مختارات من محاورات روائع قسم المحاوره

[شاعر روق]

الاخوة اعضاء وزوار هذا الصرح الشامخ اليكم بعضا من روائع محاورات هذا القسم واللتي نامل ان تحوز على رضاكم واستحسانكم
كما نعدكم بجمع المزيد ووضعه تحت هذا العنوان وهذه اولى مختاراتنا


الطوفان


الليل يابو سعود الليل مافيها جدال ونقاش= الحرب دارت رحاها في اليمن واشوف دخانها

سوق الحضارم بلاه الله دكاكينه خيام وعشاش=وبضاعته ماله قيمه وتخرب وسط دكانها


شاعر روق

الحرب دارت رحاها واستدارت فوق حبٍ هشاش=والشجره ام الثمر طاحت بفعل السوس عيدانها
والوادي اللي يضلل بالشجاري راح كله قشاش=حام الدهر فوق هذيك الديار وكفت امزانها


الطوفان
وين الغناويه اللي دفعهم بالنقد حاضر وكاش=شدو وخلو عجوز ابليس تقعد عند ورعانها

يالله دخيلك من النقصان صارت في النهايه عراش= وانته وانا ياشقر الجنحان مانبكي على شانها

شاعر روق

عافوا ديار العجوز اللي تقلطهم بليا فراش=واليوم خشم العجوز ام الكباير بين كرعانها
ماعاد فيها عراش ولاش فيها يالعتيبي معاش=وابوابها سكرت من جور واليها وسلطانها

الطوفان
اضحك ليا شفت ناصر جاء مع السدحان في فلم طاش=مهازل الناس فيها يضحك العربان عنوانها

ايو الله انا نشوف اللي تشوفه رايحه في انكماش=مابقي الا الحنوط وغسلها وتحط في اكفانها

شاعر روق

اضحك وانااضحك ليا جتهم رقيه مسرعه بالغراش=تصبها فوق ناصر والسناني يلعب اوزانها
ياجعلها من مصيبه في مصيبه دوم وتصيرماش=اللي تزعل قرايبها وتفرح روس عدوانها

الطوفان
تري رقيه يمثل دورها ناقص وفاسد ولاش=لكن ياقشرها لاذرعت من دق ذرعانها

وليا اقبلت مايسرك ووجهها والوجه فوقه قماش= وليا رفعت القماش اوحيت باذنك صفق لحيانها

شاعر روق

على قشرها نفقها ابو مساعد مار راحت بلاش=تبرعت له بكلوتها وقابلها بنكرانها
مالله ستر وجهها لوانها حطت عليه الخياش=تلعب على الوجهتين والا توفي حق صدقانها

الطوفان

ابو مساعد نوا الحجه رقيه يفترشها افتراش=واخطا طريقه وحط الملتوي مابين حجانها

من بعدها طاح حضه صابته عين القشر بالرعاش=ثم انسدح رافعٍ رجليه والرجلين بدهانها

شاعر روق



مسكينةٍ ودها بالستر يالطوفان والانتعاش=والعود جاير وظالم غرته تركيبة اسنانها
وهيه سقط حظها عقب السعاده مثل سهم الخشاش=بالمكروالجور يلعب في مشاعرها ووجدانها

الطوفان
المشكله كل ماقرب لها جاها زحير وعطاش= لارحنبوها عجوزٍ زاد محنتها وشيطانها

لو صنفروها واغسلت غسل بالديتول ولا الفلاش= حرام ماتنظف رقيه ولاتسعد بخلانها

[شاعر روق]

راعي الطيبه


سلام الله سلام يسمعونـه ربعـي العتبـان =على صفحات الأنترنت يالعتبان مكتوبـه
اباشارك وفاء مني مادام إن الكريم معان =لكم حق ٍ عليه مـا تمـوت النـار مشبوبـه

صامل الغنامي
هلا يامرحبا ترحيبة تاصل علـى العنـوان =عبر هاتف ومود م جتك صفحه غير محجوبه

وفي والله يعينك مانت وحدك معك أكيد أخوان =وشوف النار قدمك تصتلي حمـرا ولاهوبـه

راعي الطيبه
مـدام النـار مشبوبـه وانـا فـي سـاحـة المـيـدان=ألا يـاكـم وكــم واحــد يـتـوب ويـعـلـن الـتـوبـه
لاكن اصمل ياصامل وضبط الحبه على النيشان=نبـا نقنـص معـك صيـد يـطـرّى غـربـي النـوبـه
صامل الغنامي
تركد زين حتى خيمتك تثبت على العمـدان =بعدها دق زير الحرب والخصم أنطلق صوبه

ياقشر الصيد ف السودان ياالله تقلع السودان =وجلدك حكه بظفرك وكعبك نفس عرقوبـه
راعي الطيبه
ابالعب في مقر العزوة اللي تكرم الضيفان=أنا منهم وانا فيهم وعرف الشعر ودروبه
مادام انك تعفعف منت وياصيدة الغـزلان=انا كشيت من شعر(ن) هذا مبداه وسلوبه
صامل الغنامي

محلك ولك قدر ومنزله غصبا عن أي كان =ومثلك نفتخربه والشحم والهيـل ماجوبـه

تفسرها غلط وتلومني لو قلت لك غلطـان=وراك تكش علمني ترى كلمتك محسوبـه
راعي الطيبه
أقدم لك معاني غالية واحلـى مـن الرمـان=ابن غنّام ليـش يمـد لـي يمنـاه مقلوبـه

حذفك الموج عني ضعت مدري زورقك خربان=حذاري فيه حوت(ن) لاتجي زاده ومشروبـه
صامل الغنامي

نمد الكيف بالفنجال نصه قلـت ذامليـان =وتاليها تصرح قهوتك ماهـي بمشروبـه

أنا فالبر ساكن ماعرف الامواج والحيتان=وحوت البحر صادوه القنوص الي تعشويه
راعي الطيبه
أنا ماشفت كيف ولاش كيف(ن) يبسط الضرمان=حجايا البدو ياصامل تـرى ماهيـب مرغوبـه

أسلوب الفتل غير النقض كانك شاعر القيفـان=معاني كنهـا نقـد الذهـب بالشعـر مصبوبـه
صامل الغنامي

أناماحاجي الي كبرك ولا أحاجي الورعان=وراعي ضاق يوم ان العرب فزوا وهلوبه

ياشينك يالغرور وقول أنا معلم وانا فهمان=وتاريخك ثلاث بيوت منها اثنين معطوبه
راعي الطيبه

اقول الك الحقيقه مثبته وبيوتك البرهـان=انا ماني مرقع كل شـي وساتـر عيوبـه

تقدمت أول الدعوى وحسبانك وسيع ابطان=وأثرك اللي يضيق ولا يحسب سبة أذنوبه
صامل الغنامي

تقوله والحقيقه عنك بعد طريف عن جيزان =ياطيبه راعي الطيبه لكن الشك عذروبـه

تدلل ياعتيبي واستهيض وكوسر الألحـان=وعد وغن لحن السامري في راس مشذوبه
راعي الطيبه

ما دام إنك عور ياصاحبي في ديرة العميـان=يحق إلك الفخر وتصير شاعر شعرك إعجوبه

أنا ماكوسر الألحان قافـي يرجـح الميـزان=بحرهايج وغيري يستلف ويجيـب منهوبـه
صامل الغنامي

عيونك حول وتعكس السكك وتصادم الجدران=واهل دار الفخر لو ناظروبك صابتك نوبـه
يحسبه تركي ابن حميد مدري مسلط ربيعـان=مكشـخ لابسلـه بشـت والحذيـان زنوبـه
راعي الطيبه

أنا والله مالومك يوم تطري فارس الفرسان=اشيوخ مرعبتك بفعلها والطيـب فازوبـه

أضنك مالحقت اللي مضى في سابق الأزمان=نزحتو لين ظلم وقت فرض العصر صلّوبـه
صامل الغنامي
تزاعلانا تراضينا ماعفنا سيفنا شامـان=وبعض الهرج ماهذا مكانه كيف جيتوبه

نزحنا من بلدنا في بلدنا والحكم سلطان=وعمرنا البنا مع ربعنا طويه على طوبه
راعي الطيبه
زغرك ابليس وانته جيتني وتطامر الجرفان=من الفرحه تحسبني غشيم(ن)يومي ابثوبه

من الشارب وفاللحيه ولانت بطارف العربان=ليا دار الرحى ما تطلع الحبه من أجنوبـه
صامل الغنامي
يابدر الله يخليلي خشيمـك عـوذ الشيطـان=ومن سمعك يقول ان الخطا ربعك تمادوبـه

ترى ماصار غير الزين ليش اللوم ياكحيلان=وانا اسف يامليك الشعر واستاذه ومنصوبه

[شاعر روق]

محاوره فقط لاظهار المواهب

شاعر روق
سلامي سلامٍ كما السيف محدود=على ذياب اسله ويقرا سلامي
حرامي حرامٍ من الكيف لا ازود=تحت ناب اخله ويبرا حرامي
ذياب


نظامي نظامٍ من الطيف موجود=ومن هاب ادله والاثرا نظامي

مقامي مقامٍ وأنا ظيف محمود=ومن جاب احله ويشرا مقامي
شاعر روق

كلامي كلامٍ عن الزيف مردود=ومن غاب قله ليا اطرا كلامي
وسامي وسامٍ بعد شيف معدود=ولاصاب خله وانا ادرا وسامي
ذياب


هيامي هيامٍ وفالريف جرهود=وشراب دله وغبرا هيامي

حزامي حزامٍ ماهو ليف في عود=ولن طاب كله لا يعرا حزامي
شاعر روق

حسامي حسامٍ ياحرّيف مجرود=للارقاب عله ولا ازرا حسامي
مرامي مرامٍ بتصنيف وجهود=ولا خاب والله والاحرا مرامي

[شاعر روق]

صامل الغنامي

ياسـلام الله سـلام فيـه نظـره عاطفيـه=صوب شاعر روق ياربي تكاف الناس شره

فالخلا واقـف لحالـه لاسـلاح ولامطيـه=والمحاني دار عز وعامر بالطيب قصـره
عبدالحكيم بن سعود

مرحبا ترحيب خيره للرجال اهل الحميه=والعواطف في غنا عنها لكن الحلق زره
والسلاح اقفى زمانه مع زمان الجاهليه=والمحاني لابن ثعلي عطر الرحمن قبره
صامل الغنامي

البقـا ياسيفنـا البتـار يازبـن الونيـه=لعنبو من لامنيبك يافقيـه شـاع ذكـره

من قسم ربعه على صفين باسم العنصريه=النهار الي يليه يقسـم الصفيـن عشـره
عبدالحكيم بن سعود

وانت درعي في نهارٍ تحترك فيـه السريـه=درعي اللي في المواقف بان لي عزّه ونصره
قولها للـي سرقنـي ثـم سوالـه قضيـه=قال شيخ مطير شاعر روق قلي ويش عذره
صامل الغنامي

أنت لو تنسا وتسمح حسنتك ماتصيرسيـه=يامذيع كل ساعه منشغل بإعـداد نشـره

الزعل بينك وبين أخوك فتـره مرحليـه=والقبيله مالها ضني دخل ب أحمد وصهره
عبدالحكيم بن سعود

اتشره مثلك انته يوم لك شرهـه عليـه=وأخبر اللي مادرى بالعلم ياالاجواد واشره
الزعل مرفوع بشروطي وانا ماني بعيـه=ترجع السرقه ويقطع غارب السارق ونقره
صامل الغنامي

يمكننه سارق مـزاح يمـزح مـع خويـه=والسريقه من سرقها حدده لاطـال عمـره

دون ذكر أسمه نبي رقم البطاقـه والهويـه=وان عقل ربي عليك أدفع لمن بشرك الاجره
عبدالحكيم بن سعود


الحرامي ريس الصنـدوق يـاراع العبيـه=لونه احمر قبله ازرق مار لا تستغرب امره
يسرق افكاري وينقل كـل ماخطـت يديـه=والحرامي والله اني لاجعله للنـاس عبـره
صامل الغنامي

كيف يسرقها وهو شاعر وعنده مقدريه=ياولد عمي توهمت وسببك أكيد نظـره

لاتعذبك المساري ف الليال الخرمسيه=أركد الله لايهينك وأفتح المكتوب واقره
عبد الحكيم بن سعود

وسوس الخناس في قلبك وسوى مسرحيه=والسروق اللي سرق مخه ياصامل مخ (بقره)
والشهود حضور والدعوى كبر مقلع طميه=والمحامي صامل الغنامي اللي ضاع بصره
صامل الغنامي

والله أنه ماتطرق لـك كثيـر ولا بليـه=ولا هرجنا فيك ياقرم هواجيسـه تغـره

ماني محامي ولو مغليك ماقلت الك ذيـه=يابن عم من ولد عمه شقيقه ضاق صدره
عبدالحكيم بن سعود

كيف ماكلمك وانته جايني مسـرع شويـه=كنك اللي واطيٍ بالرجل يابن العـم جمـره
وانت تغليني ياصامل بس ماانكرت الخطيـه=صرت مثل المنتدى اللي صايبه عشرين ثغره
صامل الغنامي

البكا عيب الرجل والضحك من شـر البليـه=وأن زعلت أهجم على نخل المحاني واكل تمره

والله أنك مثل نـون العيـن ياشيـن الطويـه=لاتسمعنـي كـلام قاسـي قلـبـي يـحـره
عبدالحكيم بن سعود

ان زعلت احط ابو وجهين ياصامـل ضحيـه=والبكا طبع الغنوج اللي كست بالخـد حمـره
والحقيقـه دايمـاَ مـره ولاهـي سكـريـه=وان زعلت من الحقيقه روح وادخل ثقب الابره
صامل غنامي

ان زعلت اشرب من البحر الحمر شربه هنيه=ومن قراح الما نبا نحرمك مانسقيك قطـره

نمدحـه ونمجـده واثـره محملنـا زريـه=طبع شاعر روق لاشاف العرب ياقو فشـره
عبدالحكيم بن سعود

مايبل الريق مـاك ولا نبـى منكـم هديـه=ماك جغمه والردي ماهمني حفـره ودفـره
في غنى عن مدح صامل عقب ماشال الرزيه=اذن من طينه والاخرى من عجين وفيه فكره
صامل الغنامي

الردى وشجاب ذكره يالسـان العبقريـه=والمعزب مع ضيوفه وش بلاه يقل صبره

أبك صامل تو جاكم والخطا والله مجيـه=كلكم يالفرقتيـن شكوكـم تنمـو بكثـره
عبدالحكيم بن سعود

ماانت ضيف انته من اهل الدارفي جيبك وصيه=والمعزب للضيوف اللي تجيـه يـدن نجـره
الخطـا والله نهارتـلـد بالعينـيـن فـيـه=تشذب اهل الدار وهروجك لها عشرين شفره
صامل الغنامي

دبلوماسي ياعتيبي مير تنقصك الرويـه=ماحوى قلبك لسانك ينطقه من غير هذره

جيت ابا اهرجك واخذت الجماعه منجويه=ابن عمك جاك واستقبلته البارح بكشـره
عبدالحكيم بن سعود

ماعلى قلبي لساني ينطقه من طيـب نيـه=والمنافق قلبه اسود لو سكت من زود وزره
ابن عمي حطني مابين شمس وبيـن فيـه=صار في دربي ليا مني سلكت الدرب عثره
صامل الغنامي

تنطح الضلعان والضلعان ثابت رسيـه=خابر عودك طري ماودنا ياصاح كسره

لي صديق زاخر بالغطرسه والعنجهيـه=ماخذ مقلب بنفسه مير ابا أوريه قـدره
عبدالحكيم بن سعود

الجبل طعس مكوم رمل يذهب فـي شويـه=الهبايب تنحته ويسير مثل الحـزم صخـره
صاحبك حافظ شداده وانت ضعت من العشيه=بين ود وهات واخر شي تتهمنـي بكبـره
صامل الغنامي

غنهـا مـوال ولا باللحـون السامـريـه=أسبح بحور الشعر وأغرقك في بحره ونهره

الشـداد الـي تقولـه وارثـه ولا هديـه=يأفندي بيك جابولك شداد وصرة حضـره
عبدالحكيم بن سعود

لا تميدح وانت وزنك مايجي ربـع الوقيـه=هد روعك قبل لاتسبح وتدمع منـك عبـره
صرة حضره وانت جندي واهلكتك الانقريـه=كل ضابط ينهرك وتسير في طوعه وفي امره
صامل الغنامي

المدايـح كسبنـا ياكاسـب الفهـا الرديـه=أروح الموت الحمر ثم قول أثر للموت سكره

يوم شغلك غسل قدر ود صحن وهات ميـه=شغل أمحق غارسينك للقشر والشـر بـذره
عبدالحكيم بن سعود

وش هي الفاها يابو قلبٍ مثل وصف الركيه=مصغي سمعك ياوجه اللي يقولون ابن فهره
زرنخت لا رحنبوها واصبحت دون الحظيـه=نعنبو من يترك اللازم ويقصر فيـه شبـره
صامل الغنامي

علمواسبتـان يستسلـم ويدفعلـي جزيـه=جاه ليل كدر وعزاه تاه وضـاع زمـره

من صلاة العصر وأنا أسعى لرفع المعنويه=جيت أطمن صاحبي لكن قلبه فيـه ذعـره
عبدالحكيم بن سعود

سبتتي عزي وقيدك دوب ماجتـك المنيـه=وسطها السكين والثور المدرعم حان نحره
من صلاة العصر نبني طيةٍ من فوق طيه=وانت تهدم بيتك اللي مايلٍ ركنـه وجـدره

[شاعر روق]

ناصر بن سعدي

هلا يامرحبا باللي غلاه يحطم الأرقام=تراحيبٍ تسوق الطيب للغالين من داني
تراحيبٍ تقدم للملوك وخيرة الحكام=وقدرك يامحمد معتلٍ من فوق الأمزاني


محمد بن منصور

يدوم اللك البقا والقدر لاهل الطيب ماينسام=مدام انك من اللي يكرمون الضيف والعاني
تمد الطيبه وانته دوا للجرح والاخصام=مع اهل العرف الاول ماتراجع دورك الثاني


ناصر بن سعدي

عسى ربي يديمك وأنت دايم فاللـزوم حسـام=تنومس من تعزوى بك (على الأخصام سلطاني)
تشفقنا وصولك في محلك مـن زمـان العـام=وجيت وجابك الله (عزوتـي ياذخـر جدانـي)



محمد بن منصور


يشوش الراس مع طاريك وانته فاللزوم حزام=واخذ لك فاللقا سيف وعضيد وقلب ولساني
يشرفني مجيي يـوم جانـي غالـي عـزام=رفاقه ذاك خال ٍ لي وذا من نسـل عمانـي


ناصر بن سعدي


توكلنا علـى الله والوعـد ياعزوتـي قـدام=على وضحى النقى والليل.. ميدانك وميداني
على وضحى النقى واللي يعيل لساحة الإعدام=مادام إنك عضيدي منوتي حقران عدوانـي



محمد بن منصور


ربطنا المشنقه للمذنبين ونصـدر الاحكـام=مثل هتلر وحكمه للعجم والشعـب الالمانـي
ولا نهتم فالمخطي يحصلهـا مثـل صـدام=وابن لادن نكب له فالضحى تسع امية افغاني



ناصر بن سعدي

أجل واصل مسيرك لين باكر نركز الأعلام=وكلمة ربي العليا على ميـلات الأزمانـي
أقوله والحقايق واضحه ماتشبـه الأحـلام=على شان العدو وجه يروح أشكال وألواني



محمد بن منصور
ترا الرجال لامن قام فالميقاف ماينـلام=وان دون الخطايا والخطا قفلت بيبانـي
ليا من الردي حط الوساده فالضلام ونام=تبا تلقا بياض الوجه مع خطلان الايماني



ناصر بن سعدي


أبا أوضح لك اللي يفـرق الأبطـال والأقـزام=ليا حمي الوطيـس وقنبعـت شعلـه ودخانـي
تكاتف من لهم صوله على سطوة ولاء..وإسلام=مصير اللي يكافح ينهزم لـن صـار وحدانـي



محمد بن منصور

كلامك صح وظروف النشاما مع هل الاعلام=ولو انه من اهل العرف يطلع فيه خسراني
ترا العبره خواتيم المواقف والختـام ختـام=يجيك احيان مثل العوشزه واحيان رمانـي



ناصر بن سعدي

أجل يامحمد المنصور لا تشطح جنوب وشام=على نجد المسمى خلها بإخطـام وإعنانـي
ولكن العلوم اللي عليهـا يبصـم الإبهـام=ماشفت اللي عزم ضيفه ببيت فلان وفلاني



محمد بن منصور


ياراع الاوله خللك عليها واعدل المرزام=توجه للقضاه وتبشر بحـقٍ وبرهانـي
عليك الله وامانه يارفيق المعرفه مـادام=تعاهدنا وختمنـا القوافـي ياكحيلانـي