قالت ترى منت بحلو قلت رجال

[عطيب عتيبه]

قالت ترى منت بحلو قلت رجـال
والزين ماهو من شروط الرجولـه

الزين يلقـى عنـد لباسـة الشـال
والرجل زين ان كان زانت فعولـه

قالت علامك تلبس شماغ وعقـال
انت بدوي؟قلت بدوي ومن حمولـه

ما ألبس بناطيل لها الوان واشكـال
وامتر الشارع بعرضـه وطولـه

قالت اجل راعـي معاميـل ودلال
شرب القهاوي تحسبونـه بطولـه

كيفي يابنت الحضر دلـه وفنجـال
وحليب خلفـه بالمـراح معقولـه

وحب الكرم والجود وعلوم الابطال
مغروس فينا من زمـان الطفولـه

قالت ترى بنت البدو حظهـا مـال
قلت احذري حذرا تكونـي جهولـه

بنت البدو يابنت مضرب للامثـال
فوق الجمال وطاعـة الله خجولـه

ماحطت اصباغ ولا حطت ظـلال
ولا سيرت بالسوق سيـر مهبولـه

هي مهرةٍ تصعب على كل خيـال
وانتي ومثلك عسفهـن بالسهولـه

قالت تغزل بي وشف حبة الخـال
ناظر عيوني والرمـوش الكسولـه

قلت العفو مايجتمع حـب وهبـال
ولكـل ذوق فالمزاييـن جـولـه

قلتي وقلت وكلمة الصـدق تنقـال
الزين ماهو من شـروط الرجولـه

[برقاوي هواوي]

تسلم أخوي عطيب وصح لسانك


واسمح لي على تنسيق القصيدة

[مخاوي النشامى]

تسلم يمناك اخوي عطيب على النقل الرائع والجزل
الله يعطيك العافية

[عطيب عتيبه]

أخواني النفيعي ... مخاوي النشامى

يسرني ويزيدني شرف مروركم متصفحتي المتواضعه ,,,

مما يزيد همتي ونشاطي في هذا المنتدى المتالق بعمالقه الشعر النبطي


تقبلوا تحيات أخوكم ؟؟؟؟؟

عطيب عتيبه

[إبن ثعلي]

مشكور ياعطيب عتيبه على نقل هذه القصيدة الرائعه
تحياتي

[النـايــــــف]

صح لسانك اخوي عطيب عتيبه

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،،