ذياب مطلــــــــــوب

[شاعر روق]

مسيت بالخير يابن العم ودام انك موجود ودنا بطاروق معك واستلم لاهنت


سلامي سلامٍ كما السيف محدود=على ذياب اسله ويقرا سلامي
حرامي حرامٍ من الكيف لا ازود=تحت ناب اخله ويبرا حرامي

[الطوفان]

صح لسانك ياشاعر روق وصح لسان ذياب مقدما

بس قلي اللحن كيف قايل والله انه غريب علي كنه مطعج

تحياتي لكما

[متعب العتيبي]

صح لسانك يابو سعود

وننتظر ذياااااب


مالومك يابو عبدالرحمن القاف مدري كيف هو قايل

الصراحه قلبته ماعرفت له مار خلنا نشوف الربع

[ابن مسلم]

شاعر روق

صح لسانك

ولسان ذياب مقدماً

واللحن ماهوب صعب يالطوفان على ذياب

يجيب أصعب منه ماهوب عاجز عنه إبن غانم

وأنا في صفه وتشوف

[ابـو حـمـود]

الله يخليك لي يابو حمود انا طالب ذياب
وبعدين مارديت رد على نفس الاسلوب واللحن

تقديري

[ذياب]

الله يمسيكم بالخير جميع منتداكم اليوم تقول مخترق


نظامي نظامٍ من الطيف موجود=ومن هاب ادله والاثرا نظامي

مقامي مقامٍ وأنا ظيف محمود=ومن جاب احله ويشرا مقامي

[شاعر روق]

الله يمسك بالنور ولي ملاحظات على بعض معاني المفردات من اي قاموس وبعدين مارحبت الله يهداك:)


كلامي كلامٍ عن الزيف مردود=ومن غاب قله ليا اطرا كلامي
وسامي وسامٍ بعد شيف معدود=ولاصاب خله وانا ادرا وسامي

[شاعر روق]

ارحب يابو عبدالرحمن وجودك نور للصفحه

تقديري

[شاعر روق]

ابو رشيد ارحب وحاول انت وابو عبدالرحمن تعرفون اللحن الى الان
باقي مااحد وصله

تقديري

[شاعر روق]

مرحبا يابن مسلم

اسعدنا وجودك وحضورك النور

تقديري

[شاعر روق]

ابو حمود ياهلا وغلا
وجودك مهم

تقديري

[ذيب الشيباني]

صح السنتكم ياشعار واصلوا وحنا متابعين والله يعطيكم العافيه

[الطوفان]

ههههههههههههههههههههههههههههههههه

الله يرج ابليسك يابو سعود والله انك قاصد تعسيرتها مار الله يلوم اللي يلوم ذياب

تكفى ياذياب حورفها منا ومنا والله يعينك

تحياتي

[سيف قحطان]

ههههههههههههههههههههههههههههههههه

ويش ذا يا بو سعود

صح لسانك هذا مثومن يصدع الراس عساني ما اطيح فيك


ذياب صح لسانك وننتظر ردك بفارغ الصبر


تحياتي للجميع

[ابن مسلم]

شاعرروق أنت والربع اللي موجودين معكم

مساكم الله بالخير

الليله ويشلونكم عقب أبومحش الله يحش رقبته

وترى الظاهر أن ذياب راد ردن صح بس اللي اكل بعض المفردات أبومحش مار وريتكم فيه ماجيتكم لين سجنته وأخذت عليه كفيل غارم مايتعودها والله يكفيناشره

هههههههههههههههههههههههه

[ذياب]

هلا بحبيبي شاعر روق انا اتكلم بالعربيه الفصحاء ولاني ملزم باهل الاردو افهمهم:p
ومن ناحيت الترحيب انت شاعر علم عطني معناك فالبيت وارد علاك فالبيت
بس الله يهديك عسرت نفسك بهالطروق ورحت تكلمني كتابتاً:)




هيامي هيامٍ وفالريف جرهود=وشراب دله وغبرا هيامي

حزامي حزامٍ ماهو ليف في عود=ولن طاب كله لا يعرا حزامي

[ذياب]

ههههههههههههههههههههههههههههههههه

الله يرج ابليسك يابو سعود والله انك قاصد تعسيرتها مار الله يلوم اللي يلوم ذياب

تكفى ياذياب حورفها منا ومنا والله يعينك

تحياتي


هلا يالله حيها علومك يابو عبدالرحمن

خل الطواريق تراها ماتكلف على اخوك

[ذياب]

صح السنتكم ياشعار واصلوا وحنا متابعين والله يعطيكم العافيه





يالله حي ذيب هاذي الساعه المباركه اللي شفناك فيها

تكاتفت على اخوك قرية مسيحه مير بيرق العز مايطيح

يصفق على العمود

[ابن مسلم]

الله يهديك يابوسعود


حركت علينا حركان مار لايروح لين يتسحر ترى رمضا ن على الابواب


ولا .لا يابوعبدالرحمن ههههههههههههههه

[شاعر روق]

بس اباك تفسر والاثراء ويشرا ماعمري سمعت
بها ولا عمري سمعت عتيبي ولا غيره يقولها بس يمكن قاموسك غير ماشا الله علاك واللي يفسر معناه مثل اللي يمشي قدم الناس بدون هدوم


حسامي حسامٍ ياحرّيف مجرود=للارقاب عله ولا ازرا حسامي
مرامي مرامٍ بتصنيف وجهود=ولا خاب والله والاحرا مرامي

[شاعر روق]

الجميع بلااستثنا اتركوا ذياب في حاله يمكن الرجال
خلاه القاف يعصب وخرج عن اطار المحاوره لقصد حذفها
لكن الزموا اماكنكم واتركوه يعبر عن شعوره النبيله
اللي تدل عليها الفاظه

[ذياب]

ههههههههههههههههههههههههههههههههه

الله يرج ابليسك يابو سعود والله انك قاصد (((تعسيرتها))) مار الله يلوم اللي يلوم ذياب

تكفى ياذياب حورفها منا ومنا والله يعينك

تحياتي

شف بعيونك ياعبدالكريم من اللي بداء بالخطا خارج اطار المحاوره

والمفروض منه يشجع مايخطي واذا عنده كلام

يبدع ونرد عليه اما اذا كنت مشرف ولا تعطي حق ولا تاخذ حق

ماحنا ملزومين فيك بنرد على الخطا بخطا عرفت والا باقي ماعرفت

وابي منك رد قبل لا اكمل المحاوره معك على الخاص ولا العام

[ابن مسلم]

الجميع بلااستثنا اتركوا ذياب في حاله يمكن الرجال
خلاه القاف يعصب وخرج عن اطار المحاوره لقصد حذفها
لكن الزموا اماكنكم واتركوه يعبر عن شعوره النبيله
اللي تدل عليها الفاظه


سم ياعم


تأمر أمر وحاضرين

غالي والطلب رخيص يابوسعود سمعت يابوعبدالرحمن هدؤهدؤ

[الطوفان]

هلا يالله حيها علومك يابو عبدالرحمن

خل الطواريق تراها ماتكلف على اخوك

يمسح على روسها وتمشي له طوع


افااااااااااااا ياذياب علومي علامها

وانا خابر انك كفو ولا لحقني فيك شك

تحياتي

[إبن ثعلي]

صح السان الشاعرين وعاشوا المتابعين
تحياتي

[شاعر روق]

جاوبك الطوفان بنفسه ولا اعتقد ان في كلامه شي

[إبن ثعلي]

ياشاعر روق كأن المحاوره خرجت عن اطارها الصحيح بتأثير من المشجعين وأرى ان تشاورالأخ ذياب في حذفها لأن الهدف هو اظهار المواهب وليس اظهار العيوب والغمز واللمز
تحياتي

[محمد بن دغيم السميري]

اضم صوتي لصوتك يابن ثعلي محاوره لاترتقي للمأمول

[شاعر روق]

الراي لك يابو عبد الرحمن وانا حررت جميع الردود الا ردين
كي تبقى حجه واظن اخونا ذياب فعل مايريد لانه اراد حذفها باسلوبه
والكلام واضح امام الجميع والبادي اظلم انا بدعت و ذياب خرج عن الجاده بتعليقات

مالها اي داعي والمعاير ماهو من شيم الرجال

[شاعر روق]

يالربع الطاروق فيه شي فيه كلام غير لائق
قولولي اما اذا كان معجزه فانا مابغيت اعجز احد

واما اذا كان قصدك يامحمد الردود الجانبيه فااعتقد ان التحرير يكفي وانتم وشوركم

[متعب العتيبي]

المحاوره مافيها شيء ابداع واظهار مواهب

بس ياليت اللي يتفرجون يلزمون الصمت والحياد افضل

الدعوى كلها تسليه ولعب وبعض الكلام ماله داعي مره