فتاة الوشم ـــــ مرثيه

[الخيّال]

هذه قصيده للشاعره المبدعه فتاة الوشم تنعى فيها سمو الامير فهد بن سلمان رحمه الله


ما اوسع طعونك يا حدث عام الالفين=ما تنتعالج فجعةٍ راعت الناس
يابو فهد في لوعتك لك معزين=وكل على نجلك شرب علقم الكاس
وحنا لحزنك ياذرانا محازين=نفديك يا سلمان بقلوب واحساس
نبكي فهد جابر كسور المصابين=ريف الضعيف اللي توالاه الاتعاس
اليا زبن مجهد القل والدين=يبكي وينخا يا فهد يا اصعب الراس
حرٍ تنهض وانتفض بالجناحين=من يشتكي له ما يعود بالافلاس
يا عين هلي وانثري الدمع يا عين=كما نثر حبرٍ على صفح قرطاس
لو الحدث فجأت قوم مغيرين=والله لننطح عن فهد قطع الانفاس
اليوم يا نجد العذية فهد وين=انا اشهد ان جوك سقط منه قرناس
مرحوم يا شيخاً بني فوقه الطين=في غربته يالله تمده بالاوناس
نهدي الدعا له من قلوب المحبين=من حبه الله ساد حبه مع الناس
فهد مراويح الكرم بيرق الدين=رمز الصخا لو انطوى دونه الياس



تقبلو تحيات الخيّال

[سمران القثامي]

الأخ الغالي / الخيال الله يسعد مساك بالخير والعافية


قصيدة رثاء تفيض حزنا من شاعرة راائعه نسأل الله ان يتغمد الفقيد


بواسع رحمته


أخوك/ سمران القثامي