف الناس لحماك حايـف

انا احمد الله بـه شبـاب وشيبـان
مثل الذهب مشهور بزين الوصايف

مثل الذهب مايغيره طول الازمان
ولايغيره كثر الحكـي واللفايـف




شـعـر عبدالعزيز الهاشم

[مخاوي النشامى]

سلمت يمناك اخوي عبدالرحمن لكن لو تشوف لنا لون غيرذا الله يسعدك
حنا ناقصين تروووح فيها العيون هههههههههههههههههه

[إبن ثعلي]

مشكور اخوي عبدالرحمن على حسن الاختيار
تحياتي

[الشــــيبانــي]

الله يعافيك اخوي عبدالرحمن على القصيده

[النـايــــــف]

صح لسانك اخوي عبدالرحمن النفيعي

وصح لسان الشاعر عبدالعزيز الهاشم

وبيض الله وجهك يا الغالي

على هذا الاختيار الرائع

تحياتي لك ،،،،

[العريدي11]

صح لسانك والله يعطيك العافيه

[برقاوي هواوي]

الله يسلمك يا مخاوي النشامى

[برقاوي هواوي]

العفو اخوي ابن ثعلي

[برقاوي هواوي]

والله يسلمك يالشيباني على المرور

[برقاوي هواوي]

ووجهك أبيض أخوي النايف وصح بدنك

[برقاوي هواوي]

صح بدنك يالعريدي وتسلم على المرور