مداعبه شعريه

[اخو من طاع الله]

قصـيـدة/مـحـمـد بـــن عـبــدالله الـدســم الكبـيـسـي


جيت المجالس لقيت الابواب مردوده=ماهو بعاده في حق الناس الاجـوادي
من يطلب العز يبذل كـل مجهـوده=حيث الردي دايـم ماهـو بنشـادي
هذا طريق عسيـر متعـب صعـوده=ياكود واحد لبـذل الجـود معتـادي
ياغانم الوقت بلاني اليـوم بجنـوده=واصبحت انا في هموم زايد اجهادي
ان اقبل الحظ خل الخيـل مهـدوده=وان ادبر الحظ قطع منهـا الاقيـادي
مير اطلب اللي كريـم دايـم جـوده=رب رحيـم لعـون العبـد مـدادي

الــــرد/ الـشـاعــر غــانــم بـــــن أحــمـــد الـكـبـيـسـي

مزن نشا من شمال ضجت رعـوده=مانيب من ضجـة الرعـاد شـرادي
النفس تفرح بشوف الغيـث وتـروده=ياما قطعنا شمال الحد مـن عـادي
يالشاعر اللي جهلنـا يمـه حـدوده=خلك على الدرب حاذر تخطي الجادي
النفس من جور وقتي الشين مضدوده=شافت وعافت لذيذ القوت والـزادي
يامحمد سروج خيل الوقت مشـدوده=ياما فجت قبلنا من عصـر شـدادي
يامحمد اطباع هذا الوقـت مقـروده=تبدل الوقت ضاعت سلم الاجـوادي
الناس في ذا الزمان تقول مطـروده=دنيا المصالح على عشاقهـا تنـادي
ان قل مال الفتى حالتـه مضهـوده=وان كثر ماله فلو هو هافـي سـادي
والمجلس اللي تقول ابوابه مـردوده=ماحط بيـت علـى راعيـه كـدادي
كم من مشير رماني بحيـد جلمـوده=مانيب عن هرجه الحسـاد نشـادي
نبني المجالس ونضمن باقي رفـوده=والرزق عنـد الـذي للعبـد مـدادي
والحال من فضل رب البيت مسدوده=والعمـر لابـد مايقفـاه حـصـادي
يالشاعر اللي فهمنا طيـب مـردوده=أمر ثراني علـى مـاردت سـدادي

[مخاوي النشامى]

عبد الله الحافي
سلمت يمناك على النقل الرائع كما عودتنا
وصح لسان الشاعرين

[الشــــيبانــي]

اشكرك اخوي عبدالله من اعماق قلبي على النقل الجميل
تقبل تحيات اخوك الشيباني

[فهد بن فهم]

شكرا لك ياكحيلان

نقل رائع وموضوع جميل

لاهنت

[إبن ثعلي]

مشكور يااخ عبد الله على حسن الاختيار
تجياتي

[برقاوي هواوي]

صـح لسانك اخوي عبد الله وصح لسان الشاعرين
وبيض الله وجهك على الاختيار والنقل الرائع

[النـايــــــف]

بيض الله وجهك يا ابو عابد


على هذا الاختيار


تحياتي لك ،،،،