يا كندوليزا رايـس بنـت الصياهيـن

[برقاوي هواوي]

يا كندوليزا رايـس بنـت الصياهيـن
صباحك الطاعـون.. فـي كـل حـزه

ماقد كفاك اللي حصل .. في فلسطيـن
جيتوا على بيروت .. من بعـد غـزه

اهبو هبيتوا صـدق ... لا يالملاعيـن
جعل الأبر ماتلقى... فيكـم.... مغـزه

تصريحك الفاشل .. بيمشي على مين؟؟
اللـي يـدزك نعـرف اللـي يــدزه

بأسـم السـلام تطبقـون القوانـيـن
وانتم عليها النـار فـي وسـط جـزه

الحكـي دايـم مايـدنـس نزيهـيـن
و الدنـس يبقـى دنـس لـو يتنـزه

ارخصتـم ارواح البشـر والمسلميـن
وهـي لهـا عنـد الله قـدر ومعـزه

ديارنـا تبكـي لـمـوت المصلـيـن
ودياركـم تبكـي لـمـوت.. الأوزه!!

اذا هدفكم فـي ديـار .... الحرميـن
كلن ابريقه ... يغتلي ... فـوق قـزه

حنا الدواء وصعوطكم ... يالمجانيـن
واللي تعدا السيـف ....راسـه يجـزه

حنـا نبيكـم كانكـم صـدق ناويـن
والله مايبقـى بـرج إلــى نـهـزه

يبقى رجانا في سواعـد اهـل الديـن
وحكامنـا فيهـم شمـوخ ٍ وعــزه

ان ماحكينـا ... فالحكـي للنسوايـن
والعاقـل اللـي يفهمـك لـو تخـزه

تصريحنـا واضـح بليـا عنـاويـن
حنـا أملنـا دوم .. تحريـر غــزه

وباقي على الشاعر يقول لـك حرفيـن
كلمـه كتمهـا مـن سنيـن وتحـزه

يا (( كندوليزا رايس )) بنت الصياهين
تف علـى صورتـك فـي كـل حـزه




الشـــــــــــاعر: فـــــــالح بن مفـــــــلح الشـــــلوي

[العريدي11]

صح لسامك وصح لسان شاعرها

الله يعطيك العافيه

[مخاوي النشامى]

صح لسانك اخوي عبدالرحمن ولسان شاعرها فالح الشلوي
لاهنت يالذيب على النقل الرائع والجزل

[زهرة العتبان]

مشكور على نقلتها عبدالرحمن

[محمد العتيبي]

صح لسانك ولسان الشاعرفالح الشلوي ولاهنت على النقل

تحياتي

[برقاوي هواوي]

صـح بدنك اخوي العريدي ولا هنت على المرور

[برقاوي هواوي]

صــح بدنك اخوي مخاوي ولا هنت على المرور

[برقاوي هواوي]

تسلمين على المرور زهرة العتبان

[برقاوي هواوي]

صـح بدنك اخوي محمد وتسلم على مرورك

[النـايــــــف]

صح لسانك اخوي عبدالرحمن النفيعي

وصح لسان الشاعر فالح الشلوي

وبيض الله وجهك يا الغالي

على هذا الاختيار الرائع

تحياتي لك ،،،،

[برقاوي هواوي]

ووجهك أبيض أخوي النايف وصح بدنك