قصيدة يا معذربين اهل القنص

[اخو من طاع الله]

يا معذربين اهل القنـص بالبهاذيـل=اخذو اهـروج الـي لقاكـم يعلـه
ان سهـل الله بالليالـي المقابـيـل=ديوانكـم مـا عـاد رجلـي تدلـه
باكـر لمنـه بـدل الجـو تبديـل=وجه الشمال والوثب بالكوس غلـه
لا قام من عقب البطا يزحف اليـل=علـى النهـار بساعتيـن ويسـلـه
عقـب التوبيـع وكلابيـن وسهيـل=لاصرت بظلال الضحى مـا تملـه
لا فارقن خضر جديـد المحاصيـل=لا شفت مقعاد العصر طـال ظلـه
هـذاك والله دورنـا يـا العواذيـل=يالـي طربكـم صورتـن بالمجلـه
انا طرب قلبـي هذيـك المداهيـل=لا صـارت الحـره علينـا مطلـه
غربي مهيل بيـن ذيـك الشخاليـل=وقت العبور وصيدهـا حـل حلـه
لا جيت من جليقم علوم ومراسيـل=وجابوا علوم الصيـد دقـه وجلـه
ثـم انتوينامـه ارجـال حلاحيـل=النفـس معهـم دايــم مسفهـلـه
كلـن جهـز مـوتـره التدابـيـل=يبي الـي لا راحـت عليهـم يتلـه
ربعن نشامـه بالمواقـف رجاجيـل=والا الـردي معنـا شحيـح محلـه
وقـت المغـذا كلبوهـم شواغيـل=محدن حسب خدمـه خويـه مذلـه
اكبرهـم لا دار ببيـض الفناجيـل=من خف روحـه بينهـم زان دلـه
منزالنا قاعـن عسـا فالـه السيـل=عقب الحروره وكـل روض يبلـه
عاقـن توسـع خاطـري بالتعاليـل=الشيح فيهـا مـا كـل الخـد كلـه
يا عاذلين القلـب والله مـا اشيـل=عديـت كـل نجومنـا المستحـلـه
راعي الولع من كثر ما يرغب سهيل=كنـه خليـل فاقـدن شـوف خلـه




الشاعر حمد السعيد

[برقاوي هواوي]

صــح لسانك اخوي عبد الله وصح لسان قايلها وسلمت يمناك على النقل الرائع

[مخاوي النشامى]

صح لسانك ابوعابد وبيض الله وجهك على القصيدة
وصح لسان قائلها

[طلق الشيباني]

صح لسانك اخوي عبد الله

وبيض الله وجهك على الاختيار المميز

تقبل خالص تحياتي

[الشــــيبانــي]

مشكور اخوي عبدالله على القصيد
وصح لسان قائلها

[العريدي11]

صح لسانك يابوعابد الله يعطيك العافيه

[محمد العتيبي]

عبدالله الحافي

مشكور على النقل وصح لسانك ولسان شاعرها

تحياتي

[طيب الفال]

أختيار طيب وجزل يالحافي

لاهنت وسلمت يالغالي

تحيااااتي

[اخو من طاع الله]

صح بدنكم وشاكر لكم تعليقكم

[النـايــــــف]

تنقل إلى قسم الشعر الشعبي


تحياتي