يا راعي الغر العذاب المباهيش

[برقاوي هواوي]

قصيدة للشاعر الكبير عبدالله بن عون




يا راعي الغر العذاب المباهيش
رش الكبود اليابسةعن عطشها

دنق علي وطمن الراس بشويش
واحي العروق الذابلة وانتعشها

حبك ينهش ثومة القلب تنهيش
نهش الحنيش لعرش رجل(ن)نهشها

واهل الهوى في سجن غيك دراويش
وقلوبهم وجلانة(ن)من دهشها

من ذاق من خمرالسوالف بخاشيش
يبطي وروحه معتلقها بلشها

ياعنق ريم(ن)ذار واوحى شوابيش
بدو(ن)طلوع الشمس ذاره وغشها

والعنق عنق الي جسر عقب توحيش
امير بيت للحرار وحشها

جابوه من عين الشمال الهماميش
ابرك لهادي طرشة(ن)قد طرشها

جابوه لمثمن طويل المطاريش
شيخ(ن)قوانين العرب مادغشها

محمد عشير منقضات العكاريش
نجل العيون الي جميل بهشها

لا يابعد ناس(ن)تكبر على ويش
لاشافت الناصي تلوت خششها

لويملكون ارقام الاموال حتيش
در الحمارة دوب يكفي جحشها

وروس الظبا ماذكر فيها عراميش
لوهي على الزيلة اكبار(ن)اشوشها

[العريدي11]

صح لسانك
الله لا يهينك

[الحصان]

صح لسانك ولسان ابن عون

[جبل القحطاني]

السلام عليكم ورحمة الله وبركاته

صح الله لسان الشاعر

وصح الله يمناك على النقل الرائع

[برقاوي هواوي]

صح بدنك أخوي العريدي وتسلم على المرور

[برقاوي هواوي]

صح بدنك أخوي الحصان ولاهنت على المرور

[برقاوي هواوي]

وعليكم السلام ورحمة الله ةبركاته


تسلم أخوي جبل على المرور والله يعطيك العافية

[مخاوي النشامى]

صح لسانك اخوي عبد الرحمن
ولسن الشاعر ابن عون
لاهنت على نقل القصيدة الجزلة

[الشــــيبانــي]

صح لسانك ولسان ابن عون
ولاهنت

[النـايــــــف]

صح لسانك اخوي عبدالرحمن النفيعي

وصح لسان الشاعر الكبير عبدالله بن عون

وبيض الله وجهك يا الغالي

على هذا الاختيار الرائع

تحياتي لك ،،،،

[برقاوي هواوي]

صــح بدنك أخوي مخاوي النشامى

[برقاوي هواوي]

وصح بدنك يالشيباني

[برقاوي هواوي]

ووجهك أبيض أخوي النايف وصــح بدنك يالغالي

[محمد العتيبي]

صح لسانك ولسان الشاعر بن عون ولاهنت على النقل

[برقاوي هواوي]

وصح بدنك أخوي محمد

[الـظـفـيـري]

الاخ عبدالرحمن النفيعي مشكور لنقلك هذه القصيده ولكنها منقوصه

يا راعي الغر العذاب المباهيش
رش الكبود اليابسةعن عطشها

دنق علي وطمن الراس بشويش
واحي العروق الذابلة وانتعشها

لا تستمع فأهل الحكي والوشاويش
ناس (ن) نقيلي النمايم دبشها

حبك ينهش ثومة القلب تنهيش
نهش الحنيش لعرش رجل(ن)نهشها

واهل الهوى في سجن غيك معاطيش
وقلوبهم وجلانة(ن)من دهشها

من ذاق من خمرالسوالف بخاشيش
يبطي وروحه معتلقها بلشها

ياعنق ريم(ن)ذار واوحى شوابيش
بدو(ن)طلوع الشمس ذاره وغشها

والعين عين اللي جسر عقب توحيش
امير بيتي الحرار ووحشها

طرح الشبك ما قلبوه الدراويش
ولا قرنسوه اهل العشش في عششها

وحش وجاي(ن) من بعيد المناطيش
عوق الخريش اللي طياره خرشها

اليا قام ياخذ من طرف ريشها ريش
واليا قضى لعبه عليها لكشها

جابوه من عين الشمال الهماميش
ابرك لهادي طرشة(ن)قد طرشها

جابوه لمثمن طويل المطاريش
شيخ(ن)قوانين العرب مادغشها

محمد عشير منقضات العكاريش
نجل العيون الي ملاح(ن) بهشها

ومهدي(ن) للي براسه نغاميش
لا شوشت حيات الارض وحنشها

دايم وبيته مدهل(ن) للمداغيش
ملفا الرجال اللي جميل(ن) غطشها

محمد مقابل قاصده بالتباهيش
كم روح معسور(ن) بجوده نعشها

لا يابعد ناس(ن)تكبر على ويش
لاشافت الناصي تلوت خششها

لويملكون ارقام الاموال حتيش
در الحمارة دوب يكفي جحشها

وروس الظبا ماذكر فيها عراميش
لوهي على الزينة اكبار(ن)اشوشها

[برقاوي هواوي]

الله يعطيك العافية يالظفيري