"]ياسلامي سليم

[محمد الطرقي]

ياسلامي سليم وجعلكم سالمين = جيت ضيف ٍ على العتبان بديارها

انتم أهل المعرفه من قديم السنين = والحرار النوادر جيت لوكارها

[شاعر روق]

ياهلا ومرحبا يامحمد الطرقي وتشرفنا بانضمامك الينا
وابرك الحزات واسعدها وجودك بيننا واستلم لاهنت



مرحبا رحب وافي فوق سمن وسمين=عند ربعٍ فعول الطيب من كارها
واول المبتدى مبداك طيب وزين=تعرف اهل الكرم ماتجحد اذكارها

[ابن مسلم]

صح لسانك يالطرقي

و

لسان شاعرروق

وبدايه متازه وأنا الليله الظاهر إني ابا اصيرفي صف الطرقي ضدك يابوسعود لاكن أني ابا اروح انام وبكره إن شاء الله اجيكم هههههههههههه

وشكراً

[محمد الطرقي]

من جحد حق غيره يازميلي لعين = والحقايق حقايق يصعب انكارها

فعلكم خابرينه بالكلام اليقين = ولاجحدنا حقوق الناس ودوارها

اشكرك اخوي على ترحيبك الطيب ويشرفني انظمامي لكم
تحياتي وتقديري

[محمد الطرقي]

صح لسانك يالطرقي

و

لسان شاعرروق

وبدايه متازه وأنا الليله الظاهر إني ابا اصيرفي صف الطرقي ضدك يابوسعود لاكن أني ابا اروح انام وبكره إن شاء الله اجيكم هههههههههههه

وشكراً

الاخ ابن مسلم صح بدنك يالغالي ويهمني تشجيعك وتقييمك
تحياتي وتقديري

[شاعر روق]

لا شكر على واجب واستلم طال عمرك


كل طيب بفعله يامحمد يبين=والعرب مايبيح الوقت باسرارها
مار ما قلت لي ياخيرة الشاهدين=من يمين الدير والا من ايسارها

[شاعر روق]

ابن مسلم هلا وغلا ومسهلا

وانت وانا كلنا في صف الضيف مايبالها كلام

تقديري لك ولحضورك

[محمد الطرقي]

اشعارها
وايلي مختفيت وكلكم عارفين = من قبيله عزيزه فوق مقدارها

لابتي يالعتيبي قاسيه ماتلين = تحكم اديار نجد وعالي اشعارها

[شاعر روق]

والله ونعم ماحنا بها مازحين=كلمةٍ صادقه نعطيك مسعارها
مار نجد العذيه والعرب خابرين=تحت حكمة عتيبه تلتهب نارها

[محمد الطرقي]

بعصرنا اليوم منهم وسطها حاكمين= احكموها ال سعود وصارو اسوارها

وانتم انعام فيكم مابكم قاصرين= و الحقايق تقال وياجب اضهارها

[شاعر روق]

تحت ضل السعود اوسودها العادلين=مار قدّامهم تسقيك بامرارها
يوم عصر الرشيد ويوم عصر الحسين=ضدك الوقت والدنيا مع اخطارها

[الطوفان]

محمد الطرق هلا ومرحبا بك وصح لسانك

ابو سعود صح لسانك

محاوره وشعراء رائعين

متابعين

تحياتي

[محمد الطرقي]

في هذيك الليالي وين انا وانت وين = ديرتي ماتمر القوم لجوارها

ومن زمان المجاعه رحت لارافدين = وكل قومٍ نجيها تقفي امهاراها

[محمد الطرقي]

محمد الطرق هلا ومرحبا بك وصح لسانك

ابو سعود صح لسانك

محاوره وشعراء رائعين

متابعين

تحياتي

اخوي الطوفان صح بدنك وبارك الله فيك

والف شكر على مرورك

تحياتي وتقديري

[ابن مسلم]

في هذيك الليالي وين انا وانت وين=
ديرتـي ماتمـر القـوم لجوارهـا

ومن زمان المجاعه رحت لارافدين=
وكل قومٍ نجيهـا تقفـي امهاراهـا


الله الله عليك

يامحمد الطرقي رائع بحق

ويسعدنا إنضمام شاعر بحجمك إلى هذا المنتدى

ياهلا ويامرحبا

[شاعر الشلالحه]

صح لسانك يامحمد ... وصح لسان شاعر الروقه

وسلمتو جميع

[سيف العتيبي]

صح لسانك يامحمد الطرقي
وحياك الله
وصح لسانك يابو سعود
وننتظر منكم المزيد لاهنتو
تحيااااااتي

[شاعر روق]

يشهد النا حصى نجد العذي يالذهين=وان جحد تشهد النا نجد واشجارها
غزوةٍ كبر غزوة بدر والا حنين= ذكرها شايعٍ في نجد واقطارها

[شاعر روق]

ابو عبدالرحمن ياهلا ومسهلا
سعداء بحضورك لاعدمناك

تقديري

[شاعر روق]

ابن مسلم هلا وغلا
حياك الله
تقديري

[شاعر روق]

شاعر الشلالحه
ياهلا وغلا حياك الله
اضاءت الصفحه بتواجدك

تقديري

[شاعر روق]

سيف مرحبتين وهلا بك
شرفنا حضورك
تقديري

[محمد الطرقي]

ماجحدنا فعولك والبشر شايفين = جتك مني علوم ٍ صدق مصدارها

والبشرعن وطنها ماتغالا الثمين = وللمفاخرتبيع الناس لعمارها

[محمد الطرقي]

صح لسانك يامحمد ... وصح لسان شاعر الروقه

وسلمتو جميع

شاعر الشلالحه صح بدنك

يحفظك ربي وشكرأ على مرورك

تحياتي وتقديري

[محمد الطرقي]

في هذيك الليالي وين انا وانت وين=
ديرتـي ماتمـر القـوم لجوارهـا

ومن زمان المجاعه رحت لارافدين=
وكل قومٍ نجيهـا تقفـي امهاراهـا


الله الله عليك

يامحمد الطرقي رائع بحق

ويسعدنا إنضمام شاعر بحجمك إلى هذا المنتدى

ياهلا ويامرحبا

اخوي ابن مسلم صح بدنك يالغالي

ويشرفني مرورك وتقييمك وماعليك زود

وانظمامي لكم فخر لي

اشكرك واشكر اخوي شاعر روق وجميع الشعراء

اللي شرفني واسعدني مرورهم

ولكم مني جزيل الامتنان
تحياتي وتقديري

[شاعر روق]

اخي محمد صح لسانك وسلمت يمينك سعدت وتشرفت باللعب معك

وشاعر بحجمك مكسب للجميع

تقديري لك

[محمد الطرقي]

صح لسانك يامحمد الطرقي
وحياك الله
وصح لسانك يابو سعود
وننتظر منكم المزيد لاهنتو
تحيااااااتي

اخوي سيف العتيبي

صح بدنك وبارك الله فيك

واشكرك على مرورك الطيب

تحياتي وتقديري لك

[محمد الطرقي]

اخي محمد صح لسانك وسلمت يمينك سعدت وتشرفت باللعب معك

وشاعر بحجمك مكسب للجميع

تقديري لك

اخوي الغالي شاعر روق

صح بدنك وصح السانك والله يعطيك العافيه

ويشرفني لعب معك وشاعر بحجمك اكن له كل احترام وتقدبر

ومعرفتك ومعرفة الشعراء الموجودين تاج اضعه على راسي

والاهي قريبه منكم انتم اهل الكرم والجود وهذا ماجابني لكم

وحبيت الاحتكاك معكم واشكرك على شعرك النضيف والمميز

ودعواتي لكم بالتوفيق

اخوك محمدالطرفي السبيعي العنزي

[شاعر روق]

اخوي الغالي شاعر روق

صح بدنك وصح السانك والله يعطيك العافيه

ويشرفني لعب معك وشاعر بحجمك اكن له كل احترام وتقدبر

ومعرفتك ومعرفة الشعراء الموجودين تاج اضعه على راسي

والاهي قريبه منكم انتم اهل الكرم والجود وهذا ماجابني لكم

وحبيت الاحتكاك معكم واشكرك على شعرك النضيف والمميز

ودعواتي لكم بالتوقيف

اخوك محمدالطرفي السبيعي العنزي


ياهلا بك اخوي محمد ونت راعي محل ونتمنى لك طيب الاقامه معنا
ونعم بك وبربعك اللي انت منهم ولنا الشرف بمعرفتك
بس ماقلت لي ليه تمنى اني اتوقف:) وش انا مسوي
هههههههههههه
امزح ياولد وايل واعرف انه غلط مطبعي

تقديري

[محمد الطرقي]

ههههههههههههههههههه اشكرك اخوي على ملاحضتك

تراني مابيك توقف في توووووووووووووقيف المرور قاطع اشاره

ابي لك التووووووووووووفيق وفقك ربي

تم التعديل تحياتي وتقديري

[إبن ثعلي]

الحقيقه طاروق مافيه كلام ومشكر ياشاعر روق ويا الوايلي غير ان لي ملاحظه على كلام الضيف يوم يقول وانتم انعام فيكم الخ000انعام لها اكثر معنى ولكن مادامه ضيف حياه الله ونبغى نرجح جانب القصد الحسن منه
تحياتي

[إبن ثعلي]

والشكر موصول لكل الاخوة المتابعين
تحياتي

[شاعر روق]

ملاحظتك في محلها ولافاتتني يابن ثعلي
لكن اللهجه لها دور والضيف له تقدير
والزله الاولى غير محسوبه عندي وعلى ماقال خلف
بالسابقه نسحب الاخرى ونقرنها

شكر لك مرورك

[محمد الطرقي]

الحقيقه طاروق مافيه كلام ومشكر ياشاعر روق ويا الوايلي غير ان لي ملاحظه على كلام الضيف يوم يقول وانتم انعام فيكم الخ000انعام لها اكثر معنى ولكن مادامه ضيف حياه الله ونبغى نرجح جانب القصد الحسن منه
تحياتي


اخوي ابن ثعلي الروعه تكمن في حضورك الرائع

واشكرك على ملاحضتك وتنبيهك ولتوضيح

المقصود بها جمع نعم وليس نعم واحد

وهذا ماكنت اقصده وانشالله ماكون من اللي

يضمرون اسؤ ويحرفون في المعاني وانا واضح

واحب الوضوح وانشالله لم انطق بما يمس كرامة احد

او يسئ لحد وهذا ليس من طبايعي

تحياتي وتقديري

[ناصر بن سعدي]

الغالين....


محمد الطرقي...

و


شاعر روق....


لاهنتوا..أمتعتونا...بطاروق ولا...أروع....وبيض الله وجيهكم...




وتقبلوا تحياتي...

[محمد الطرقي]

هلا بك اخوي ناصر بن سعدي

الروعه في حضورك يالغالي

والف شكر على الاشاده

تحياتي وتقديري

[ربعي عتيبه]

السلام عليكم ورحمة الله وبركاته

صح لساااااااانك يا محمد الطرقي ويا شااعر رووق وبيض الله وجيهكم على هذه المحاوره الرااائعه بالفعل

استمتعت بقراائتها مع اني حضرت متاخر لعدم علمي بها


احبتي الكرام والاخوه الافااضل في هذا المنتدى الكريم

قبل ان ابداء اود ان اوضح لكم باني احد الاعضاء في هذا المنتدى رغم ان هذه هي اول مشاركه لي

وتاريخ تسجيلي يثب هذا الكلام

الشاعر محمد الطرقي العنزي هو صديق لي شخصيا ومعرفه سابقه

اتصل بي على الهاتف ليخبرني بانه سجل في هذا المنتدى وانه اقام محاوره بينه وبين الشاعر شاعر روق

دخلت هنا وكنت اود مشاهدتها دون تسجيل فقط كضيف

ولكن رأيت في كلام الاخ ابن ثعلي ما دعاني لتسجيل الدخول والمشاركه وتوضيح نقطه مهمه

رغم تاكدي بان الاخ ابن ثعلي لم يقصد بكلامه تجاوز الشاعر محمد الطرقي ولكن هي زايدة حرص

على ان تكون ميادين المحاوره هنا نضيفه ونقيه ولا عجب

ولكن سبب تسجيلي هو تزكية الشاعر محمد الطرقي والتعريف به اكثر فانا اعرفه معرفه شخصيه وبيني وبينه صداقه وقد عرفته عن قرب واعرف اخلاقياته جيدا واعرف اسلوبه في المحاوره

ولا يمكن ان يكون قصده الاسااءه بهذه الكلمه

وللمعلوميه الاخ الشاعر محمد الطرقي لم يتطرق معي بهذا الموضوع ابدا ولم اعلم عنها الا بعد دخولي هنا

وانا هنا لمجرد التوضيح

واشكركم جميعا لحرصكم وتفاعلكم واسمحولي بهذه المداخله ولكن هي كلمة حق رايت من الواجب علي ان اوضحها لكم رغم اني لست من عشاق المحاوره ولم اجد نفسي فيها يوما


اتمنى لكم التوفيق داائما والنجااح


اخوكم فالله

الشاعر : ماجد بن ضيف الله المقااطي

[محمد الطرقي]

هلا مليون بالشاعر الكبير ماجد المقاطي

حياك ربي يالغالي والف شكر لك على مرورك الطيب

وشهادتك وتزكيتك لي وسام اضعه على صدري واعتز وافتخر به

ولا هي غريبة منك يابو ضيف الله

ولا يسعني الا ان اقدم لك اسماء ايات العرفان والشكر

ما قال اخي الغالي ابن ثعلي

هو من حقه يقوله لانه لا يعرفني ومن لا يعرفك لا يثمنك

وانا ليس في خاطري من هذا الكلام شياً

وما قلته واضح ليس في مكان التشكيك

وبينته في رساله سابقه

واشكرك واشكر جميع القائمين على هذا المنتدى المتميز

باعضائه ومسؤلية

لك ولهم مني اجمل وابلغ ما كتب بالخط العربي من عبارات

تحياتي وتقديري

[تركي الشيخ]

الله الله محاوره رائعه

صحت السنتك ياشعار

تحياتي وتقديري

[محمد الطرقي]

اخوي تركي الشيخ

صح بدنك يالغالي

ومشكور على المرور

تحيتي وتقديري