ياحــــــــزن تــــكــــفى لاتــــطــــول

[ساري]

ياما نهار أمس القريب بكيتك=يا ما ذبحت من الوله في تحريك
باعتني الدنيا و جيت و شريتك=واليوم يمكن ما أحبك ولا ابيك
أضمى غرام ولا لقيتك رويتك=سبحان ربي في ضلوعي معليك
ياما و ياما من حناني عطيتك=أزعل عليك شوي وارجع واراضيك
واطاولك مابين علك و ليتك=وليا مرضت اقول فيني ولا فيك
من كثر ماحبك أحب أهل بيتك=حتى الحديقه والغرف والشبابيك
وأحب ديكورك وفرشة موكيتك=وكل المرايا والتحف والسراميك
شالك و مكياجك و حتى جكيتك=حتى حلقك اللي تحطه فأذانيك
خواطرك شعرك فنون أتيكيتك=صح الله السانك وتسلم أياديك
رسمت لي موتي ومت ورثيتك=وأبعدتني عن بند ربعك وأهاليك
جلست أدور فالضلوع و لقيتك=ذكرى مثل ذكرى عصورالمماليك
لو كنت جرحي ياغرامي بريتك=مير البلا والجرح في فقد غاليك
يا حزن تكفى لا تطول فديتك=لايجتمع ليل الغرام و لياليك
ياما بديتك وأنتهيت و بكيتك=والحين بصبر وابكي الحزن وأبكيك

وســــــــــــــــــــــــــــلامــــــــــــتــــ ـــــــــكــــــم

[برقاوي هواوي]

تسلم يمينك أخوي ساري وصح لسانك

وهل القصيدة لك

[مستر عتيبي]

تسلموووووووووو

[مخاوي النشامى]

ساري

صح لسانك ولسان شاعرها

الله يعطيك العافية

[النـايــــــف]

صح لسانك اخوي ساري

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،،